Routing Protocol - RIP Compatibility

In Tuesday ISMT218 lab session
I have try to setup two CISCO router using RIP routing protocol
RouterA and RouterB
RouterA use the default RIP version
RouterB use RIP version 2
At the beginning, i think that both of them cannot exchange information since they are using different version of the RIP protocol. However, I found that in the routing table, RouterA have a route to RouterB but RouterB doesn't have a route to RouterA.
I wondering even if they can communicate with each other, it should be RouterB have a route to RouterA, as RouterB using a newer version of RIP protocol. It may be a backward compatible in the RIP version 2, but I am wrong.
I have clean the dynamic route, and wait for 30 second for them to exchange routing information. After 30 second, the route appear again in the RouterA. oh, how come?!
After discuss with the TA, Mr. Bryan Man. I have turn on the RIP debug information on both router. Something interesting come out, both Router exchange their routing information, RouterA get it successfully and using it to build the routing table, but in RouterB, the one using RIP version 2, show that it have received the information, but since the version does not match, so it discard the message.
This is very funny that RIP protocol version2 does not have a backward compatibility, but is RIP version 1 have a "forward compatibility"?
I guess that RIP version 2 need more information to calculate and complete the routing table, since the routing information from version 1 cannot provide sufficient routing information for version 2, so it discard the information. However the routing information provided by version 2 is more than version 1 needed, so version 1 can still use for build the update the routing table.
I will examine my assumption later to see is it correct or not.
However, you are not suppose to have two different routing protocol, even same protocol with different version in the same network.

