唉~~

唔知點解呢幾排唔係好想寫日記, 因為咁耐以黎我寫親o既有百分之九十九點九九都係一o的唔開心o既野, 我覺得有o的灰, 所以你地唔好話我成個禮拜無寫野啦~~ 唉~~

---------------------------------------------------------------
我都只係想搵個人關心下我同俾我關心下o者, 唔通真係咁難??
唉~~

我頂~~

尋日打o個篇Blog o個時, 打o左一大篇, 但係Save o個時唔知點解乜柒都無哂, 我頂, 所以你地睇下面o個篇係乜都無o既~~ 而我亦都唔想再打過, 所以係無野睇o架~~

今次仲唔死~~

今日真係要溫書啦, 但係有半個下晝都係Underground...... 唔得, 要溫書~~ 夜晚食完飯, 唔知點解都係掛住打機, 唉~~ 到o左臨訓o個時諗住睇多次, 睇下有乜唔識啦, 但係愈睇愈多唔識, 由十二點幾睇到成二點先訓, 仆街啦, 聽日都係唔知點呀~~ 今次仲唔死~~

溫書Vs打機

今日係時候要溫書啦, 但係一開o左部機就係掛住打機, 無乜點溫到, Maths應該唔係好難掛, 都係溫Logic先~~

返工

今日要返工呀, 諗翻起前幾日個同事咁, 我都猶有餘悸, 咁就返工啦, 一返到去佢又啤住我喎, 都唔知點咁, 咁都有o既 @.@" 之後佢去o左食飯, 咁我咪就問下其他同事佢做乜咁對我啦, 點知原來佢係玩我, 我頂, 唔係下~~
放工, 諗起佢第一日返工, 仲要係同老細一齊咁添, 都唔知佢會點, 打俾佢, 佢應該係未放工, 無聽我電話~~
夜晚, 佢打翻俾我, 我無問佢, 但係我feel到佢係因為佢條仔所以先咁夜打翻俾我, 問翻佢今日返工點啦, 原來女仔真係唔會好難做, 只係o的男仔要搬搬抬抬咁囉, 我心諗, 唔係下, 如果係我遲o的做咪死得~~

考試~~

今日係我嚮IVE裡面的第一個考試, 考英文, 但係呢個英文o既考試係好易o架咋喎, 考兩個鐘, 但係我地好多人都係個幾鐘就出o左黎, 唔知有無人真係考足兩個鐘呢??
之後我地就去o左打機, 無錯, 又係打機, 讀o左IVE之後(又係IVE)就真係打多o左好多機, 係街機喎, 可能係我有part time翻, 有錢o左啦, 但係遲o的就會失業, 到時都唔知點算, 唔通又攤大手板問呀媽囉錢咩, 問o左咁多年, 都唔好意思啦, 唉~~ 唔通真係要食穀種??
咁我地就去打機啦, 打o左三種鼓機, 應該係兩種半, 因為我係只係踩腳, 但係佢就...... 打鼓機又無o左個由fail去super, 打太鼓就第一首就落雨...... 好慘~~ 而我就終於有機會同阿恆打太鼓, 佢真係好勁~~ 甚至係有o的痴線, 打乜機都咁鬼勁o既~~ 打到成兩點, 無錯, 係兩點, 個試o既法定時間係去到十二點, 但係我地打機係打到兩點, 我呀媽打俾我問我食o左飯未, 食o左咩飯咁啦, 我即刻O哂嘴, 我都唔知點答佢好, 之後就去o左美心食lunch~~
之後去o左配眼鏡, 佢問要唔要o的有防EMI o既鏡片, 我都唔知好唔好, 咪諗住打俾佢問下啦, 點知佢唔聽我電電...... 諗起學校o的機多數都係用CRT, 咁都係要埋啦......
夜晚去到差唔多成九點佢先打翻俾我, 問我搵佢做乜, 一聽到佢把聲就嬲唔落, 唉~~ 之後就問佢o的眼鏡o的野, 原來佢都係唔係好識, 我頂, 我仲以為佢係好醒添~~

死人MySQL~~

朝頭早起身有o的喉嚨痛, 又有o的凍喎, 我唔似新丁咁有兩行鼻涕咁, 但係都有一行...... 死啦, 病啦, 聽日又要考試添喎, 都唔知點算呀~~
我頂, 整黎整去都係整唔到個死人MySQL o架, 整o左成個下晝, 都係唔掂, 唔係下~~
我仆你個街, 夜晚再整過, 都係唔得, 唔係下~~ 有無攪錯呀~~
算, 放棄, 聽日問下班長點攪好過, 最後都係無乜點溫過o的英文......

