病, 痛 呀......

今朝, 出面落雨, 時大時細, 本來約o左佢去街, 但係呢, 個心就已經作出一個最壞o既打算, 無得去 or 佢唔同我去.
佢online, 攪到我有o的灰, 最後佢都係想出街, 咁我就有o的灰o既心情下同佢出街, 本來約o左點半灣仔等, 點知...... 我出門口o個時佢都仲係嚮屋企...... 最後都係我去o左等佢...... 搭車途中見到有五個職員著住"地鐵附例執行組"嚮架車度行喎, 但係又見唔到有人俾佢捉喎, 咁佢地咪真係行行only?? 講翻佢呢, 整o左舊蛋糕俾我喎, 其實都唔知係佢整定係May姐整, 不過算啦~~ 但係又唔係俾上次o個個咁好食, 上次o個個好食o的, 可能今次唔夠Cream啦~~
同佢去到, 點知無開門喎, 原來今日係休息o架...... 咁好無奈咁就去o左對面度睇野, 但係...... 之後我就又開始頭痛呀...... 仲有o的作嘔添呀, 唉, 好難得先可約到佢去街, 點知我竟然病...... 唉~~ 睇到咁上下就好快咁skip o左唔少野, 連最後o個專題都無睇到...... 唉~~
返到去睇醫生, 點知唔係普通肚痛頭痛, 竟然係尿道炎喎, 唔係下化, 好彩係輕微, 唔係都唔知點算囉, 唉~~
唔知幾時先可以再同佢去街呢??

頭痛都要返工呀~~

今日終於都有工返, 但係一起身, 個頭又痛啦, 唉~~ 食o左粒必利痛都無乜用, 痛住咁返工, 唉~~ 好彩唔係上書, 都有得抖下...... 食完個Lunch依然係頭痛......
打俾佢, 原來班長佢幫佢整緊機喎, 原來係死o左粒Memory Controller, 班長真係整Hardware勁, 我真係唔夠佢咁勁...... 佢地又去o左琪姐度喎, 班長佢真係整機整上癮呀?! 佢無機不歡呀?! 而我就....... 唉~~
放工個頭先至唔痛, 唉......

唔通我真係講錯野??

今日唔知點解一起身就頭痛呀~~ 仲要返學校學Smart Card o的野, 唉~~ 死火啦, 點算呢?! 死頂都要返去o架啦, 返到去, 竟然俾我地見到我地上次比賽張Cert喎, Wt the...... 呀Sir話畢業先扲得, 唔係下化...... 學到一o的野咁之後去o左食Tea, 但係返黎佢地就走哂, 無奈囉......
走o個時同佢講o左句野, 之後佢俾我o個個反應, 攪到我好灰, 唉~~ 唔通我真係講錯o左, 係唔係真係唔講好過講呢?! 唉~~
嚮呢個咁灰o既情況之下, 我又去o左打機, 今次仲打o左成廿蚊, 有o的好o既就係終於都過o左個死亡第七話, 架Corolla仲可以一次KO添, 唔通真係我一唔開心, 打機就會勁o的, 但係我情願係開心, 打機唔勁, 好過過唔開心, 打機好勁, 畢竟開心係好過唔開心......

Model: NISSAN SKYLINE GT-R V-specII [BNR34] Rank: B7 Madam HP: 700HP/B 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 274	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加七粒星星 HP: 450HP/B 120→320→340→360→400→450 Handel = 3 　Ｃ級●●●●● 　Ｂ級●●●□□　□ 　Ａ級□□□□□　□ 超Ａ級□□□□□　□ $$ = 39 + 8 = 47	Model: TOYOTA HIACE Rank: C7 New comer of Wanga 加兩粒星星 HP: 450HP/B 120→320→340→360→400→450 Handel = 3 　Ｃ級●●●●● 　Ｂ級●●●□□　□ 　Ａ級□□□□□　□ 超Ａ級□□□□□　□ $$ = 32 + 12 = 44

鋼鍊

今日, 依然係好無聊o既一日, 個上晝打機, 個下晝睇鋼鍊, 原來鋼鍊之後唔係真係咁好睇, 係有o的好血腥o既野出現, 唔係太好睇, 唔怪得無線要嚮夜晚播啦.

