返工週

呢幾日都係要返工, 上書多囉, 唉...... 做到累死, 唉...... 鬼叫你窮呀......
星期三晚, 同同學去o左打邊邊, 又撞o岩有o的凍喎, o岩哂~~ 最後就埋單一日八十八蚊咋, 抵丫~~
星期四, 終於都唔駛返工啦, 但係原來係要開會喎, 係原來, 但係因為唔記得o左, 最後係要俾人打電話黎提先記得囉......
星期五, 返九點半, 但係點知原來食飯係食十一點架囉...... 乜咁早食飯都有架...... 無野好講......

你對愛情敏感嗎?

選擇聖杯六牌(orient-6cups)的朋友比較內向低調, 愛情敏感度較低, 不容易感受別人的心意, 也不懂得表達本身的情感, 常錯配愛情.
唉...... 連塔羅都咁分析, 無野好講......

from 23-01-2007 AM730報章 P.25

尋晚打機無聊整既

返工途中

今日要返工, 返北角, 但係嚮返工o既途中, 見到一樣野, 就係一個交通警, 佢疏導完交通之後, 坐上架鐵馬o既時候, 佢左腳踏嚮架鐵馬o既腳踏度, 之後正當隻右腳胯過架鐵馬之際, 隻左邊腳冼o左落黎喎, 成個人就咁就"登"o左落架鐵馬度啦喎. 有個交通督導員(咖啡色o個o的)企o左嚮隔離都笑, 哈哈~~

煩→灰

上個日記就寫我有灰, 今次都係, 呢個禮拜, 其實都唔係成個禮拜, 只係五日咋嘛, 屋企就已經有好多野出o左黎, 唉...... 都唔知點解會有咁多事情發生架囉, 唉......
攪到我有一晚走o左出街去買o左支酒飲, 唉......
點解咁煩架......
下個sem讀又係讀17個credit, 但係有五科咁多, 都唔知點死好, 唉......
好少少o既就係晶晶同學佢有hall, 有時間就可以有個地方休息下咁, 囉~

二零零七年都係咁灰囉

唉, 家姐話佢介紹赤柱o個個SB俾我識喎, 但係, 到現時為止, 我都只係同佢傾過兩次MSN, 因為佢只係online過兩次, 返工o個時家姐問我得o左未, 我都唔知點答佢好, 我都知女仔係要追返黎, 但係, 唉...... 可能我經驗少掛, 但係唔通真係, 追唔到女仔就真係無用? 唉......

電腦節二零零七

前幾日, 星期五去o左電腦節, 其實o的野唔係太多野平, 只係得Memory Card同Mon平, 本來諗住睇下o的Router, 但係見呀豬佢都睇Mon, 咁咪睇埋一份囉, 但係真係幾平, $1490有部19" widescreen, 但係我要o既Router就無平囉, 最後就橫掂都係, o既然都同灣仔咁o既價, 就買o左隻Router, D-link DI-524UP, 但係就一波三折囉, 先就係第一個Counter無貨, 帶o左我去第二個Counter, 但係第二個Counter又唔收EPS, 最後就走o左入高登買囉...... 無野好講...... 俾佢吹漲...... 唉......
返到屋企, 都唔算太難set, 總算攪得掂~~ 呼~~
返o左兩日工之後, 星期一, 見係電腦節最後一日, 睇下有無o的平o的o的, 但係都無囉, 咪一樣係咁o既價, 無分別, 但係我就買o左個Mon, Philips 190CW, 19" widescreen, 踱過係位係放得o岩o岩好, 仲有DVI, o的色真係靚o的~
呢幾日駛o左好多錢.......

二零零七第一post

二零零七年
我好希望今年係好o既一年, 舊年壓力真係好大, 好多野都好灰, 好驚, 亦都係我一個人自己項哂, 就連最尾o個幾日, 要返工之外, 仲要俾老細佢鬧, 仲攪到打電話俾supervisor, 唉...... 好慘......
屋企部機, 要攪到年尾流流黎壞, 考完試先黎無得打機, 你話, 唉...... 真係慘......
比較有o的好o既就係o的成績, 讀17個Credit SGA有9.25, B+咁, 好少少咁囉, 但係相信睇黎都係MPhill無望架啦, 唉...... Yr1就已經想讀MPhill, 有o的大想頭, 不過, 唉......
家姐佢除o個日都話介紹個女仔俾我識喎, 但係我就連人地個名都add錯, 我相信同人地都係無緣架啦, 算把啦, 有時o的野, 真係整定o既, 唉...... 唔到你唔信/服.
講翻前半年, 都唔係算話真係好, 但係總算係唔差咁囉...... IVE畢到業, 但係竟然全世界都無人有Distination, 只係得Credit畢業, 我都唔係叫做唔讀書丫, 點解, 唉...... 但係總算上到Degree, 好o的o的咁囉, 而且又識到一班唔差o既同學(Both嚮IVE同UST都係), 好就唔係叫好架啦, 但係都係唔差咁啦...... 今年去比賽, 都無話點, 但係就只係得個第三, 而且仲要係得o的百老匯o既現金券, 得五百蚊, 比起上次o既請人食飯之餘仲有成千蚊可以袋落袋就真係......
遇到一個好女仔, 但係...... 佢已經有一個唔好o既男朋友, 仲要, 唉...... 總之就...... 要原因o既話可以講話係Timing o既問題囉, 但係我就覺得有時o的野, 係你o既終歸都會係你, 唔係你o既話你點努力都唔會係你, 就算有都只會係瞬間, 唔會long lasting, 努力過只會係俾自己一個交代, 唔到你唔信...... 唉......