二月十二至十四至廿二

星期三, 今日返學返晨早o既九點, 我識較翻個鬧鐘啦~~ (識較翻...... 你之前係唔識較o既...... 咁抵你遲到~~) 咁今日我竟然早過呀Sir入課室呀, 以我記憶所及, 好似都未試過星期三九點呢堂早過呀Sir入課室囉~~ 但係呀Sir係九點一先黎架囉, 咁即係我都唔係準時九點返到去, 只係呀Sir佢遲o左...... 而且又無乜點訓到呀, 我係咪好勁呢~~ (無乜點訓到, 即係都係有訓到啦...... 咁有幾勁呀......) 之後就Barn, Barn完就食飯, 都唔知點解今日, 食個精選快餐會慢過個焗飯架囉, 有無攪錯...... 咁都叫快... 餐... 唔通係食得快先叫快餐...... 食飽飽之後去上Tutorial喎, 飯氣攻心, 畢竟我唔係一個武林人仕, 飯氣呢o的咁o既招式, 我係一定招架唔住, 所以最後都中o左...... 咁後果就係訓o左~~ 如是者, 就落堂lu~~
跟住就再繼續Barn~~ 嚮Barn o既途中, 就同班同學仔傾fyp, 嚮一個咁靜o既Barn度嘈, 我都驚俾人話...... 但係, 唔理lu, 傾完就放工, 攪掂~~
星期四, 今日約o左人返學校打波, 約十一點, 準時返到去, 果然又係我最早到...... 但係今日佢地連呀Sir都call埋黎玩喎, 唔錯唔錯, 幾好玩~~ 之後下晝去o左做FYP, o的program終於都差唔多完成, 但係做到成九點先走...... 呢o的日子應該唔會要過好耐, 事關四月中就已經final present, 只要唔好臨尾香就夠......
星期五, 今日終於都有假放啦~~ 唔駛返學又唔駛返工, 但係要幫屋企人去做苦力...... 夜晚, 做report做到三點幾先訓......
星期六, 今日要返工, 朝頭早個早餐要自己一支公出去食, 食完就返工~~ 今日DeepV都唔知點解講起佢有一日用機, 部機俾人整到好似老花機咁, 咩係老花機呀...... 老虎機就聽過o者...... 老花機呢, 即係, 嗱, 你知唔知o的人老花會睇唔到o的咩架? 細字囉, 無錯喇, 就係睇唔到細字, 咁o的字就俾人整到大哂, 咁就係一部老花機~~ o的字大到呢, 個條status bar, 即係你個IE下面咩loading o個條野呀, 俾人較大到呢...... 大到遮住o左差唔多有半個螢光幕, 而上面o個條工具列同埋網址列, 亦都遮住o左另外半個螢光幕, 咁實際可以睇野o既地方得翻少少, 你都咪話唔過癮呀~~ 至於今日, 我地就就o左令到個十五寸螢變成卅五寸螢光幕, 姐係所有野都細o的, 細o的, 再細o的, 咁就正呀~~ 幾過癮呀~~ 最後個desktop係show到兩條icon出黎, 無錯, 係兩條, 一條大約有十幾廿個icon咁啦, 細到呢~~ 都咪話唔過癮~~ 夜晚, 做功課, 做到三點先訓, 都係唔識做, 救命呀......
星期日, 今朝返工, 返到去, 咦, 部機無事o既~~ 勁喎, 識整翻~~ 但係之後呀Lok佢話, 原來今朝返o既同事係叫Peter佢整架囉, 做CT都唔識整呢o的咁簡單o既野, 都真係呢...... 下晝, 嚮大約四點o既時候, 突然勁眼訓, 眼訓到呢, 個人wing 下wing 下咁囉, 真係...... 最後返到屋企, 就死o左...... 個頭又痛, 個人又wing, 真係難頂...... 最後好早就走o左去訓, 想溫書都溫唔到, 黎緊o個兩個midterm就真係凶多吉少...... 緊係啦, 你連續兩晚都三點先訓, 點會夠訓丫...... 我想架咩, o的野係要做架嘛, 又唔識做, 咁可以點呢......
