七月廿九至卅十

星期五, 今日係最後一日暑假, 最後一日?! 無錯, 係最後一日, 事關之後兩日都要返工, 係今日有假放~~ 所以就訓到十一點幾...... 都仲係好眼訓~~ 起身之後就同o左媽媽去飲茶~~ 正呀~~ 之後都唔知仲有無機會lu~~ 飲完茶之後, 就一支公去o左游水~~ 但係呢, 唉...... 唔夠氣, 真羞家...... 加上又比較晏o左o的去, 最後游o左大半個鐘就收工~~ 如事者, 咁就過o左我最後一日o既暑假~~
星期六, 今日返早, 朝早去o左同呀邊個食早餐, 之後就好悠閒咁開工, 爽呀~~ Lunch o個時去o左食綠野仙蹤, 睇電視見到o的體操o既運動員, 正呀~~ 好勁呀, 表演好好睇呀~~ 放工o既時候, 俾人發現o左o的野, 唉...... 夜晚, 影翻呢個體操表演, 仲正呀, 肌肉o既表現, 簡直正到無野好講~~

七月廿三至廿八

星期六, 尋晚九號風球, 天文台話清晨先會轉, 點鬼知佢個清晨係凌晨喎, 仲諗住今日唔駛返工, 但係最後都要返去, 不過返去仲好啦, 有錢搵~~ 話就話尋日打風, 但係點解放工o既時候出太陽o既......
今日個人都仲係wing wing 地...
星期日, 依然係wing wing地咁返工, 但係無聊咁過...
星期一, 尋日/前日得到DeepV同Peter一講, 知道用我個pass就可以免費去電腦展, 咁所以上晝就去o左電腦展, 仲唔係因為係上晝o既關係, 唔太多人, 但係o的野真係好平, 一舊水就有隻4GB 手指, 唔駛一千銀就有個Mon, 二三百蚊就有隻高清手指~~ 平到呢... 之後就返屋企lu, 無買度野~~ 下晝去o左睇呀婆照超聲波, 睇下佢食唔食到野~~ 咁就一日~~
星期二, 上晝我去多次呢個電腦展, 免費丫嘛~~ 順手去買野, 買o左張2GB Card俾部電話用, 可以勁放MP3去聽了, 唔駛驚無位~~ 同埋隻4GB手指~~ 下年應該唔駛一百蚊就有隻8GB的了~~ 同埋幫人買o左個multi-function printer~~ 四舊水仲要送多張五十蚊惠康卷, 真係好平... 幫人拎到隻野咁之後就返歸了. 下晝, 去o左請媽媽飲茶~~ 嘆茶~~ 爽呀~~
星期三, 今朝晨早就返barn, , 一返到去就勁多人問野, 講到我口水都乾埋, 三文兩語齊哂, 我o的普通話真係太普通了, 有無人可以幫補下我呢?? 下晝蛇o左去飲茶, 我都幾佩服自己, 蛇王食飯竟然係去o左飲茶, 勁呢~~ 之後成個下晝都係無聊咁Barn. 同埋答黎答去都係o個幾條問題~~ 放工o既時候, 竟然有o的咁o既事發生, 雖然只係得大約一個鐘, 但係都開心~~
星期四, 晨早就返o左去幫Finance Office佢地大執位, 簡單黎講, 即係搬野, 咁就做了一個上晝苦力了~~ 不過又有錢收, 都ok o既~~ 食個飯之後就去o左搭車入大埔, 去無聊~~ 搭車經過吐露港o既時候, 發覺如果自己楂車o既話個感覺會仲好, 期待呢日o既來臨~~ 夜晚, 去o左消防局度開會, 如事者, 咁就一日了~~

一世一生這膚淺對白... | hkblog\'s Xanga Site - Weblog

一世一生這膚淺對白... | hkblog's Xanga Site - Weblog

Posted using ShareThis

K歌之王 中有這樣的一句:
誰人又相信一世一生這膚淺對白 ?

