兩日記~~

星期四, 尋日班長叫我教佢AP, 今日咪早少少返囉, 不過都訓到成十一點先起身~~
返學之前去打舖機先~~ 可唔可以攪埋C1 in o個條十人斬呢??
返到去, 簡單黎講係返到去就食飯, 之後就...... 係咁玩NDS~~ 玩o左成個幾鐘...... 終於都爆o左PAC-PIX, 但係原來有另一本書...... 即係只係爆o左一半......
上完堂, 攪埋個forum, 要再裝過, 因為唔見o左個password......
星期五, 今日早o左出門, 都係打翻舖機先, 終於都過到C1 in Lv10, 點解好似易過新環右o既...... 但係Lv8就都仲未S到囉......
返到去, 諗住幫佢地個AP, 點知佢地應該都無乜野, 相信都合格架啦~~
食完飯, 都係打機, 今次係NDS, 呀偉打黎, 報觀星團呀~~ 報埋就本來諗住去搵老老師, 點知打唔到俾佢, 同呀偉佢嚮Department出面坐o左一陣, 佢經過喎, 問佢幾時有$$呀~~ 佢話應該會係下個禮拜呀Head佢會嚮我Lecture度俾我喎, 下...... 咁大鑊, 咁咪係人都知...... 仆......
之後就去幫呀恆佢爆埋佢o的車車影片, 哈哈~~ 我係爆破專家呀~~ 積奇佢都爆唔掂, 俾我K.O. o左呢個網o既hidden link~~ 得o左~~
上完堂, 同呀輝佢去o左大球場度睇HK Seven(唔係香港柒, 而係香港國際七人欖球賽), 趕得切去睇英格蘭對香港點知...... 最後香港輸52分...... 仲要係52:0...... 中國就勁呢, 入o左一球, 不過係43:7...... 算啦~~ 係咁架啦~~ 實力懸殊, 跟本就無得打~~ 睇到六點幾先走~~
又去打o左舖機, 點解我架大淩唔夠人地架Evo硬架, 得第二, 唉......

四日記

星期日, 都唔知點解, 成個上晝勁多野做, o的人又要scan野, 頂佢, 條友Scan佢個女o的測驗卷, 四份, scan完1MB一份佢都話大, 轉o左做pdf架啦喎, 全部都係圖黎架, 1MB有成7頁都話大, 你仲想點呀, 又無人幫我手, 佢地無人坐裡面, 攪到我要飛條線入CIC房, 嚮?面又scan野, 又聽電話, 又要成日行翻出黎幫人book機, 頂......
終於都等到另一個人返黎啦~~ 無咁慘啦......
下晝仲有時間打下日記添~~ 爽~~~~
星期一, 要返工...... 有o的唔想返, 但係o岩o岩先無俾人扣錢, 焗住要幫佢返...... 返CityHall, 返到去, 本來係六樓, 勁無野做o既一層, 點知...... 佢地以為我係新黎, 要留翻嚮三樓上書...... 不過有個新黎o既LAT幫手喎, 慢慢做, 做到最後, 我地兩個嚮間sort書房度又傾電話, 又訓覺, (當然有人黎就會扮哂sort書咁~~)有o的唔駛做咁~~ 問返佢地有無break, 有個人話原來我地SB唔係政府請, 所以就要用到盡, 無break, 加上我仲要係食12:00, 唉...... 慘無人道呀...... 好彩無乜野做, 有得蛇下, 釣下魚咁~~
放工, 去o左打機, 終於都俾我S到十人斬啦~~ 有得玩廿八人斬啦~~ 廿八人斬真係唔係好難囉, 我用720HP都唔係難, 第一次就玩到廿七人先死, 我相信如果我唔係臨o個隻彎同幅牆say o左個hi, 我相信都應該會過到囉...... 不過終於都過到十人斬, 開心~~
聽翻呀輝佢講, 今次份DT Supp係同份main卷一o的都唔一樣囉, 肥洋佢又唔知點好囉...... 佢自己都唔睇好......
星期二, 今日呀輝佢唔返, 得我自己一個返, 返學前就去o左打翻局廿八人斬先~~ 點知...... 嚮銀座o個度見到右邊有架貨車嚮度, 想轉翻去左邊, 點知轉唔切, 做o左柱男...... 只係過到廿三人...... 算, 返學~~ Billy佢搵我, 話今年又有Cisco玩喎~~ 問我玩唔玩, 而且今年玩法唔同, 唔會好似上年咁易, 我玩係想玩架, 但係...... 呢排有好多野做, 又要溫書, 唔想咁操勞, 真係無人先搵我啦, 開開心心過埋呢個Sem算啦, 唔好攪咁多野lu~~
夜晚, 要去開呢個"灣仔區消防安全大使管理委員會", 開o左成二個鐘, 但係簡單黎講都無乜野講過, 只係知道要幫佢地整個網頁, 又要諗翻o的活動出黎咁囉~~ (咁少野都可以開成兩個鐘, 有無攪錯......)
星期三, 今日都係得自己一個, 上堂, 無乜點聽過書...... 掛住打機...... 咁點算呢?? 遲早咁實死架bor......
放學, 去o左NTT度聽野, 我邪~~ 都聽過o既, 不過得意o既係個Demo, 用M2M-x黎做, 仲有隻行IPv6 o既熊仔呀, 識郁架~~ 有得意耶~~
放學, 去o左打機, 都係十人斬, 玩C1 in, Lv7 S到, 但係Lv8 就只係得A...... 點解會咁架...... 算, 玩多次新環右廿八人斬(我只係爆得一條咋嘛, 有時間/金錢先再爆埋另外o個o的~), 有一次撞o左埋架Van仔度喎, 但係竟然S到囉...... 果然廿八人斬係易過十人斬, 我玩第三次就S到......