我釣到人, 但係人地釣唔到我喎, 哈哈~~

今日返工都係好很多人, 都唔知點解咁多人黎?! 幾個鐘都無乜點坐過, 係咁做係咁做, 唉~~ 做完之後, 一個字, 累...... 今日原來係我見到個同事o既最後一日喎, 但係都未知佢去邊間度做喎, 祝佢好運啦~~
放工, 緊係去打機啦~~ 見到有條有新開車, 開挑, 仲唔挑佢咩, 點知到我入錢o個時佢竟然熄挑喎, 我仆佢個臭街丫, 我仲諗住用o架Hiace玩, 贏第一粒星, 點知變o左Tune車, 最後竟然係輸o左, 又變o左實心啦, 鳴鳴~~ 不過算啦, 都預o左o架啦, 我邊有可能有815丫...... 之後佢con機, 依然係用新車, 我記得佢啦, o個次嚮Game&Fun o個條魚丫嘛, 今次我仲唔開挑, Trap佢咩, 佢真係挑我, 哈哈, 上釣啦~~ 同佢玩新環右, 貪佢夠長, 夠佢玩啦, 佢撞佢九彩, 我都唔係太好, o的灣過得唔夠理想, 不過就緊係贏到佢啦~~ 之後佢就緊係會再玩多局啦, 又係新環右, 我無蝦佢o架, 玩過再玩, 記到路啦掛, 但係都係由頭帶到尾, 而佢就係咁"呯呯呯", 我都唔知點好, 最後係有一局贏成百米, 咁就有兩粒星星lu~~ 之後有個大叔想挑我, 我認得佢, 一個好cheap, 上次挑完我就熄挑條仆街丫嘛~~ 我緊係拿拿臨熄挑啦, 費事佢又黎呃星, 唔係我無信心同無時間, 我一定用o架34黎挑鳩佢.

Model: NISSAN SKYLINE GT-R V-specII [BNR34] Rank: B7 Madam HP: 700HP/B 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 274	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加七粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 39	Model: TOYOTA HIACE Rank: C7 New comer of Wanga 加兩粒星星 HP: 360HP/B 120→320→340→360→400→450 Handel = 1 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 24 + 8 = 32

Hai o既一日

之前俾人叫o左返去今日幫手做什麼Helper, 返到去都係無野做, 跟本無人黎睇, 個上晝去o左燉埸, 之後有免費飯食喎, 點知o的單?係唔好食, 加錢叫個肉醬意粉, 點知原來佢有牛柳丁喎, 頂佢丫, 仆街......
個下晝都係無野做, 只係睇下野咁, 今日真係返去Hai~~
同佢一齊走, 搭車o個時佢真係好眼訓, 嚮我膊頭度訓著o左, o個種感覺係...... 好特別~~ 唔識點講~~

上晝俾人玩, 下晝同人玩

今朝本來要陪人去睇醫生, 佢(唔係你地睇開o左個佢, 呢個係我屋企人)話等佢電話, 等o左半個鐘, 第二個人打黎, 佢問我佢有無打黎, 我話無, 佢話佢講o左打俾我o架bor, 我話, 唔係下, 即刻打翻俾佢, 佢話上o左車, 唔駛我, 我仆你個街丫, 又話要又話唔駛, 想點呀, 好嬲咁返返去打機, 小.
下晝同蛇出黎o既表弟去打o左陣機, 佢...... 真係一個新手, 同玩頭文o既手法玩灣岸, 俾我o架32佢玩, 佢真係玩唔掂, 最後都係suggest佢開一架新車, 又係一架32, 不過佢第一關都係危危乎咁過@.@" 相信佢嚮黎緊o既四局內實心~~

Model: NISSAN SKYLINE GT-R V-specII [BNR34] Rank: B7 Madam HP: 700HP/B 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 274	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13 + 4 = 17
Model: TOYOTA COROLLA Rank: C7 Destroyer 加七粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 39	Model: TOYOTA HIACE Rank: C7 New comer of Wanga HP: 360HP/B 120→320→340→360→400→450 　Ｃ級○○○○○ 　Ｂ級○□□□□　□ 　Ａ級□□□□□　□ 超Ａ級□□□□□　□ $$ = 24

唔係唔開心, 但係都唔係開心喎?!

今日要晨咁早起身返學校聽o個個什麼PMP Training Workshop, 條友講野好就幾好笑, 但係我都係覺得眼訓...... 點解會咁o架呢?! 我自己都唔知點解.
之後去幫佢整翻部機, 真係隻HardDisk有問題喎~~ 哈, 一用班長o個隻就無問題喎@.@" 咁都有o既?! 整到咁上下, 佢媽翻黎呀, 咁就無o左同佢獨處o既機會lu......
唔知點解, 只係無o左唔開心o既感覺, 但係就都係無開心o既感覺, 點解會咁o既呢??