週記

話咁快就一個禮拜, 估唔到我咁就忙o左成個禮拜, 但係仲未忙完架囉, 唉......
上星期四, 死火, 突然唔記得我做o左o的咩添, 明明朝頭早都仲記得架, 失憶呀......
記得翻啦, 下晝上完堂之後好似係做FYP呀, 個update program core 部份亦都攪掂, 係差o的exception同埋個interface未整靚o者~~ 話哂都叫做有o的成績出黎~~
星期五, 今朝一早就起o左身book場, book定黎緊個星期五o既排球場, 好野, 有波打呀, 但係, 基於人手調動關係, 本來諗住book兩個鐘, 而家只係book到一個鐘囉, 無奈...... 乜staff account係book唔到場架咩? 真係唔知...... 咁點解佢又可以報到sport skill o既......?! 晏晝, 走堂都去o左take barn, 錢黎架~~ 之後下晝就去o左聽samsung briefing, 真係聽佢吹水o既多o既...... 有件細碼tee做紀念品, 但係點解唔係samsung而係SENG o既...... 茵茵等埋我一齊放學, 開心呀~~(等你兩個字就開心, 等你一個鐘你咪要以身相許? 咁死得啦, 我有幾多個身許俾人呀) 但係呀豬佢成日都話我係同佢有o的唔知咩關係喎, 我都想有呀, 人地有男朋友架啦, 我都講過話我係唔會追一個有男朋友o既女仔架咯, 係都等人地散o左我先會追人地, 你話我乘虛而入都係咁話啦, 若果人地o既關係係緊o既話呀, 點拆都拆唔散架啦, 係咪? 帶o左o的254野返屋企做, 但係o個晚所做o既係lang 個handout同IBM份CV.
星期六, 終於都有得訓晏o的啦, 返工返十二點, 但係個人都仲係勁唔舒服, 個喉嚨痛到呢, 講野都有o的唔想出聲囉...... 但係今日有茶敘喎, 咁剩翻o既野食, 我地當然唔可以浪費, 要食埋佢啦, 正~~ 食到飽哂~~ 咦, 咁我夜晚做過o的咩呢? 都係好似剩係做緊個lang同埋CV咁喎.......
星期日, 呀主管本來想我返早o的, 但係原來聽日係拍呀峰喎, 哈哈, 我緊係唔肯啦, 病緊丫嘛~~ 同埋, 真係好累, 錢已經唔係問題, 最緊要係有得訓, 賺少一個鐘錢, 但係可以訓多兩個鐘喎, 我當然會揀訓, 唔係點捱落去呀. 返到, 咩話, 今日竟然會有四個CT返o既, 咁恐怖?! 有兩個平時唔會嚮度o既CT嚮度, 亦都有一個今日唔應該嚮度o既CT嚮度, 乜咁熱鬧呀~~ DeepV仲整o左個pancake翻黎添~~ 開始食o既時候, kobe佢切完就撩起o左一層黎睇, 一望, Oh! Shit...... 乜裡面o的餡咁o既樣o既, 分別有幾個人一見到之後都不約而同咁話係似吞拿魚囉...... 食落, 我都唔係好覺有乜味...... 但係原來呢件餅唔係DeepV佢整架喎, 而竟然係芭芭拉整架喎, 全部人聽到之後都唔信, 話芭芭拉邊會整得咁差呀, 但係我相信DeepV佢唔會講大話...... (芭芭拉你咩都睇唔到, 咩都睇唔到) 夜晚, 同小敏MSN, 唉...... 差o的攪喊o左人地, 對唔住呀, 我唔係有心架...... 好在見佢個樣唔到o者, 唔係就真係唔知點收科...... 俾DeepV見到又會無拉拉鬧我仆街架啦, 都唔明點解次次關小敏事o既時候, DeepV都會鬧我仆街架囉, 佢明明係鐘意巴..... 差o的講o左出口添, 你乜都聽唔到, 乜都聽唔到, 係囉, 明明係鐘意呀邊個架啦(我好sure唔係小敏), 點解又會因為第二個女仔鬧我仆街架囉.
今晚就真係做254啦, 但係, 唉...... 話叫做做到, 不過都係唔夠光, 可以點呢...... 仲有就係我插一條線佢就同我斷一條, 小......
星期一, 今日一早就返o左學校, 嚮見TA之前, 去o左睇獸醫(我無否認過我唔係禽獸, 但亦都無承認過喎), 終於都開o左o的抗生素, 唉又食, 咁攪法, 都唔知幾時死囉...... 見TA o個時, 個LED 都係唔夠光, 唔通真係要逐粒逐粒字出...... 無奈...... 晏晝, 可能係食o左藥, 又或者跟本係我唔夠訓o既關係, 堂170 tutorial訓走成堂, 唉, 今次170真係凍過冰水...... 夜晚, FYP, 但係Denny佢做到憫架囉, 做o左成日都係攪唔掂, 果然條rss bar勁浪費resources, 最後佢都係帶翻屋企做.......
星期二, 今日上218 lab o個時發現o左rip o既一樣野, 詳細見另一篇, 乜咁都有o既, 真係俾佢吹漲囉...... 下晝, 去o左見Sponsor, 但係實際都係試片多, 都無乜野可以Demo俾佢睇...... 夜晚, 訓到十一點先死翻起身做個254 program, 希望work啦......
至於今日, 今朝見到茵茵o個時, 佢面青口唇白囉, 原來係唔舒服, 食錯野呀, 見到都, 唉...... (心痛)

又黎個四日記~~

好, 又黎個多日記
星期日, 今日返工, 拍翻呀DeepV, 佢又話請假, 最後咪又係搵唔到人頂, 要自己返翻~~ 下晝返工, 發現原來個櫃裡面有舊香皂嚮度喎, DeepV唔講都唔知喎, 原來呢舊野係一個讀者送架, 但係o個個人...... 可能會係比較唔係咁直, 至於舊野係送俾邊個, DeepV同Linus都唔認係俾自己, 詳情可以睇DeepV Xanga. 放工, 肚餓呀...... 去o左食野, DeepV話呀小敏話去茶軒, 去到小敏又話係呀DeepV話去, 咁究竟係邊個話去呢, 呢個都唔重要, 最重要o既係o個度o的野比起扒王, 貴...... 又少...... 唔抵食, 都話去南記食麵架啦, 我係麵王之王黎架嘛.
星期一, 一早就返學, Reg Winter 讀LANG 306, 點知佢話唔係先到先得, 而係抽架囉, 咁我咁鬼早返黎做乜呀, 頂......
星期二, 今日勁唔舒服囉, 一起身就喉嚨痛, 上完堂就去o左食早餐, 但係最後都頂唔順, 去o左睇醫生, 就係咁, 今日成日都係咁戇居居咁過, 但係又要做project喎, 聽日pre-demo啦, 今晚點都要試哂佢, 最後做到十點半就走, 累死啦, 唔該哂呀豬同埋茵茵佢地幫手執野...... 返到屋企, 沖個涼就訓o左, 真係累死......
星期三, 今日朝早要pre-demo, o的應該出到o既野都可以叫做出到, 但係led 唔夠光啦, LCD唔係太得啦, 隻Emulator又嚮o個部機度臨尾先唔work啦, 唉, 有o的灰囉...... 而個人成日都係好累咁過, 畢竟病丫嘛, 真係要多o的休息...... 而家茵茵就幫我落o左百佳度買野俾我食藥, 唔該哂~~