UST interview

今日晨咁早就起o左身, 要十點半去in UST呀~~ 準時九點出門口, 本來出門口都無雨, 點知...... 去到坑口o個時有o的毛毛雨~~
等車都唔係等o左好耐之嘛, 早o左成九個字到, 九點九就到o左, 慢慢行入去, 一出電梯, 見到有一班人嚮度, 心諗, 下, 乜咁多人o既...... 唔係下話...... 望入o的, 隔離班已經有人嚮度, 高達都嚮度喎~~ 高達佢係in 11:00都咁早到o既...... 之後嚮遲o左兩個字o既情況之下第一批入去in o既人就出黎, 問翻佢地, 原來只係一個好簡單o既Introduction and Q&A Session, 唔係你自己introduction, 而係佢地o既introduction, 果然係好簡單, 到我入去o既時候, 都係佢地介紹個課程, 而你就問下野咁, 不過個professor答我個問題o既時候就係答o左等於無答囉...... 最後佢就話佢一定會俾offer 你within 2 weeks, 但係佢就心急, 想而家知, ok咁囉, 答你100%~~
之後就同魚旦佢一齊搭車, 去o左鑽石山, 打法拉利呀~~ 不過貴不特止, 仲好難控制...... 呢o的野, 試下就算啦, 煲? 你都傻o既, 錢多咩~~
夜晚, 想做FYP, 但係個Java唔聽駛, 裝極都裝唔到, 唉...... 攪o左好耐, 部機點解好似有o的問題咁o既......
公司打電話黎, 除o左叫我星期一返工之外, 仲問我係唔係有另一份part time, 俾佢知道o左添...... 不過應該會無乜野掛......

終於都過到十人斬~~ 不過......