在今天的愛情故事中，這也是熱門的一個問題。

熱戀中的人，總希望能夠和愛人永遠走在一起，幸福快樂地生活下去。
但經常從朋友的口中聽到的是，十段的愛情故事中有九段也是不能長久，
有人說: 「那只是一個遊戲，總有玩完的一天」
有人罵: 「那是一時騙人的感覺，沒甚麼值得談 ! 」
可是，有人卻把它看成是一生不可或缺的東西。

究竟這句對白值得相信嗎?

一對相愛中的戀人遇上問題解決不了，便說出分手兩字，原因是兩方的家長壓力，朋友的壓力等。這樣想愛不能愛的戀人，一生一世幾乎沒有可能。

另一對相愛中的戀人相愛了一段時期，熱情期過後想放開手雙，不能談上一生一世。
還有種種的原因像空間不夠,沒有新鮮感等，都是走向分手的路口，也令這對白變得膚淺而偽善。

失戀的人都可能悲傷唱著:「誰人又相信一世一生這膚淺對白 ?」
他們的心中肯定答覆自己:「我再不會相信一世一生這膚淺對白」
但試尋找一下他們的回憶，曾深愛的雙方，
有誰有曾不堅信過和他/她可以一世一生?
失戀的人告訴自己「一世一生」不再可信，
但難道他們心中就想找一百米賽跑般的戀情嗎?
在他們心中這句對白為甚麼會變得膚淺而虛假?
是因為不願意的分開? 或是因為對方的過失, 還是其他數不清分手的理由呢?

在我心中，一直堅信著這句對白，它被視為膚淺，但在我心中卻是真心的承諾。在日後的日子，無論路多麼難走或是問題到來煩擾，我都會一直愛著她。
那你呢? 今天你聽著對方說的這句對白，究竟是由內心說出的話，或是哄人的一句話，還是只是隨口說出的幾隻字?
無論你在熱戀中或是失戀中 ，你又把愛情看作成有終點的賽跑還是相信那被視為膚淺的對白?

甜蜜之最‧痛苦之最‧暗戀 | hkblog\'s Xanga Site - Weblog

甜蜜之最‧痛苦之最‧暗戀 | hkblog's Xanga Site - Weblog

Posted using ShareThis

今天，朋友突如其來的一條問題令我不禁心酸，她問：「令你最痛苦的是什麼？」，我二話不說便答了：「暗戀」，我的朋友立刻反駁說：「應該是失戀吧！為何是暗戀呀？」

她說得對呀，失戀真的很痛苦，但對我來說暗戀更痛更苦。因為失戀是有跡可尋的，在分手之前，多多少少都會feel到對方對自己的態度和對代不同了，因為對方已經開始厭倦了，在分手和傷心之前，大家都會有一定的心理準備。
　　
但暗戀就不一樣，對方不同和情人一樣送禮物或說千萬次的我愛你，暗戀一個人時，只要對方對著自己笑一下，只要對方看自己一眼，只要和對方有多小小的接觸，就會感到十分開心十分甜蜜，雖然只是數秒的接觸，但就可以整天都在，整晚不能入睡。
　　
相信大家都看過《惡作劇之吻》一劇，但大家有沒有細心聽過劇中的歌曲，其中插曲《全世界的人都知道》和《靠近一點點》短短的幾句歌詞，就能把暗戀他/她人的感覺全都表達出來。

「只要換你一次微笑，就算是作夢也會笑」

「就算讓我知道我永遠只是單戀，我也會藏著感謝，笑著和你說再見」
　　
記得自己在生日前幾天在街上看到我暗戀的人，他沒有跟我說話，他只是禮貌地笑了一下，我那天終於知道這句歌詞中感覺。
但與此同時，雖然知道自己沒有可能和他交往，但每當他和其他女孩十分開心十分親蜜時，心中就會有一種被刀傷的感覺，心中立刻出現很多問號，那個女孩和他是什麼關係？為什麼她和他一起放學？他們是情人還是同學？當你想問清楚事情時，卻怕換來的是「關你咩事呀，你係我邊個呀？」，因為這句話比[b]「係呀，佢係我女/男朋友」的殺傷力大好千倍，比「分手」兩字還要厲害。

「分 手」和「關你咩事呀，你係我邊個呀？」這兩句話我都有聽過，當我聽到「分手」時，我知道我們的感情已經不能回頭，我只好接受失戀的安排，但暗戀就唔同，因 為自己好像永遠都放不底，雖然口說放棄，但每次看見他，之前對他感覺卻再次出現，有時連我自己也不清楚我是否還喜歡他？

