唔係下化......

今日, 唉, 又係要返八點半, 上吹水堂, 最後都係訓o左......
呀姐佢嚮之後堂Tutorial出現, 不過我都係唔想上呢堂吹水堂......
上完堂, 之前SAO媽媽講話今日有個講interview o既野上, 同個鬼婆佢講, 發現原來都有成十個人一齊, 有o的仲係識o既添, 但係佢講o的野其實都已經聽過, 而且...... 有功課, 唔係下化......
之前佢地話係食外賣麥記, 點知俾William佢地fake起o左, 最後得翻我地五個食, 唔係下化......
跟住兩個Lab, NT2A無乜野, 做到Trunking, 但係個DT又係唔係好掂, 又要人救, 講都無講到, 鬼識做咩......
放學, 去o左食炸魷魚, 食完又點會有錢打機丫~~
夜晚, 除o左打機之外, 就係想做PQM 個Tutorial, 但係都係唔易做, 最後放棄o左......
哈利波特, 又睇多o左一個Chapter, 但係點可以嚮星期日之前睇哂丫, 無耐咁要還翻俾人, 又要測驗, 點睇呀, 盡量睇咁囉......

唉, 又係咁灰......

今日本來唔駛返學, 但係要返去做o個個ccna test......
晨咁早起身, 去o左民政署度宣誓, 寫o左一大堆自己個名之後就等個宣誓官黎, 佢遲到o左五分鐘喎, 原來佢係一個幾後生o既女人, 哈哈, 我總共做o左五份證書, 每份五張, 加上張宣誓紙要佢簽四個名, 咁佢就要簽o左總共四十五個名, 哦, 佢都簽到有o既唔耐煩......
之後去打o左陣機, 又過o左四話, 之後返到去, 做多次藍芽, 今次就俾我攪掂喎, 頂啦, 都唔知有無攪錯, 但係就得1Mbps, 慢到好似56K咁, 仲有時得有時唔得, 頂......
再黎就做o個個ccna sem 3 final, 點知個答案係唔中, 今次食蕉啦, 勁多人做唔到70%, 我都只係得70.9, 只係好彩咁囉, 最後就出o左去食野, 點知呀恆同班長話咁快就走o左, 佢地去觀塘度食, 我地就去o左維園度食囉, 十三蚊個得一塊薄到屎o既日式豬肉公仔麵, 頂...... 之後偷o左呀姐o的朱古力豬屎波, 點知呀輝佢話芝麻唔好食喎~~
頂, 呀輝佢又話去搭迪迪尼線, 車...... 最後咪又係唔去, 頂......
返到黎, 呀輝佢去交Timesheet, 我去交o左電話費, 睇o左陣人打機, 最後都係忍手無打到......
返到屋企, 訓o左陣, 無mood做功課, 又係掛住most wanted, 今日唔得點解係咁俾差佬捉到囉, 頂......

唉

今日諗住拎o左成績表去做Verify True Copy, 咁就遲o左...... 點知返到去實際都唔係得好多人返到咋喎, 咁都有o既?!
上完堂, 食完個早餐, 諗住去秘書處度問下點幫我做Verify Copy啦, 點知佢話可以幫你整過另一份成績表, 但係呢就一百蚊一份咁囉, 係一份, 唔係一次, 唔係下化, 蓋個印都成百蚊份, 食蕉啦, 頂
之後上個Wireless Lab, 做唔到Bluetooth個connection囉, 頂啦, 攪o左兩個鐘都係咁, 唉, 灰......
上完DT Tutorial, 食個Tea之後又去o左再攪多次Bluetooth, 頂, 咪又係唔得, 仆啦
上AP又係訓, 唉...... 但係有人幫我問到去民政署度宣誓做Verify True Copy係唔駛錢囉, 正啦, 就算要錢好過俾vtc賺.
放學, 勁多人搭校巴, 去o左搭巴士, 之後去o左食o左o的野, OK度終於都買滿廿蚊啦, 儲齊三隻miffy俾我條電話繩啦~~
今日又無去打機, 夜晚, 又係most wanted, 哈利波特咁囉, 無mood溫書......

仆.....

今日又係返工, 返到去, 見到Joanna, 本哈利波特都未睇完, 無還到俾佢, 下個禮拜先還, 但係都係驚睇唔哂, 咁多野做, 點得閒睇呀, 唉~~ 笠o左人地hold書o既黎睇, 哈, 俾我睇到成個Chapter呀, 嘻嘻~~
放工, 去o左Tune車, 點知三局輸o左兩局, 過得一話...... 之後原來呀輝佢都未走喎, 去會o左一會佢就走o左去諗住打翻局全走, 我頂, 揀TA之後佢竟然同我入唔到錢玩全走囉, 三個銀都係咁喎, 我仆啦, 好無耐咁就Timeout去o左C1 In, 仆......
夜晚, 又係咁煲most wanted, 終於玩到39%~~