今日返晨咁早...... 8:30 Simon Sir堂, 不過係返到去先食早餐喎~~
原來以為可以早十分鐘返到去, 食個早餐, 唔好遲好多~~ 點知去到葵芳係8:10, 時間ok丫, 上校巴, 見到呀恆班長, 但係架車係去到8:20先開車囉, 我頂...... 有無攪錯, 返到去, 好準時, 不過就去o左食早餐......
嘩~~ o的中式早餐抵呀, $11.5有粥有好大碟o既炒麵, 抵~~
之後上Sirmon Sir Lab, 再黎就KT Tsang Lab, 點知原來佢個Lab係唔易架囉......
班長佢部電話粒的唔見o左, 但係搵得翻, 呀恆佢幫佢黐翻, 點知攪錯o左, 唔要得, 呀恆佢諗住去幫佢整翻, 但係呀班長佢又話唔駛, 不過塊面又勁黑咁囉......
食飯, Canteen勁多人, 有時間, 唔食住, 幫呀輝佢個Java Reassignment~~
之後就食飯, 再黎就係癲佬Tutorial, 交Assignment, 原來個個人都要講架囉......
再黎就係補翻之前Simon Sir唔記得上o個堂Tutorial~
放學, 去o左打埋個十人斬, 終於都過到啦~~ 最後五秒過到, 不過就只係得A囉, 未有S, 玩唔到廿八人斬...... 一o的開心咁囉......
聽日就要去in UST, 諗唔掂個自我介紹, 點好呢??
之後聽呀偉佢講翻, 班長係想呀恆佢個心過得唔好, 下...... 點解班長好似咁衰咁架...... 唔怪人就唔好怪人啦, 又要人地個心過得唔安樂......

唔見錢呀...... 唉......

星期三, 上晝Simon Sir佢話尋日真係唔記得o左要上我地堂Tutorial, 乜佢咁架......
之後嚮Canteen度食十蚊飯, 再黎就上Broadband, 但係嚮出面踢o左半個鐘毽先入去聽書......
之後就再多個boardband Lab, 唉, 四個鐘......
尋日叫人幫我買飯, 未找錢, 我銀包裡面一個五蚊都無, 但係呀姐佢都係無囉, 問題係我o的錢去o左邊呢??
唉, 唔見錢囉, 唔開心...... 唔係洗錢o既問題, 係o的錢唔見o左囉......
星期四, 上晝返o左去做野, 實際係無做過野, 只係掛住玩NDS......
食完飯之後就係上堂上堂上堂, 去到搭小巴o個時, 數錯人數, 墨丸佢上唔到車, 但係下一架車好快就到, 諗住打俾佢同佢Say個Bye, 但係就見住佢上車, 無聽到電話...... 之後知道佢SMS呀恆, 問佢做乜"屎"(←佢話俾我知佢係咁打), 點知俾呀恆叫佢收皮, 攪到佢好似有o的唔開心咁囉, 大家都係玩下o者, 唔好咁啦~~
去打機, 唉...... 見到個中學師弟, (煲住煙架喎~), 佢好勁呀, 讀IVE有丁呀~ 不過係FD......
十人斬都係差Lv 10, 唉.....

三重打擊...... 唉......

唉...... 今日測Enterprise, 上晝問o左呀峰佢拎o左佢上個Sem Network Management o既卷, 明o左好多野, 又溫o左唔少, 本來諗住佢都唔會有乜出架啦, 唉...... 但係...... 最後勁多野都係唔明架囉, 我估自己連Cred都Credit唔到...... 勁灰......
個Lunch食十蚊飯, 又係有魚柳呀, 點知...... 一塊已經係細o既魚柳, 俾佢地嚮我一行開就無o左成三分一囉, 唉...... 你要o既話你講丫, 俾你囉, 唉......
帶著一個灰o既心情放學, 有個舊同學打黎, 話有工o岩o岩我返喎, 之前佢又話做成衣, 佢約我去世貿度等, 點知上到佢, 原來係一o的直銷野囉, 又話可以月入幾皮, 吹o左好耐, 亦都浪費o左我好多時間, 又叫我簽野, 你都kind kind 地o既, 一份工, 你吹到自己點好點好, 又無講話做乜就叫我簽野, 我就寧願得罪多一個成兩年都無contact過o既人囉, 唔怪得知兩年都唔搵我啦, 唉, 點解有o的咁o既人架...... 唉......
攪到我連機都無時間打...... 只係打得一局, 見有兩個N Class, 我咪用架好耐都無用過o既Corolla黎玩啦, 得520HP, 點知之後俾個S5 o既人挑囉, 好, 挑都唔緊要, 但係玩新環右仲要用680HP囉, 唉, 點解o的人咁cheap架呢? 唉...... 好灰......

真正的變型金剛

返工: 好? 唔好?