「全世界的人都知道， 一廂情願是種煩惱」
這種煩惱，你有自尋過嗎？

七月廿一至廿二

星期四, 病... 獸醫無用, 又要用舊幾水黎睇翻呢個醫生... 病到我wingwing地... 訓足成日, 但係個人係好似就咁攤o左嚮張床度咁, 個腦就亂咁諗野, 唉... 不過原來病o既時候聽到一句半句關心o既說話, 個人真係會好好多. 但係... 唉, 我都唔識講.
星期五, 今日個人都係wing wing地, 手軟腳軟, 又打風喎, 不過都唔關我事, 事關如果我係要返工而有假放o既話, 會係無錢收, 但係無工返o既話, 呢個假都只係一個假, 即係都係無著數. 呢個風幾勁, 去到九號風球咁強勁...

七月二十

尋晚訓得唔好, 今朝起身病病地... 橫掂都係要返學, 順便去睇獸醫, 我呢隻擒獸當然要睇獸醫啦~~ 之後就去坐Barn, 連續坐七個鐘喎, 朝十一晚六, 中間當然會蛇去食飯啦, 唔係實會餓死o者, 又咁o岩撞到呀信喎, 去o左食呢個Cafe~~ 至於呢七個鐘, 我就剩係嚮度睇奧運, 睇到眼訓...... 真係無陰公...... 夜晚, 個人病病地, 睇黎都係傷風感冒架啦... 唉... 都係早o的訓好了~~

尋日o既感覺終於都知咩事, 今朝成朝都無心機... 連cafe杯檸檬茶都唔知點解特別酸, 究竟係關我事定真係杯檸檬茶o既問題呢. 有時o的野, 整定. 無野講.

七月十八至十九

星期一, 今日一早就俾人叫o左起身, 想訓多陣都唔得... 去o左交學費, 咁就無o左兩皮幾野, 都唔知點解o的學費咁貴架囉... 之後就去o左陪呀婆佢睇醫生, 但係... 唉, 算啦, 都係唔講啦, 尤佢啦, 總之就係一家人咁陪佢睇醫生啦.
夜晚, 好眼訓, 好頭痛, 都唔知係因為眼訓到頭痛定係頭痛到眼訓... 所以好早就訓o左lu......
星期二, 今朝一早就起身, 返學~~ 返學校開工~~ 之後就食飯, 突然勁想食煙肉意粉喎, 諗住cafe有啦, 行到去竟然無?! 好, 行落LG7睇下有無即炒意粉先, 竟然又無?! 連o的焗意粉都係唔好食o既?! 最後好無耐咁行翻上去LG5, 竟然俾我搵到煙鴨胸炒意粉?! 平時唔見佢o既存在o既?! 雖則無cafe同LG7咁好食, 但係... 頂住條癮先啦. 食完, 去o左一轉科學園度開會, 但係早o左少少, 咁就行下啦, 點知原來有個大電視架喎, 播緊中國女籃對白俄羅斯(而家先知有呢隊野, 有白咁係咪有黑俄羅斯架? 仲有無灰架呢?) 開完會就返屋企lu~~ 咁就一日~~

夜晚個心唔知點解有o的唔知點咁, 對自己無信心, 定係注定失敗呢?

七月十七

今朝晨早就起身, 同o左屋企人去飲茶, 佢地又話九點三等, 點知九點三先起身, 最後係我同媽媽佢一齊去搵位先... 飲茶o既時候, o的單亂哂, 牛肉黎o左三次, 鮮竹卷黎o左兩次, 盅頭飯都黎錯o左一次... 最後食完之後, 去o左買對新波鞋黎替換對入水舊鞋, 之後就返工~~
今日風平浪靜, 但係呀成哥佢就... 好激動, deepV又好似真係玩得過火o左o的o的o既...
放工, 同o左呀邊個邊個去街, 但係架巴士入到隧道甩o左條呔喎?! 之後架車爬出隧道口落車, 攪到我要嚮條天橋度等車喎, 真係咁大個仔第一次, 嚮條天橋度企嚮度~~ 人地就話跳橋o者, 我先唔會咁睇唔開呀~~ 真係直落下面個墳場咩~~ 之後就行行行行行, 食食, 行行行行行, 過海, 行行行行行, 坐到腳痺, 八月十七號o既八點十七分, 做o左一o的要做o既野, 之後就行行行行行, 玩, 坐, 走人. 如事者, 開心的一晚.

