都仲係好累~~

今日......都仲係好累, 隻大脾舊肌肉都係有o的緊, 希望聽日好o的啦~~
下晝4點Automated打黎, 搵我聽日去in, 下, 唔係下, 聽日?? Wt the...... 我之前幾日咁得閒又唔搵我, 但係聽日係deadline, 玩野咩, 問清楚o的, 都只係得28-35個鐘, 唔係下, 同我而家份工一樣, 咁我做乜過檔呀, 挑~~

踩車車~~

今日幾過癮呀, 同成班同學一齊去踩車車~~
但係......本來話十點半大圍等, 大明星william佢...... 真係好聽我話咁由大埔踩出黎, 我地緊係無埋佢啦, 租車車玩~~
咁本來就好多人都有教呀輝佢, 但係...... 越來越少人, 最後,得翻六個人陪佢......
去到城門河下游臨過橋o個度玩石仔等呀輝, 突然, 我受襲呀, 俾呀偉佢一舊石咁車o左埋黎, 仆, 即刻面青唇白, 眼冒金星 *@.@*, 抖o左一陣, 都係唔得, 班長同呀輝黎到, 即刻俾舊膠我趙o左幾野, 好好多~~ 拿拿臨過橋去買支寶礦力, 補翻o的~~ 又買o左舊甚麼冰鎮波羅, 但係幾好食喎, 不過就貴o左o的三蚊舊...... 無啦啦俾襲, 真係, 唉~~
但係就...... 班長佢o架車條車軸有問題, 要人救, 我同呀輝行先, 不過就唔識路, 都係要等埋呀恆佢地......
入到大補, 我地去o左大埔中心o既一間茶餐廳度食Tea, 不過佢地已經食完仲救埋班長添~~ 之後佢地又話入大尾篤, 我同呀輝就一個虛脫, 一個唔夠脂肪, 同佢地分開之後, 我......我竟然抽筋呀...... 頂~~ 休息o左好多次先至可以到終點, 仲俾班長同小波佢追到添, 唉~~ 遲o左幾個字先交到車, 至於佢地, 足足遲o左成個鐘先到, Willian佢吵車之餘魚旦佢又蕩失路, @.@" 唔怪啦~~
今次去踩車車雖則係好多波折, 但係我終於都可以玩單手車, 雖然唔係好穩陣, 但係就真係好好玩, 沿住海邊踩車車真係好爽~~
p.s. 踩完之後, 個個人第一次坐底就一定講o左一句粗口, 事關"等"o左咁多個鐘, 個屎眼唔痛就假啦~~

過癮~~

今日好過癮呀, 做o左兩張新証呀~~ ^.^v
應該都無乜問題o既, 但係第一張就唔記得o左叫人簽名, 好o左佢之後佢黎借書, 叫佢簽翻...... 有驚無險, 呼, 無事, 但係...... 之後張智能身份証就...... 唔記得o左入個id, 好彩o個時都唔係好多人o者, 最後都係叫人先擺得平, 先知自己衰乜, 好彩, 無事~~ 不過就...... 本來諗住有兩張智能, 可以俾人玩下咁啦, 但係...... 當我做錯事之後就要人擺平之餘, 亦都俾人食埋做証o個位, 另一個好恨做証o既同事就無機會lu, 有o的唔好意思添, 但係個同事係Full time, 有成個禮拜o既機會, 但係我就只有一日, 唔好同我爭呀下~~

條仆街~~

今日都真係仆, 返工本來好地地, 但係就俾條仆街攪死, 咁佢話要睇下本書有無人hold啦, 咁我同個同事話俾佢知一定要續先睇到, 但係佢無出聲, 咁我就續o左佢啦, 點知條仆街就話唔係續, 咁咪會小o左幾日囉, 我頂佢丫, 你之前又唔講, 呢o個咁o既past paper, 睇多兩次會Ａ咩, 我又唔睇, 考o個時又無做成part咪又係Ｂ到, 收皮啦, 之後最仆街o既係佢打俾另一間館問喎, 又話可以轉證, 最仆o既就係今日o個老細係我最唔熟o個個, 頂~~ 打黎問又煩到老細, 小, 咁咪又俾人拉o左我入去講兩句囉, 都唔知有無攪錯, 頂佢丫~~
本來今日有機會做到新證好開心, 但係俾呢條仆街攪一攪, 攪到我一o的都唔開心, 小~~ 好在個個同事都話我無錯, 咁都好o的~~