星期一, 今日唔駛返學呀, 但係要返工囉, 事關今日係紅字, 返十二點, 訓o左成晚之後, 成個人精神哂, 今日又無乜人喎, 不知幾正呀~~ 本來諗住打翻之前o個o的o既日記, 但係都唔夠時間, 事關真係太長啦, 打到一半就已經俾人發現o左, 嚮驚俾人加料o既情況之下, 都係唔打住......
嚮臨放工o既時候, 我表弟佢打黎話佢楂車出灣仔, 順路兜埋我, 咁o既然係咁, 當然要順路車埋嘉茵啦~~ 事關我地約o左小敏佢去銅鑼灣丫嘛~~ 話時話, 我都係第一次坐佢車喎, 佢手車都幾定丫, 又幾禮讓喎, 唔錯唔錯~~ 果然, 私家車係快過巴士好多, 我地去到銅鑼灣小敏都仲係等緊車...... 行完就返屋企~~
夜晚, 激嬲o左人, 至於係邊個, 我唔鐘意講俾你地知, 但係今次真係攪到我好Down, 唔剩係灰咁簡單, 直頭係黑囉... 咁自己做錯事先, 無野好講.
星期二, 今日真係放假啦, 成日都溫書, 但係係嚮一個好Down o既心情之下溫書, 咁就過o左一日......
星期三, 今日要返學, 返去開工, 準時返工, 之後hea多兩個鐘就繼續開工, 想溫書, 但係最後都係要執個report, 溫唔到書囉, 唉...... 聽日都唔知點死...... 下晝, 晶晶好勁呀, 搵到個TA哥哥幫忙, 教我地做呀, 多謝哂~~ 但係呢...... 教完都係唔識做架囉......
夜晚, 都係溫個書先啦, 聽日兩科midterm, 中間剩係隔o左個半鐘, 都唔知點死......
今日個人終於都開始無咁Down, 因為佢已經唔嬲我, 其實我都無奢望過佢原諒我, 只係佢唔嬲我就已經足夠, anyway, 多謝哂.
星期四, 今日上晝見一見老闆, 俾佢睇下fyp 個report, 估唔到佢竟然話Good, 果然Dr. Muppala 係一個好老闆, 簡直呢, 正呀~~ 搵佢做FYP簡直係正呀~~ 跟住就係佢個Midterm, 話易唔易, 話難就唔太難, 都真係呢...... 之後上堂就無心機上, 掛住溫仲有個半鐘都唔夠o既100F, 溫到一半, 肚餓, 最後就同o左Denny佢地去o左食Tea, 食飽先去考~~ 嘩份卷呢...... 快o既話真係可以半個鐘就做哂, 但係我相信呢, 個Mean一定好高, 都真難頂...... 跟手就去o左問功課, 都係唔明...... 份功課係同個midterm差唔多, 但係都唔識, 咁個midterm就一定凍過水.......
之後就去o左做FYP, 但係個電話就無電喎, 咁就問人借個電話講聲話我電話無電, 你搵我唔到架啦, 如事者, 我就繼續我o既FYP, 攪掂o既時候, 就當然返屋企啦, 但係原來我呀媽佢留o左三次言俾我, 問我返屋企未, 唉, 我都唔知話唔話佢好囉, 我之前打俾佢o既原因就係因為想話俾佢知我係會遲返o者, 咁你而家又打俾我, 明知我電話無電你都係要打俾我架囉, 唉...... 仲要煩到我同學, 好在我同學佢深明大義o者, 唉...... (我讚緊我同學~~) 攪到我好似好無面咁囉, 唉......
返到去, 做埋份聽日交o既301先訓, 又係三點先訓, 真難頂......
星期五, 今日要返學, 返到去, 做Lab, 但係都無心機, 唔知點解咁無心機...... 做完Lab, 搵唔到人食飯, 最後都係自己一條友食...... 食完之後就搵晶晶一齊攪埋份301功課, 做到無心機做...... 做完就去做Lab, 之後就為o左少少錢而打少o左半個鐘頭波, 唔...... 嚮呢個moment都係搵錢緊要少少~~ 之後去打波, 再黎就又做Lab, 做完就返屋企, 溫書...... 睇電視, 溫書...... 咁就又一晚
星期六, 今日要返工, 多謝郭生請食野, 好野~~ 唔駛餓住走lu~~
呢個日記, 唔係, 應該話係週記先o岩, 積埋積埋成個幾禮拜先打完, 無辦法, 因為真係好忙, 好多野做, 又要溫書, 又要做功課, 真係呢......

