正月廿一

今日係星期三, 當然要返早啦~~
但係尋晚咁夜先訓, 今日咁早上堂就緊係會......zzzzz
之後返Barn, Barn完就自己一支公食飯...... 再FYP, 再上堂, 再FYP咁...... 但係個下晝都攰到...... 差唔多無做過野就係咁訓, 訓到真係唔得啦, 要做野啦, 但係都仲係好眼訓喎, 咁就同yoyoyo同埋呀豬佢去o左LG1度食件cake, 飲杯野咁, 咁就無咁眼訓~~ 只係無咁眼訓, 唔係精神o左喎...... 咁就繼續FYP...... 唔做唔得, 聽日要有o的野俾老闆睇......
做呀做呀做呀做, 做到成十點先返屋企, 返到去先食飯, 最後睇埋o的網上錄影o既電視劇先訓(網上錄影, 咪即係下載......), 咁就又兩點半...... 好在聽日唔駛返九點o者~~ 但係都要返十一點......
o的電視劇呢, 某程度上都...... 幾感人...... 言為信終於都可以同黃加嵐一齊, 文承君終於都明白武紀勇o既心意, 游志穎終於都當凌加恩係女朋友咁看待佢, 究竟現實世界上有無呢o的事發生架呢? or 呢o的事會唔會嚮我身上發生架呢? 唉......
好多時我都嚮度諗, 我msn上面有一個group叫"家人", 其實嚮我個list上面其他group o既人, 會唔會終有一日, 可以俾我移動到去家人呢個group架呢? 我都好想知.

---

有一日放學(因為件事已經真係太耐, o個日又唔記得打翻呢件事落日記度喎, 咁就而家打翻啦~~), 我個銀包去到山窮水盡o既時候, 我去o左銀號度唔駛出聲咁就大遙大擺拎錢黎駛(禁機就禁機啦, 攪咁多花臣~~ 咁你禁機真係唔駛出聲架嘛...... 唔通要同部機講話, "提款機呀提款機, 我想拎幾舊水出黎駛呀, 唔該俾我丫~~" 咁咩...... 第二o的人學我o個陣時點算呀~~) 但係部機唔聽話, 我禁o左話要錢錢之後, 等o左幾分鐘佢都係processing喎, 咁後面o的人就嚮度想鼓譟, 我俾個screen佢睇, 佢停o左呀, 你話點丫, 禁取消都無反應~~ 佢地即刻無聲出~~ 最後部機都識俾o的錢錢我~~ 好在o者~~ 幾驚呀~~ 如有人有同樣o既情況發生, 請即刻聯絡香港總區o既麵王之王, 電郵地址係麵王之王[在]菇高[點]公司, 或者嚮呢度留個卜言, 吹個水咁啦~~

正月十九二十

星期一, 今日好似可以訓耐少少, 但係實際上都要八點半就起身~~ 返去Barn, 一個鐘之後, 咦, 點解無人黎o既...... 唔通得我一個人...... 終於, 等到大約廿分鐘之後, 終於有人黎啦, 原來o個位Halper訓過龍~~
之後就去o左買飯食, 上堂o個陣時食喎, 唔食飯會餓死架, 點可以唔食架, 呢堂唔食, 就要四點先有得食架啦, 到時就會有單新聞話『科大同學只顧學業，十八小時無飯食猝死』
下晝, 成日都無mood做野, 四點barn完之後就俾茵茵拉o左去陪佢食Tea.
Tea完本來都係時候做FYP, 點知我又只顧講電話, 荒廢FYP, 最後臨想做o既時候, 又同o左呀豬佢玩MK, 唔係PK, 而係Mario Kart o既MK~~ 咁就將我無mood做野o既情緒進一步推高, 玩o左成粒鐘...... 本來諗住開始做o既時候, 呀豬佢又叫我去食飯喎, 咁...... 食囉...... 食完飯都已經八點幾九點, 做到十一點就返屋企, 實際做得兩個鐘, 點解我會咁架......
返到屋企, 唉......
星期二, 今日又要返早, 九點Lab, 唔知點解今日識醒喎, 訓醒o個陣正考慮緊仲轉唔轉身訓多兩個字o既時候, 一諗起今日要Lab喎, 都係轉翻身落床啦~~
返到去, 個Lab亦都係個多鐘就攪掂~~ 亦都係同晶晶茵茵去o左早餐, 但係今朝親愛o既媽媽先煮o左個麵俾我食(我叫麵王之王就緊係食麵架啦~~ 唔同食蕉咩, 咁就變蕉王之王啦~~) 兩個鐘頭又食早餐? 未肚餓喎, 咁呀...... 食個簡單早餐就算~~ 但係估唔到呢個早餐我係食到夜晚八點先再食野...... 食完個早餐就開始上堂, 一上就上到四點半......
其間, 去汽水機度買水喎, 點知呢, 我禁支水, 佢走黎同我出罐咖啡囉...... 我唔係要咖啡呀, 我係要水呀！！！　算, 上翻去, 但係晶晶佢同我講話o個部野係咁架, 可能係罐咖啡頂住o左我支水. OK, 信佢, 落去睇多次, 嘩, 點解又會有罐咖啡嚮度架...... 但係都係唔見我支水囉...... 頂, 如是者, 我就拎o左兩罐唔飲o既咖啡上去...... 而呢兩罐野, 只係益o左晶晶同佢Langmate, 事關佢地可以用一個低於半價o既價錢買黎飲...... 拎住呢五蚊, 我再一次去買水, 最後, 我終於行o左落去三次先可以買到支水飲, 買支水o者, 點解都咁多阻濟架......
上完堂, 返屋企沖個涼之後就去o左呢個灣仔區消防安全大使名譽會長會及地區委員會的春茗團拜, 咁大個仔都係第一次參加呢o的咁o既活動~~ 去到都係吹下水, 大家寒暄一翻, 又食下野, 咁啦~~
咁就十一點先返到屋企, 上網睇埋o的miss o左兩日o既電視劇先訓, 咁就又兩點半...... 朝早兩點半, 都仲有半集未睇...... 好眼訓...... 都係唔睇住, 訓覺...... 聽日又返九點, 真係唔累死都唔知點死......

