被攝入鏡

o岩o岩有人問另外兩個Barn嚮邊, 我一開個snap shot諗住俾佢睇o既時候, 見到自己俾人攝o左入鏡喎, 有幾可行出去丫, 咁都俾佢攝o左入鏡, 又會真係咁好彩呀~~

黑仔記

星期一同星期二所做過o既野, 點都要略略帶過先開始呢個黑仔記
星期一, 下晝去o左交學費, 咁又無o左兩皮野, 心痛...... 錢呀......
星期二, 朝九晚六咁返學校做helper 幫手clone 課室o的機, 當然我緊係就住黎做啦, 因為做到幾點就幾點放架嘛~~

好, 講翻黑仔記
首先, 上個月, 唔係, 應該話係上兩個月o既天氣係非常之好, 不過我o個時就要返學, 乜都攪唔成, 好啦, 到我而家八月得閒, 就到成個八月都係陰天, 唔係陰天就係落雨, 仲衰, 整定無得玩.
好啦, 終於攪得成, 但係就中途落狗屎, 最後係落湯雞咁踩......
唱k o個晚, 屋企人嚮屋企鬧交, 攪到我要返去, 想Happy下o者, 咁都唔得, 唉......
星期一晚, 仆你個街, 住隔離o個條呀差將o的垃圾放嚮我門口, 我頂呀, 我將o的垃圾放翻嚮你門口, 我仆你個街, 佢竟然拍門黎鬧我喎, 佢叫我出黎, 我踩你都戇o既, 你叫我出就出呀, 都痴孖筋o既, 事後屋企人返黎先諗點同佢對拆, 隔壁屋同我講話, 原來佢拍門o個時佢係楂住把刀架囉...... 最衰我見唔到, 唔係我就一定玩報警, 睇下o的警察點對符o的楂刀人~~ 好在我o的英文都唔算係太差咁o者, 雖然未至於係好呀, 但係起碼可以同佢鬧得一句句~~ 哼, 我唔好蝦架!!!!
星期二晚, 唔止揚話有人嚮星期六o個陣投訴, 仲要係用全英文寫o既意見書添, mainly 係話impolite 同埋unhelpful, 硬係唔覺星期六係有咩人會投訴架囉, 唉, 你都咪話......
星期四屋企人有野攪, 咁o岩德老闆佢又搵人開工喎, 我問屋企人駛唔駛我幫手, 佢話你唔得閒就唔駛啦, 咁我咪apply囉, 點知我一send完個email, 佢就走黎話要我幫手, 我頂呀, 我頭先問o左你我先apply架喎, 你而家先話要我幫手, 你玩呀, 我唔理呀, 最後有得返工, 照返囉, 咩呀
星期五, 星期四收到德老闆o個個email, 話今日有o的important information要俾我地, 下...... 我今日要見FYP sponsor喎...... 好在德老闆話唔嚮學校o既話可以唔去都得o者, 呼~~
就咁睇落就好似唔係好黑, 但係當o的事件係連續咁一件接一件咁黎o既話, 你都咪話唔灰囉......

唱K夜

今日總算好o的, 返下晝, 可以訓晏少少
返到去, 果然張枱係亂o既, 都要少少時間先搵齊翻o的要用o既工具出黎~~
危險哥哥第三集上演, 頭兩集要嚮唔止揚xanga搵, 至於第三集呢, 話說今日同vanessa嚮Counter, 我就一路睇唔止揚o既xanga, 再搵頭兩集出黎俾呢個女主角睇, 但係嚮搵搵下o既時候, 佢見到xanga入面有張Cash Back o既poster, (張poster係比較有o的半裸露o既情況發生), 佢一見到就話唔止揚佢變態啦, 咁就係危險哥哥第三集~~
下晝, 見到骷小姐佢同Lisa講野, 跟住就被請入AL房, 有種不祥o既感覺, 骷小姐原來係投訴喎, 之後問人, 都唔知佢係投訴乜野, 唉...... 硬係覺得關自己事架囉...... 呢排黑仔嘛...... (已經唔係話自己點解黑仔, 而係接受o左自己黑仔)
好, 放工啦~~ 唱K啦~~
book 就book o左6點, 未夠鐘, 而又咁o岩嚮機舖門口度落車喎, 入去打翻舖先~~ 有人打gundam, 有人玩KOF, 有玩篤篤機, 又有玩太鼓, 仲有就係玩射籃(三條友射原來係會仲低分架囉......)
夠鐘唱K啦, 一開波竟然唔係唱歌架喎, 而係玩Mario Kart, 估唔到呀研係咁勁架喎~~ 勁呀~~
莫華倫版o既我又黎攪事~~
仲有就係玩o左好多Game, 輸o左好多, 食o左好多檸檬, 酸屎......
太多白痴野, 未能盡錄 ←抄人地xanga
但係嚮我開心緊o既時候, 屋企人走黎閙交, 焗住要走, 我只可以長嘆......