今日要返工, 本來都唔係幾想返, 但係人地叫o左我成幾個禮拜我都無返, 幫佢返翻次囉~ 點知......
返到去, UST打電話黎話星期六去in喎, 問題就黎啦, 星期六我係返SB, SB係勁難搵人頂架...... 問o左幾個人都唔得, 但係有人同我講話有得"唉"下佢, 講下數咁, 最後我就冒住俾人扣bonus o既危險打俾公司, 最後成功o左, 開心耶~ 不過返少日工, 都係少o左o的錢......
今日成日都好悠閒, 但係最衰無得溫書, 返到黎都已經成八點, 食個飯, 沖個涼, 已經九點, 唉, 未溫好書呀......

四日記

唉, 自從上星期三個Test之後, 就到而家都仲係灰緊囉, 唉, 真係有o的唔想打日記......
星期四, 返下晝, 個Lunch同呀輝佢去o左叫雞食, 用埋o的卷丫嘛, 點知佢無雞串, 用雞翼黎代替, 都係遲o的先食埋呢張卷, 返去只係要上兩堂Tutorial, 聽書咁囉, 俾Simon佢玩完仲唔聽咩, 之後就玩呀恆佢部NDS啦, 原來佢尋日已經爆o左一次軍曹, o的Game會有5個Level, 但係Lv4同5係幾難玩架...... 夜晚, 睇o左幾集軍曹......
星期五, 本來今日有得返工, 點知, 唉...... 又俾人Fake o左囉, 好無奈, 最後就同佢地一齊食Lunch, 玩下最尾軍曹o個關, 有點兒無聊...... 之後就只係上一堂癲佬tutorial, 仲無聊...... 再黎就係最後一堂Golf, 比賽, 最後都無輸到, 好彩, 但係我就...... 打得好差...... 算啦, 玩下之嘛~ 夜晚, 要溫書啦, 唉......
星期六, 要返工, 返到去, 都係無乜突別事發生, 但係原來呀峰佢話我地要Test o個個ENterprise佢上個Sem已經考o左, 下咁快...... 放工, 無錢打機...... 但係見到有個NClass喎, 佢挑人喎, 無理由唔落去架, 之後就預o左有人會再落黎啦, 不過我就唔係好爭氣, 加上個?就鬆, 最後只係得第二, 而且無時間, 唔係一定會再挑過~
星期日, 返晨咁早, 唉, 都係溫下書咁過囉, 個Lunch就有人請食飯, 好野~~ 但係點解我o個碟咁細架...... 唉...... 放工, 去o左玩十人斬, 玩o左三次Lv10都係過唔到, 玩翻之前S唔到o既Lv8就S翻到喎, 唉, 我要快o的S埋Lv10呀, 留翻去香港仔度試下架左?灣岸呀~ 四蚊局呀, 緊係玩廿八人斬低o的啦~

唉......

星期二, 今日返十點半, 返到去, 又係上癲佬堂, 之後就係Simon Sir Tutorial, 個tutorial就係俾我地溫書, 之後就係Lunch啦, 第一次試下新Canteen Lunch, 都ok喎, 一定好過舊時o個個先, 不過就睇得出有o的係新人, 唔係太快手, 但係呀恆佢叫o個份餐就...... 好少, 最後...... 叫o左個人黎搵囉, 咩事呀~ 踢o左陣毽, 好耐未踢過啦~ 再黎就係KT 堂Enterprise, 都係唔係好明......
夜晚, 睇o個套天幕同鏢局, 兩套都離唔開俾人攪大o左個肚囉, 唉......
聽日測MC, 但係就溫黎溫去都係唔係好明佢講乜, 唉, 聽日都唔知點死......
星期三, 今日準時返去, 因為一開始就測MC, 不過, 唉...... 一如所料, 死......
之後個Lunch, 十蚊飯係腸仔魚柳, 好食喎~ 呀恆佢又搵到隻未出o既軍曹NDS Game, 勁呀, 係咁煲, 爽呀~~ 好玩呀~~ 上到一半Eddie堂, 見佢地嚮出面踢毽, 都無mood繼續上, 踢埋一份, 唉......
夜晚, 掛住打機, 成績表寄o左黎, 唉......