又三日記

又再寫多三日記先~~ 呢排好忙, 好多野要做, 唉~~ 星期四, 好o的, 今日只係返十點半, 但係就只係返一堂咁大把, 頂...... 上堂都係無乜點聽過書, 聽呀ken講, 星期二個Accreditation得o左, 咁都好o的~~ 去翻工程師個網睇, 原來只係得我地青衣IVE有accerediate到, 屯門IVE係無架bor~~ 放學, 佢地又係食麵, 但係唔知點解勁想食飯喎, 最後都係去o左食車仔飯, 今次係外賣, 買返翻學校度食, 墨丸佢有帶都咁無聊同我一齊, 同佢傾o左一o的佢同佢女朋友o既野, 發覺佢兩個真係有o的野, 唉, 呢o的野, 我呢o的局外人又可以點幫佢丫, 唯有你自己努力啦~~ 返工, 早o左好好好多, 發覺今日好似好多野都已經發生過咁, 點解會咁o既呢?? 同一樣o既人, 同一樣o既問題, 究竟係有前世今生定係人根本係一個Loop, 做黎做去都係o的咁o既野呢??
星期五, 尋日同班長佢借o左o的三國卡卡黎玩, 本來諗住九點同呀輝佢一人一局, 點知...... 都唔好計呀輝佢塞車, 我九點去到都已經咁多部機都Full o左, 無奈...... 之後同呀輝佢玩o左局灣岸, 佢真係超新手, 撞到九彩, 下次同佢玩600HP算啦~~ 而我就係咁閃燈, 架大淩就拎o左個passing guy o既稱號, 幾好丫~~ 返學, 早o左o的, 經過Wellcome, 見到杯麵平喎, 就咁就買o左返去啦, 之後諗住去204度scan o左張cisco cert, 點知...... 呀Rick駁scanner部機之前俾人拎o左去做skill test, 攪到裡面痴線, 張SCSI卡無駁到, 唔係下化, 乜咁玩法呀...... 無計, 要等佢痴翻好o的線先囉...... 之後去上DT, 派Test呀, 估唔到呀姐只係差我一分咋, 乜佢咁勁o既......
上堂又係明o的唔明o的咁, 唉~~ Lunch之前, 去o左204度Hai o左陣先食飯, print埋cisco張cert, 杯麵, 原來呀恆佢又買o左杯麵喎, 點知呀班長佢又話我地夾埋囉, 算囉, 你話係咪係囉...... 頂...... 食完飯, 又係去o左204, 呀恆佢帶o左佢條BG3匙返黎, 而我地就用o左一個好暴力o既方法去整爆o左佢, 原來條匙入面只係得一個coil, 呀Rick佢又有RFID o既reader, 乜佢間房咁多野o既...... 不過最後都係唔成功, 莫講話條匙, 就連佢本身張卡都read唔到, 車~~
下晝個AP Lab, 又係Hai下Hai下咁過, 佢地又係嚮度睇軍曹, 點知Edmund Chiu話我地嘈, 哦咁...... 我發覺佢真係好好人, 起碼對我地係好好咁先囉~~ 之後去o左聽o個UST o既Admission Talk, 佢講o既同我知o既唔係差好多, 佢話原來o個o的Verify copy 係可以去Admission度做喎(聽住先, 聽日有個頂癮o既答案)
之前俾o個張Cisco Cert俾呀Ken做verify, 點知...... 聽完個Talk去搵佢都搵唔到以為佢走o左, 點知搭地鐵o個時佢打黎, 下乜佢未走架, 原來佢五點半o個時只係行開o左, 哦咁...... 真係有o的唔好意
思......
搭校巴o個時, 得我同班長搭, 其他人無聽到個Talk已經走o左, 同一個SAO媽媽一齊(佢話自己係媽媽, 唔係姐姐), 吹o左陣水, 話下兩個禮拜有o的improve english interview o既野聽, 星期三十二點至一點, 都好喎, 唔錯~~
返到去, 試下條BG3匙, 點知呢...... 係唔得架, 唔通真係壞o左, 攪到我浪費o左兩蚊, 仲要輸o左俾電腦, 頂......
夜晚, 係咁煲most wanted, 但係都只係去翻之前o個個進度, 算啦, 好眼訓呀, 聽日先繼續......
星期六, 今日要返工呀, 不過好近, 可以訓耐少少, 起身, 打o左去UST度問下係唔係有得去做o個個Verify, 點知佢話呢兩年都無o左呢樣野, 只係要個Transcript做Verify就得, o的中五中七係唔駛, 因為你有CE同AL個result咁, 我心諗, 下, 咁簡單, 仲要係唔一定要within 兩個星期, 呢個只係一個guideline, 唔一定要o既咁, 我心諗, 咁都得?! 早知唔駛咁趕啦, 頂......
返工, 返到去, 自己還o左本書, 本來以為無乜野, 點知俾老細講o左句話唔好自己攪o的機呀, 還書叫人地幫你, 下, 邊條仆街咁仆街, 報串, 頂丫, 好彩都係返埋今日, 下個月唔返呢度, 都係香港仔好o的~~
放工, 諗住去玩翻局全走, 點知Game&Fun竟然咁多人, 算, 聽日先再玩過......