真係諗多o左

睇到佢個日記, 原來我真係諗多o左, 同發覺我同佢個friend o既諗法係一樣, 連心情都係一樣, 無奈...... 算吧啦, 你都係搵過第二個啦, 真係唔o岩你.(我都想, 有至得o架, 唉~~)

哈哈~~

今日去幫人整機, 笑死我呀, 竟然俾我見到個人部機度有o的Ａ片喎@.@" 本來真係想開黎睇, 但係去幫人, 唔係去玩, 唔係一定會開黎睇~~

吹漲~~

返工, 真係好慘, 一個人頂三個人o既位, 仆直, 但係無更表只係得一個鐘係上書...... 佢唔俾野我做我都無計, 咁我真係好爽, 兩日後就真係唔知點lu, 過兩日俾人鬧先算lu~~ 最抵死o既係夜晚同個唔做o野o既人一齊, 哈, 吹漲~~ o的書無人上唔好賴我呀~~

今日, 聽日 : 好, 唔好

今日返工返北角, 幾好做丫, 幾爽, 但係...... 聽到個電話, 話聽日返o既香港仔係同一個唔做野o既人一齊就...... 仲話o個個係替假位, 會好多野做, 心諗, 仆, 聽日一定會做死......
放工, 本來想同佢去食Tea, 但係打俾佢, 佢竟然係嚮中央, 無言中, 都唔知佢係唔係專登避我, 唉~~ 或者可能只係我諗得太多, 再諗諗, 我其實跟本係無資格去諗.

skill test~~

今日晨咁早起身, 返學(又係廢話開頭~~), NT I 有個skill test呀, 好仆街呀, 呀Sir玩人呀, 講o左句, 只係用一部電腦, 玩死好多人呀~~ 最後只係得翻一半人到可以完成個skill test, o的線虧, 個port又係虧, o的人係勁唔滿意囉, 我都要用個Serial 1 先得囉, 真係......仆
下晝去poly度聽talk, 好過癮~~ 個機械人好得意呀~~

又係OutRun, 好嬲呀!!!!

今日放學, 又係去打OutRun, 好嬲呀, 我頂佢個肺, 凸-.-凸
同呀恆, 墨丸, 同呀輝玩Link Play全走咁啦, 本來都好地地, 跟住呀恆, 都無乜野, 我頂佢丫, 一個後車, 嚮最尾三個ckeck point度撞多o左幾野, 俾呀輝超o左, 仲要又係好似前幾次咁好似波子機咁超我, 我頂...... 排第三咋, 頂~~ 嬲, 亦炆自己, 唉~~

街機都Hang機!?

今日早o左返工, 咁就去機舖度打翻舖機咁啦, 入錢落部Gundom度, 有入錢聲, 但係之後......黑畫面@.@" 等o左一陣, Loading...... 下?! 唯有叫人黎, 佢竟然話我知「可能係Hang o左機」, 我O嘴, 心諗, 街機都有Hang機, 呀輝講得無錯, 真係虧機...... 咁佢焗住俾翻一蚊我, 我緊係即刻打翻舖Gundom啦, 一過就過o左六版, 睇睇個鐘, 仆, 仲有五分鐘, 即刻死o左佢, 我仲可以玩o架, 嗚......
好開心呀, 老細終於都肯俾個password我啦, 有得用, 唔駛下下都要搵人啦, 大家都唔駛咁煩, o的客又唔駛等, 無咁慘, 但係可能係意味著我可能要做多o的野......

OutRun~~

今日又係去玩OutRun, 好過癮, 玩Goal B竟然會有第五名~~
上網入Record, 竟然係會有Ranking 33 @.@"
HeartAttack Goal A 就差o的, 只係得176~~

死人apache2

Apache2 真係用唔到ASP, 攪o左我幾日都係搵唔到, ASP.NET就得喎, 我頂佢丫~~
最後都係要裝翻個Apache 1.33...... 頂~~

又係班仆街~~

今日係個Business Pretice o既最後一日, 本來應該好開心, 但係...... 班, 唔係, 應該係o的仆街(指名係得幾個), 佢地真係唔做野, 俾片佢地都唔剪, 咁咪無得交囉, 唯有係咁啦, 本來以為佬癲佬佢即刻睇就無事, 但係叫我send條link俾佢, 咁就真係無計, 睇你班仆街剪唔剪~~
之後玩outrun, 俾墨丸佢贏我一個車位, 無奈......