終於都開o左個facebook啦, 但係...... 發覺都係無乜特別囉, 亦都係無乜驚喜, 簡單黎講, 都係唔知係做乜架囉......

四日記

又係時候打日記啦~~
星期三, 今日返成日學, 但係實際上堂時間只係得兩個鐘, 朝九晚八, 中間有一個鐘係食飯, 呢o的時間最好就係做功課同埋做project, 爽呀~~
事實上嚮六點後就係去o左SSQ o個度幫人整機, 幫人清毒, 好在佢中毒唔深, 唔係太難o者, 但係掃毒果然係要時間, 咁就做o左兩個中, 仲現兜兜咁收錢添, 今個星期餐飯又有著落啦~~
星期四, 今晚留o左嚮學校度做fyp, 今晚全程係嚮度睇住晶晶做, 幾爽呀, 但係都有幫過佢o既, 等佢都唔會叫做無做過野啦, 係咪~~
星期五, 今朝check 254份卷, 本來茵茵話九點返去, 但係佢打俾我話想訓多陣, 咁就俾你訓多個鐘啦, 點知嚮佢打俾我o既時候, 我o岩o岩入o左廁所(起o左身啦嘛), 俾屋企人聽到個電話, 係女仔黎架喎, 仲要話叫我返遲多一個鐘, 對於我黎講緊係無乜野啦, 對卷咋嘛, 咁咪返遲o的囉, 點知條友(我屋企人)又嚮度借題發揮囉, 話咩點解要俾人控制, 點解唔可以你控制人, 唉...... 又嚮度發癲啦, 大佬, 返遲o的o者, 有咩問題喎, 又唔係上堂, 條......
夜晚, 做254, 發覺我地野就多, 但係o岩用o既唔係得太多囉, 整成晚都係試唔哂o的ciruit, 唉, 下星期就pre Demo啦, 個step motor都未試, 點算呢, 又十二點幾先返到屋企, 屋企班友又嚮度發癲, 成日都以為我嚮出面拍拖, 我都想呀, 有至得架, 條, 搵日唔返屋企添呀, 仆你個街, 越講越激氣.
星期六, 嘉茵生日快樂~~
今朝出o左去買禮物, 本來想買多張咭添架, 但係...... 唔夠時間搵, 剩係買o左禮物就算啦~~ 夜晚, 同嘉茵小敏一齊去食飯, 又行街, 幾開心呀~~ 詳細內容唔講lu, 費事俾DeepV羨慕啦~~
今日返工係拍呀成, DeepV講得無錯, 呀成果然係比較乾o的~~

愛人結婚了

愛人結婚了, 新郎不是我
咁大個人, 終於都面對到呢樣野lu, 雖然好久以前都估到呢件事實會發生, 但係無諗過咁快就發生o者
愛人, 我愛o既人, 我相信佢亦都曾經愛過我(一霜情願o既諗法), 但係佢(她)o既然揀得佢(他), 我亦都尊重佢呢個決定, 畢竟同愛o既人一齊係快樂o既
愛一個人, 唔係要擁有佢, 而係想佢可以開心快樂, 而家佢地結婚啦, 一定係會開心快樂架啦, 呢個亦都係我想見到o既結果, 佢地結婚, 亦都可以講成係雙方o既一種承諾, 希望佢地開心~~
最後, 祝佢地新婚快樂, 亦都希望佢地開開心心, 白頭到老.