失業~~

今日返工, 返足成日, 好在唔係好野做o者~~ 都無咁慘~~ 但係就聽到一個消息, 話我間公司續唔到約喎, 咁我咪只係做到二月就失業, 唔係下化~~
之後有個同事話病啦, 但係有個人嚮張更紙度寫o左句『發病＝作病≠咋病』之後佢就好嬲咁撕o左張紙去搵老細, 咁就走o左, 我記得之前同佢仲有講有笑, 轉過頭佢就咁, 女人真係可以變得咁快o既??

乜都要重頭黎過~~

今日決定o左係裝過部機, 用Win2000, 我頂~~ 裝完之後Boot唔起wor, 唔係下~~ 唔通又係boot 錯o左落第二個HD度, 拆o左第二個HD, 真係Boot 到, 我頂~~ 插翻落去, 又無事啦喎, 都唔知點攪o架~~
乜都要裝過哂, 唉~~

死人norton

今日去o左呀琪屋企攪掂埋攤蘇州屎, 唉, 都係要format, 個死人norton都唔知做乜o架, 頂~~

粒丸......

今日早一個鐘返學, 我已經係遲o左o的啦, 佢打黎問我返幾點, 係唔係要返TP個Lab, 佢而家先出門口, 咁阿輝又打俾粒丸, 佢都係o岩o岩出門口, 咁我地不如等埋佢, 我同阿輝心諗, 我地唔係早o左一個鐘o架咩, 點解可以等到佢地o既?? 唔通係佢地以為要上TP 個Lab, 但係遲到?? 我同阿輝都諗唔明@.@"
返到去係只為個DCN Test, 之前呀Sir話呢個Test係為o左救我地, 但係Test完之後阿恆話呢個Test唔係救人, 而係整死人, 我都覺, 呢個Test我都係無機會Credit o架啦......
之後俾人撩起o左條癮去唱K, 但係佢地又要Retest 個 Cisco囉, 咁就等佢地啦, 但係佢已經好很肚餓~~ 到佢地做完個Test, 佢地又話唔想去唱喎, 頂~~ 咁就去葵芳食啦, 去o左一個同唱K差唔多價錢o既地方度食──Pizza Hut~~, 但係去到佢又話唔係好想咁喎, 無計o架啦, 鬼叫你頭先掛住講電話咩~~ 叫o左兩個大批, 一個免費意粉, 個意粉到先, 咁牛粒丸話肚餓, 咪俾佢先啦, 丫, 點知佢一叉就叉o左成八成去喎, 唔係下話, 肚餓都唔駛咁o架下~~ 之後佢又入o左廁所好耐, 咁阿輝同墨丸入去睇下佢乜事啦, 唔係下, 佢嘔喎, 我個心即刻想屌佢, 你個口係識講野o架, 你唔舒服就講聲囉, 我地咪唔去呢度食野囉, 你唔駛咁下, 佢又唔食條芝脆邊喎, 我記得走o個時佢隻碟係有成件pizza同好多意粉無食度......唉~~太浪費啦~~
之後去o左打機, 嘩~~ 原來墨丸好勁o架, 5蚊可以打爆一舖槍Game~~
走o個時同阿輝講, 我好似多o左個妹咁, 俾我睇住下咁, 但係佢同我講佢係多o左個仔咁, 要照顧多一個人, 我係Feel到佢勁無奈囉~~

開心??唔開心??

今日睇到佢個日記, 睇到o個日佢地o的野, 睇到佢講佢條仔之後點對佢, 我竟然係唔覺得唔開心, 反而係覺得有o的開心, 我都唔知點解, 明知佢地咁我係會無行, 但係我真係覺得有o的開心, 我知道佢條仔咁樣做係真係為o左佢, 呢樣野我係明白, 希望佢條仔以後都係咁對佢就好, 雖則我係會有o的唔開心, 但我知道佢o既開心會令我o既唔開心變翻做開心, 咁我就放心~~
咁其實我應該係開心定唔開心?? 156

個天整定??