兩日記

星期五o既我, 經過尋日癲完之後, 今日訓到十二點先起身, 食個飯, 就返工, 返到去, 無野做, 打o左兩篇日記, 咁就放工, 其間只係有個PG黎問開account o既野, 第一次見識到, 不過相信都無機會係會發生嚮自己o既身上~~
之後就好快脆咁返香港仔, o岩o岩好趕得切返去, 叫o的暑期工幫我埋個飯, 咁就一餐~~
點解咁多人嚮AV個count o既, 等我想打埋個日記都唔得囉, 最後仲要係有兩個嚮部機面前玩添喎, 攪到我無得用機囉, 無耐......
就係咁就過o左一日~~
到星期六, 返工, 今日都係咁做野, 開始覺得有無暑期工都無乜分別, 今年o個o的係唔同舊年o個o的咁肯做野, (簡單黎講係懶), 當然, 都有一兩個人肯做o既, 仲要係默默咁做添, (即係連計都唔傾多句o的o的), 個感覺同以往唔同哂.
話說今日下晝, 唔媽媽又黎圖書館搵唔止揚啦, 回想翻上次見唔媽媽o個時, 係唔止揚第二日返工, o個日佢返whole day, 食飯時間唔媽媽話搵唔止揚, (因為o岩o岩佢出o左去整機)我o個時心諗, 佢搵一個讀者叫唔止揚?? 但係呢個名又咁熟o既?! 好似係新黎同事黎架喎, 咁o岩佢就入翻黎, 原來呢個係唔媽媽~~
至於今次, 原來係佢唔記得帶鎖匙喎, 當唔媽媽黎o個時, 芭芭拉都嚮度添呀, 最衰有個讀者嚮度, 唔係一定大叫唔媽媽你好呀, 佢叫芭芭拉啦~~ 睇翻唔止揚xanga, 原來上次唔媽媽黎係因為佢唔記得帶銀包, 唔掛得上次係嚮佢放Lunch o既時間黎搵佢啦~
話說唔媽媽走o左之後, 唔止揚就即刻打電話俾佢, 話唔返黎食飯, 不肖子, 帶條鎖匙俾你就唔返屋企食飯, 早知唔拎俾你~~
其實呢排勁黑, 攪到星期六做過o的乜都唔記得, 至於有咩咁黑, 遲o的再寫點黑法......