二月初十至十一

星期一, 今日返學, 返十點Barn, 但係早上收到茵茵o既sms, 話佢唔舒服, 唔可以一齊返學, 呢排o的流感真係勁, 估唔到我身邊都有人中招, 祝佢早日康復啦~~ (費事佢傳染埋我咋~~)
Barn完就上堂食飯, 自從上次個midterm死得咁慘之後, 我唔再可以睇少呢科架啦, 再努力, 再努力~~
之後又Barn, 原來就係呀邊個邊個佢take埋我4-6 o個個slot呀, 我記住你, 哼, 等我唔入紙, 等你入哂~~
Barn完就繼續Barn, 做定聽日301個Lab先~~ 走o個陣撞到Steam喎, 咁就一齊搭車, 問翻佢今朝301個Lab, 原來隻野真係要拉到咁長, 好...... 怪......
夜晚, 都係溫下書, 做下功課咁, 無哂mood做野.
星期二, 正如上面講過, 今日係做Lab, 九點, 但係呢, 我個鬧鐘點解唔識響架, 攪到成八點二先俾呀媽拍醒, 最後用o左十分鐘時間就出o左門口, 返到去時間o岩o岩好, 未開始~~ 都可以叫做無遲到~~ 好順利咁做完個Lab之後就去食早餐~~ 之後當然係要去上堂啦~~ 嘩, 355呢堂o既上堂人數創新低呀, 得六個人囉...... 點解我地老闆咁保守架, 都唔講tips架, 有無攪錯......
之後個人就勁攰, 訓足成堂, 點解...... 個人會咁攰o既?!
再黎o個堂呢, 就要勁精神(係"要"勁精神, 事實上我都係勁眼訓, 但係都要精神!!) 因為講midterm考乜, 但係...... 講完都無信心囉...... 上完堂之後就又去o左sit堂, 實際上係去做功課~~ 做到一半, 突然電話響, 幾驚俾人趕走呀...... "Who are you? Are you elec315 student?" "er...... no, I am just audit this class" "you are not this class' student, ok, but your mobile phone is disrupting the others, so, OUT!!!" 咁到時就真係樣衰死...... 所以, 我都係sit到一半就走鬼o左, 返屋企訓覺......
返到去, 沖個涼, 訓個覺, 食個飯, 睇個電視, 溫個書, M個SN, 咁就訓o左...... (MSN就MSN啦, M個SN, 都唔知你up乜, 硬加個"個"字落去......)

二月初九

今日返工, 之前o個晚掛住打機, 攪到連坐車返工o個陣都掛住玩, 嚮落車o個陣就攪到個人wing wing地, 簡單o的黎講, 即係有o的暈車浪~~ 一路wing住黎行翻去, 正當我只係過多一條馬路就到o既時候, 突然間有人大叫麵王之王, (當然唔係叫呢個名啦, 而係叫我真名啦) 即係我全朵呀~~ 我個心裡面竟然唔識得, "小, 邊個嚮我全朵呀", 而係好簡單咁就望住o個條友, 就咁say個"hi"~~ 睇黎我都真係幾wing...... 原來係小敏~~ 但係...... 佢今日唔係都係要返工架咩, 點解...... 點解佢唔係一齊過馬路而係掉頭架呢? 唔通我真係乞人憎到見到我要掉頭走?! (係要掉頭走o既話就唔會叫你啦, 都唔知話你白痴定低B) 原來佢要去買早餐~~ 如事者我就陪o左佢去買早餐, 跟住就一齊返工啦~~ (點解唔陪埋人地食早餐呀? 佢係買定聽日o既早餐呀, 點陪人地食呀, 你班友仔無野呀)
返工, 今日係咁出o左去玩八達通, 好過癮呀~~ o都~~ o都~~ o都~~ 呀~~ 爽哂~~ (痴線)
屎火啦, 今日話呀成話我成日都出o左去囉, 咁...... 八達通係好玩丫嘛~~
我借o左褀哥o個個藍牙自由手走(handfree就handfree啦, 自由手, 都唔知你o的係咩中文黎架囉), 黎緊o個個星期都有得玩~~ 好野, 唔該褀哥~~ (不過唔係佢借架喎, 係Lisa姐借俾我架喎, 咁呀, 唔該哂Lisa姐~~) 好用o既話儲錢買翻個先~~ 但係都係買翻個receiver先, 呢個比較緊要o的......
夜晚, 做下301 Lab, 溫下書, 咁就又一晚, 唔得啦, 要用多o的時間黎溫書啦, 唔係黎緊o的midterm死硬......
曾志偉個取犀Game好好笑, 笑到肚都攣~~
但係之後個最美麗的第七天個結局就...... ookk嘛嘛地地咁, 愛情劇, 算係咁囉......