軍蠔豬與他的豬朋狗友3

軍蠔豬與他的豬朋狗友今次又有新攪作, 軍蠔豬佢今次作出高難度表演, 繼上次訓地之後, 今次佢將會訓嚮張櫈上面, 俾佢o的好似我咁狗o既朋友拉來拉去, 但係佢依然係可以好從容不迫咁嚮上面訓攪, 勁呀~~

日記

星期六, 放工之前, 同o左嘉茵講話同佢一齊搭車走, 點係點知呢, 我走o個時, 佢同我講o左句, 唔記得o左你添...... 我即時O 咀, 無野講......
星期日, 今日deepV佢返呀, 但係佢好似話今日係佢放一個月大假之前最後一日返工, 攪到我想整個"沒有DeepV的(安樂)日子", 個安樂係攪事架o者, 畢業都同佢拍o左咁耐, 遲o的日日對住個唔知點o既同事, 都有o的驚...... DeepV, 你對我黎講真係都幾重要, 做生不如做熟丫嘛. 原來下星期六係嘉茵生日喎, 約埋o的同事同佢一齊食餐飯先~~
星期一, 朝早見254個TA, 但係呀豬佢呢...... 嚮我出門口o個陣佢先起身...... 應該係尋晚趕303 o的功課掛...... 到10點o個陣佢都未返到囉...... 而我就俾隻LED 字個TA 睇, 之後諗住試埋個MUX, 但係...... 唔夠時間, 走o左boli 堂都唔夠時間, 咁就剩係上gu堂, 但係上堂無幾耐, 就俾Denny個sms提醒o左我, 原來今日有IBM Recruitment Talk, 最後連茵茵(呢個係茵茵, 唔係嘉茵, 一個係同事, 另一個係同學, 唔同架~~)都走堂去聽埋一份...... 最後個Q&A session我仲答o岩問題, 有紀念品添~~ 但係...... 跟住下晝去check 170卷o既時候, 唉...... 又一個SD, 唉...... 真係好灰...... 夜晚, 拎o左o的LED同MUX返屋企試, 但係都...... 唔夠光, 點解架呢??
星期二, 今朝本來等茵茵, 但係今日到佢訓晏o左囉, 又無人陪咁一個人返學...... 自從知道自己170咁低分之後, 我就唔可以再嚮170堂訓, 今日好難得地無訓到, 有聽佢講書~~ 下晝, 又過o左poly, 今次哂菲林, 唔夠時間Route 版...... 點知, 個呀Sir係咁話要收錢囉, 菲林要錢, 銅版要錢, 乜都要錢囉...... 唔理, 整o左先算~~ 冬冬同埋呀豬佢地兩個已經相認o左, 但係就兩個都咁怕醜喎, 一次生, 兩次熟o者~~ 夜晚, 嚮我就黎訓o既時候, 突然間收到個email, 254 midterm mark呀, 睇完, 都係無乜野想講.

