週記~~

星期日, 返工, 都唔係好多野做, 今日係同呀輝佢一齊, 緊係可以爽下啦~~ 下晝, 得閒就閃下出去同家姐巴巴拉佢地吹下水, 爽~~ 唔係太多人咁~~ 放工, 又去o左食野, 今次呀?哥佢都有黎喎~~
星期一, 今日頂人, 返工返下晝, 三點至七點, 得四個鐘, 呢個月已經請o左唔少假架啦, 仲要返得咁少, 唔係下嘛...... 灰...... 返到, 諗住今日有得剩係上下網, Hai下咁過啦, 點知...... 二老闆佢叫我幫佢將份file o既hardcopy轉做softcopy囉, 唉...... 又要對野, 又要睇清楚, 唔易...... 但係好彩唔係好多o者...... 之後仲有時間睇下NDS點改機, 原來唔係好難o者, 但係就好似要一張叫passme o既引導卡, 而且仲原來要拆電黎short o左佢一個point 架喎, 唔係難, 但係煩o者...... 呢o的野, 識就算lu~~
本來今日以為會準時放工啦, 點知...... YT Ng←呢條百佳, 趕都唔肯走囉, 正百佳黎架囉......
星期二, 今日下晝去換身份證, 約o左呀輝, 點知一行到去就見到佢, 電話都唔駛打(佢話唔識去, 咪去消防局度等囉) book就book兩點三, 但係我地兩點一就去到, 填form, 影相, 打指模, 勁快, 走o既時候, 睇鐘, 兩點三, ＠.＠ 咁快o既, 總時間係少過十分鐘, 快......
之後就好無聊咁同呀輝進行一個行路去太古o既創舉, 路經呀姐屋企, 佢就死都唔肯落黎...... 水都無杯飲, 人地跑馬拉松都有杯水啦, 攪到我最後要去M記度拎水飲...... 唉...... 最後我地係用o左大約個半鐘o既時間去完成呢個創舉~~ 去o左吉之島度睇下有無軍曹賣, 點知...... 得o的公仔囉, 唉...... 都無模型o既...... 剩係買o左支餅返屋企~~
星期三, 朝早起身(其實都唔算係早, 成十點半先起身), 上網見到有OutRun2006 Coast to Coast, 仲要係今日新鮮o既添, 仲唔即刻dl咩, 過o左一個上晝, B完, 即裝, 即完, 爽呀~~ 終於都俾我等到啦~~ 但係就好甩囉, 唔易玩...... 之後成日都係煲Game~~
星期四, 本來諗住玩outrun, 點知去到第三個class, 勁難玩到AAA囉...... 最後都係上網...... 點知俾我見到youtube有勁多 多啦A夢喎, 爽~~ http://www.youtube.com/view_play_list?p=75B6F736BA653A7C 截至六月廿四號為止, 個playlist已經有九十二套, 而我都已經download哂落黎~~ 我又搵o左o的flv player , 但係好多都唔o岩心水囉, 一係就係太細, 一係就係太大, 再唔係就係無聲音制, 最後嬲, 自己寫翻個, 攪o左成晚, 原來個FileReference係無得show個full path出黎, 頂...... 而家諗緊用個Javascript黎整個full path落去......
星期五, 去呀偉佢屋企, 順度返學校去還埋個hard disk, 點知cm唔嚮度, 最後落o左去A204還俾呀Rick, 佢地就上緊IPv6 o既course, 佢地話下晝會裝機喎~~ 之後我見仲有時間, 咁就由學校行落去青衣城, 原來青衣都唔係好大o者, 總共只係用o左十五分鐘就行到落去啦喎, 但係就行到成身汗...... 之後就去o左呀偉度, 本來諗住食埋野先, 但係發覺未肚餓, 最後都係就咁上o左去~~ 上到去, 打機, 打牌, 食杯麵, 食蛋糕, 飲野, 吹水, 最後我就無聊咁幫佢config o左隻linksys router~~
夜晚, 打機, 同呀恆佢玩MTA~~
星期六, 返工, 放工o既時候同家姐佢去o左買NDS Game~~ 夜晚, 都係打機同寫下個flv player, 都仲係解決唔到個file full path o既問題...... 唉~~

考試雙週記

都好耐無寫過日記啦, 考試丫嘛, 但係呢個考試呢, 唉......
簡單黎講, 全部日子都係嚮屋企溫書, 除o左星期六(六月三日)o個日同班長呀恆同積奇去o左中央度溫書, 但係溫到咁上下, 俾人趕走囉, 話睇書o既話就要收埋o的notes喎...... o的溫書位又俾人坐哂囉...... 食完飯, 去o左坐嚮疏化度溫, 無人會趕你走, 掂~~
星期一(六月五日), 考試, 考死癲佬o個科, 考完之後, 唉...... 已經可以知道overall無機會丁到, 唉...... 因為佢呢科, 勁驚會炒囉, 加加埋埋o的分都係四十多o的, 合格已經好開心, 唉...... 之後去打機都無心情, 人衰行路打倒褪囉, 唉......
星期三(六月七日), 今日考呀Eddie Sir o個科, 好似溫o左好多書咁, 好似入到腦咁, 但係就...... call 唔翻出黎咁, 我又計過, 無o左成四十分...... 唉...... 已經可以肯定overall無丁......
星期五(六月九日), 今日本來係考呀Simon Sir o個科, 但係...... 落車o個時落大雨, 有遮都濕身...... 入到拉, 行雷, 之後黃雨, 過多一陣, 紅雨, 再黎, 黑雨, 唉...... 最後, 無得考, 唉...... 溫o左咁多書, 竟然話俾我知無得考, 頂...... 成個人都頹哂囉, 無心機溫書, 成晚嚮度同呀恆佢打機......
星期一(六月十二日), 今日考KT o個科, 好似唔係好難, 但係又唔係易先死呢, 唉...... 加上佢俾分俾得勁緊, 唉...... 今日呀華佢遲o的黎, 個呀Sir唔俾佢考, @.@ 唉......
本來今日就已經考完, 但係因為上個禮拜黑雨, 攪到改期囉, 唉...... 又要再溫過書, 唉......
呀恆佢幫我搵到張灣岸波子翻黎呀, 原本今日有得好開心咁玩, 但係, 最後都係剩係可以試車囉, 唉......
星期四(六月十五日), 今日係補翻上次o個考試囉, Simon Sir o個科, 但係都唔係好易, 丁o既機會唔係好高咁囉...... 加上之前o個晚俾班長佢煩住, 攪到好燥, 以下就係我同佢o既MSN 對話內容, 有興趣o既可以睇下~~ http://ictlab.tyict.vtc.edu.hk/~040309320/video/%a6P%afZ%aa%f8MSN%ac%f6%bf%fdswf/
放學, 同呀墨生佢去打機, copy張波子俾佢, 爽呀~~ 好好玩呀~~
之後同o的同事去o左打邊爐, 但係好貴囉, 間野呃錢o架...... 唉...... 早知去另一間好過, 唉......
星期五, 成日都係嚮屋企打機~~ 要relax下至得架嘛......
星期六, 返工, 點知今日無冷氣喎, 有無攪錯呀, 唉...... 頂...... 但係就多o左o的暑期工咁囉, 幾好, 唔錯~~ 但係放工o既時候, 用架van仔黎挑人, 點知俾架600HP o既8你打低, 唉...... 好灰......
夜晚, 睇o左套Ice Age 2, 好笑之餘又有o的感人咁囉~~