七月十三至十六

睇一睇, 原來上次個日記只係記到七月十二, 唔係十三喎, 咁今次打翻十三o個啦~~
星期三, 今日早上返學, 差唔多月中先第一日返工, 呢個月份人工都唔方高... 聽日就筆試, 所以今日就係咁溫書, 記翻哂o的野, 例如飲酒係吹波波22微克, 血液係50毫克, 尿液係67毫克咁啦~~ 如事者, 咁就過o左一日, 之後就好肚餓, 去o左食Tea~~ 同埋聽個保險Agent講野, 一個月二百, 都ok o既醫療保險, 當然我都唔希望用得著. 但係, 聽聽下呀媽又打黎話呀婆佢可能要入醫院, 令我更覺醫療保險o既重要. 返到去, 果然, 佢條胃喉甩o左, 最後都要入翻去, 唉... 都唔知係好事定係壞事, 事關佢晚晚都叫到拆天, 又唔聽話, 唉, 總之就攪到我地一頭火(無打錯, 係一頭火, 唔係煙, 因為已經起火) 聽日就考筆試啦, 都搵o的咁o既野黎攪... 成十一點先返屋企... 努力溫多陣書吧, 但係一陣就已經眼訓了, 奔波o左成日, 唔攰就假啦. 希望聽日順利吧.
星期四, 今日早上食個早餐之後就去o左考筆試, 先去學校度溫個書先, 做完之後佢幫你對卷, 眼見前面o個個人o岩哂喎, Ｏ咀, 而我就只係百幾題面錯幾題, 咁就行o左過去考lu, 好緊張呀, 閂o左電話, 入去拎坐位號碼紙, 之後就隨個人喜好隨時開始, 一題一題咁慢慢做, 差唔多全部題目都見過哂, 只係得一兩題個答案唔sure, 一陣就做哂, 但係o的人就已經開始走, 唔理佢地, check多一次先, 好, 應該都ok架啦, 交卷, 出去等成績... ... ... 過o左唔夠一分鐘, 叫名, 拎result同路試排期信, 好野, Pass, 咁睇下個排期時間, 九點廿五分?! 咁早?! 唔係下化... 返翻去學校, 我問, 咁早, 有無得之前操車先去考架, 原來上晝都要九點半後先可以學車, 咁佢地就幫我試下排到十一點後, 唯有返去等消息好了~~
之後原本係約o左人去街, 點知, 呀婆佢入o左院, 唯有改期, 唉... 咁最後就返o左屋企同屋企人去探佢. 探完之後成個下晝都嚮屋企度Hea... 如事者, 咁就一日...
星期五, 今日下晝返學校庇護, 洗PRS呀~~ 正當我同另一個Helper Alex M佢好努力咁庇護緊o既時候, 德老闆佢突然講o左句“Ricky哥”Ｏ.Ｏ 當時我即刻打個突, 受唔起呀, 唔好叫我呀哥, 老闆叫我做呀哥, 一係就係筍野, 一係就係大獲野, 果然, 今次係又有筍野又有大獲野... SSQ Case, 仲要係連續兩個, 一個係Hall warden, 唔叫做易, 但係唔難, 著唔到機, 之後我拆拆裝裝就ok, 咁就一單, 之後o個單就麻煩, 裝Windows, 用佢隻Recovery Disk試o左兩次都唔得, 真係唔知咩事... 佢仲好好人咁請我食飯添, 外國人好好客, 雖則我只係一個技工, 收錢仲食埋佢餐飯, 真係有o的唔好意思... 但係一整就整o左四個鐘, 成十點幾先走, 仲要係未整好, 真係有o的唔同意思...... 如事者, 咁就一日.
星期六, 今日返工, Hea下就過一日, 但係就食o左好多薯片... 夜晚當然會去探呀婆啦. 食個飯之後就去o左燒街衣, 嚮度想, 無呀婆o既日子唔太慣, 但係就算佢出院, 都已經唔係以前o既佢, 心情好矛盾. 佢出o左院, 會為屋企帶來一個大麻煩, 佢唔出院某程度上可能係一件好事. 但係辛苦了醫院o既護士同清潔姐姐了.