週記

唔覺唔覺又成個禮拜無打日記
上星期六, 咦, 我做過o的咩呢? 等我諗下先...... 好似溫過下書咁, 又好似畫過下254塊pcb咁...... 仲有無呢, 成個星期之前o既野, 鬼記得咩.
呀, 我又記得啦, 放工o個陣去o左食Tea呀, 扒王之王呀, 嘩咩話, 扒王之王去食Tea? 咁有米呀, 下, 廿蚊咋喎, 雖然唔係叫做平, 但係亦都唔係真係好貴丫, 臨尾o個陣佢仲送o左張coupon喎, 仲要每人一張添喎, 每張平十蚊添喎, 呀, 講翻先, 今次有三個人去食, 我DeepV, 同埋DeepV個師弟, 亦都即係我地o既同事, Frankie, 但係張coupon係valid一日架咋喎, 即係星期日...... 咁...... 好聽日搵埋小敏佢一齊食先~~ DeepV佢都話好架, 點知, 哼...... 我講野又唔跟sequence 啦, 簡單黎講, 即係又語無論次, 講翻等野食o既時候先, 飲品好正常都係好快咁黎o左先啦, 嚮等野食黎o既時候, 望落街, 有架巴士塞o左嚮度喎, 個車頭仲對到正我添, 咁坐嚮樓上頭位o既有一家人, 分別係兩公婆同埋佢地一對仔女, 我好無聊咁同佢揮o左一揮手, 佢呀爸見到喎, 第一次佢就剩係望o左我一眼, 但係當我揮第二次手o個陣時, 佢叫埋佢o的老婆仔女都一齊同我揮手喎, 最後, 我拎起o左杯野飲同佢cheers~~ 最後我自己都笑o左~~ 我發覺我有陣時真係痴痴地o既~~
星期日, 好開心呀, 今日真係約o左小敏(講o左咁耐, 都未介紹佢係邊個添, 佢其實係我o既...... 咩囉~~ 你又講咩呀, 又嚮度咩咩聲, 個咩係咩至得架?? 同事囉......) 當然仲有DeepV啦, 小敏同DeepV喎~~ 你講咩呀又, 咩小敏同DeepV呀? 下, 乜唔係咩架咩, 呀邊個邊個講o既...... 又邊個邊個呀, 咁咩同埋邊個係咩同邊個呀? 咩呢, 就係呀邊個好想o既咩, 但係佢地係唔係真係咩呢, 我就唔知啦, 但係我相信唔係真係咩, 因為DeepV佢係咩呀邊個o既~~ 咁今次個咩同邊個又係咩同邊個呀? 今次個咩係咩就唔講得, 但係就應該係你地諗o個個咩, 至於邊個係邊個呢, 呢個邊個就係頭先o個個邊個, 知就知, 唔知就算啦~~
星期一, 今日可以訓晏o的啦, 254個lab唔駛返~~ 夜晚就溫書
星期二, 今日下晝過o左poly去route版曬版, 本來佢係5點就趕人走, 點知, 我地做到8點先走, 真係好多謝Gary Ng, 佢真係好人~~ 陳迎冬又話會上堂, 點知打俾佢o個陣時佢話佢走o左堂囉, 攪到我介紹唔到呀豬俾佢識囉~~
星期三, 今日茵茵佢未做哂功課, 而我都無去sit堂, 同埋denny佢好早就去o左食飯, 因為之後茵茵都要上堂, 無得同佢食飯, 點知佢上o左陣堂就話miss病o左, 無人陪佢食飯, 我...... O o左咀, 我點知你唔駛上堂o者, 無野講...... 夜晚, 都係溫書, 聽日mid-term......
星期四, 今日上晝返去上Q&A, 問野, 茵茵問我, 170 mid-term上晝o個堂應該唔駛返架喎, 係都係問野架咋喎, 我咁早返都係想見多你幾面咁o者~~ 下晝, 去o左畢業禮個reception, 食飽飽, 再去考試~~ 至於個mid-term, 唉...... 大炒...... 唉......
星期五, 今日又可以訓晏o的啦, 本來下晝諗住做254, 點知...... 全部野都係嚮呀豬locker, 而佢...... 下晝五點先返囉, 攪到我周圍嚮度問人借"辣雞", 終於皇天不負有心人, 問到oskar借, 太好人啦佢~~ 入o左EE fyp lab, 果然係ee lab, 同cs o個個真係好唔同...... 做到成10點先走, 去到坑口先食飯, 仲阻住人地收舖......
星期六, 好在之前嚮本簿度留定機咋, 唔係死硬, 以後都係咁做先~~ 呀hin佢做野好o左, 一次生兩次熟掛~~
你地可能會覺得我個blog成日都出現o的女仔名, 乜你識咁多女仔架~~ 咁又點丫, 佢地全部都已經有男朋友o既, 多個朋友, 無壞架~~ 我亦都講過, 有男朋友o既女仔, 我係唔會追o既, 點都會等佢地自己散o左先, 即係我唔會拆散佢地, 因為, 你鐘意一個人, 你係想佢開心快樂, 佢o既然同o左佢心愛o既人一齊, 咁即係開心快樂啦, 咁如果我叉隻腳埋去, 咪會攪到佢地唔開心囉, 佢唔開心係我最唔想見到o既, 咁就無謂啦, 所以, 我係唔會追男朋友o既女仔. 所以咁多位我鐘意o既女仔, 你地同你男朋友散o左o個陣時, 記得通知我喎~~