三日記

幾日無時間寫野, 一次過寫啦~~ ←果然係一隻懶鬼
星期一, 測Wireless呀, 今次真係仆到一直, 一定會慘淡收埸, 本來諗住早o的返, 但係臨走o個時呀婆佢叫我幫佢搥骨, 攪到遲o左, 返去到已經開始o左, 唉...... 一睇份卷, o的MC有一半唔識, o的short quection 又有一半都未見過, 估唔到佢會咁問, 頂啦咁就, 唉...... 都未試過咁差o既情況發生......
之後本來Simon Sir叫o左我同班長佢同班Year 1講野, 但係點知呢, 夠鐘都未見有人嚮度喎, 唔係下化~~ 等o左一陣, 放棄, 去204上AP, 又俾我地見到Simon喎, 跟住佢咁啦, 去到咪又係咁少人, 過多半個鐘先再去過啦. 之後再去, 講o左一o的以前Simon同我地講過o既野, 唔識唔緊要, 繼續睇落去啦, 點知真係有人笑, 同舊年我o既反應一樣, 但係原來呢句野係真架, 遲o的佢地就知架啦~~
食完個Lunch, 上DT Tutorial, 點知成個Lab都上唔到網, Lab Tec話隻Switch 死o左, 但係最後reboot完咪又係唔得, 車, 全部人都係hai住咁過, 最後係乜都無做過......
之後就又係去o左呢個314想做埋個java, 點知成班人都係嚮度睇軍曹, 笑到死哂~~
上完AP就返歸, 今日竟然無入到機舖, 個腦嚮java度, 無心機打機, 返到去, 打o左陣most wanted之後就係繼續做java, 個GUI好難寫呀~~
星期二, 工程師學會黎我地到做個評估, 我都要去俾佢地問話, 佢地有o的問題都傻傻地o既, 咪又俾翻我地插, 但係相信都應該過到o既~~ 哈哈, 而且仲有餐食添~~ 爽呀~~
之後同呀恆佢去o左打機, 無錢, 只係玩o左一局, 大淩, 佢地送星俾我, 之後o個埸我自己又係唔爭氣, 係咁炒, 唉...... 最後睇呀恆佢玩, 連續贏o左十幾埸, 頂, 四蚊玩成粒幾鐘, 無野好講...... 成五點先走
夜晚, 掛住做Java 個GUI, 諗極都係做唔到, 成兩點先訓, 算啦, 聽日又唔駛返~~
今日, 十一點先起身, 打o左陣機, 做o左陣Java, 食o左個飯, 出街~~
去o左GameZone, 打機, 過卡, 點知入卡個時Jam卡, 熄機再開, 攪到另一部死o左, 對戰完唔到, 第一o個個贏成萬幾米, 而且係仲加緊, 等我過完卡, 玩o左一局先全部機熄哂, 再黎過, 而我都係繼續Tune車, 終於都俾我唔hi牆過到o個隻灣啦, 但係相信都係靠好彩, 用o左成廿蚊先過到兩關(計埋過卡錢, 我無咁屎~~) 之後去o左幫人拎贈品.
夜晚, 試一個crack o個時仲招, 應該係中o左spyware, 又無裝antivirus, 算, 再裝過個windows, 點知, 唔記得backup most wanted個save, 唔係下化, 又要由頭再玩過, 我已經玩o左26%架啦, 灰......

死得

今日係嚮一個又未溫哂書, 又好眼訓o既情況下返工......
返到去, print o左上年份Test野黎睇, 唉, 有幾可係咁丫, 唔死都唔會嚮返工o個時溫書, 唉......
上個禮拜有人問過我點解唔做埋星期六, 而家再問清楚, 原來真係因為另一個人做野做得好唔掂, 乜我咁勁架咩?? 有o的意外~~
書, 都係溫唔識, 返到黎, 都係唔識, 唉, 聽日點算啦, 死得啦, 又玩o左陣nfsmw, 都係唔識, 頂, 終於俾我上網搵到份台灣o既wireless notes, 有翻o的眉目, 但係都係唔明, 算啦, 死就死啦, 訓.

我失戀於迪士尼（二）

兜了三個圈　四步已停轉　
這份愛耗完了　如何能尋溫暖？
這夜旅途中　再沒氣力轉　
你看透入場券　令我離奇失戀
再問你　你話連夜候票也真的太倦
你跟我　再沒緣份下世紀　都不可再戀
一生也亦記起　於這迪士尼
深深憶記伴我亦欠悽美
那過山車不斷旋轉也不感快樂相戀感覺你是靠裝
喜的感覺亦已死　
知戀愛結局來到後尾都需要別離
一生都記這失地　連日做惡夢也因你
告別你　約會某君伴我去走這片地
卻希冀　再共你乘坐客機可捉緊你飛
清洗那段記憶　都刪不走你
想通宵達旦懷念那空氣
米老鼠都揮開我雙臂
失戀過後巴斯都要背著我飛
當卡通各自遠飛
即使到最後遺掉熱愛只得到維尼
失戀使我痛心地難道白雪又愛死你？！
巴斯與白馬都不需要討好
因千般法術難令我喜舞
見泰山不想跟我傾訴
因此你亦恨心拋棄我獨個數
天色昏暗萬尺高　
偏偏身邊遺留陪伴我只得番簡泡
卡通主角離開　胡迪來伴我亦欠可愛

我失戀於迪士尼

兜錯幾個圈　要自覺停轉
這份愛耗完了　然而留下心酸
結伴旅途中　有沒有留戀
摺合了入場券　如何重拾溫暖
你共我　每步遺漏下了太多的片段
已拉斷　這夜平靜地結束　身心都碰損
他朝某日記起　煙火迪士尼 小公主美麗仍被你拋棄
野獸先生拖緊我的手輕輕散步 低聲安慰卻沒法比
心知經已沒有棋　只想有個樂園容納我殷准我細味
一生抱著小飛俠　忘掉在這夜 我跟你
告別你　看著胡迪為我與獅子競技
卻希冀　再共你乘坐客機 可捉緊你飛
不必再默說起　不必再皺眉
漆黑中午夜懷念那空氣
米老鼠跟他的笑聲似歌聲 卻又捉不緊你再沒有機
當卡通各自遠飛 捉緊到最後陪伴著我的總要別離
失戀使我痛心地 難道白雪又會生氣
欣賞美麗國都 等他去羡慕
天邊星宿亦圍著我起舞 有泰山 不必跟你傾訴心中愛恨多少主角也未夠數
天色昏暗萬尺高　今天已過後明日待我給他個愛慕
組織一個童話　沒期望共你愉快終老

未溫哂書呀

好眼訓, 但係都要起身返工, 唔返工又邊有錢丫, 唉......
同屋企人去o左飲茶先, 之後就去返工, 坐足成日, 無乜大件事發生, o的OPAC竟然咁耐都無hang到喎, 奇蹟呀~~ 但係發覺條男廁鑰匙唔見o左, 仲要黎唔見o左一排, 唔係下化, 咁咪次次去廁所都要問人拎匙?!
夜晚, 溫下書, 又玩下NFS, 唉, 未溫哂呀, 點算呀......