二月初二至初八

星期日, 今日返工, 拍翻呀DeepV哥哥, 而無聊o既我就用呀DeepV佢個MSN黎玩, 點知一玩就撩起o左Kobe佢, 攪到變o左佢玩而唔係我玩, 至於玩乜, 嚮DeepV佢個MSN度亂咁篤個人出黎講野, 至於內容係乜, 唔方便嚮呢度講, 想知o既私底下問我~~ 哈哈, DeepV, 你都有今日啦, 之前玩我個MSN丫嗱~~
星期一, 今朝返學, 坐Barn o個陣發現我自己張相唔見o左o既?! 剩翻個相架嚮度, 呀烏蠅哥哥佢話一定係有人拎o左黎放落銀包度啦, 唔係下化, 點會有o的咁o既事發生架, 當我將件事話俾晶晶佢知o既時候, 佢話你死啦你, 遲o的有個女同學拎你張相黎同你相認o既話呢, 你就知~~ 唔係下化, 邊鬼個咁大整估呀...... 但係我心諗, 拎黎相認都唔緊要呀, 好在過o左驚蟄o者, 唔係拎o左去打就無野架啦......
另外有件事就係, 有位同學佢用釘書機黎釘野啦, 咁呢, 佢就有幾份野要釘架喎, 咁佢就好細心咁每份野都疊齊佢先釘, 而且每次釘o個陣o的聲都好鏗鏘, 即係佢係放低份野, 之後隻手一野禁落去部釘書機度o個種釘法, 而唔係楂上手o個種釘法, 但係釘釘下o個陣時呢, 突然有一份佢shit o左一聲喎, 事關佢將自己個file同佢o的notes釘埋一齊, 咁一拉就連個file都一齊拉起o左, 我差o的笑o左出黎囉~~
Barn完之後, 上堂食飯(即係一路食飯一路上堂, 又或者係一路上堂一路食飯), 之後就又再坐Barn, 夠鐘就返屋企, 沿途做過o的乜我已經唔記得, 剩係記得夜晚做301個Lab, 做到成點幾兩點先訓, 如果今晚唔做o既話, 聽日就會無早餐/飯食囉......
星期二, 今朝一早返學, 做Lab, 但係我之前o個晚就已經做o左, 好野, 有早餐食, 但係嚮食早餐之前, 要幫茵茵同埋晶晶手, 事關我要令到佢地可以陪到我食早餐~~
之後上堂, 上完堂之後諗住去做FYP, 但係最後我都係去o左人地度Sit堂, 原因好簡單, 無mood做囉~~ 但係sit堂sit到一半就訓o左, 體驗到晶晶所講呢個prof o既"9up", 咩係"9up"? 有無玩過孖寶兄弟呢, mario食o左隻綠色蘑菇之後, 佢咪會有個1up o既~~ 咁若果佢一食就一次過食o左9粒蘑菇o既時候呢, 咁咪會係9up囉~~ 夜晚, 都唔知自己做過o的乜lu~~
星期三, 今朝又係返晨咁早o既九點, 返去上堂, 今日準時返到去呀~~ 但係上堂o個陣都係訓o左...... 咁咁鬼早返去把鬼咩, 嚮屋企度訓唔好...... 之後坐Barn, 都無乜特別野發生, 只係呢, 我本來想Reg多兩個鐘o既Barn Helper都俾人Reg o左, 無奈, 唉, 無錢搵...... Barn完就去o左買飯上Lab度食~~ 飯完就去o左上Tutorial, Tut完就俾Denny同呀豬佢拉o左去陪佢地食Tea...... Tea完就原本係去幫人拎場打波, 點知呢, 自己都打埋一份, 點知, 唉...... 真係有咁耐風流, 有咁耐XX...... (o個兩個XX可以係中文字, 亦都可以係英文字......)
打完波, 溫多陣書, 七點就midterm, mid到八點咁就term o左, 唉...... 219果然剩係勁人先讀呀下......
星期四, 今日終於都可以返遲o的啦, 食完個飯先返學, 返到去, 上堂, 上o左一之後呀熙佢打黎, 話219出o左成績啦喎, 咁快?! 咁就去check啦, 點知...... 灰, below mean, 早知尋日唔去打波啦, 今次真係自己攞黎架囉, 可以安慰下o既就係呢個midterm只係佔15%, 都唔係傷得咁重...... 真係有咁耐風流, 有咁耐XX...... (上下呼應......)
之後就上堂再上堂, 之後就去o左做FYP, 今次就算無mood都要做架啦, 最後做到成九點幾先走, 餓死...... 放學o個陣, 見到架巴士喎, 嘩, 平成七毫子架, 咁就緊係追啦~~ 好啦, 好快手咁就o都o左個八達通, 諗一諗, 點解... 點解會係四個九o既, 但係我o個陣已經上o左上去樓上架啦喎, 咁...... 追唔追翻o個個四好呀, 唔追翻, 我追巴士追得咁辛苦, 但係到頭來慳唔到之餘, 咪倒蝕o左七毫子囉, 咁最後我嚮我落車o個個站度一望個機, 咦, 都仲未轉翻喎, 咁就同巴士哥哥講翻, 話佢唔記得轉翻個價錢喎, 咁佢就好好人咁俾夠兩蚊我呀, 真係好人, 佢可能真係驚我會投訴掛, 但係人地都係打份工o者, 無謂啦, 哈哈, 我賺多o左六毫子添呀~~ (小, 幾毫子都咁計, 都唔知你想點, 大佬, 幾毫子唔係錢咩......)
星期五, 今日終於都可以返晏啦, 晏到返下晝兩點, 原本諗住早少少起身做功課, 但係...... 最後, 都係十二點先起身, 食個飯, 咁就夠鐘返學...... 返到去, 上個lab, 之後就去o左打波~~ 日日運動身體好呀~~ 之後就繼續Lab...... Lab完就返屋企, 做功課, 做到好夜先訓......
本來今日又有pizza食, 又同o的舊同學一齊食飯架, 點知...... 最後來兩頭唔到岸......
星期六, 今日返工, 公司個pantry終於都整好啦, 但係...... 個"星盤"洗完野之後地下會水浸o既...... 地下個渠口會噴水出黎架喎, 幾攪野呀~~
以下o既對話copy from DeepV o既xanga