七月初七至十三

星期四同五, 今日呢兩日都係咁無聊, 嚮屋企度度過, (其實係已經唔記得做過o的乜......)
星期六至一, 呢三日去o左Camp, 科大SU O Camp~~ 好玩, 正呀~~
第一日就晨咁早就返去, 但係又無聊喎, 咁就上o左去Artium頂一趟, 有鎖架喎, 但係... 個Alarm係虧架囉, 都唔會響o既... 之後o的無聊野唔講, 到下晝o既Game呢, 好玩, 但係玩到無氣, 跟本就係體力勞動~~ 點解個個ocamp都係咁架呢~~ 夜晚食飯, 食呢個LG5...... 食到一半就俾人召o左去睇check point, 拎埋碗飯一路行一路食, 食到SU office, 哈, 問你死未~~ 之後就同呀Hei佢坐足成晚, 吹你個漲丫~~ 之後就玩呢個綁架七龍, 得個行字, 吹漲呢~~ 之後就到呢個最正o既地方, 夜遊科大, 去o左Artium頂同Artium底, 估唔到係咁好玩, 正呀~~ Artium望落去, 好正~~ Artium底, 仲正, 但係點解... 有o的咁奇怪o既野架呢?? 又有聖誕樹, 又有隻大蝴蝶, 又咁多唔知要黎做乜o既設施, 真係幾嚇人, 你都咪講笑~~ 但係又真係幾好玩架喎~~ 咁就四點幾lu~~ Hea多陣, 沖個涼, 咁就六點, 睇埋日出先訓, 嘩, 見到個太陽, 真係幾正~~ 有人話呢個唔算係日出, 但係對我黎講, 已經係叫日出, 好正, 真係好正~~ 訓o左兩個鐘...
第二日食早餐, 麥記早餐, 好味, 之後就去o左呢個off campus, 周遊列國一圈, 仲去o左旺角度洗頭, 好勁o既組爸呀民, 真係洗到起泡, 強呀~~ 但係返到去先知原來我地洗頭o既地方隔離係旺角五級火警o既地方, 諗落都真係有o的...... 下晝就玩呢個模擬人生遊戲, 睇住班人找錯處, 都幾過癮~~ 但係呢, 人生Game之後就食飯, 又係LG5, 但係今日o的餸呢, 難食到...... 真係無陰公...... 食o左o的飯就算, 認真難食... 之後就跳Camp Fire, 跳到就死咁濟...... 攰~~ 不過好好玩~~ 之後就Pub Night, 由於之後要帶佢地再次夜遊科大, 咁所以就飲o左一支就算, 開車都係可以飲兩杯啦, 咁一支半支, 應該無問題o既~~ 飲完, 猜完枚, 咁就再次夜遊科大, 但係今次就差o的中招, 上天o既時候差o的俾個食蕉捉到...... 好彩個食蕉係kai o既o者, 唔驚~~ 但係就上唔到去, 真係有o的遺憾~~ 之後就再潛底, 行到好好玩, 姐媽驚到呢, 成日都捉住o的組仔呀咁, 好想笑~~ 如事者, 又玩到三點, 之後又房Game, 估估估, 到四點先訓, 呼~~ 兩日加埋訓得六粒鐘......
第三日o既早餐係呢個LG7, 唔錯, 幾好, 起碼好過尋晚o個餐飯...... 之後就到呢個賭分遊戲, 好玩呀~~ 正呀~~ 最後呀Max都難免俾人Con~~ 最後就寫龜背, 有好多Comment俾我, 唔~~ 有進步空間~~

如事者, 個O camp就完o左~~ 跟住呢, 就到第二日, 今日要去interview囉, 尋日打黎今日in, 個人都未訓醒, 又有o的logic Test, 又有program test, 個人wing 住咁做, 真係呢... Camp完就in, 就死...... 個表現都唔知好得去邊, 不過唔緊要丫, 叫做拎個經驗囉~~ 如事者, 咁就一日~~