班長生日

今日班長生日, 之前兩日佢都係唔理我地, 本來我地今日諗住攪o的野, 到尋晚都係未知攪唔攪得成, 我地就無乜問題, 至於佢就自己諗掂佢啦~~
同尋日約定一樣, 早半個鐘返去, 同呀輝佢買o左盒卡套俾佢隻三國用(實際係WCCF卡套, 係得呢種咋), 搭車o個時見到呀姐佢同個蛋糕, 用報紙包好盒套, 整o左個電話嚮面, 頂癮~~ XDD
返到去, 等o左陣, 佢到o左, 好似無野咁行埋黎, 撩下我地講早晨, 睇得出佢係有o的野, 我地就當無事發生過, 大家happy 啦, 話哂都係佢生日, 切+食蛋糕, 咁就去上堂~~
上完堂講得好快o既DT, 佢仲話要星期六返黎make up class, 唔係下化, 講笑咩, 好彩最後都無confirm~~
上完DT, 去o左204度做埋個陣間要交o既AP Lab先, 之後先去食飯, 無位丫嘛, 亦都無錢, 原來諗住出去請班長食, 但係呀姐又帶o左飯, 最後我都係canteen杯麵......
之後堂AP Lab, 度o左陣Assignment, 頂, 一問之下原來我係做錯o左呀...... 又要返去改...... 星期一個Wireless Test都未溫, 都係唔做住, 路過機舖而不入(無錢, 入黎都無意思啦)
夜晚, B埋隻NFS: Most Wanted落黎, 但係又要搵個sd4hide先玩到, 最後都得, 正~~ 但係就有o的似Underground, 不過都唔錯丫~~
玩o左陣, 溫書溫到成兩點先訓, 但係都係未睇哂o的notes, 星期一點死呀!!!!

頂

頂, 今日都唔知點解咁眼訓, 搭車o個時呀恆打俾我, 荔景等, 班長真係無搵佢, 算囉
返到去, 唔知點解PQM個Lab咁凍, 好眼訓咁做, 唉~
尋晚諗住攪埋UST 個 application, 點知呢, 我頂丫 真係max 25 lines, 仆, 改到無得再改, 頂唔係下, 今日諗住俾Miss final check, 點知一睇佢timetable, 得下晝得, 唔係下, 我要返工喎, 去搵佢, 佢都唔得閒, 焗住聽日先囉, 唔係點呀, 唉......
之後個NT2A Lecture, 訓o左好耐, 之後又掛住溫Wireless, 基本上都係無乜點聽過書......
終於都放Lunch, 點知呀偉佢有o的唔舒服, 俾姑娘佢睇o左陣, 而我地就講下班長o的野, 其實應唔應該聽日繼續整蛋糕呢, 買唔買禮物呢, 真係, 唉~~
去食飯, 無時間啦, 又無位, 最後係自己一個食車仔飯, 但係中途見到有班CT喎, 同事加同學咁啦, 原來駱克個呀東都係TY IVE架bor~~ 不過原來佢係因為做細館太悶而唔做, 呢個都可算係一個好好o既理由...... 而且仲要有靚女都識唔到......
返工, 無乜大件事發生, 攪下個AP Assignment, 咁就放工~~
放工, 都係無錢打機, 但係呢就問o左原來o的卡套係WCCF o個o的黎, 打俾呀恆佢又唔得閒, 都唔知買唔買好, 唉, 一日都係班長.
夜晚, 諗住快快手B埋隻need for speed most wanted黎玩, 點知佢同我斷o左幾次線囉, 我頂, 而家都只係得400K, 有無攪錯呀, 咁慢架, 頂~~
唔理啦, 聽日先繼續啦, 好眼訓呀！！！

班長

今日返八點半, 唉, 好眼訓呀, 最後返到去訓o左半堂......
之後上o個個Tutorial, 呀Sir話之後個Test唔係open book, 班長即刻好唔好老皮係咁話點解唔open book, 呀sir都有講話如果係open book就出o的out syll野, 到時你未仲死, 今次只係會出tutorial野, 其他只會係好少好少咁, 係人都明啦, 但係班長佢又係咁話點解唔open book囉, 話你唔係下, 放水放到咁你都唔明, 之後佢又係咁自閉, 算, 唔理你, 連呀恆佢都理就我地都唔理, 呀偉講得o岩, 出到黎做野你咁o既樣, 死o左好耐啦.
lunch我同呀恆去o左買杯麵食, 無錢, 無計...... 食完, 玩o左陣抽龜, 釣魚, 再加"打"手, 哈, 過癮耶~~
之後上NT2A Tutorial, 有爆機檔, 爽~~ 但係之後個DT...... 好似好易, 做落就...... 最後都得, 呼~~
班長佢自己一個走, 算囉, 你咪走囉, 去到校車到見到佢, 我地掉頭, 係我地唔想同佢一齊, 坐Van 仔.
返到黎, 今次唔著見NTC褸入機舖啦, 唔係成日陣味都唔哂呀, 玩o左局BG4同BG3, 兩局都係贏唔到, Lv2咋喎, 灰......
夜晚, 執o左舊年o的Lab呀Test呀咁聽日帶返學, 要俾呀Sir佢下個禮拜工程師學會黎做o個個學術評審, 執o左一大"答"出黎......

AP 測驗

今日測AP呀, 之前o個日約o左呀恆佢地十二點葵芳等, 但係班長佢又話尋晚睇下點先啦, 我頂呀, 尋晚又唔見佢打俾我喎, 今日打俾佢, 佢走黎話唔係你話十二點葵芳等咩, 我...... 地鐵o的車又o岩o岩走o左班囉, 等o左成個字先有囉, 最後我地係成十二點四先去到......去維園度食, 叫o左個牛扒意, 但係o的牛扒係"林"到好似霉咁架囉, 頂......之後去打o左陣機, 呀姐佢落o左黎喎, 原來係班長打俾佢~~ 之後就返去204度溫書, 做下個Assignment, 終於都得o左~~ 今朝先搵到o的野, 易好多, 但係原來係要一次過儲哂o的data落去個object度, 唔做啦, 溫書啦~~
上到去Test, 本來以為係Edmund 黎監考, 點知原來係一個唔識o既呀Sir...... 班長佢坐我隔離, 佢就係咁問我拎野, 頂啦, 自己又唔溫書, 又嚮度旨意我, 小 ="=凸
份Test都唔係好難, 但係就...... 已經知道無o左幾分...... 未必丁到囉......
問o左呀恆佢拎條BG4車匙去玩o左局, 無錢, 只係玩得一局, 我發覺我o的技術真係好差, 玩上級, 但係玩到Times up...... 幫佢拎到60, 000BG幣
夜晚, 本來想攪埋個Assignment, 但係...... 最後就Format o左部機, 因為真係傻得好緊要, 乜都要裝過, 聽日仲要係返八點半, 唉.......