起身, 收到呀輝佢個SMS, 話佢遲o左, 唔知點解我又會跟住佢遲, 你呀, 下次遲都唔好話俾我知呀, 唔係我又遲, 只會係愈來愈遲o架~~
晨咁早返去上老老師o個堂, 點知原來係無乜人返......無言中......
之後有兩個鐘, 佢話想去食炸兩, 班長知美景好似有得食, 咁就等埋佢啦, 不過我好眼訓, 佢就俾o左包咖啡我, 飲o左之後都係咁眼訓, 終於都等到班長, 去到美景, 都係無炸兩, 佢勁想食, 但都係無計...... 最後都係返o左去Canteen...... 本來唔想咁早食野, 但係見咁多人食, 最後都係食o左個麵(我係麵王當然係食麵啦)當Lunch~~
上Leon Sir堂, 佢放水, 掂, 係好掂~~ 正, 我真係好想丁到o架~~
之後同佢同呀輝返灣仔打機, 玩完老虎機之後又打太鼓又打頭文, 爽呀~~ 真係好開心~~ 但係死人金星打贏o左頭都無得打多舖o架, 呃錢o架~~
跟住返屋企換衫返學校去畢業禮, 未返到屋企見到o的同學, 佢話係兩點九開始個refleshment, o個時已經係兩點八, 咁我就諗, 超, 我三點去到都未遲, 點知三點一返到去, 我頂 =.=凸 , 原來係三點半先開始, 唔係下, 咁呢半個鐘就咁就唔知做乜咁一支公過o左, 最後一日都要俾人昆, 無奈......
畢業禮之後佢地話出去食飯, 但係我個胃有o的唔舒服, 無去到, 最後一日都係獨自一人, 唔通我真係整定每一樣野都係要自己一個??153

Day Off的一日

今日終於都有一日係Day Off 啦, 但係......好早就有人打俾我叫我星期六返工, 佢一打俾我就知我係未起身, 講o左一句『你未起身呀??』我心諗, 我得一日Off都俾你嘈醒, 平時又唔見你咁早打俾我~~ 之後又俾呀恆打黎問駛唔駛上Key Skill, 又同佢吹o左一陣, 唉~~ 之後見都醒哂啦, 唯有起身......
上個畫板度一睇, 唔係下~~ 個Database死o左, 我o的Data全部唔同哂, 又Login唔到, 唔係下化~~ 唔想整, 因為呢個Server其實真係唔係好好, 好多死Link, 想自己整翻個, 搵到個PHP普通留言板, 唔係用MySql, 掂~~ 即刻整上去ictlab o個度~~ set o左一大倫, 都係覺得唔係好好, 唯有放棄, 遲o的先再繼續~~
食完飯想溫書, 但係最後都係Underground...... 成個下晝都係Underground......Shit~~
夜晚打俾佢, 諗住睇下佢點, 好彩, 聽到識得笑就得啦, 無哂野, 個心即刻舒服翻哂~~ 之後打俾呀琪姐, 諗住星期六幫佢搵埋自己o的蘇州屎, 但係佢唔得, 不過就同佢吹o左好耐, 知道o左佢好多野, 吹到成點半先訓呀, 唉~~ 想溫書又溫唔到啦, 聽日仲要係返八點半, what the bull shit~~

好唔開心呀~~

今日test TP 同 Cisco, 翻到去, 係咁溫, 但係...... 到test o個時都係唔識, 佢問o既係Defination呀, 唔係數呀, 死得...... 好彩之後個Cisco 有老豆個答案咋, 有成88% 呀, 好開心呀~~
咁就放學, 因為之後要去呀班長個Briefing, 就同佢一齊去o左葵芳度食吉野, 之後等埋班長食埋野後就見仲有時間, 去o左打機啦, 同佢一齊打頭文, 放水俾佢贏o左一舖, 當係請佢打啦~~ 之後打太鼓呀, 做到達人呀, 好開心呀~~ 佢又癮起想打鼓呀, 打完之後又想打多舖呀, 有無攪錯呀, 你要乖o的至得o架, 唔好掛住打機啦~~ 好彩之後夠鐘去Briefing...... ?, 幫你慳唔少o架~~
咩話, 撘404M去優之良品度落車, 邊度黎o架?? 會唔會俾人買豬仔o架?? 我地一棚人戰戰兢兢咁去啦, 好彩之後都無乜野, 但係去到成十點先走, 仲要係走先添喎, 真係唔好意思~~
但係佢就係勁慘咁囉, 仲個電話無電, 只係打到俾佢條仔一次咁多, 咁佢本來約o左佢條仔食飯, 只係食o左碗菇菇, 對我黎講係到喉唔到肺, 咁我就同佢一齊走先啦, 我都知咩事, 咪嚮對面o個車站咁等車啦, 但係佢條仔飛的黎搵佢, 應該都見我唔到, 但係佢條仔一落車就好撚大聲咁隔成條街咁話『喂，你有無攪錯呀，而家幾點呀』係大聲到連個的士司機都望個頭出黎睇乜事, 我o個陣時即刻嚇到差o的連個心都跳埋出黎, 唔係下, 你係唔係男人黎o架, 你無可能咁樣對女仔, 仲要係你條女添, 有無搵錯呀, 我o個時真係好想過去幫佢, 但係唔得, 無計, 唯有打俾班長, 同佢"申"下, 其實我係想叫呀班長黎幫拖, 但係我無講出口, 只係想搵個人黎定下驚, 有車, 即刻上車, 個心都係未定, 諗翻起佢連飯都未食去等條仆街, 但係一見面就咁, 我真係好唔開心, 之前我以為佢條仔已經對佢好好想放手之際整單咁o既野黎, 我真係好唔開心, 我知道佢嚮屋企佢阿媽對佢都唔係好好, 仲要有條咁o既仆街, 佢真係好慘, 我好唔開心...... 148