【照片風雲】
在linus 的私人folder 內發現10數張可觀性甚高的照片
由於對我視覺刺激很大....我今天將這批照片俾左好多我信任既人睇過...
節錄某幾位同事看完這些相片後的即時反應
Ar E︰「wa...撞鬼囉...」
南南︰笑笑口咁走左去....事後都有再3問過我「誰人是linus ??有大肚腩果個?」
郭生︰本身都好客觀咁聽我地講來龍去脈, 睇完批相後...打左個冷陣就走左去...
joan︰睇完後笑左10mins 後....放工時跟我說︰「下次要乖d, 唔好睇人私隱啦....」
佢講果陣都仲係笑笑口...我諗佢應該未笑完...
kobe and lok ︰睇完除左笑之外.....仲大膽拎D 相黎做wallpaper...
人地仲要用架...大佬....俾D 女仔見到我用D 咁既wallpaper , 你話幾難堪呢...

下略1000....

如果D 相真係linus 既, 照批相的風格...
我覺得我地有一位同事會好危險.....
聰明的讀者. 都應該估到個答案啦卦???
無錯....係奇哥!!!.....(自行反白)

平時都自知自己壞事做盡...若果我說
這場照片風波真的一點也關我事....我想...應該無人會信的..
竟然事實如此....唯有逆來順受......要怪就怪自己平時太衰格....

睇完之後已經足夠講今日所發生o既事~~
終於都俾我試玩到用八達通黎收過期罰款啦~~ 幾過癮~~
放工, 同埋DeepV去o左大街度搵埋小敏食翅, 魚肉碗仔翅, 好味~~
一日都係DeepV, 攪到小敏等o左我地咁耐...... 講句唔好意思先~~

二月初一

咁就過o左年一個月, 但係我到而家都唔知點解我會用呢個農曆黎做標題喎, 但係既然都用緊, 就繼續用落去啦~~
今日返工, 返到去, 本來都無乜野, 但係呢~~
下晝, 個死肥佬, 又嚮度攪事, 叫極都唔走, 叫實Ｑ哥哥黎, 佢就嚮度發癲...... 好彩我成日都要test機o者, 某程度上都唔係太關我事~~ 但係呢條友, 真係好乞人憎！！！
夜晚, 都係唔知自己做過o的乜......