灰

今日返九點半, 但係都要八點半出門口, 唉~~ 個個星期一呀輝佢都會遲o的, 今日都係一樣, 佢都等得我多, 我等下佢又有乜所謂丫~~
返到去, o岩o岩好九點半, 但係呀Ken竟然未到, 好少有喎, 等o左三個字, 佢都係未到喎, 班長佢就打俾佢, 點知...... 咩話, 佢竟然唔記得要上堂=.=" 好急咁落黎, 乜都無帶咁就上堂, 勁......
之後, 有一個鐘食早餐, 之後就去o左搵Miss, 佢即刻幫我改o左篇文, 但係有o的位係之前F.7個呀Sir幫我改過都有錯, 乜咁o既?!
之後去上Wireless Lab, 做一o的唔識o既Tutorial, 之後又上DT Tutorial, 不過佢話上個week無教書, 唔駛做Tutorial, 只係教翻上次o的答案, 不過個Lecture就要做翻個Makeup class, 但係我地搵極都係無房, 咁點做makeup呀......
上完堂, 去食Tea, 又係錢呀, 如果個個禮拜都係咁你都咪話唔死得呀. 之後去o左204度攪翻好篇文, 但係始終都係過2000 Char, 叫呀恆佢地幫我執掂佢, 好難先得翻1996個Char, 慘......
之後上AP, 都係訓住咁過......
返到黎, 無錢打機, 睇下就算lu~~
夜晚, 溫書呀, 聽日測AP呀, 點知...... 個Windows傻o左, Textpad Run唔到Java, 唔係下化, 焗住用個Mobile Harddisk做, 無計......做下個Assignment, 不過...... 發覺有o的野頂住o左, 搵極都搵唔到, 成點幾啦, 唔理lu, 訓, 遲o的先算...... 灰

眼訓

今日要返工, 遲o左起身, 遲o左搭巴士, 行去跑馬地度搭, 本來諗住搭o的比較密o既車, 點知...... 一黎就黎架37B ← 我本來搭o既車 唔係下化, 早知就等啦, 唔駛行咁遠......
返到去, 尋晚訓唔夠, 有o的眼訓...... 同個同事講開, 原來佢上星期四見到我等呀輝, 點解佢唔叫我o既?! 原來佢o個日已經遲到......
放工, 今日早o左, 去o左搭90, 海旁度落, 行翻去金星度, 見到有兩個N Class喎, 一個完o左, 另一個唔(識)熄挑, 咁我就用o左架Corolla黎玩, 又呃多一粒星星~~
夜晚, 作埋篇文, 頂, 都係過字數, 唔理啦, 聽日叫Miss幫我改o左先算~

openday 二 加 拎獎

今日都係返o左去openday, 但係得我自己一個, 唉~~ 約o左呀恆同班長佢地嚮青衣度等, 但係呀班長佢掛住打機囉, 成十點先出現, 頂佢丫 =.=凸
今日本來諗住唔係好多人, 但係搭車去到就...... 見到一大班學生...... 今日都有人黎, 但係我就好懶咁整係用個Simulator黎做Demo, 估唔到真係有一問野, 呢個學生真係掂, 好明顯佢係對電腦好有興趣~~ 但係就成朝都唔見呀Ken, 唔見佢真係唔得架, 因為會無飯食...... 打俾佢, 單聲俾佢知我地嚮204, 終於都有飯食啦, 但係都見唔到佢, 只係呀恆佢俾我...... 班師兄佢返o左黎, 吹o左好多水, 知道o左好多野~~ 食完個飯, 上o左Library拎多條電話繩, 今次係傻豹~~
返到204, 見到呀Ken同一班師吹緊水, 又問o左好多野, 之後就落去個ICT Gathering, 原來我個獎呢, 係First in Course, 每個Course每個Year得一個, 哈哈, Billy佢地只係嚮度聽, 乜都做唔到, 完o左之後有野都唔食, 急急腳就返翻上去~~ 但係...... 我返到上去, 打開個信封一睇, 唔係下化, o的獎學金...... 得五舊, 係得五舊, 頂...... 無野好講囉, 想請佢地食一餐都唔得, 我唔想架~~
攪多陣就走lu, 緊係坐校巴啦, 點知...... 去到青衣機鐵, 見到呀John, 閃埋一邊, 佢見我唔到, 之後又係一個人搭車, 呢兩日都好累喔~~
夜晚, 我又整隻傻豹, 但係比起隻龜難好多, 攪到好夜, 始終隻手都差o的......