單車記

話說今日去踩單車~~
但係一早, 七點九咁早就俾人電醒o左(電話個電, 唔係濕電個電, 我都未轉身就已經俾人嘈醒o左, 慘......), 晶晶同學打黎話佢大埔o個邊落雨喎, 咩話, 落雨?! 咁即係個單車會泡湯啦, 唉...... 唔通連個天都唔鐘意我...... 之後打俾Denny同學, 原來佢柴灣都落緊, 但係灣仔同埋葵涌荃灣o個o的又無兩喎, 我心諗過雲雨黎架o者~~ 最後決定, 都係照去~~ (呢個決定原來係一個好重要o既決定)
遲o左少少出門口, 但係都係去食個早餐先, 原來吉野家o的早餐同埋下午茶o既飯都加o左價喎, 要$15個呀, o的野就越來越貴, 但係人工又唔見佢有得架囉...... 之後去搭車, 大C相信係最早到o既一個, 我連火車都未轉佢就已經到o左, 葵涌唔駛半個鐘就到o左富安花園囉, 果然夠快呀下~~ 之後晶晶打黎話嚮大圍, 我叫佢等埋我, 佢話佢去個廁所先, 但係原來佢係嚮大水坑囉, 攪到我嚮大圍度等o左佢成個字, 夠竟係佢講錯定係我聽錯呢? 我都真係唔知...... 話咁快就去到大水坑啦~~ 等佢地食埋個早餐之後, 就去租車, o個時其實係有少少毛毛雨o既...... 但係o的雨都係過雲雨黎架o者(我估......, 又係你估, 次次都係你估, 今次就係因為你呀！！) 去租車, 個呀叔話要放低證喎, 我緊係唔俾學生證佢啦, 俾第二張佢, 佢又話無相, 真係麻鬼煩~~
好, 出發~~
踩呀踩呀踩~~
咦, 有o的毛毛雨喎~~
咦, 越落越大喎~~
去到科學園, 都係避避先~~
咦, 有隻金蛋o既? 定係太空船黎架? 到最後都係唔知係乜, 好, 繼續踩~~
都係有o的雨喎~~
繼續踩~~
又再大啦喎~~
都係再避避先~~
又細翻o的啦喎~~
繼續去大埔~~
入到去大埔壚, 茶餐廳食飯, 一睇個餐牌, 有天使麵食o既?! 茶餐廳都有天使麵食? 咁勁?! 但係又唔差架喎, 幾好食~~
好, 再出發, 但係都係落緊雨喎, 得到高人指點(←呢句係我嚮denny個xanga度抄出黎, 所謂o既高人, 其實係茶餐o既一個伙記)之後, 我地就買o左件便利雨衣(便利大垃圾膠袋), 再浩浩蕩蕩(所謂o既蕩係落湯雞o既湯)咁再出發~~ 好快脆, 我地就又去到科學園......路邊o既避雨處. 避多一陣雨, 而我亦都俾人指住黎影相......
去到水警o個度附近o既橋底又避o左陣, 點解都係越落越大o既?!
最後, 衝呀~~ 衝返去大水坑~~
好野, 到啦, 去到, 同老闆吹o左陣水, 發覺今日咁都租出o左卅架車喎, 好野, 勁~~
個身濕哂o既Denny, 一入到去火車站, 咦?! 點解好似咁凍咁o既...... 作感冒啦佢, 唔...... 唔關我事架可? 但係佢仲要俾人叫返UST喎(事後知道係呃返去, 唔係叫返去)~~
返到屋企, 隻鞋都仲係好似成鞋水咁喎...... 好似著緊水鞋但係隻鞋係裝滿水咁架囉......
多謝咁多位陪我癲o左一日o既同學~~ 排名不分先後, 包括Denny, 呀豬, 晶晶, 大C 同埋 呀楷~~

日記

星期三, 今日要返工, 返Barn Helper, 順順利利咁就過o左一個上晝, 至於個下晝, 只係有o的人問過下個 ResNet, print color要幾錢, 同埋就係有個人個仔, o個個人應該係呢度o的staff或者係prof掛, 佢話要print野, 但係佢唔知呢度print野係要account同埋會扣quota, 佢問有無guest account, 有就好啦, 我一定會print爆呢個guest account~~ 最後佢咪要打電話問佢老豆拎password先用到~~~~
之後我就去o左FYP Lab度試隻新借翻黎o既HD, 果然係得翻o的基本配備呀下~ Vs.Net 2005, MS Office 2003咁, 就係得咁多o岩用, 但係上唔到網架喎, 算, 遲o的問下佢地點先~~
之後就去sit ITC Training, 問埋呀楷同學佢聽日去唔去單車~~
跟住我表弟就打黎, 問買電腦喎, 咁我就打俾Denny, 之後3line一齊講, 不過最後都係賣唔出~~ 無現貨丫嘛~
夜晚, 唔記得o左原來今日係呀媽生日喎(乜你咁多個呀媽生日架/乜你呀媽咁多個生日架), 呀媽就得一個, 生日就有兩個, 一個新曆一個農曆丫嘛, 俾埋古埃及曆法你呀媽做生日好唔好. 但係夜晚要去消防局開會喎(做義工, 識多o的野, 吸收多o的經驗丫嘛~~), 但係又夠鐘啦喎, 咁就以一個飛快o既速度去買o左舊孖寶蛋糕俾呀媽, 等佢返黎o個時見到~~ 跟住就受一所託買打半西餅去消防局, 好在趕得切咋, 原來美心西餅係八點閂門架, 呼~~ 跟住就開會, 詳細唔講~~
開完會, 返到去, 同呀媽慶祝埋個生日, 咁就一日~~~~

雜記

話說前日係我呀媽生日, 農曆計, 但係佢每逢初一十五會食素架喎, 咁我一返到屋企, 屋企個太上皇又嚮度得閒無野做, 搵我黎話, "呀媽牛一你都唔請呀媽出去食飯", 大佬, 你真唔記得定假唔記得呀, 老人痴呆呀, 之前o個晚我先話出街食, 係你點都唔去咋, 唔通真係唔理你我地出哂街食呀, 而家又嚮度話我, 好明顯你係嚮度玩野啦, 真係EQ少o的都會同佢嘈起上黎.