唔知點解唔開心

今日唔知點解唔係好唔開心, 但係實際上係乜野都無做過bor, 只係上網, 睇DVD, 唉~~
有人問我點解唔約佢去街, 我都想約佢去, 但係佢一定會推三推四, 什至之前約好但係又話唔得閒, 唉~~ 真係好灰. 唉~~

有得玩都唔係咁開心......

今日晨咁早去o左機舖, 做乜?? 緊係去開翻o架Hiace啦~~ 實在太正啦~~
今日同o的同學去睇戲, 佢都有去, 奧海城百老匯, 史密夫決戰史密妻, 基本上唔係幾好睇, 但係o的中文o既翻譯就好得囉~~
之後又去o左打機~~ 玩翻架Hiace, 完成o左頭六話, 記得我架Corolla都係玩完頭六話, 但係之後就實心o左, 相信今次都可能係咁, 唔知點解, 直覺掛~~
但係唔知點解今日玩o左成日都唔係真係好開心咁, 可能關佢事掛...... 唉~~
今日真係用o左好多錢...... 唉~~

Model: NISSAN SKYLINE GT-R V-specII [BNR34] Rank: B7 Madam HP: 700HP/B 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 274	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加七粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 35 + 4 = 39	Model: TOYOTA HIACE Rank: C7 New comer of Wanga HP: 360HP/B 120→320→340→360→400→450 　Ｃ級○○○○○ 　Ｂ級○□□□□　□ 　Ａ級□□□□□　□ 超Ａ級□□□□□　□ $$ = 4 + 8 + 4 + 8 = 24

HIACE 呀~~ 終於都出現啦~~

嘩~~ 有人知道開架Hiace o既方法啦~~ 好期待呀~~ 好想即刻落機舖開翻架呀, 耐何無藉口落街...... 無理由同呀媽講話落街打機o架?! 唔得, 聽日一定要開翻o架黎玩呀~~ 晨咁早就去先~~
今日其實係無乜點做過野~~

唔開心~~ 灰......

今日痴線o架, 公司鬼咁多野做, 又話係父親節, 點解都會有咁多人黎o架唉~~
放工, 打俾佢, 同佢講話聽日唔得閒幫佢整野, 點知...... 唉~~ 原來佢同佢條仔一齊, 個心頓時灰哂, 唉~~ 其實我好多時都問自己一個問題, 我應唔應該繼續追佢呢?? 嚮一個人o既時候, 我會同答自己係唔應該, 但係唔知點解每次我一見到佢o既時候, 我都好想拖住佢隻手, 同佢一齊. 佢俾到我一種好特別o既感覺, 唉~~ 係唔係因為我犯賤呢?? 每當我見到佢笑o既時候我都會好開心, 但係每當我見到/知道佢唔開心o既時候我都會唔開心, 尤其是係我知道佢俾佢條仔對佢唔好o既時候, 我都好想鬧翻佢, 一個咁好o既女仔, 唉~~ 我都係唔想講落去啦, 可能呢o的咪就係因果囉, 無得解o架, 可以做o既就只有, 唉~~ (長嘆一聲)
嚮一個咁o既心情下去打機, 金星, 無位, 去Game&Fun, 有S6人嚮度, 四人對戰中, 等o左一陣, Tune車, 箱底, 打o左三局, 最後都係用AT打, 無奈. 見到個C4人開挑, 無埋由唔挑佢下, 入錢, 挑佢, 贏~~ 佢con機, 有個新傻仔join, 又贏, C4人唔玩lu, 我又趕時間, 熄挑, 但係個新傻仔開挑, 蝕呀~~ 唔係無時間, 我一定會繼續玩落去o架~~~~~~~~ 唉~~ 天意如此, 唯有認命.
今日有人黎裝呢個?頻電話, 唔知點解又係同上次個friend裝o既同一個人喎@.@" 呢個世界真係細呀~~ 我可以連SyGate都唔駛用, 正~~

Model: NISSAN SKYLINE GT-R V-specII [BNR34] Rank: B7 Madam HP: 700HP/B 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 258 + 16 = 274	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加六粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 35

佢返到黎啦~~ (咁又點丫, 唉~~)

今日又係無工返囉, 唉~~ 成個上晝都係無野好做咁囉...... 都係等佢電話, 唉~~
下晝去飲茶, 途中收到佢個SMS, 話到o左香港啦, 即刻打俾佢, 但係...... 去o左留言, 無野好講, 收線.
飲完茶, 打俾佢, 我好開心咁囉, 同佢吹o左兩個幾鐘電話, 但係...... 唉, 中途聽到佢條仔打俾佢...... 好無mood.
夜晚又見唔到佢online囉, 可能係佢累掛, 都係唔好嘈佢lu~~ (自我安慰中......)