Openday 一

今日係學校Openday呀, 但係朝早呀姐佢打俾我話叫我等埋佢喎, 點知一見到佢, 嘩~~ 好靚女~~ 但係佢就話俾我知佢今日又無帶八達通, 而且隻鞋仲由頭痛到腳踝, 佢真係有o的慘......
返到去, 即刻攪好, 駁好哂o的Router, Erase 哂o的Config, 不過有兩部要做password recovery, 但係部機蝦我地, o的Commend打得o岩都唔受, 呀Sir一黎佢就得俾佢地睇喎, 連Router都蝦我地......
上晝個workshop, o的人都係唔係好明, 無計啦, 佢地都係Hai o既多......
食飯啦, 今年好過舊年好多, 起碼有飯食, 油脾, 粟米肉粒, 炒意粉咁, 仲有野飲, 好好多~~
食完飯, 去BSM度玩o左陣, 就落翻去攪下晝個workshop, 見有其他人嚮度, 同o左呀輝同呀祥佢去o左Library度玩, 仲?o左條要自己穿o既電話繩, 一隻龜龜~~ 靚靚~~
攪完個workshop, 去o左聽IPv6, 聽o左o的未來會用o既野, 唔錯~~
放學, 發覺有校巴, 去青衣城, 掂~~
夜晚, 係咁穿條電話繩, 但係我以前都未穿過, 攪o左好耐, 但係最後都成功~~

唉......

放工, 緊係去打機啦, 咁多日無打, 有o的生疏囉, 唉, 玩o左四局, 但係只係過得兩話, 一話一過就過到, 但係另一話玩o左三次先過到, 唉......
夜晚, 緊續作文, 唉, 都唔知點作好......
上網, 諗住去睇下人地o的日記, 點知去到呀姐o個個, 有個密碼, 唉, 鎖o左, 乜都無得睇, 唉......

雜

今日本來係返十點半, 但係就早o左o的o的, 要Print埋open day o的poster
搭車o個時, 同呀輝佢諗下o的箭組用乜野貼落去張poster好, 提起呀姐佢支百達叔叔, 點知一轉個頭, 就見到呀姐佢企o左嚮度, 乜咁邪呀...... 真係日頭唔好講人, 夜晚唔好講鬼呀~~
去Print野啦, 點知...... 去到搵呀大興o個時, 佢竟然話個Printer有一隻色無粉喎, 咩話, 我地早o的返就係想print野o者, 你竟然話無得Print...... 算, 去A204度上網...... 順手Print張A4 Size黑白俾呀Ken睇咁囉~~
今日著o左件NTC藍色風縷, 點知一入到去Lecture, 呀?即刻講o左句『哎呀, Eddie Ng呀』=.=" 唔係下化, 我似Eddie Ng, 好無奈咁囉......
上完堂去o左食車仔飯, 呀恆佢本來叫麵, 點知條友佢都唔知係睇乜o既, 俾o左飯呀恆, 間野已經唔係第一次架啦, 咁都有o既, 有無攪錯！！！
見未夠鐘, 返翻學校, 去睇o左陣呀姐佢射箭, 佢...... 唔係得好多支中個靶, 有支仲係High到個靶邊, 但係就彈o左去後面喎, 乜佢咁屎架......XDDDDD
返工, 都係做o的咁o既野啦, 到而都無驚無險, 呼~~
我發覺做CT真係好難可以融入去間館度, 因為好多時都只係你一個人嚮間房度對住一班唔係你同事o既人, 就算做細館無電腦房都差唔多, 因為你都只會係嚮出面度企, 甚少會嚮Counter度做野囉, 除非有熟人, 或者面表夠超厚(我都只係厚, 未去到超厚), 唔係你都幾難融入去~~

有o的病咁囉.......

今日要返八點半, 唉...... 又要晨咁早起身, 加上又唔知醒, 成搭十先搭車. 去搭校巴, o岩o岩好有位俾我同呀輝, 真係o岩o岩好, 最後上車o個個係我...... 但係八達通無錢都唔記得增值, 無哂o的散子......
返到去, o的人問起我個Tutorial先發覺原來我無帶喎, 囧...... 即刻去Print份出黎, 拿拿臨做埋佢, o岩o岩好......
嚮Canteen度食, 好豪咁食o左個日式咖哩雞, 都OK喎, 又無哂o的錢......
上NT2A Lab, 只係兩個人一組, 囧, 自閉, 自己一個做, 呀John都唔理呀, 但係無位, 入o左去204e度做, 但係俾呀Ken佢一言驚醒夢中人, Remote config, 爽~~
之後就要攪o個o的openday poster, 成五點幾先走, 諗住搵大興Print, 但係佢已經...... 走o左, 無計, 焗住聽日早o的返去print囉......
返到黎, 唉, 跟機又係無得打, 兩日都係咁, 無奈...... 睇o左陣人地玩新o個隻三國大戰, 好似幾正咁喎~~ 應該係正過WCCF~~
返到屋企, 有o的唔係好舒服呀, 啪o左粒約, 訓o左陣, 唉~~ 聽日仲要返工, 唉......

[心情小寫] 傻仔

[心情小寫] 傻仔

時間..timing...永遠都係左右人選擇的一樣東西

差o的遲到......

今日終於可以訓得晏o的啦~~ 唔駛返學~~ 不過要返工...... 士美菲路
又係平時o個個時間去搭車, 返兩點, 點三去搭車咁, 但係就頂啦, 成搭半先有車, 仆街啦, 死伙架！！！最後, 唉, 本來諗住早一個站落車, 行去o岩o岩好, 但係就唔熟路再早o左一個站落, 食蕉呀！！！唉, 好彩後都o岩o岩好趕到, 準時到唔準時, 呼~~
上書, 上晝, 再上書...... 慢慢咁上, 無乜問題, 得閒又抖下, 又再上下咁囉~~ 但係放工o個時, 有人叫我話拆埋報紙先走喎, 你都傻o既, 你出糧俾我就幫你手, 傻傻地o既~~
今次試下搭電車, 睇下同巴士差幾多, 發覺真係唔係差好遠, 只慢少少咁囉, 下次搭電車先~~
去機舖, 個個都成袋錢咁打, 跟到都遲返屋企啦, 唉, 算, 放棄......