星期二去poly o個日, 見到大師, 豪哥同Jacky佢地喎, 亦都見到佢地有粒accelerometer嚮手喎, 仲要係唔駛錢添, 唔係下, 點解我要錢架, 我努力之下, 終於俾我搵到, 原來係用學校個email 黎做registration 係唔駛錢拎到sample, 哼, 有無攪錯, 唔理, 點都想拎粒黎玩下, 星期五, 去同fox講o左, 話ship去佢o個度, 叫佢幫手簽收, 佢話無問題, 夜晚就去place o左個order, 第二朝, 收到個email話已經ship緊, 佢係用ups架㖭, 一check之下, 果然好快......

Package Progress
Location	Date	Local Time	Description
CHEK LAP KOK, HK	11/10/2007	6:45 P.M.	IN TRANSIT TO
LOUISVILLE, KY, US	11/10/2007	5:44 A.M.	DEPARTURE SCAN
	11/10/2007	12:27 A.M.	ARRIVAL SCAN
MINNEAPOLIS, MN, US	11/09/2007	9:47 P.M.	DEPARTURE SCAN
	11/09/2007	8:20 P.M.	ARRIVAL SCAN
THIEF RIVER FALLS, MN, US	11/09/2007	6:25 P.M.	DEPARTURE SCAN
	11/09/2007	4:39 P.M.	ORIGIN SCAN
US	11/09/2007	3:52 P.M.	BILLING INFORMATION RECEIVED

Tracking results provided by UPS: 11/10/2007 11:24 A.M. ET

個時間上呢, 由AM轉去PM o個下, 應該係時差, 果然夠快呀下~~ Priority Shipment 真係勁~~ 小弟都係第一次有機會睇到ups個tracking system, 勁~~

軍蠔豬與他的豬朋狗友2

今次軍蠔豬再次與他的豬朋狗友在Lab中訓地, 累到死的他一見到個地就訓o左落去, 做狗朋友o既我地就緊係要放佢上網架啦, 係咪?!

下集預告, 軍蠔豬佢會表演高難度動作, 請密切留意麵王之王BLOG

fyp+254, 254+fyp

又係時候打下日記喇
星期三, 今日呢...... 我做過o的咩呢?? 呀, 係呀, 上晝一返到去就坐barn, 之後就sit堂, 死火喇, 真係唔記得自己o個日做過o左乜黎喎...... 呀, 又記得啦, 夜晚又嚮度做fyp+254呀, 試到個LED matrix啦, 唔該哂呀豬, 但係都係唔係太光, 不過唔緊要, 今日o既目標已經達到, 唔再諗住
星期四, 唔...... 乜都係唔記得朝頭早做過o的乜架...... 我係記得下晝本來坐兩個鐘barn變o左坐三個囉, 仲本來諗住溫書添, 但係最後都係無時間溫咁囉. 第二朝就考, 都唔知點算, 最後溫到一點就走o左去訓, 唔訓好o的聽日朝邊有精神溫書呀.
星期五, 今朝早o左出門口, 考試丫嘛, 好順路咁約埋茵茵, 點知...... 等o左佢三個字, 平時等下無乜所謂丫, 但係今日考試喎, 好在早o左出門o者, 咁都好o的, 我覺得我嚮度好似話緊佢咁好似好衰咁呀可, 但係其實我唔係話緊佢, 佢都只係因為好多野要拎所以先遲o左o者, 又唔係真係攪到遲到, 都無乜所謂~~ 至於個mid-term, 唔below mean已經好開心架啦~~ 食完飯, 上埋lang堂, 又打下波, 再上多堂, 咁就去o左做fyp+254, 254都係試極都試唔到個step motor, 至於個led同埋lcd, 基本上係可以run到最basic o既野架啦, 至於個fyp, 都係試唔到o的野, 唔係好得...... 夜晚做到十一點半先走, 返到屋企都已經十二點半, 又俾人小, 唉...... 十二點半都唔係好夜o者, 唉...... 總之就, 唉......