班仆街~~

今日學校捐血呀, 我咁好人就緊係有參與啦, 原來都唔少人捐o架喎~~
本來今日有成四個鐘, 班仆街可以去拍埋個presentation 但係又, 唉~~ 總之就仆街啦, 都唔知點解會有o的咁仆街o既同學, 都痴孖筋~~ 真係好想小鳩佢地, 我唔理呀, 我唔會插手, 等佢地知道我唔係好蝦, 人係要為自己所做o既野負責.

明白o左呢個人點~~

收到個email, 係我呢個Blog有人留comment, 個E-mail日期係上兩個禮拜,我原來我有成兩個星期無check gmail...... 但係呢個comment令我知道呢個人點, 我唔知講咩好, 但係就真係一言驚醒夢中人, 所以我即刻改o左我icq句野, 不過諗諗下呢個人都唔係講中哂, 只係講中o左一半咋嘛~~

特別o既今日......

今日派成績表啦, 唉...... 夜晚一過o左十二點就上www3睇, 一睇...... 唉~~ 得兩個丁, 兩個Credit, 剩翻o個兩個就咪只得pass囉, 都唔知有無攪錯, 唉......
朝早返到學校就見到好多人嚮C217排隊拎成績單, -O-"
咁我地見咁多人咪去204度啦, 到我夠鐘o個時去到英文堂個課室啦, 點知......去到只係去到一號 @.@" 無錯, 係一號, 足足等到成十一點幾先到我, 嚴重Delay......
放學去玩OutRun2, 同班長, 呀恆, 同墨丸佢一齊玩link play, 原本我玩野, 同班長夾住呀恆, 一齊過check point, 但係騎呢o既事就發生啦, 呀恆佢段路無左, 之後竟然, 竟然返回之後個check point o既起點, @.@" -O-" 無聲出...... 佢仲要係排第一...... O咀~~

OutRun

今日放工之後去o左打機, 緊係玩OutRun啦, o既然之前可以用AT玩過板, 今日就緊係試玩MT啦, 不過......只係可以玩到Stage 5, 連Goal都見唔到......唔緊要, 我一定會再黎過, 等我呀~~

認命

無錯, 都係返八點半o既今日, 去到葵芳就見到AP, 唔係呀 @.@"
佢仲要去到學校落o左車之後等埋我地, =o=" 即刻話去canteen食早餐, 避過, 甩難~~ 好彩.
臨放學有個saminla, 見到肥西同秋文好親熱, 心諗, 又唔係下, 班長見到, 佢即刻灰晒, 咁又係, 俾我都灰啦, 唉~~
我成日嚮度諗, 點解我地同隔離班o的成績差咁多o既, 今日見到Billy佢地參加唔知咩比賽, 有件我好想要o既NTC風衣, 唔係下, 唉~~ 我呢班o既同學都唔會參加呢o的比賽o架啦, 相信我可以有呢件風衣o既機會真係好微, 算啦, 我唔係怪我o的同學, 我都只係怪我自己, 同個天, 因為佢, 我先至會嚮呢班, 我先至會識到呢班同學, 我先至會嚮呢一班度做到頭幾個人, 我從細就好想參加乜乜比賽, 物物比賽, 但係一向都只係得個想字, 而家都係唔例外, 我可以做o既都只係可以 ── 認命

尋人??

搵一個你鐘意佢, 佢又鐘意你o既人, 係唔係真係咁難??
曾司長話, 遲o的有可能會去到一百個女人只係得七十五個男人, 我又好多時都聽到有人話天涯何處無芳草, 但係對於我黎講, 呢o的野o既可相性真係唔大, 至少我識o既女性唔多, o岩我o既又已經有男朋友, 我真係唔知點好, 唔通個天都唔鐘意我.
曾司長又話, 而家o的人生仔係好, 尤其是係年輕力壯o個o的, 我心諗, 我其實都有o的想o架, 但係我而家連想o既資格都無, 莫講話支持.
見到好多人都因為愛情呢樣野要生要死, 我有時真係好想小鳩呢o的人, 我連試都未試過, 你條契弟丫, 細細個就話要生要死, 咁你真係唔死都無用.
我真係好想試下, 不過, 又係呢句, 唉~~ 有先算啦, 唉~~