正月十八

今日返早, 從DeepV xanga中得知, 原來佢今日俾人放飛機, 攪到無綠無故有一日假放, 咁就攪到我要返早喇, 原本可以訓多兩粒鐘架嘛......
點解呀峰佢知咁多o野o既? 一定關芭芭拉事！！！
下晝飯with嘉茵 (←覺得呢句野o既語氣似某o的人o既xanga)
放工去o左睇電話, Thanks小敏嘉茵
夜晚, 都仲係無mood做野......

正月十七

今日返工, 朝早要一支公嚮出面食早餐, 食食下吳子陽佢打黎叫我準時返到, 佢食十二, 以我記憶所知, 佢好似未試過咁打黎同我講話叫我準時返到係因為佢要食飯架喎, peter約o左佢食飯...... 唔...... mia同pater都好似係返同一個week架喎~~ 咁呢...... 吳子陽同佢食飯o既原因...... 我都係唔好估咁多啦, 呢o的野, 佢自己先知...... 問佢就話唔知mia有無返囉~~
放工, 自己一個人去o左食野, 全部人都唔肚餓喎...... 點解...... 點解...... 咁人地唔肚餓, 唔通迫人地咩......
夜晚, 唉......

正月十六

今日返十點, 遲o左少少, 成九點四先出門口, 但係呢, 竟然可以準時返到去喎~~ 好快呀~~
上晝個lab本來係做frame relay, 點知呢...... 咁簡單o既...... 直打哂o的command就攪掂, 簡單黎講, 即係學唔到野......
做完個survey之後就自己一支公食飯, 食完就上231個Lab, SQL command...... 睇黎以後都係乜都command......
Lab完就去o左打波, 點解...... 今次得咁少人o既...... 相信以後o既日子都唔知點過...... 灰......
打玩波, 做355個lab, 簡單黎講, 係差唔多似做自己野咁, 個TA真係...... 盡責, 剩係盡自己o既責就算...... 無野講......
今日成日都唔知自己做過o的乜......
p.s.標題與內容完全無關

正月十五

今日係正月十五, 上晝用o左廿分鐘黎見老闆, 下晝上足成個下晝堂, 帶o左隻Teddy返學, 個個見到佢都想拎黎禁佢個肚, 陰公囉...... 又俾人擰耳仔喎, 我下次都係唔拎佢返學......
放學o個陣, 見到個月光好圓, 則邊有一層薄薄o既雲映襯, 好靚, 嚮佢o既左上角有一粒星星伴著, 就好似一個成功男人背後有個好女人咁, 默默咁支持著佢~~ 至於我...... 唉......