百無聊賴~!

今日又係無野好做, 間仆野唔夠人o個時就係咁打俾我叫我返, 而家我得閒佢又無得俾我返, 算, 正仆街黎o架, 第二時開學佢唔夠人唔好又求我開工, 我仆!!!!
成個下晝都嚮度睇『鋼之練金術師』, 睇落都真係幾有意思, 等價交換呢個原則幾o岩, 你唔付出就唔會有收獲, 做人要腳踏實地, 無可能一步登天, 絕對認同.
佢本來話尋日返黎o架, 但係成日都無電話, 掛住佢呀, 今晚send o個個SMS又無反應, 唉~~ 我係唔係唔應該咁上心呢, 唔係第二時放唔低咪死?? 聽日應唔應該打俾佢呢?? 唉~~

相思中......

尋日係咁整部Smart Card, 今日就乜都唔想做, 係咁打機...... GTA San Andreas, 我玩到部坦克都出埋黎耶~~ 原來o架消防車係可以搵好多錢錢o架~~ 朝早打機, 下晝打機, 夜晚都係打機...... 但係打機o既同時又會望住部電話喎, 佢之前同我講話佢今日返, 但係...... 成日都無電話, Raymond同呀偉話聽日去睇戲, 搵埋其他人, 但係佢又未返喎, 好想同佢一齊去呀, 最後...... 全部人都無去, 等下個禮拜囉, 等埋佢返黎先囉~~ 點解佢仲未返o架, 唔通又關佢老豆同老母事?? 好掛住佢呀~~ 唉~~

呢舊Smart Card......

個死人Smart Card...... 裝完個什麼Microsoft Smart Card Component原來係用唔到o架...... 頂~! 又要裝過個Windows...... 發覺都係裝翻個Win2000好o的~~
佢聽日就翻黎啦, 期待中......

無聊→開心

唉~ 今日又無工返呀...... 嚮無野做之下, 去o左個friend屋打機...... 簡單黎講其實都係無野做囉...... 無工返=無錢 唉~~
夜晚send o左個SMS俾佢, 本來無打算佢會回我, 但係佢有反應囉, 好開心~~ 真係好開心~~
部死人smartcard一定要用jdk1.2囉, 唉~~ 要裝過個windows做WinXP lu~~

又係點解......

唉~~ 無工返...... 無錢搵...... 個smart card又唔識玩...... 無聊......
見到舊同學個細佬, 原來佢入o左教會, 但係就完全唔似一個真正教會囉, 唉~~ 估唔到佢會咁囉...... 佢細佬都好無奈...... 點解佢會變到咁o架呢??
p.s. 發夢又見到佢, 都唔知係好事定係壞事.

有點兒那個......

今日無錯, 亦都係要返工o架, 唉~~ 多野做到爆, 小o左個人囉, 得三個人, 做死耶~~
放工之後同o左o的同事去食飯, 點解又係食壽司o架?! 之後又去o左打機, 終於都車檢lu~~ 但係係打唔到箱根囉, 唉~~
收到班長張相, 個心有o的開心, 但係諗翻起個占卜o既result, 又有o的無奈咁囉...... 真係信則有不信則無就好lu~~ 不過我已經有最壞o既打算.

Model: NISSAN SKYLINE GT-R V-specII [BNR34] Rank: B7 Madam HP: 680HP/B 加 卅粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆□◆◆□　● $$ = 242 + 8 + 8 = 258	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加六粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 35

過節(咪又係要返工......)

今日係端午節耶~~ 但係都係要返工...... 唉~~ 好得意耶, 返工搭車經過海旁見到o的龍船嚮一隻大船旁經過, 真係好得意~~ 但係返到公司, 都係好多野做囉, 唉~~ 不過佢走之前都打o左個電俾我, 佢有個心嚮我度, 開心~~
放工, 表弟黎過節, 同佢去o左打機, 我又緊係用o架corolla啦, 呃星耶~~ 嘻嘻~~ 但係...... 有條仆街囉, 今次呢個又真係呃星囉, 一個已經有810 o既人挑機囉, 正仆街囉, 小.
表弟佢同我講o左句, 一腳踏兩船係唔好, 我都知, 但係唔知點解我又會鐘個頭埋去囉, 有時o的野, 真係唔可以用常理去解釋囉, 唉~~ 好似佢上次真係俾人玩, 你真係好Hurt, anyway, 今次加油啦~~ 我都係會撐你o架~~
p.s. PSP玩落都幾過癮~~ NDS隻任天狗亦都好過癮~~
部smart card reader都而家都係唔知點玩......

