my little airport - 邊一個發明了返工

http://www.facebook.com/mylittleairport
詞/曲/編: 阿p
唱: 阿p/通利的阿賢/thomas

邊一個發明了返工
我要給佢米田共
邊一個發明了返工
返到我愈嚟愈窮

為了薪金一萬元
令每天都沒了沒完
一萬元一萬元一萬元
靈魂賣給了大財團

邊一個發明了返工
以為自己好有用
邊一個發明了返工
阻礙我藝術發展重重

到了薪金兩萬元
我的青春就快用完
兩萬元兩萬元兩萬元
我有更多事沒法做完

我渴望有一個平原
沒有政府沒有治權
這平原這平原這平原
有好多個美女舞蹈團

邊一個發明了返工
唔係八婆就係八公
邊一個發明了返工
返工喺度玩接龍

到了薪金三萬元
我哋都應該唔會有三萬元
三萬元三萬元三萬元
三萬元啲人通常都有啲串

我渴望這一個平原
畢業之後啲同學見唔完
見面唔會講買股票 買車
結婚 生仔 買樓 買船

馬頭圍道塌樓

首先為受害人士祈禱... 為死者默哀......
估唔到香港地都會有o的好似大陸塌樓的事發生...
但係, 間樓日久失修, 唔係應該業主負責架咩, 而家你連自己住o既地方都唔關心, 有常識o既人都知, o的野舊o左耐o左, 會爛架啦, 你知道要保養維修架喎, 電視上面都賣哂廣告啦, 政府肯借錢俾你地添~~
而家間樓塌o左, 政府係基於人道立場先俾間社區會堂你住住先, 又俾飯你食, 又俾衫你著, 咁你想點呀, 呢幾日唔駛你交租架. 安排o的中轉屋俾你地, 你應該識得講多謝, 我知你有納稅, 所以見你間樓塌o左, 咪俾間中轉屋你地住囉, 租金水電全免架喎, 政府都唔想見到你地訓街架嘛~~
但係點知有o的人, 又嚮度嫌三嫌四, 又話o的中轉屋殘舊, 又話有陰影, 又話遠, 咁我問你一句：『咁你想點呀！』『要求原區安置！』你咁想原區, 你咪自己原飽佢囉, 你唔走, 我地唔會迫你架喎~~ 你而家係唔係想政府俾間七百呎新樓你住, 差餉水電煤管理費都政府出埋, 每個月都俾十萬九千七你做零用呀！馬死, 就要落地行架啦, 政府會幫你架喎. 而家唔係政府拆o左你間樓, 又唔賠俾你喎, 舊區重建o個o的都未必有原區安置啦. 我知你間屋塌o左好慘, 你只係租樓架咋, 你唔係業主黎架, 業主仲慘呀, 佢而家都唔知可以點呀, 雖則呢間樓o既業主係一間有限公司, 最多就執o左間公司佢. 所以我好欣賞其中一位唔好彩住隔離的住客, 詳見呢篇新聞報導, 呢o的人先至係要幫架嘛, 唔似得o的人剩係識得嚮度嘈, 嚮度示威.