正月十四

今日好灰...... 灰到...... 灰灰......
上晝, 知道o左我o的菓風小舖手信俾人掉o左最重要o既o個個盒, 剩係留翻個o的朱古力嚮度, 唉...... 灰到...... 我係要o的野食o既話我就唔駛拎個空盒返黎啦, 唉...... 真係灰到呢...... 連粗口都講唔出囉......
返學, 當然又準時返到學校啦, 但係print一print notes就又攪到遲o左三個字, 我發覺我個個堂堂都會遲三個字架囉......
放學, 返完個Barn, 佢地已經食o左飯...... 但係佢地又叫我買上去FYP Lab度食喎, 但係上到去一個人都無囉, 連Hard Disk都唔見喎, 唔通又俾人放飛機?! 好彩嚮隔離CS Lab度搵到佢地囉, 唔係就真係咩囉......
之後嚮Lab度等佢地, 諗住教佢地211, 但係點知原來我自己都唔記得哂囉...... 攪o左好耐先記得翻o的...... 攪到我都有o的唔好意思...... 事關已經食o左人地個Tea.......
臨走o個陣, 玩鍘大D, 嘩, 一開副牌, J俘呀, 無死啦, 點知...... 俾人出個煙俘囉...... 即刻無野講...... 係煙俘呀...... 真係頓時標煙囉...... 灰......
夜晚, 當然都係咁灰, 至於點解, 唔想講......
成日都咁灰......

真實Timetable, 開始~~

咁就過o左頭兩個星期o既開學, 咁即係之後o既時間表都已經定哂, 至於個時間表係點, 咁就真係........
星期一, 今日返十點, 放學放四點, 好似唔錯咁, 但係...... 係連續十至四, 唔係返Barn就係返學, 唔係返學就係返Barn, 咁就攪到無飯食, 本來諗住可以捱得住四點先食, 但係...... 最後都係一路上堂一路食......
下晝, 唔該哂嘉茵佢幫我拎o的野, 唔該哂~~
夜晚, 臨訓先激嬲o左人, 正正式式o既臨尾香...... 攪到本來聽日個Lab要返早都要唔訓黎氹翻人先, 你話係唔係真係攞黎衰丫...... (至於激嬲邊個, 唔話你知~~)
星期二, 今日返早, 準時九點, 但係原本三個鐘o既lab用一個鐘就做完, 仲唔去食早餐咩, 唔係就要四點放學先有野食架啦~~ 上堂, 上堂 and 上堂...... 上完堂, 無啦啦俾呀波佢拉住, 咁就去o左Artium度睇野...... 仲執o左唔少野, 但係估唔到佢連個鼓都俾佢拎到...... 真係吹到啤一聲......
夜晚, 睇交嚮情人夢Special Lessons, 估唔到, 野田妹佢真係可以同千秋一齊, 恭喜哂~~

天文台取消寒冷天氣警告 - Yahoo! 新聞

天文台取消寒冷天氣警告 - Yahoo! 新聞: "天文台取消寒冷天氣警告 (明報) 02月 18日 星期一 10:35AM

天文台 宣布，在今早9時30分，取消發出25日的寒冷天氣警告。

天文台表示，冬季季候風持續影響華南地區。

天文台指本港地區今日天氣為部分時間有陽光，能見度較低。吹和緩北至東北風。展望未來一兩日部分時間有陽光。"


終於都無o左寒冷天氣警告啦, 某程度上, 我係比較鐘意熱多過鐘意凍, 起碼唔駛著咁多衫同埋好易就會冷病先~~ 呢幾個禮拜, 我差唔多日日都係著住o個幾件衫, 無錢買衫丫嘛(實際上係無時間多o的), 又連續幾年都無乜點凍過, 今年突然間咁凍, 連當年中學時期o既冷衫都拎埋出黎著, 仲未死得已經係一個奇績~~

渾渾噩噩

今日成日都渾渾噩噩咁過, 攪到成日都做到o的野好咩咁......
起身, 表面無乜野, 事實上都係好似無乜野~~
返工, 芭芭拉佢補送翻份禮物俾我, 係一盒朱古力加一張抽出黎o既發聲咭, 史迪仔o既"For You" Card, 佢話其實係想抽張"Happy Birthday", 但係佢又無錢抽, 咁就算喎, 咁等我同佢解話啦, 佢應該係想話盒朱古力係For Me~~
之後就幫lisa佢整NDS Game, 點知...... 總之就白痴......
收工o個陣, 記得拎手順又唔記得拎部叉緊電o既NDS走, 哈... 哈... 哈... 哈... 睇黎都係時候儲錢買過部lu...... 灰哂......
希望唔好俾我 燒o左 又或者係 咋o左 間圖書館就得架啦......
如是者, 成日都係渾渾噩噩咁過, 都唔知自己做過o的乜......

補祝生日......