Hai o既多~~

今日好少少, 返九點半, 不過都要八點半出門......
去到葵芳, 原來我地同班長呀恆佢地係同一架車架bor~~ 一出到閘, 走o左架校巴, 但係條人龍都係咁大條, 睇黎都係上唔到, 去搭小巴, 一過馬路就見到架小巴, 仲係有四個位添喎, 正~~
返到去, 終於都有聽書啦, 但係都係唔係好知佢講乜......
上完第一堂, 學校打黎, 話我上年成績好, 有獎學金喎, 星期六下晝兩點去A109度頒獎喎, 仲可以叫家人添, 哦?! 我都有獎學金, 咁So~~ 但係問佢有幾多錢佢都唔知, 乜咁都有o既......
之後三個鐘, Hai下, 上下網, 打下機, 咁過o左, 之後DT個Tutorial都係打下機咁過o左......
最後兩個Break, 踢下毽, 去204打下機, 又係咁hai下hai下咁過, 唉~~
最後o個堂, 又係訓住咁過, 但係Monde佢出奇地早o左放喎, 不過呀Ken佢走o左入黎講openday o的野......
個舊同學打俾我, 問我聽日得唔得閒, 去教佢用CrossOver Cable, 唔係下, 你早兩個鐘之後打黎我咪得囉, 而家聽日要返工, 點幫你呀......
返到黎, 打機, 原來我用700係過唔到落後4K o個關, 要用720......
夜晚, 開機, 佢竟然出個有o的System Corrupted, 咩話, 好彩最後都Recover到, 唔駛重裝......
食Lunch o個時, 呀?佢問我地有無試過發一o的夢係好開心, 唔想醒, 原來佢發夢同呀Gill攪野, 仲俾佢呀媽撞破, 但係其實係無乜野, 之後又有o的愛情故事咁, 我就諗翻起我發過一個夢, 係發翻一o的以前同佢一齊行街, 好開心o既情景, 真係有o的唔想醒, 不過一起身o個時就俾個現實打翻沉自己, 因為o個時佢已經同我講過話係無可能, 唉~~

煩人......

今日又要返工, 返到去, 今日咁多人返o既?! 唔係有人請假架咩?? 唔理lu, 入去問AL拎翻CT張證, 之後又要做野lu......
Joan佢留低o左本哈利波特俾我, 好野, 有野睇啦, 盡量嚮三個禮拜睇哂佢先~~ 但係o的人話本野唔可以整巢, 唔可以整花, 唔可以整爛......=.="
第 一個鐘, 有個煩人話自己帶紙print野唔駛錢, 點知佢預著呀琪, 要佢一定要俾錢, 之後佢就發哂難渣, 又話有人同佢講唔駛錢, 但係問佢係邊個佢答唔到喎, 又話呀琪佢公報私仇, 乜呀琪同佢有仇口架咩?? 又話我係無錢架啦, 你報警啦, 我地無人話要報警喎, 又唔係唔俾你走, 你咪下次先俾錢囉~~ 最後佢咪又係話見館長, 挑, 點知我地今日個老細又係一o的唔理事o既人, 見咪見囉, 挑, 呀琪同我地講, 我做得仲耐過老細呀, 大不了咪要寫薯仔文, 你吹得我有時間~~
最後見完館長, 咪又急急腳走人, 驚俾我地串, 點解有咁多呢o的連一個幾毫都慳o既人架??
放工, 有個舊同學佢搵我同佢一齊睇野, 一o的我唔熟o既野, 係咁問班長, 係咁煩佢~~
但最後都係無買到野, 因為actually唔係佢買, 而係佢家姐買~~
因為去o左同人睇野o既關係, 最後係無去到打機, 都好o既, 慳翻o的錢......
夜晚, 試下玩下呢個Downhill Night, 轉o左做日文都係玩唔到, 入到Game但係玩唔到囉, 頂..... 無野好講......

無

今日又係要返工, 唉, 唔返工邊有錢丫, o岩o岩先買o左個USB SD Drive, 唉......
返到去, 一check o的OPAC機, 發現有部Hang o左, 咁咪Reboot佢啦, 但係一開翻機, 佢同我整o左句Operatiing System Not Found, 唔係下, 一開工就整o的咁o既野黎...... 同老細講o左之後, 好彩唔駛起Fault...... 貼個牌話Out of Service就唔理佢lu, 之後又係行下, 企下, 都無乜野咁囉. 但係有班「叉妹」好很嘈, 仲係咁打機, 叫極都係咁打, 我頂佢個肺丫, 佢仲問點解唔可機, 你食蕉啦, 打機仲咁多野講, 頂, 最百街o既係佢打機部機係我坐o既前面, 你仲唔死, 望住你, 睇你點打, 但係之後有人黎整機, 都係整唔到, 部機Detect唔到個Hardisk, 理得佢丫, 都唔關我事~~ 放工, 要熄機, 但係班死叉妺係叫都唔肯走, 仆你個街丫, 食蕉啦, 放工都要阻住哂, 有無攪錯呀, 小.
夜晚, 睇明珠台一套叫活火溶城o既舊片, 愈睇愈覺得世界上o的人對地球愈來愈差, 遲o的真係會整個the day after tomorrow出黎都唔知點算......
科大o個度今晚登記o左, 但係要兩個禮拜內complete個registration, 填哂張form, 有好多野要搵翻o的Cert出黎睇先得, 唉, 呢兩個禮拜又有排煩啦......