正月廿九至三十

星期三, 今日上晝九點鐘o個堂終於都無遲到(咁多)啦~~ (咪一樣係遲, 玩野下！！) 遲o左幾分鐘之嘛~~ 好過以往o既幾個字丫...... 上堂, 眼訓...... 之後就Barn, Barn o個陣, 影低翻之前俾人擺上枱個張相. 至於呢張係咩相, 就要由上星期五講起......
事緣嚮星期五o既時候, 學校個Barn要整printer喎, 仲要係整color printer喎, 咁呢, 我o既好同學晶晶呢, 就print o左一張有齊我地全部helper o既網頁出黎, 咁當然有我個頭嚮度啦~~ 之後就黎料喇, 晶晶佢呢, 將我個頭剪o左出黎, 剪出黎都唔緊要呀, 而係呢...... 剪o左出黎之後, 仲要放落個人形相架度囉...... 汗" 即刻無野講...... 至於個相架, 就放o左嚮我地BarnB Helper o個張枱度, 但係比較好o既就係, 個樣係對住自己人, 唔係對住其他同學, 咁都無乜野...... 不過張相已經俾佢放o左上facebook...... 遲o的我會揀翻張靚o既放嚮度架啦~~ 唔駛咁心急喎......
可悲o既係, Yannes佢同晶晶講過話有日唔知點解我張相咁曳, 面向住出面囉, 仲要俾兩個女同學見到, 唔通佢地兩個係靚女?! 定係因為佢唔想見到Yannes呢? (Yannes應該睇唔到我個blog架可~~) 至於o個兩個女仔o既反應係...... "gig"一聲咁笑o左出黎...... =.="
都係唔好講呢o的咁o既野啦, 繼續我o既日記先~~
Barn完就食飯, 買o左個飯上去FYP Lab度食, LG1雙餸o的豆都唔好食o既......
食完飯, 繼續上堂, 但係食飽飯就自然飯氣攻心......
咁抖完之後約o左人打波呢, 就自然會好精神啦~~ 咁打完波, 當然又會眼訓,
如是者, 咁就帶著一個疲勞o既身軀返屋企~~ 咁攰, 夜晚緊係無做到野啦, 係咪先~~
星期四, 今日本來係返十二點, 但係因為呀晶晶佢想訓晏o的, 而我又想搵多o的, 咁就返早, 早到九點...... 果然, 好眼訓...... 下晝就355Quiz, 之後上堂又訓, 跟住又上堂, 最後放學都係返屋企訓......
星期五, 今日返十點, 返去做Lab, 但係個Lab跟本就去返去同個TA一齊研究新o個份Assignment, 咁樣呢, 一份Assignment就一堂攪掂~~ 之後就落去同佢地傾231個project~~ 跟住就食飯~~
食完飯就Lab, 今次231呢個Lab個TA好好多, 唔似之前o個個~~ Lab完就又去打波~~ 今次八個人一Team, 果然係混亂...... 打完波, 又上Lab, 今日跟本就係成日都係做Lab o既日子, 唔係做Lab就係做Lab...... 但係都學到野o既~~ 起碼知道點可以realtime debug c# program~~
夜晚, 掛住整o的相~~ 個video完成率20%~~

官判離婚夫婦平分身家

官判離婚夫婦平分身家 (星島) 03月 06日 星期四 05:30AM

(綜合報道)

(星島日報報道)香港的離婚官司一貫會按「合理需要」原則向伴侶索取贍養費，以主婦居多的依賴方，一般只會得到丈夫約三分一財產。不過，高等法院上訴庭昨在一宗離婚夫婦資產糾紛案提出新指示，指香港作為金融中心又屬世界級城市，在男女平等的前提下，理應跟隨英國 在二千年以後的做法，將夫婦財產公平分配；結果案中妻子獲判得財產，由原來一百五十多萬元，增至近二百七十萬。

　　記者：陳穎鏇

　　對日後離婚官司影響甚大的案件，源於一對四旬離婚夫婦，兩人於九六年二月結婚後，關係維持七年，至○三年離婚。本來雙方已協議財產分配，但妻子後來發現丈夫隱瞞資產，於是要求法庭重新安排資產分配。按區院計算，男女雙方各有資產四百六十五萬及五十二萬餘元，當時區院法官認為妻子可自丈夫身上獲財產三分一，即一百五十五萬元。

　　舊分配法已不合時宜

　　不過，高院上訴庭昨日推翻區院的「三分一」判決，上訴庭法官張澤祐指本港的離婚法例，基本上沿用英國，但自二千年英國已放棄「合理需要」的申索理據，而採用「公平分配」的新方法。