今日返工, 返到又有利是啦~~ 好野~~
本來今日兩點Reg Barn第二次o既slot, 但係我竟然會唔記得架囉, 俾晶晶知道o左佢實會掩住嘴笑, "你條PK丫, 抵你死啦, 之前Reg o左我個Slot丫嗱" 設計對白and幻想表情only, 唔好當真.
唉, 最後係夜晚先Reg......
放工, 本來約o左好多人去食飯, 點知, 我係一個機場, 被多人放飛機, 最後得翻四個人, 多謝小敏, 呀成同埋嘉茵(排名不分先後)(有o的此地無銀三百兩feel......) 去o左食和民, 好想食刺身呀, 最後剩係食得個甜蝦刺生, 但係o的蝦都...... 唔係真係咁新鮮o既, 都唔得爽口o既...... 其他野食都只係一般...... 之後就去o左食糖水, 多謝哂~~
如是者, 咁就一日......
灰, 俾多人放飛機......
多謝哂呀邊個邊個份禮物~~ (我係唔講邊個, 等你地估下, 不過估唔估到我都唔會開估~~)雖然真係唔等駛, 但係都真係估你唔到, 而事實上我收到禮物係開心o既.
補祝生日, 都係灰o既一日......
你問我有無唔開心, 我話無就假架囉, 但係o的唔開心o既野, 做乜成日都放嚮個心度丫, 唔記得o左佢先可以令自己開心架嘛, 開心又一日, 唔開心又一日, 咁點解唔開心咁過呢, 係咪~~

情人節後......

都唔知做乜, 今日一起身個頭就勁痛, 痛到呢, 返學都係好難頂囉......
今日十二點Reg Barn Helper o既slot, 正所謂手快有, 手慢無, 某程度上有好朋友一齊做都唔係一件好事, 事關我同晶晶佢一齊都係呢個Time slot Reg, 但係呢, 佢個時間表同我o個個又差唔多一模一樣喎, 咁就係問題啦, 我take o左佢想要o個o的鐘, 咁佢take乜呢, 之後佢就打黎, 我就剩係識得笑, 本來佢話一齊食飯, 但係咁就唔同我食飯, 無奈...... 最後我都俾o左一個slot佢, 唉...... 唔係點o者, 話哂一場同學, 俾佢囉, 咁我就星期一唔可以走堂Day off......
食完飯之後, 就去o左FYP Lab度諗住做野, 但係, 我真係頭痛到呢, 最後係訓o左, 連晶晶佢上到黎我都無反應, 直到真係要做野o既時候我先醒...... Thanks 晶晶佢粒必利痛, 雖然幫助唔大, 但係都要Thanks一Thanks.
之後就去o左見VCAST, 吹水吹水吹水, 應該係關頭痛事, 經常語無論次, 唉...... 灰......
夜晚, 多謝呀成o的pizza~~
由於頭痛o既關係, 我今晚十一點就訓o左.....

情人節快樂......

年年如是, 我都係會祝自己一個無情人o既情人節快樂, 亦都係年年如是, 我亦都係過著一個只有心上人, 無情人o既情人節.
今日一早就返去坐Barn, 但係成個上晝都只係我一個人, 事關十點返o個個Helper 病o左, 無人take到佢個slot, 呀Yannes佢又假Take鐘, 即係take完就走o左去上堂囉, 咁就得翻我一個...... 本來我都可以take埋十一點o個個, 但係我Book o左睇牙, 崩牙緊要o的, 都係睇牙先~~ 去到睇牙o個度, check一check, 原來唔係蛀牙, 只係我隻牙嚮形成o個陣形成得唔好, 咁好容易就崩o左...... 好在唔係蛀牙o者...... 我幾驚係我刷牙刷得唔乾淨呀......
之後用o左大約十五分鐘o既時間同呀楷食飯, 就去o左上堂~~
今日好精神咁上堂, 雖然悶, 但係我都無訓到呀~~
放學之後就去o左做FYP, 今日係情人節, 都係自己一個人做FYP, 唔好諗咁多啦, 等滿腦子都係FYP o既時候就唔會諗第二o的野架啦~~
十點幾先返屋企食飯......