尋日去完Day Camp, 咁夜晚就果然會一樣係咁無聊啦, 唔止揚佢都係喎, 仲問我有咩做添喎, 點知俾佢撩起o左我搵翻o的R6出黎玩, 佢仲話link play添, 點知...... 我就得啦, 咩事都無, 仲可以行到1440*900添, (Win98年代o既Game都可以行到wide screen, 勁呀~~) 但係點知佢就...... 出Error喎, link唔到lu~~ 我就有聊, 而你就繼續無聊啦~~~~

鯉魚門Day Camp

今日我一家人(簡稱冚家)一齊去Day Camp, 去呢個鯉魚門公園及度假村
首先係七點半我表弟打黎話去唔到, 病喎, 尋晚打俾你o個時十二點半你先o岩o岩返到屋企, 差唔多晚晚都係咁, 你唔病就奇啦, 屋企人知道o左就係咁講野, 都唔知係話我丫, 話佢丫, 定係嚮度自言自語.
原本約8點45分我會出去買早餐俾佢地食, 一向準時o既我當然會嚮八點半先起身啦, 問題就黎啦, 屋企人八點就起o左身, 之後八點四就係咁話我做乜仲唔起身去買早餐, 之後就有人好唔滿意咁走落去買, 明明講同o左八點九我先去買早餐架嘛, 準時都會俾人話囉. 當然, 我嚮度咁耐都預o左會成為炮灰, 你地咪話囉, 都預o左架啦, 咁多年如是~~
好, 準時出發, 準時到達, 準時去玩, 但係...... 都無乜野好玩......
比較有趣o既咪係射下箭, 玩呢個門球呢樣野咁啦, 之後都無乜特別......
咁就有o的無聊o既一日......

日記

今日上晝要返學校have a meeting with project supervisor.
咁前晚就諗住約埋早一個鐘返去咁啦, 而我嚮返學之前就去o左伊館度諗住交埋聽日個Day Camp錢, 點知一去到話俾錢, 佢一check我張身份證, (唔係話我張身份證有問題, 你估我係非法入境架咩, 最多都係話我係青山走犯黎架o者), 佢話無我個record喎, 咩話!? 無我record, 打翻電話去camp site度問, 佢話剩係放個Ref. No.落去就得啦喎, 下...... 我乜都唔知呀, 個個system都唔同, 我鬼知你咁多野呀, 照咁同伊館姐姐講(話就話係姐姐, 實際上呢...... 我咩都無講過呀~~) 佢一入我個Ref. No. 佢話乜都無, 剩係得個錢同埋人數嚮度, print張form出黎都唔知有無我個名, 咁都有o既, o個邊連我個名都無入到? 乜真係咁懶呀...... 咁嚮呢個情況之下, 就緊係要伊館姐姐打電話過去Camp Site度問啦, 點知佢話佢地而家都改唔到, 照印張飛出黎啦, 有名架啦, 哦, 咁印囉, 印出黎無名就手寫囉, 唔係點呀, 照印出黎, 真係有名喎, 不過係錯架呢, 叫佢用人手改翻再加埋個印囉, 唔係點呀, 政府o的野, 之前已經領教過, 果然, 都係咁...... 無變喎, 除o左做唔做都係卅六之外, 仲有就係跟本政府內部都有同工唔同酬o既野出現, 咁你話呢~~
好, 嚮一個遲o左少少o既情況之下返學, 而且, 又要miss o左北角轉車站添喎, 但係都準時返到去喎, 你話我幾勁呢~~ 但係返到去, 唔係傾野架喎, 而係...... 去睇notebook...... 睇下睇下, 我仲幫人買埋添, 原本諗住下晝先買, 佢地又申請埋信用卡添~~ 咁就過o左一個鐘, 即係早唔早返都無分別......
同supervisor見完面之後, 食飯啦, 上Barn打上一篇日記啦, 之後就搵埋Denny佢一齊走, 咁就一日
夜晚, 俾Denny同埋呀豬佢叫o左去玩AOC, 我當然係最屎o個個啦, 應該都無乜人可以屎過我架啦, 要人打救, 但係俾人打救完之後, 俾佢地係咁掠奪我o既石同黃金, 最後只可以起一o的剩係用木同肉o既兵, 不過正當我儲齊士兵之際, Denny佢斷線, 仲要Resume唔到喎, 呀...... 天呀, 點解會咁架...... 雖然知道係贏硬, 但係都想睇下點贏架...... Denny你好呀, 我記住你, 下次唔可以俾你再斷線架啦, 哼~~

半日義工?!