開心~~

今日好開心呀, 首先係嚮Emb Prog堂有個A先啦, 之後有四個鐘喎, 無聊o既我地本來諗住去踢波, 但係個場有好很多人, 咁就唯有同呀恆做我地之前諗住去做o既野──打機
恆哥佢諗到個方法去破OutRun Record, 佢真係好勁, 全球十大都係遲早o既事, 至於我o既目標就只有一個, 過State1.
好開心o既係我終於都可以過到, 下一個目標就係用MT, 唔用AT. 星期六放工之後試下得唔得先~~

口罩

又係要晨咁早就要返學o既今日, 班長今日唔知醒, 恆哥打俾我, 話等埋我地, 佢就咁就睇住一o架校巴就走o左......
上堂啦, 但係o的仆街個個都病Ｑ哂, 係咁咳, 頂佢地個肺丫, 攪到我要Lunch o個時去問姑娘扲口罩, 帶住個口罩上堂, 放學, 打機...... 頂~~
p.s.隻大巴Game好好玩

挑機?!

今日返工之前, 去o左打翻舖GunDum咁啦, 唉, 依然係打到第三版就死鬼o左, 唉~~
咁放工就再去打多次啦, 但係......唉~~ 唔好提啦, 間機舖都唔知係唔係專登昆人, 寫到明係訓練台, 但係就有Link機, 攪到我好唔好意思咁去挑人機, 不過係輸o左@.@" 算啦, 都預o左o架啦~~

臨尾香......

又係要返工o既今日, 放工去o左打OutRun, 玩Heart Attack Mode咁啦, 本來頭機關都好好, 真係有Rank AAA, 好開心, 但係最尾o個兩關就......E都有扲過, 唔係下, 最仆街o既係連續打兩舖都......都係臨尾香呀, 又係差幾秘呀頂, 唉, 相信練多 兩三個禮拜就應該唔會咁掛, 希望係啦...... 不過我最尾都有Rank C喎@.@

點解會咁o架呢??

今日又係呢句開頭, 今日又係晨咁早就要返去, 返到去, 見到呀恆同班長兩個無乜點兩句, 之後佢地都係咁, 上完第一堂, JoJo話佢聽到ICT Department 門口有補考名單, 咁我地就上去睇啦, 話時話, 都有唔小人要補考, 但係最衰就唔知成績, 好想快o的知道自己有無丁~~ 上完堂, Lunch, 呀恆同班長都依然係咁, 分開o左坐......
上完DC Toturial, 呀華哥佢話去踢波, 好耐無去過踢波啦, 但係踢踢下有o的雨喎, 只係好細咋嘛, 但係成班人係咁走o左去JoJo度避雨, 唔係下...... 只係得翻三個人嚮度, 都唔知有無錯~~ 最後停雨佢地咪又係出翻黎踢, 挑~~
放學, 呀恆佢同我講o左一o的佢同班長o既野, 我覺得佢地真係唔係好夾, 但係就唔知點解佢地會一齊做friend咁耐, 可能呢o的就係緣份啦, 個天都係咁安排, 無計, 唉~~
之後呀恆佢覺得唔係好舒服, 同我一齊黎o左灣仔個公廁度嘔, 之後佢都有打翻個電話俾我, 好彩佢無乜事咁, 咁我都安心o的~~ 佢呢幾日都已經係病o架啦, 但係班長都係咁, 唔通做friend 就唔可以互相體諒??

走堂

今日上完Emb Programming之後, 我經歷我呢一生人o既第一次走堂, 走o左堂四個鐘之後o既OOP lecture, 返o左去我o既中學, 去o左o個個同之前有相差成八層樓o既圖書館, 但係...... 比起以前o個個細o左好多@.@" 都唔知點解會咁

business leader唔易做

今日係我地個business 最緊要o既日子, 過o左今日其他野就好辦事, 但係一件我一直都有隱憂o既事終於都發生o左, 唔係呀豪(佢一直都無出現過......), 而係牛丸 =.=凸, 佢竟然無帶o的利是, 我仆, 唉~~ 星座話我o的事唔好咁上心, 佢好彩, 我有苙多o左利是封俾呀恆, 我可以做o既唯有係叫佢自己搵大興print, 呢o的野係佢自己攪出黎, 我一定要叫佢攪翻掂佢, JoJo佢都係, 無分到十二封唔同o既一圍, 佢一樣都要攪翻掂佢, 都唔知有無攪錯.