　　張澤祐又指香港作為金融中心，又是世界級城市，由家傭照顧家庭，再由夫妻一同外出工作，已司空見慣，既然雙方同樣為家庭投放資源，因此更有必要平均分配財產；即使是男主外女主內的傳統模式，女方放棄事業將時間投放家中，利於男方出外工作，雙方也有同等的付出。

　　法官指《基本法》及《人權法》承認每個人之間的平等性，況且英國八年前已奉行公平分配方式，昔日案例已不合時宜，法官特別指假如雙方資產有限，法庭在分配時，應以滿足雙方在居住或經濟上需要為原則；但當資產多於生活基本所需時，如無合理原因，其餘資產應以平均分配為準。

　　夫須於三月內清付款項

　　即使如本案中丈夫指兩人婚姻居所屬其父母資助購入，但由於兩人結婚七年，日子不算短，因此居所仍須平均分予妻子。上訴庭並重新計算男女雙方資產，認為兩人分別有五百三十萬元及六萬五千元，因此妻子應得兩者總和的一半，即二百六十八萬餘元。上訴庭並下令丈夫須於三個月內清付該筆款項，而妻子亦須遷出深井浪翠園 的婚姻居所。

　　四十五歲的妻子為清華大學畢業生，九三年因工作來港，九六年婚後辭工，但兩年後再上班，至○三年十月辭工，當時月入為二萬八千元。妻子稱曾患上抑鬱及曾割子宮瘤，他日可能再須醫治。至於丈夫（四十六歲）為一名商人，設有一公司及在兩公司有股份，他稱月入二萬七千餘元。案件編號：民事上訴九十一──二○○七



可悲......
結婚, 係兩個人對彼此的一種承諾, 但係點解到頭來兩個應該係深愛著對方o既人, 會因為金錢而對簿公堂, 要由一個第三者做決定架呢? 唔通金錢真係比愛更為重要? 定係可以說為, 愛o既反面, 係恨?
某程度上, 我覺得離婚之後要分對方一半身家, 呢樣野俾我o既感覺係呢段關係係建基於金錢之上, 而我就覺得, 兩個人o既關係, 一旦與金錢符號有關, 呢段關係某程度上就會變得無意義, 難道現今社會呢樣係一種趨勢? 若果係真o既話就真係可悲......

正月廿六廿七

星期一返學, 返到去, 開工, 之後上堂, 不過呢堂係帶住一個又眼訓又肚餓o既情況之下上, 嚮呢個咁o既情況之下, 我選擇o左, 訓覺...... 事關你睇電視都有話啦, 「媽媽, 媽媽, 我肚餓呀」「
你肚餓呀, 咁呀快o的訓啦, 訓著覺就唔肚餓架啦~~」「哦......」如事者, 我就訓o左, 果然訓著覺真係唔肚餓架喎~~ 不過一訓醒就...... 咕....... 仲肚餓囉...... 但係之後又坐barn o個陣唔食得野架喎, 頂, 早知去買個飯上堂o個陣食啦...... 最後...... 餓到四點先食野...... o個陣已經...... 死o左...... (邊有得你咁易死丫, 發夢你就想死呀~~ 你未攪掂o的project都唔死旨意去死呀~~) 食完個Tea, 去o左做FYP, 做到九點先走~~ 部新電話俾我聽歌聽到無電......
臨訓o個陣時, 都係做定聽日個Lab先~~ 唔係都唔知有無飯食......
星期二, 今日返早, 做Lab~~ 唔係好難咁就攪掂, 但係呢...... 要等埋茵茵先有飯食, 無早餐食呀...... 得翻半個鐘食飯...... 茵茵我唔係話你呀, 只係我話緊我自己無早餐食咋. (你咁樣同話佢有咩分別先?) 係話你o既話我就同晶晶佢晨早去o左食早餐唔理你啦~~
食完飯之後呢, 正所謂飯氣攻心, 上老闆堂都釣魚囉...... 最後都係扒o左嚮度...... 之後o個堂231就更加只係聽o左頭十五分鐘書就成個人死o左...... 訓足一堂...... 可能訓o左成堂o既關係, 之後o個堂又唔眼訓喎~~ 但係o的書都聽唔入腦...... 上完堂, 又肚餓囉...... 點解...... 點解cafe o的Tea咁貴架...... 剩係食都無哂o的錢囉......
攰...... 唔想做野, 今日都係早o的返屋企算把啦~~
返去睇電視好過~~ 睇翻尋晚o個o的~~
愛情呢樣野, 真係好怪, 睇到黃家嵐同言為信佢地打情罵俏o既時候, 我竟然係會識笑架喎, 幻想緊有日會有個女仔咁同我講, 我會好開心, 但係見到許懷仁同王芷君o既時候, 覺得佢地好慘...... 明明相愛, 唉...... 我太上心啦...... 唔好發夢住啦, 今晚早o的訓先發啦~~ (發夢?! 發瘟就有你份~~)
今晚都係早o的訓啦, 唔係真係個個星期三都遲到架啦~~