今日返工係返十二點, 但係今朝七點半就起o左身, 去做義工, 下晝要返工上晝都去做義工, 你話我勁唔勁~
晨早去o左消防局度執齊o的野, 之後就搭架消防車去西灣河救護站度打點人地黎上堂~~
當佢地上緊堂o既同時, 我就同另一位高級消防隊長去o左買定西餅俾佢地break o個時食, 呀Sir佢仲買定紙巾俾佢地添, 果然夠細心呀下~~ 到佢地Break o個時, 緊係影翻張相先啦~~ 個個都有衫著, 整整齊齊, 靚哂~~
跟住, 到我趕翻工啦, 原本諗住搭77, 唔駛轉車嘛, 但係見都係無車, 都係...... 轉去搭地鐵, 夠快, 再轉搭72, 準時返工~~ 但係就勁眼訓囉, 仲有就係個人係勁累, 個身體好似唔係自己咁架喎, 個腦識轉, o的手手腳腳好似唔聽駛咁, 真係呢...... 下次都係唔好搵o的咁o既野黎攪~~
跟住落黎就真係慘, 唔知點解個肚, 應該唔係個肚, 係個PatPat勁想去廁所, 本來一次半次都好正常(正常生理, 唔好話我核突, 你唔駛屙o既), 但係點知...... 臨收工o個時又要去多次喎, 今朝都係食早餐o個時飲o左杯奶茶o者, 咁通我真係唔受得奶茶?! 終於可以收工, 返工屋企, 緊係訓翻陣先啦, 跟住就又食o左個飯咁...... 我已經無食lunch, 個係都仲係好似好飽咁喎, 照食住一碗飯咁先啦. 食完, 又要去多次廁所喎, 頂...... 真係慘, 屙到個PatPat都痛, 慘呀...... 好在之後都無事, 咁都鬆哂~~
夜晚, 睇交響情人夢, 原來個故事都ok好笑架喎~~ 有機會問人借哂黎睇先, 再唔係追TVB黎睇都唔錯~~

MSN表情圖案

個颱風帕布咁就撲完隻蝴蝶, 而我就要返工
今日返早, 見出面有o的雨, 咁就早o左返到去, 咁o的野就緊係慢慢做啦~~ 橫掂都未開門~~
問下班暑期工知道o左, 今年有幾個人都考得唔錯, 有廿幾分, 當然亦都有得十分八分, 恭喜哂~~
食飯o個時係咁同人玩電話, 狂玩連拍, 我o既強項, 攪到佢地勁開心喎~~
之後芭芭拉佢話佢電o左個頭同我一齊影相喎, 你電o左個頭點解要同我影o既? 又唔係我電o左個頭, 應該同翻你個頭影丫嘛. 嚮save翻佢o的相o既同時, 仲見到佢好多o既相喎, 但係最正o既就緊係一o的可以俾我整gif o既相啦~~ 哈哈哈哈~~


至於呢幅細圖, 可以save黎做MSN表情圖案架~~

黑?