好唔掂呀~~

今日返學, 只係要上一堂program, 要Demo個Assignment添, 死啦~~
咁死就死啦, 我頂, 唔係下化, 個T同個B掉轉o左, 灰~~ o的咁o既野點可以掉轉o架, 唉~~ 之後仲要有兩題係唔掂添, 咁就死啦, 好彩o既係我有做個Advancd part, 可以要黎救命, 但係都係低班長一分, 唔制呀~~~~
下晝搵到其他ICT o既人, 問佢地有無Cisco個答案, 嘩~~ 好掂呀, 佢地有個網係有哂o的答案o架, 正~~ 之後成班一齊去做cisco, 班長痴線o架, 有個100%都有o既, 我 =.=凸
夜晚佢打俾我話原來MC, 我老豆, 俾班長o的答案係未做哂version, 死伙~~ 好彩都係佢醒o的, 問翻我老豆扲o的答案...... 好掂, 但係聽佢講老豆佢好似係即刻去o的網吧度send 俾我地, 真係好唔好意思囉, 有機會請佢食翻個lunch~~
聽日個Cisco有望啦~~
唔得, 要溫TP, 唔係聽日一定死得~~

今日......有返等於無返......

今日晨咁早返學, 上得一堂TP Lap之後就要等到成2:30先有堂, 四個鐘呀~~ 本來諗住溫TP 啦, 但係上完TP之後, 唔知邊個話去唱K 喎, 一聽到佢講, 即刻癮起~~ 梗係即刻話去啦~~ 之前睇到有唔知幾點前有四送一喎, 咁就打電話去問啦, 嘩~~ 原來係十一點前喎, 咁就即刻去搵人去啦, 我頂, 個個都話唔去, 嚮度浪費時間, 咁算, o岩o岩好我地五個人, 去到o岩o岩好, 仲有五分鐘, 好彩~~
嘩, o個度部PS2有太鼓玩呀, 同佢一齊玩o左一陣先入去~~
終於都有機會唱隻好心好報俾佢聽啦, 之後仲有o的係好頂癮o既歌, 你仲唔死, 哈哈, 佢都好無奈~~ ^.^v
咁就唱唱唱到點半, 想唱到兩點先走, 但係有人跟緊隊, 咁無計啦, 去o左打機~~
打呀, 打呀, 打到答三啦, 要返去啦~~ 咁就返去啦, 返到去, 頂~~ 都唔係上堂o既, 唔係下~~ 咁就真係......
所以呢, 今日真係有返等於無返...... 145

做到隻狗咁呀~~

今日都唔知有無攪錯呀, 咁Ｑ多人o架, 由返工做到放工, 無停過呀, 做到成狗咁呀~~ 痴Ｑ線o架, 平時都無咁多人o架, o的同事都做到死咁滯呀~~
放工o個時又眼訓, 又肚餓, 又累呀~~ 唉~~
夜晚check e-mail, 唔係下化, send 俾癲佬份工課竟然話俾我知係唔得, 甚麼Over quota, 乜來o架, 死癲佬, 叫人send 俾佢, 佢個email 又爆o左, 唔係下, 玩野咩~~ =.=凸 141

一月一日~~

今日係貳零零五年一月一日, 希望我可以嚮今年可以無咁灰啦~~ 不過, 唉~~ 今日一樣係咁灰~~
本來屋企人話今日會去工展會, 但係下晝成三點都無叫我喎, 我心諗今次又係會無得去lu, 但係約三點半我阿媽打黎話去工展會, 我咪話去囉, 但係個心諗, 唔係下, 你唔早o的去, 咁遲去, 去到幾點呀~~ 頂~~
去到維園, 我又頂~~ 乜咁Ｑ多人o架, 我屋企人竟然話『有無攪錯呀, 點解咁多人o架, 排完隊入到去都唔知幾點啦, 都唔知去到幾點』我心諗, 明知會咁多人o架啦, 叫你早o的去你又唔早o的去, 痴Ｑ線~~
入到去, 都好o的, 唔係好多人~~ 有唔少正野買, 廿蚊三個杯麵, 兩個撈麵, 一個點心麵, 再加兩個即食麵, 抵~~ 又有十五蚊八包珍珍薯片, o的野食都唔係貴丫~~
最後都係去到成七點先返屋企~~
夜晚又係溫唔到書, 打機又係打到成兩點先訓......