七月初六

強烈熱帶風暴北冕今日幫全香港市民帶來一日假期, 但係我就少o左一個搵錢o既機會, 個風真係打足成日由上晝五點四十分, 到下晝五點十五分, 打工仔就好啦, 有假放, 但係我就, 唉...
成日嚮屋企度發臭, 真係無陰公... 話咁快就一日......
post翻前兩日o既相先~~
打開o左o既機箱~~

clone機o既時候, 當然要o的時間等架啦~~ (蛇王你就蛇王啦)

極之精神o既我, 天生神勇~~ (訓醒就緊係精神架啦 =,=)

尋日clone o既過百部機, total有一百零五部~~

六月廿六至七月初一

星期一, 原本今朝reg barn helper, 但係學校個web server死o左喎, 咁就攪到延遲一日reg, 本來十點起身, 知道o左延期之後又訓翻...... 食完飯之後上堂, 上個堂之後就返屋企. 夜晚, 學校個server都仲係有問題, 點知呢, helper呀頭就竟然話等個server無事之後First Come First Serve喎, 唔係下...... 嚮我嘈之下, 就話嚮uwant度出Post... 呆... 最後就用翻我之前整落o既玩具黎幫手. 嚮呢個時候, 個server又好似無事喎... server呀server, 咁大整蠱呀.
星期二, 朝早返Barn, 原本諗住溫書, 最後就掛住MSN... 之後一支公食飯, 就上堂, 亦都係咁就一日...
星期三, 亦都係要返Barn, 亦都係諗住溫書, 最後就無mood... (懶你就懶啦, 藉口~~) 上埋下晝o個堂之後, 聽日考埋個試就完o左呢個summer course架啦, 正呀~~
星期四, 今日考試呀, 晨咁早就返到去, 但係呢, 晶晶就好慘, 大埔爆水喉, 攪到遲到, (爆水喉唔係應該制水架咩, 咁制水又點可以攪到佢遲到呢? 爆水喉之後塞車呀, 唔通係沖沖下涼無水咩, 有無睇新聞架你) 但係呢, 呢個考試, 因為驚有人請槍, 所以就嚮入門口前check學生證, 原本係兩點開始, 最後就兩點半先開始, 所以晶晶好彩, 無遲到, 雖則已經飛o左六十蚊的士, 當係破財擋災啦~~ 同埋呢, 我地由上次midterm o既經驗, 坐最尾係走得最快, 所以我地最遲先入去考, 嘩正呀, 果然係第一排走呀, 唔駛嚮度坐咁耐, 但係坐最前o既人就最陰公, 呆坐咁耐之餘都仲未走得... 好野, 完o左一個course~~
之後就去o左打波, 估唔到見到個中學同學一齊喎, 世界真係好細~~
星期五, 今日去o左呢個踩單車呀, 正呀, 唔正呀, (點呀你, 又正又唔正, 你想點呀) 正o既係終於都有得踩單車喇, 唔正o既係, 又唔係好大太陽, 但係都曬到隻手塊面同條頸都紅哂, 成條紅燒排骨咁, 仲有少少痛添, 認真陰公... 今日剩係得兩個人踩, 而我亦都係佢o既第一次, 無錯, 係第一次~~ 你班PK唔好諗錯呀, 人地係第一次踩長途單車架咋, 我係同佢o既第一次單車友咋. 估唔到佢都幾好氣架喎, 第一次就可以去到大尾篤條壩, 幾勁~~
租車o個陣, 好戥公園入面o的舖頭慘囉, 俾出面o的人搶哂生意, 今次去仲比上次平o左o的添, 而家乜都加, 佢竟然減喎, 反通貨膨脹, 老闆呀老闆, 你真係慘...
今日係媽媽生日, 同o左佢去食齋, 咁就幾舊水... 但係都無乜所謂啦, 一年一次~~ 下年我生日o個陣叫佢請我去食buffet先~~ 呵呵~~ (今晚早o的訓就有得你食, 發個好夢啦細路)
打個title o個陣先發覺, 原來農曆六月係得廿九日架咋喎

---

內容最後更改於 2008-08-06 01:15:25