黑仔?
呢期, 講真, 都真係幾...... 黑......
追溯返去7月, 陽光普照, 係咁搵人去玩, 諗住去睇戲啦, 踩單車啦, 陽光與海灘啦, 仲有就係O Camp, 但係最後, 乜都攪唔成. 首先, 單車, 搵唔夠人, 咁就無人去, 5個都話少, 一個唔去咁就連鎖反應咁全部人都唔去. 好, 之後去睇戲, 原本已經有人話去睇, 但係, 唉, 睇原裝日文版, 得一間戲院有, 呢個都唔係問題, 但係剩係得早場囉, 頂, 我o的同事全部都要返工, 放工先去睇得, 咁即係無得去睇啦, 真係自己一個人去睇咩, 扮哂電影人咁呀, 卡通片, 自己一個人去睇...... 我諗俾個場務見到都我一條麻甩仔去睇, 佢真係會以為我係電車男, 咁戇鳩...... 陽光與海灘, 7月就真係有陽光呀, 但係無海灘呢, 紅潮丫嘛, 到八月, 有海灘啦, 但係就無陽光呢. 仲有O Camp, 有個同學係SU裡面做, 佢話搵組爸, 好, 玩丫, 有咩所謂呢, 玩人之嘛, 又唔係俾人玩, 仲有係SU 大O喎, 實有得攪啦, 點知, 個同學竟然同我講攪唔成, 大O都攪唔成? 真係攪唔成, 每次返到去, 見到一二百人嚮Atrium度O Camp, 總有o的...... 竟然連O Camp都攪唔成, 真係唔到你唔認命......
好, 到8月, 7月暑假o個個course, 考得唔好, 不過其實某程度上都可能係無心機溫書掛...... 先係本來約到表弟踩單車, 點知落雨, 好在最後都有得玩, 打下波咁囉, 但係相比起我最想o既踩單車, 都係比不上...... 之後就係會考放榜(放榜又關你事?) 知道o左某個ssh o既成績之後, 唔知點解即刻打定輸數(咩輸數? 咁你都要問, 唔係下你, 費事彩你), 真係唔知點解, 第六感掛. 跟住就到今日, 八號風球(八號風球咪好囉, 唔駛做喎), 但係我呢o的計鐘o既, 多勞多得, 無得勞, 即係唔得(唔係唔得, 係......屎火, 我都唔識講) 用o左成個鐘車程, 返學校只係為o左兩個鐘o既helper o者, 個八號風球咁都要奪去我一個鐘o既錢, 走o個時, 等車等o左九個字, 總車程咁就用o左兩個半鐘, 但係只係返一個鐘頭helper喎, 咁你話呢, 本來仲諗住幫人買notebook添, 但係, 唉...... 灰到, 真係好灰...... 呢個都唔夠灰, 最灰o既係, 原來我對上o個篇週記話晶晶同學幫我搵多四個鐘錢, 點知, 原來最後係流料, 唔係先到先得, 而係老闆會揀人黎做, 真係灰到呢...... 三個鐘, 三個鐘頭錢咁就幻化成泡影...... 仲有o個個鐘, 到現時為止都未知有無得返, 真係灰到, 黑.
認命啦~~ 有時有o的野, 整定o既~~ (唔止揚:乜睇得咁化呀) 有時o的野, 唔化都唔得啦, 開心又係咁過, 唔開心又係咁過, 睇化o的, 人都會開心o的~~