Model: NISSAN SKYLINE GT-R V-specII [BNR34] Rank: B7 Madam HP: 680HP/B 加 卅粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆□◆◆□　● $$ = 242	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加六粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 31 + 4 = 35

開心同唔開心都有

今日, 又要晨咁早返學, 返去考試呀~~ 唉~~ 今次真係大檸樂呀, 唉~~ 今次真係會丁唔到囉, 唉~~ 衰自己唔小心囉, 唉~~ 之後派NTI個Test, 咁都好o的, 丁到NT I, 但係就真係唔知OverAll Cred唔Credit到囉, 唉~~
考完試, 去o左同呀Sir食飯, 之後去o左搵呀豪, 佢...... 都好丫, 幾好咁丫, 仲送o左幾十個金幣俾我地成班玩, 佢都算唔話得啦~~ 之後又嚮尖咀度行o左好多路, 搭o左船船返屋企, 好開心~~
今日又有o的開心o既野發生, 但係亦都有o的唔開心o既野發生, 我都唔知點解會咁. 煩惱中......

開心~~

開心~~
真係好開心~~
今次同上次一樣咁開心~~
但係......
唔知今次o既開心, 可以唯持幾耐呢??
有o的無信心......

無Mood做野.

今日真係俾人攪到無哂Mood做野, 所以走o左出街, 就連打機都有力不從心, 輸o左, 好開心佢可以陪我, 陪o左我去曬, 但係我真係好開心, 雖然知道佢有o的唔係真心, 但係有心就得啦(定係因為o個個陰謀呢), 點都好, 好多謝佢. 但係返到去, 都依然係無mood, 同埋臨走咁對佢...... 我都真係唔好意思, 但希望佢明白.

Model: NISSAN SKYLINE GT-R V-specII [BNR34] Rank: B7 Madam HP: 680HP/B 加 卅粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆□◆□□　● $$ = 238 + 4 = 242	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加四粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 27 + 4 = 31

考試呀~~ 死o左呀~~

今日考試呀~~ 天呀~~ ＤＣ呀~~ 唔識呀~~ 今次一定丁唔到呀~~ 唉~~ 點解今次唔係出計數o既多o架, 唉~~
考完去搵Ken Sir, 睇下佢星期五得唔得閒, 呢個唔係問題, 有個大問題就係佢...... 想去青衣城度飲茶呀~~ 天呀, 貴死我啦~~ 好彩返到屋企問人, 青衣城有間都唔會係好貴o者, 一千蚊應該有少少剩去打機掛......
我想知究竟自己有無做錯呢?? 究竟點解我會咁o架呢?? 我開始相信前世今生, 因果報應, 唔係又點解釋我身邊咁多事呢, 做物主都理唔到咁多野啦, 因果呢個應該會係一條定理. 我......真係唔知點解會咁做, 將來, 明知係無可能都會係咁做?? 呢個唔係因果係乜呢?? 唔係咁有乜軀使我咁做呢??

大蝦細o既仆街.

今日, 又係要返工耶~~ 真係要著o個件咁o既衫, 但就真係有o的熱熱, 公司裝修喎, 攪到要對住幅牆還書耶~~
放工, 落狗屎喎, 仲唔去機舖度避雨咩~~ 嘻嘻~~(落去打機就打機啦, 避雨) 點知嚮金星俾我見到個C2 o既人嚮度打緊喎, 有o的心大心細咁去挑佢, 有人觀戰o架~~ 但係始終我o的700以上都係楂o的唔係咁好, 用720玩新環右真係唔係好掂~~ 不過臨尾一百米佢諗住羸硬我o既時候, 俾我追翻上黎, 贏佢唔知零定係一米, 好笑得我丫~~ 之後佢緊係會再挑翻我啦, 哈哈~~ 但係我就...... 輸o左lu~~ 都預o左o架啦~~
之後去o左Game & Fun喎, 避雨丫嘛~~ (仆你個街, 又係避雨, 死啦~~) 俾我見到有個人o岩o岩新開車就開挑喎, 我仲唔用o架Corolla黎玩野咩~~ 正當想開始o既時候, 有條仆街係Ｂ o既黎挑我地兩個喎, 仆佢個街丫, 駛唔駛呀, 無品, 正仆街, 咸家鏟, 緊係輸啦, 唔輸就假啦, 之後又有個係600HP o既黎呃星, 兩個都係仆街黎o架~~ 好彩有個新仔o者, 唔係我仲唔輸到仆直. 之後我就係跟住o的HP o既大小黎一架跟住一架咁開o既, 我係第三, 唉~~ 都只係得一粒星星. 之後我地無人con機之後條仆街竟然熄挑喎, 認真仆街一名.