生日快樂~~

Happy Birthday to me,
Happy Birthday to me,
Happy Birthday to Ricky,
Happy Birthday to me~~

今日生日快樂~~
首先, 好多謝晶晶佢今朝一早(即係凌晨)準時十二點就MSN我, 之後就要多謝小敏, 再後就要多謝呀豬, 跟住就係多謝呀峰(圖書館).
訓醒之後, 要多謝茵茵, 要多謝Denny (以上排名跟時間序)
仲要多謝呀Joe, 呀俊, Stream, 呀樂(UST), ping ping, yoyoyo, Lisa, Nicholas, David(UST), JoJo, 墨丸, Stephanie(小學同學), Carrie(UST)(排名不分先後, 因為已經唔記得邊個先, 邊個後~~)
仲有就係我某o的屋企人~~

今日雖然係我生日, 但係......
今朝, 本來係九點堂, 即係要八點鐘出門口啦, 點知...... 我八點鐘先札醒囉...... 最後連牀都無執就仆到出門口, 最後遲o左三個字...... 攪到茵茵都陪埋我一齊遲, 有o的唔同意思添......
返到去, 上完第一堂, 就走鬼o左去Sit堂, 記住, 係Sit堂！ 但係嚮Sit完o個一個鐘之後先俾晶晶佢提一提, 發覺, 原來我o岩o岩Sit堂o個個鐘, 係要返Barn架囉...... 點解...... 點解我會連自己take o左Barn都完全地唔記得架, 直至晶晶佢開翻個email俾我睇我先記得下我原來係Take o左架囉...... 今日做乜鬼野呀...... o個個moment呢, 簡直係灰到呢...... 簡直係一個無法可以解釋o既錯誤囉...... 無野講......
之後去食飯, 好多謝佢地o既蛋糕, 晶晶o既朱古力~~ 今年又再一次嚮Canteen度食生日蛋糕, 開心~~
食完飯之後就去o左Artium度玩, 都不知幾過癮~~ 仲"執"到o的野添~~
玩完就係時間坐下Barn, 坐完之後就去o左做陣FYP.
走o個陣約o左個人, 送o左頭先執到o個o的野俾佢, 本來諗住聽日先送俾佢, 但係若果真係聽日先送, 會有點兒那個...... 但係...... 我有o的唔同意思, 事關佢專登落車黎收禮物...... 之後仲要嚮等巴士o既時候, 個巴士司機睇唔到未上哂就開車, 攪到成村人都要等多架囉......
夜晚同o左屋企人去食飯, 吹吹水咁~~

咁就老一歲啦......
咁就大一歲啦......
咁就成熟一歲......
咁就年長一歲......
咁就......

訓得唔好

尋晚, 成晚都唔知點解成日扎醒, 又唔係發夢喎, 成晚都訓得唔好囉...... 攪到起身o個陣時覺得唔舒服喎, 但係又唔知咩事喎, 硬係周身唔聚財咁, 就算睇醫生, 醫生問你,
"你有咩唔舒服呀?"
"醫生醫生, 我覺得好唔舒服呀~~"
"咁你邊度唔舒服呀?"
"我真係覺得唔舒服呢~~"
"係, 咁你邊度覺得唔舒服呀！"(開始唔耐煩)
"我周身都覺得唔舒服呀~~"
"你有無覺得有個身有o的唔舒服呢？"(開始黎料)
"有呀, 你點知架? 我個身有o的唔舒服呀~~"
"咁你有無覺得個身有o的痕咁呢？"(仲唔俾我捉到你路)
"有呀, 我個身真係有o的痕咁呀, 你點知架?"
"細路, 身痕呀, 仲唔係博打！！！！　人黎, 同我"的"佢出去！！"
"" (←無打錯, 因為已經俾人"的"o左出去~~)
今日返十二點都好似好攰咁, 仲要一返到去, 連續上三個lecture, 真係呢...... 想訓都訓唔到, 因為真係唔係剩係眼訓咁簡單...... 唔通真係太凍?! 尋晚先會凍醒?
放學o個陣, 自己一支公去o左做FYP, 係咁試野, 但係都唔知試o左o的乜...... 做到成九點幾先走, 又未食飯喎, 打俾茵茵睇下佢做完FYP走未, 點知佢竟然知道我係又做到咁夜, 又未食飯架? 睇黎我呢個咁o既壞習慣又開始...... 但係...... 我, 做完FYP之後, 竟然會無咁唔舒服架囉...... 點解會咁架呢??

開學大吉

年初五就要返學, 想放多陣假都唔得.......
返去做Barn到12點, 之後上堂~~
上完堂, 自己一支公食完飯, 就去o左交咭數, 同埋book睇牙, 最後等個人入黎教佢野~~
佢都學得幾快丫, 唔差喎, 如果佢遲o的仲記得翻o既話~~
之後就同o左佢去吹風~~ 凍......
咁就走lu~~
簡單黎講, 今日係無乜點做過野~~

開工大吉

今日開工大吉
有野食(芭芭拉o既金莎, 其實係因為佢唔食所以先拎翻黎, 不過都要有心先會拎翻黎o既~~ 兜啦你~~), 有野玩(有野玩咩? 玩手指呀?), 有利是(多謝哂~~), 新年快樂~~
夜晚, 打邊爐, 連續兩日打邊邊, 冬天都會熱氣囉......
食完飯後睇電視, 嘩, 小敏上電視喎, 仲唔睇咩~~ (千杯不醉o個個楊千嬅...... 都唔係真o既小敏......)