日記→週記

硬係覺得呢, 用Blog黎打日記, 係有o的...... 唔知點講, 個title唔係日記就係日記, 硬係有o的...... 真係唔知點, 但係又唔想用xanga喎, (我係鐘意blogger呀, 你吹呀), 好繼續我o既日記日記~~
上回寫到星期二, 今次就由星期三寫起啦~~
星期三, 今日, 八月一日, 係我第一日返工, (咁多工你返o既), 不過唔係暑期工喎, 而係學校o既Barn Helper, 其他人可能唔知咩係Barn, 等我約略講下啦, Barn, 全名係Computer Barn, 一見到Computer呢個字你就應該估到估到係乜啦, 無錯, 簡單黎講, 即係電腦房, 一個(其實唔止一個, UST係有三個Computer barn)公開俾所有學生用o既電腦房(有位o既話~~). 好, 講完咩係Barn, Helper你應該知係乜啦, 唔知o既話自己查字典, 連helper都唔知~ (不過真係有人唔知架, 我初時同我呀媽講話我做o左學校helper呢份工o個時, 我呀媽話,
咩扒話?
Help扒.
即係咩呀?
咁咩係help呢?
help係...... 幫咁解囉
咁扒呢?
扒...... 唔知喎
扒即係人咁解
哦......)
事實上我呀媽o的英文係得小學程度, 唔識唔出奇~~ 其實講完佢都應該仲係唔識, 總之係返工搵錢啦~~
好, 講完一大輪廢話之後都未講到我星期三做過o的乜喎~
星期三, 尋日UST人事部o個度打電話黎話我做Student Helper份約已經準備好, 今日可以去簽, 咁就早o的返, 去攪埋o的野, 又有一大本MPF o既野...... 有o的唔想睇~~ 嚮返學o既途中, 去o左快圖美度幫人哂證件相, 掂~~ 個四就有八張證件相, 睇翻地鐵o個o的, 卅蚊先得o個四張...... 去到快圖美, 咦, 閂o左門o既?! 望一望, 有個牌寫住"請稍候...... 9:15"而家先至係9:10, 咁咪要等5分鐘, 算, 等你...... 橫掂仲有時間. 今日Barn helper返十點, 一向返工都準時o既我當然早到啦, sign on time係9:55, 應該係有個senior helper黎帶一次, 但係我早過佢咁多返, 佢未到都唔出奇丫...... 但係講真, 都無乜野要教, 但係試unlock個printer unlock唔到喎, 咁有趣o既?! 之後就去對211份卷, 唉...... 成績就緊係...... 唉...... 個mid-term同個final差唔多分, 相信個Grade都...... 之後去搵埋Denny食飯, 點解做Lab Helper都會超時o既...... 仲要好多時都係咁喎~~ 食完飯飯, 繼續做多兩個中o既Barn Helper, 今次到勁多人o既Barn B, 而我亦都要做o既野就係換紙, 幫人Add print Budget, 個soc黎架喎, 仲要一Add Add兩張, $120. 又有人問Print唔到野, 未轉做Purchased Print Budget, 同埋跟本無錢, 亦都有一Print o左豪華版notes, 各位記住啦, 人為錯誤print o左豪華版係無得退翻錢架~~
最後, 亦都係我最想講o既就係見到Social Dance 個女仔partner, 估唔到佢會向我宣教囉, 即管聽下佢講乜囉, 其實我唔抗拒人地嚮我宣教, 但人係我唔想o既係, 佢地之後會係咁煩住哂, 大佬呀, 即使我係基督徒, 我都唔想成日去教會, 成日去同其他人宣教, 好似蛋哥咁, (佢係唔係會嚮出面宣教我唔知, 但係至少佢唔會嚮我地面前係咁做) 呢樣野係我幾鐘意架囉, 因為, 天父創造人, 其實人係已經委派o左唔同o既使命俾佢, 每個人有唔同o既命運, 我好相信上帝佢已經plan o左, 好多時o既我係會聽天由命, 簡單黎講係因為我相信主已經靜悄悄地幫我安排一切, 而我, 相信應該唔係出去宣教o個班, 因為我對一些o的句子係覺得噁心的. Step(女partner)話未受洗都係基督徒喎, ok, 你話係o既話, 我絕對唔會否認我係基督徒, 但係我亦都唔會無啦啦公開咁話俾人知我係, 因為你相信主, 係唔應該以此到處炫耀. 但係有人可能會話, 咁你信主而又唔出去宣講佢o既事情, 你對佢唔住, 其實我係好樂意做分享呢個工作, 又或者係以一個歌頌o既方式黎到協助宣揚主的偉大, 有一首中文歌我係幾鐘意架, 愛是不保留, 第一次聽到o既時候, o個時我都仲未知呢首歌係一首詩歌, 以為只不過又係一o的流行情歌, 但係講真, 聽落其實係幾舒服架喎~~ 到最後, Step佢又問我拎電話呀o個o的o個o的, 不過我無問翻佢電話, 因為, 好多時, 命運o既野, 好難講, 渺渺中自有主宰.