Model: NISSAN SKYLINE GT-R V-specII [BNR34] Rank: B7 Madam HP: 680HP/B 加 卅粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆□◆□□　● $$ = 234 + 4 = 238	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加四粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 27 + 4 = 31

六四

今日係六四, 諗翻起八九年, 我都仲係幼稚園, 只係知道什麼『打倒李鵬』, 但係經過o左咁多年, 愈知愈多, 知道當年班學生手無寸鐵咁俾o的坦克車過, 為乜呢?? 學生都係為o左民主o者, 當年, 我地o既現任國家主席胡錦濤, 佢當年都知中央我錯, 但係而家都唔肯平反六四. 民主, 我覺得係好重要, 一個人生活我無自由o既情況之下, 係一件好慘o既事, 因為我都試過, 唔係, 應該係而家都仲有一半係, 我憎打壓, 唔講道理.
記得上年我都有去維園, 但係今年, 唉~ 無人陪, 想去, 又落雨, 唉~~

攪清楚, 係好定係唔好呢??

有樣野, 想攪清楚好耐, 今日終於都俾我知道o左個真相, 我有開心, 又有唔開心.
anyway, 過o左去o既野就算, 知道都可能係一件好事, 但係又可能係一件壞事, 不過, 我而家要做o既, 就係溫書, 希望有機會入到Ｕ啦, 唉~~

又係問點解呢??

唔知點解, 有陣時明知佢係玩緊野, 但係一對我講一o的野, 就會感覺到開心, 明知唔係真都咁開心, 點解會咁o架呢??
唔通我真係咁鐘意佢??

點解呢?? 點解呢??

其實有陣時我嚮度諗, 我係唔係真係勁o架呢??
又要返學, 又要返工, 為乜呢??
我真係好想入到Ｕ, 但係又覺得自己會入唔到喎, 點解呢??
鐘意o左人, 知道人地又有o的鐘意我, 耐可佢已經有另一個佢鐘意o既人, 仲係要好鐘意添, 知道自己無行, 但係又好掛住佢喎, 連發夢都夢都夢見佢, 點解會咁o架呢, 我又可以點呢??
我知道我全部野都可以做好o的, 但係點解我有o的唔想做呢??

今日, 真係玩o既一日~~

今日好早就返o左學校, 做乜? ?$$囉, 嘿嘿~~ 之後仲去o左做GymGym~~ 實際上係嚮Gym房到玩...... 又去o左打Tennis~~ 但係就無人識囉...... 有o的無癮~~ 之後, 咪又係打機之嘛~~ 仲要搵埋呀積奇去, 佢...... 睇佢都係無乜點玩過, 真係一o的都唔識囉~~ 去於我o架Corolla, 唉~~ 豆腐就真係豆腐, 最後輸兩米, 咪就實o左心...... 無耐...... 但係就贏o左呀輝, 係贏一o的唔係太好o既技術, 贏o左一粒星星, 不過就呀墨丸佢真係唔信囉, 係都用佢o架600黎打我o架380囉, 唔輸就假啦, 而且又俾佢發現o左我用佢個名黎開車囉...... 之後用翻我o架34黎對墨丸, 佢仲唔死~~ 贏o左兩粒星星, 哈哈~~ 今日, 真係玩o既一日~~

Model: NISSAN SKYLINE GT-R V-specII [BNR34] Rank: B7 Madam HP: 680HP/B 加 廿幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆□◆□□　● $$ = 228 + 6 = 234	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆□□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 13
Model: TOYOTA COROLLA Rank: C7 Destroyer 加三粒星星 HP: 360HP/B 120→320→340→360 Handel = 3 　Ｃ級●●●●● 　Ｂ級●□□□□　□ 　Ａ級□□□□□　□ 超Ａ級□□□□□　□ $$ = 23 + 4 = 27