新蒸頭

新蒸頭~~ 大年初二同年初三, 仲唔係新蒸頭~~
年初二, 今日o的親戚朋友黎拜年, 我就訓到成十點先起身, 年年佢地都係咁上下時間黎, 點知今年可能係因為天氣凍o既關係, 我遲o左o的, 佢地又遲o左o的喎, 早知我都訓多陣先啦~~
經過一輪 禮物交流/口水鬥吹 o既遊戲之後, 食個開年飯, 咁就去o左行陣街, 行經時代UA, 咦?! 點解...... 無開o既?! 望清楚o的, 原來係UA度閘壞o左喎, 咁都得?! 仲以為佢年初二呢o的咁o既日子都唔開添~~ 原來唔係~~ o岩o岩先吹大o左話請人睇戲添...... 好彩都係吹下o者, 唔好當真~~ 之後呀姨請食Tea, 就個個都咁happy~~
又行下Times, 就跟埋人地返屋企去打攪人地lu~~
去到人地屋企都係打下機, 吹下水, 睇埋煙花先走~~ (嘩, 乜你呀姨咁富有呀, 佢屋企睇到煙花架, 有米喎~~ 你屋企都睇到架喎, 除非你屋企無電視架o者...... 我咪嚮佢屋企部電視度睇之嘛~~)
不過話時話, 今年o的煙花特別有趣, 又有金元寶呀, 又有北京呀, 又有２００８咁喎, 又真係幾特別~~
年初三, 今日係赤口, 果然, 屋企人係比較火爆o左o的呀下, 嚮一個無火藥o既情況之下都可以燒到炮杖~~
下晝, 親戚黎拜完年之後就到我去呀姨屋企拜年~~ 夜晚打邊邊呀, 正呀, 真係識性以來都好似未試過嚮初三打邊邊架喎~~ 感覺幾特別~~
又係時候收拾心情啦, 事關今年係我最早返工, 人地年初五先返工, 而我就年初四就要返工, 你都咪話~~

同o的呀姨吹水o個陣時, 佢話我原來o的性格似我呀爸, 都係咁, 可以嚮吹水o既時候帶動到個氣氛~~ 其實我都想問下, 究竟我呀爸係一個點o既人黎架呢? 衰人我都想知佢點衰法, 起碼我唔會 學佢o的衰野. o的呀姨講得o岩, 做人最緊要始終如一, 呢個其實都係我對女朋友o既宗旨, 女人, 係要黎錫o既, 唔係要黎hurt架, 因為, 一個人獨力養大一個細路係好難, 養大我一個咁o既細路仲難, 所以, 我係唔會咁對我o既女人.
某程度上, 我某個同事可能講得o岩, 我地呢o的後生仔, 跟本就係分散投資, 睇下邊個受溝就溝邊個, 但係對於我黎講, 一半半o岩咁啦, 我都可以算係分散投資, 但係唔會係邊個受溝就溝邊個, 事關我覺得愛情唔係玩玩下, 當你真係兩個人一齊o既時候, 你就應該剩係一心對佢一個人, 所以我係唔會貿貿然去鐘意一個人, 除非o個個真係我鐘意o既人, 同埋, 我係唔會追一個有男朋友o既女仔, 因為, 我知道, 咁樣佢係會好辛苦, 唉, 算啦, 都係唔講啦, 講黎都"徙氣"~~

---

內容最後更改於 2008-02-11 00:11

大年初一

今日係大年初一, 嚮呢度, 我先祝大家新o既一年, 身體健康, 萬事勝意, 行運行到落老鼠尾~~ 恭喜恭喜~~

以上係改篇自我send俾同台人拜年o既SMS, 其他唔同台o既, 只好嚮呢度同大家拜個年啦~~ 希望你地唔好介意~~ 仲有咁多位唔同台o既, send o左SMS俾我o既, 亦都唔好怪我唔覆你地啦~~ 恭喜恭喜~~

大年初一, 同往年一樣, 都係去同屋企人拜年, 之後就嚮屋企度睇電視, 亞視套《合家歡》, 係就係好笑, 但係呢...... 原來係剪o左好多...... anyway, 大年初一笑下都好o既~~ 笑~~