夜晚, 屋企部機真係頂唔住啦, 要reinstall過啦~~ 好, 又有一個新同埋乾淨o既windows用. 但係夜晚o個陣, 有個學園傳導會o既人打黎, 內容都係o個o的, 唔講啦, 但係呢...... 我都係唔係太鐘意佢最後o個句 願主祝福你 囉, 無私的主係好樂意祝福任何人, 唔係佢都唔會派佢o既獨生子落黎啦, 對o個句說話有o的反感......
星期四, 今日朝早, 應該話係尋晚呀媽都唔知做乜事, 突然話想去食早餐喎, 咁就早o左都有一粒鐘起身黎食早餐~~ 之後就返學校去做所謂o既notebook training, 其實咪即係聽個sales嚮度講野, 仲要講o個o的好似無乜用咁囉, 小, 早知真係唔鬼去, 無啦啦用廿蚊車錢返去就係聽埋o的咁o既野, 講個Vista仲廢, 咩Movie Maker, Indexing, XP咪一樣有, 真係蝦你唔識......
之後就好無聊咁返翻灣仔食o左碗麵, 再嚮屋企度Hea~ 無聊......
星期五, 本來今日只係要返下晝barn helper, 但係上晝take埋YC o個個slot, 但係, 都真係幾悶...... 坐四個鐘嚮個barn度, 睇下o的355, 打下呢篇由日記變周記咁, 就又一日~~
夜晚唔止揚佢嚮msn度同我講話佢今晚收夜, 會整定o的陷阱俾我聽日返黎中, 但係我不嬲都會早返去, 都無乜點驚過~~
星期六, 遲o左o的o的起身, 睇住架車走o左, 去第二個站度搭, 結果又係搭翻同一架車, 幾次都係咁...... 返到去, 只係比平時早十分鐘返遲o左少少, 一睇個所謂陷阱, 唔駛兩分鐘就完全恢復原狀, 陷阱...... 不堪一擊~~
下晝o個時, 之前有條o靚仔俾人BlackList o左5人無得book機, 今日佢就帶o左佢老豆黎, 同我地講數喎, 呀老豆, 你話"你地要返工, 咁先至放個仔嚮圖書館玩下電腦, 唔通真係放佢嚮街度學壞咩", 但係我想同你講, 嚮圖書館都唔一定唔會學壞架喎, 你個仔要壞我地跟本控制唔到, 我話你知丫, 你個仔成日嚮度群埋另一班細路, 嚮度係咁打機, 仲當我地無到咁, 鬧極都唔聽, 仲同人嚮度打交添, 咁我地駛唔駛打個電話俾你呀, 你話我細個o個時都有曳過, 但係我同你講, 我細個o個時好乖架喎, 成日呆嚮屋企架, 唔似你個仔咁成日都要出街架喎~ 哼~~ 最後咪又係要老闆出黎同佢講數佢先肯收手, 話到尾, 咪又即係俾你個仔嚮度打翻機, 挑~
夜晚, 佢地成班話去燒膠喎, 唔係下化, 夜晚氣溫卅度都走黎燒, 傻架? 我先唔會同佢地一齊癲呀(我有意思o個個都唔去, 點解我要去呀?), 但係臨走o個時, 唔知點解冬冬佢俾o左支蚊怕水我喎, 我仲唔周圍向住人黎噴咩, 過癮~~~~
星期日, 今日都好似都剩係返工同放工, 都無乜野特別, 只係就算食o左飯返到去都係勁肚餓咁囉, 放工就去o左食吉野家咁之嘛. 至於嚮公司o個度, 當我開o左個msn之後, 呀瘋就係咁用我個msn同唔止揚佢係咁msn, 唔止揚呀, 唔關我事架...... 除o左我話芭芭拉話o個幾句之外(死都要拖埋芭芭拉落水) 之後都唔關我事架...... 而芭芭拉真係有咁我講過話佢地尋晚去燒野食, 佢同我講話佢剩係買o左包卡樂B同埋野飲, 咁就17蚊, 但係唔係價錢o既問題, 而係佢包卡樂B俾人食o左先係問題, 有熱浪同埋蝦條佢地唔食, 剩係食o左佢包卡樂B, 當佢想食o個陣時, 一搵, 咦, 點解唔見o左包卡樂B o既, 一問之下, 唔止揚佢自首喎, 哈哈, 屎啦, 唔止揚你屎硬啦, 你尋晚食o左芭芭拉
包卡樂B, 哈哈, 你死定了~~~~
呀, 仲有, 臨收工o個時係我借呀瘋佢個msn話俾個陷阱你架喎, 但係你個xanga就連續寫o左佢兩日喎~~ 我乜都唔知lu~~
今日返返下工, 已經唔記得咩因由, Lisa姐同呀瘋哥佢玩, 係咁打佢個頭, 之後呀瘋哥佢俾人打到火到黎埋, 爆粗, 好在無讀者嚮度o者, 當時芭芭拉都在場, 我地兩個睇到o哂嘴~.~
星期一, 今日成日嚮屋企度無聊, 唉...... 點解...... 點解想約人去踩單車, 睇戲咁o者, 都...... 唔係o的人唔得閒就係無人想去, 而家就連套戲都落埋畫, 一個月就落o左畫, 咁快架, 有無攪錯.
星期二, 今日本來約o左表弟佢去踩單車, 但係...... 落雨, 唔通連個天都唔鐘意我?! 改o左去佢屋企玩, 下晝打o左場籃球, 今日勁符碌, 嚮中場線都俾我可以入到波, 勁~~~~ 玩O.U.T. o個時我就用盡我o既屈機本能, 走籃拍板~~ 過癮~~~~
夜晚, 食飯o個時好多謝晶晶同學佢打電話黎(阻住我食飯都仲要多謝佢喎), 因為咁我先可以搵多四個鐘錢~~
咁就用o左5日時間寫o左呢個由日記變週記o既週記

---

日記開始打o既時間-07年8月3日下午1:16
日記打完o既時間-07年8月8日下午11:58