唉

今日好o的o的, 只係返十點半, 不過係上DT Lecture...... 要聽書, 好難, 唉~~
班長佢幫o左我地買o左個USB SD Card Drive, 竟然無得平喎, 有無攪錯呀, 買咁多都無得平, 唉, 尋日禁出黎張一舊水咁就無o左, 得翻十雞, 唉......
個Lunch本來諗住去食車仔麵, 但係一入到去, 竟然見到呀John！咩話, 我地立即掉頭, 去o左食另一間麵......
食完, 去Print Note, 功課, 爆機檔咁, 之後個AP Lab都係無乜點聽過書, 上下網, 打下機, 批下薯仔Game咁, 就過o左兩個鐘~~
之後去o左睇人打機, 無錢呀, 點打呀, 去哂班長度, 唉~~ 不過嚮睇人打機o既時候, 見到樣好過癮o既o既, 就係嚮新環左, 兩個路障度, 有架車俾人夾埋路障度, 除o左?一聲好嚮之外, 架車仲向後飛起o左, 變o左做炮彈飛車~~ 笑到我地丫, 佢自己都 O o左嘴, 哈哈~~
夜晚, 墨丸佢話已經幫我過o左卡同玩多o左四十話, 咩話, 咁快, 四十話喎, 除o左有錢之外, 我都唔知講乜好, 但係佢一舖就過o左個4K o個關囉, 勁~~
JoJo佢今日成日都無返, 打俾佢又無人聽, 唉, 點解我仲係咁掛住佢架, 唉......
劉偉恆佢講得好o岩, 有時人o既Memory就好似HardDisk一樣, 想忘記, Del o既野基本上只係嚮個TOC度Del, 但係實際都仲係嚮個HardDisk度, 一定要有野cover o左佢先係真正Del, 唉, 但係我幾時先會有新o既Data寫落去丫......

無奈

今日, 又係要返八點半, 又係PQM個Lab, 又係跟住呀Sir做, 唉...... 之後個NT2, 聽o的唔聽o的咁就過o左~~ 臨尾, 講翻openday o的野, 攪到好混亂, 但係都唔關我事丫, 無問題喎~~
但係最好笑o既就係呀Billy講o左句「做乜要跟supervisor」跟住Alex佢指一指Ken Sir, Billy即刻無聲出~~
食完個飯, 玩o左陣七級豬就走lu, 我走之前, 今次終於唔係Raymond佢最高級啦, 係新加入o既姚茵~~
班長佢有隻SD Card USB Drive, $89連128MB Card, 抵喎, 團購, 應該有得平, 但係買完又無錢...... 唉~~
返工, 之前o個個係一個新CT, 唔係好掂, 有o的野要我攪翻掂, 唉...... 而且, 有一次行路俾條電話線kick親, 當住咁多人面前仆...... 無奈, 一日最衰都係o個o的細佬, 佢地唔嘈咪無事囉, 頂！！！

無

唉呀, 今日又係返八點半, 乜又咁屎早架...... 都係唔知醒咁囉, 又要呀輝佢等, 有o的唔好意思......
第一堂又係上吹水堂, 呀恆佢訓足兩個鐘, 而我都有堂半...... 之後個Tutorial都係hai 下hai下咁過......
之後就叫Mcdonalds翻黎食, 未叫過架bor, 但係發覺204無空房, 最後就成班入o左去呀Rick度hai, 叫M, 計數, 收錢, 佢間房而家已經變成o左我地另一個hai o既地方~~
食野o個陣時, 俾張凳夾住o左兩隻Miffy呀, 佢地甩o左呀, 要問呀Rick佢借個夾夾先夾翻好o個兩個圈圈, 好慘耶, 用得個幾禮拜架咋......
原來呢, 我地ictlab個server係可以用到mysql架, 呀Rick仲話可以整Forum添, 但係下晝一試, 都係唔得o既...... 原來要搵呀Henry 佢開個mysql account先得囉, 頂丫~~
上呢個NT2 Lab o個時, o的新Router竟然出佐句"bpg protocol not found", 唔係下化, o的乜Router黎架......
之後呢個DT Lab, 個電話config就好易, 但係實際就用唔到, 呀Sir佢都要做一大輪野, 係咁update先得, 乜機黎架......
返到去, 又去o左打機...... 發覺GameZone又平o左喎, 3開2續喎, 嘩抵呀, Tune車唔係Tune得咁貴啦, 搵日儲錢去一次過Tune十幾話先~~
幫呀輝佢燒o左隻AOE III lu, 個Forum又整好o左, 但係個EMail都係未得, 聽日問下呀Rick先~~

勁o左??

今日朝早返o左學校做呢個Project, (睇人地)寫下個initial report, 整多o左幾個connector(俾呀Rick), 當然有o的係俾自己用啦, 但係返學o個時呀姐又遲到, 我話俾呀輝知, 佢回我一句「預o左啦」, 我想知如果俾呀姐睇到會點, 但其實我都係咁諗, 預o左佢遲架啦, 唉~~
食完個Lunch, 俾人打電話叫返工, 七點, 華富村, 都ok喎, 返咪返~~
去到灣仔, 打翻兩舖機先, 今次用多次760黎打, 一開波撞到九彩, 唔係好慣用咁甩, 但係最後直路就無乜問題, ok咁喎~~
返到去, 同表弟佢去o左M度o左食個Tea, 發覺而家集成間M有個公關姐姐用部pad黎幫你嚮排隊o個時叫定野食喎, 排到去就只係入個no.就得, 實際都唔係快得好多, 只係慳翻o的叫野食o既時間咁o者~~
臨返工前都未肚餓, 食個麵就算lu, 行去搭車, 頂！！！ 原來今日跑馬喎, 馬埸個站無o左, 要我行翻去鵝頸到搭囉...... 之前又俾o左兩個人點係搭72囉, 實際係搭42囉, 華富同華貴o既分別囉, 竟然可以俾人無約埋咁Fake, 勁, 而我就無奈......
返工都無乜野做, 睇哂兩份AP Notes, 都唔係好難o者, 話咁快就放工lu~~
放工就好無聊咁去o左探呀表弟同呀姨, 好無聊咁吹o左陣水就返屋企, (十一點啦, 仲唔走咩~~)
返到黎, 唔知解又好想打機, 玩多o左舖灣岸, 又過到喎, 今日咁勁??
但係返到去, 有個人竟然講o左句「去人度做乜丫」, 唉...... 無奈...... 點解佢會咁講o既呢??