之後就玩枱上智力遊戲, 即係麻雀~~ (由於唔涉及財產成份, 估今次遊戲唔算財富轉移遊戲) 唔涉及財富o既原因係因為要教一個小朋友一個將來保護自己財產or係得到更多財產o既方法~~
結果都唔重要, 事關釣勝於魚, 有得玩就夠架啦~~~~

再一次嚮度祝大家新年快樂, 恭喜恭喜~~

年卅晚

今日係年卅晚, 但係都要返學, 仲要返早, 九點正上堂...... 當然, 最後係遲到架啦~~
約埋茵茵一齊返學, 原本諗住我會遲, 點知佢都一樣遲~~ (我呢度唔係話緊佢遲, 而係想話咁o岩o者~~ 明明你就係想話人遲, 你仲要抵賴喎！ 都話唔係咯, 遲少少有乜所謂丫, 男仔等女仔有咩問題先, 你唔信我都無辦法~~) 好在第一堂係introduction, 不過九點堂, 唔遲到都會訓啦...... 果然, 真係訓o左...... 今日剩係只上一堂, 但係就要兩點坐Barn喎, 咁所以就去o左Sit人地211 o既堂, 順便等埋佢地食飯~~ 到食飯o既時候, LG5剩係得麥當當開, 焗住食LG7...... LG5初四先開, 咁住Hall o個o的食乜呀...... 到坐Barn o既時候, 有個exchange 話佢部notebook壞o左, 咁我地就俾o左Dell個電話佢打去, 點知...... 佢話聽唔明個電話錄音, 英文錄音都聽唔明喎, 最後都係要幫佢聽, 接到有人聽先俾翻佢聽, 不過又唔怪得佢, 因為, o個o的錄音又真係...... 好似逐個逐個字咁"櫈"出黎架囉...... 點解...... 會搵個咁o既人黎錄o既......
呢個年卅晚, 原本諗住無得行年宵架啦, 事關約極人都約唔到...... 到茵茵得閒o既時候, 已經大遲lu~~ (我唔係怪你呀, 我要多謝你有心陪我去添, 但係o個陣真係已經差唔多夠鐘食團年飯, 想去都去唔到) 最後, 終於都俾我遊說到屋企去啦, 人迫人咁行o左一條line~~ o的野都幾過癮~~ 有 "鼠期作業"(已經唔記得係賣乜lu~~), 吹氣大金莎, 吹氣老鼠酒(個大吹氣酒樽裡面真係有隻老鼠架喎~~), 仲有好多, 都好得意~~
雖然只係行得一條line, 都算係叫做行過下咁啦~~

年廿八,廿九

星期一, 今日返十點, 但係無飯食, 上堂上到四點先有野食, 餓死啦...... (明明係返Barn返到四點你就話上堂, 抵你無飯食~~) 實際都係上一堂咁o者~~ 下晝返返下Barn o既時候, 呀豬佢黎話佢又整死o左個BIN, 咁...... Denny呀, 你要整翻隻手指返黎呀, 咁攪法唔係辦法架！！！
四點先食飯, 餓死啦...... 之後做FYP, 做到成八點幾先走, 但係又試到唔少野, FYP進度差唔多有七成啦, 遲o的唔駛咁趕, 只係執好個report就夠, 爽呀~~ 夜晚十點先食飯...... 又再一次餓死......
星期二, 今日終於都可以訓晏o的啦, 返十二點, 食完飯先返學, 好耐未試過咁啦~~ 返到去上355, Muppala佢帶o左個喼黎, 仲要好似o的秘密交易o個o的銀色夾萬喼, 十足十睇戲o個o的secret weapon咁, 原來係一塊叫做Reference Board o既野, 塊版上面又有Card Reader, Sim Card Reader, GPS Slot, touch screen, 就連Step Motor 同DC Motor都有, 真係俾佢吹漲囉, 勁呀~~ 有時覺得上呢堂都幾好玩, 佢又叫o左我拎個VBOX去, 原本係諗住佢講下就算, 點知佢叫我地講, 咁就又一個unprepared presentation, 都係吹下水咁o者, 估唔到o的同學個個都咁好奇~~ 之後上231, 差唔多訓著咁滯...... 成堂都無心機聽書, 但係又無訓到喎, 你話係唔係屎火丫, 睇黎都係時候要溫下書架啦, 唔係呢科都係等抄...... 再黎就係上HUMA100F, 講拼音, 都係要死記死背, 不過學完又好似有o的用咁喎, 都係唔Drop啦, GEE, 都預o左係C-架啦......
有諗過拎個BOX返屋企度做, 但係...... 突然又無心機做喎, 睇下個box又好似咁重咁...... 都係唔拎lu, 返屋企過個Hea年啦~~ Hea完之後又有排捱lu......