正月廿五

今日要返工, 唔知點解依然係九點幾就會扎醒......
返到去, 今日要黐新Mon貼, 用黎防止阻離位o既人望到喎, 不過其實都真係多舊魚, 事關呢, 人地要睇o既話, 嚮後面咪一樣望到, 簡單黎講, 即係無用~~ 之後又整Stat~~ 整完就已經夠鐘放工lu~~
放工o個陣, Lisa姐話請食Tea喎, 但係佢又唔舒服喎, 剩係食得唔飲得, 加上好多人都走鬼哂, 咁就算啦, 無所謂啦, 請唔請都係咁, 最緊要大家開心架o者~~
夜晚...... 打呢篇日記~~

---

乜錢呢樣野真係咁緊要架咩? 唔通真係連情(包括但不限於愛情, 親情, 友情)呢樣野都比唔上佢? 點解, 唉......

正月廿二至廿四

星期四, 今日返早o的, 事關今日係要俾個FYP 老闆睇, 事實上我地做o左咁耐, 都好似剩係同佢嚮度吹水, 都未曾真係俾個件product佢睇, 今日終於都有機會啦, 但係show哂我地o的野之後呢...... 發覺...... 佢好似無乜反應咁, 不過事實上呢, 呢個project話就話係TV box, 但係我地做o既都唔係video多, 只係做個interface...... 但係舊年o個group佢地就剩係做呢個video, 但係事實上我地都做o左唔少野丫, 點解...... 會咁架呢......
連續上堂, 都無時間食飯, 最後就買o左個麥當當上堂食...... 香到前面o個個人都望o左我三次...... 我都唔想上堂食野架, 但係...... 肚餓丫嘛......
夜晚, 好無聊咁睇電視, 做o左咁多晚fyp, 都係時候休息下啦, 過兩日又開始要做其他project同功課架啦...... 到時就想抖都無得抖......
星期五, 今日呢, 返學, 做個lab做到一半就走o左, 去食飯~~ (咁簡單就走架啦, 又唔係唔識做, 但係個TA哥哥好似好唔想我走咁喎...... 你下次教快o的我咪唔早走囉~~) 之後就去食飯, 食完飯就去lab度狗hea, 咩叫"狗hea"? 咪即係hea到成隻狗咁囉, 唔明呀? 你成日見o的狗點hea架, 咪就係就咁趴o左嚮度, 條脷申o左出黎, 嚮度hea, hea, hea, hea, hea..... 咁囉~~ 都仲係唔明? 你扮一次狗就明架啦~~ (hea, hea, hea, hea......)無錯, 就係咁啦, 真係好似呀呀, Good Boy~~ 狗hea完之後呢, 做Lab, Lab完之後呢, 打波, 打完波之後呢, 又再做Lab, Lab完之後呢, 返屋企~~ 返去睇同事三分親~~ 黃家嵐同言為信最終都可以排除萬難, 享受拍拖......
夜晚, 抖多晚啦, 打完波, 攰丫嘛~~ (藉口, 明明就係唔想做野) 咁人地打完波真係攰丫嘛......
星期六, 今日返工, 帶著一個好攰o既軀體返工, 我懷疑緊我自己係唔係夢遊做苦力黎, 都唔知點解咁攰...... 返到去, 呀吳子陽同事佢拎我個MSN黎亂send野俾人, 好無聊呀你, 簡直係無九聊, 明唔明咩係無九聊呀, 無聊係咩你知架啦, (唔知就自己去問人啦), 咁樣有o的野叫次方, 無聊乘無聊就係無一聊, 即係(無聊)², 咁無九聊, 就係 (無聊)⁹, 明唔明呢~~ (唔明唔好問我)
放工, 去o左出機啦~~ Nokia 5610 XpressMusic 唔該哂呀邊個邊個陪我出機~~ (至於係邊個, 唔話俾你知, 成班都咁八掛, 係唔話你知呀, 吹咩~~) 真係要唔該哂呀邊個邊個至真o既~~
咁夜晚, 就當然係咁玩部電話啦~~ 玩下玩下, 咁就一晚~~