打完呢篇野o既時候諗唔到個title叫乜好, 又咁o岩係年廿八同年廿九喎, 咁就用佢黎做標題啦~~ 簡單黎講, title同文無關~~

星期日

今日返工, 終於都唔駛返早啦, 可以訓多幾個鐘, 嘩, 正呀~~ (死啦, 又學埋DeepV o的衰野啦......)
返到去, 一坐埋位之後o既十分鐘內, 我只係, 係只係"連續"打o左幾個乞嚏o者, 咁就...... 俾吳子陽佢迫我帶口罩...... 而我又唔係一個真係抗拒帶口罩o既人, 又知道自己真係有o的傷風, 咁咪帶囉...... 我係一個有良心o既人黎架嘛~~
不過你見我其實係目露兇光咁黎俾佢地影......


DeepV佢食完飯之後, 見我帶得咁開心, 佢又帶埋一份......
你又可以再一次見到我o既眼神係好唔願意咁俾佢影架...... 而DeepV佢就...... 從佢眼神睇得出佢係笑住架囉...... 再一次無奈......

星期六

今日, 天氣寒冷......
嚮呢個八度o既氣溫之下返早, 估唔到DeepV佢有未卜先知, 早兩個星期就已經精心策劃部署黎黎叫我返早, 想凍死我為止, DeepV你好野！！！
返到去, 凍到成日都帶住條頸巾囉...... 食飯去o左食味千, 正呀~~ 貴呀......
下晝, 芭芭拉同我講o左唔少秘密喎, 至於係乜, 都話明係秘密啦, 點講得俾你知架, 你傻架. 但係真係估佢唔到~~
夜晚, 俾我發現o左原來msn同一時間 同 同一個人 開兩個對話, 係support架喎, 而又如果, 其中一個人熄o左其中一個, 咁即係, 一個人開o左兩個對話 另一個人只係開o左一個對話, 咁o既時候呢, 開o左兩個對話o個個人send message o既時候呢, 當然 開得一個對話o既o個個人 所有收到o既message就會嚮o個一個對話度收到啦, 咁但係若果 開得一個對話o既o個個人 send message o既時候呢, 開o左兩個對話o個個人 又會嚮邊個對話度收到架呢? 答案係, 睇翻 之前佢係嚮邊個對話度send message俾人, 咁就會嚮o個個度收到.
為o左攪清楚呢件事, 我add 錯o左幾個人先證實到, 晶晶同呀豬都係其中之一, 亦都攪到小敏佢好亂, 有o的搵佢黎攪咁囉, Sor呀咁多位......

病了......

話說星期三, 當上晝都仲係十四度o既時候, 我亦都只係加多件大褸嚮出面就算, 返學, 坐Barn, 由十點坐到七點, 中間一個鐘食飯, 唔~~ 睇黎呢個月收入都唔錯~~ 但係就係因為咁, 個人就勁攰, 當去到夜晚, 已經跌到落十一度o既時候, 一出個暖到焗o既Barn o既時候呢, 凍...... 就係因為咁, 病o左......
星期四, 今日仲返早, 嚮一個極度唔夠訓o既情況之下返學, 第一日開學就上堂訓覺, 仲要嚮supervisor o既堂度訓囉, 病丫嘛, 可以點o者...... 希望唔好影響個fyp就得架啦...... 成日都無食過野咁滯...... 夜晚, 十點就已經訓o左, 訓到第二朝o既十一點先起身, 個頭終於都無咁痛, 原本219個lab係上晝上, 病到咁, 下晝o的堂又唔駛上喎, 咁都係返下晝個Lab算, 返到去, 得兩個人上堂, revision lab, o的野我又識, 最後...... 去o左做fyp, 點知...... 我隻手指呀...... USB手指, 手指呀....... 咁就俾Denny整爛o左啦, 唔係整壞o左, 而係整爛o左, 插入去都無反應呀...... 無得做fyp之餘仲要無o左無手指呀...... Denny我都叫o左你插野同拔野o既時候唔好咁大力架啦, 而家整爛o左啦......最後我要"借用"Barn o的手指囉, 而家係時候到你供應手指黎用！！！ 做到九點先走, 但係返到去, 屋企人都仲未食飯架囉, 當然佢地唔會剩係為o左我而咁夜啦, 一為神公二為第子咁囉, 最後係一路睇住《事必關己》一路食飯囉......
第二朝又要返早, 凍死......

---

內容最後更改於 2008-02-03 13:21