唔見錢

今日朝早去o左整牙, 點知去到等o左成半個鐘以上先有得睇, 原來之前有個人無book到就黎o左, 仲要黎杜牙根, 同我一樣, 都係要整咁耐...... 整o左成九個字, 唉, 咁就無o左二千銀, 仲要去多幾次, 總共三千幾, 唉...... o的獎學金又未到手喎, 幾時先有得拎架...... 唉......
今次整完又唔係好痛, 之後去o左銀行攪埋個e-banking(開o左個ac一日就唔記得o左個password, 撞password撞到lock o左......) 個下晝就溫黎溫去都係唔知講緊乜o既MC, 又再裝多次個windows, 點知今次又行得快o左喎, 點解會咁架......
夜晚, 都係溫下書咁囉, 呀恆佢話個新canteen唔錯咁喎~ 睇到呀輝佢買o左新電話啦~
唔知點解, 今日起身o個時個背脊就痛, 唔通係訓得唔好?

無

今日, 要返工, 個CIC房開o左啦~~ 但係就無得坐入去囉...... 即係無得打機, 溫書, 上網...... 唉......
不過唔緊要, 我嚮出面都有得上網, 今日就搵到個用張正方形紙摺兩個心心o既網, 咁呢今日成日都係嚮呢個摺紙o既環境下開工~~
話咁快就放工, 去o左打機, Tune下架32, 發覺我個幾禮拜無打機啦, 一來無錢, 二來跟唔到機......
夜晚, 想溫書, MC Test呀, 死啦...... 但係最後...... 睇軍曹......
臨想訓之際, 有意無意之間上o左www3, 記翻起今日有成績睇喎, 一睇...... o的成績算不過不失咁囉, 但係DT丁唔到, 同班長一樣分=.=" 呀Ken佢話我NT2丁唔到, 但係丁到喎, 不過比起上一個Sem, 平均分低o左...... 要努力o的呀

有聊o既星期六

星期六, 今日晨咁早就起身, 著o左套問人借o既suit, 返學......
返到去, 頂, 又話八點半有個rehearsal, 點知Felix佢地遲o左成三個幾字先到...... 早知訓多陣啦......
之後就係應該係去接待o的Guest o既時間, 但係相信我個Donor都係無黎, 好呆咁企o左嚮度囉, 見到老老師同Monde, 老老師話搵Eddie喎, 但係我企o左嚮度咁耐都唔見佢囉, 連我o的屋企人黎o左都未見人, 最後老老師打電話先搵到佢, 落緊黎...... 見到師兄, 同佢吹o左好多野, 知道o左好多野, 影o左o的相咁囉......
跟住就係個ceremony開始, 等到上台o既時候啦~ 仲要上到兩次添呀~ 咁又點丫, 唗氣......
但係之後個茶點就好正, 簡直同之前學校全部o既茶點唔同呀, 勁多野食, o的點心仲見佢有refill o左兩次以上添, 睇直o的, 原來係新canteen黎架, 唔怪得啦, 但係究竟係新canteen o既關係丫定係今次o的茶點錢多o既關係呢?
師兄佢吹o左好多水, 知道o左原來City係好高竇, 佢唔like o既話呢就只係in得你幾分鐘, 但係對你有興趣o既話呢, 實會插死你架bor, 而且仲要係你高分都無用, 係唔派condition offer就唔派俾你, 等第二次in好過啦(不過第二次in就會係一o的唔夠分o既waiting list多), 而且credit transfer就一定過70先有囉, 69都無, 不過UST就唔同, o個個interview就係乜都唔駛帶, 只係帶個人去就得, 基本上你夠分就會派offer俾你, 不過個保證金就要成皮野...... City就只係4000, 那來咁多錢呢?!

三日記

星期三, 返十點半, 上完Simon Sir堂, 去o左車仔飯度唔係食車仔飯, 而係去食突然有o的想食o既炒米粉同炒河粉, 本來仲想食碗仔翅架, 但係最後都係無食度...... 之後就係一連四個鐘o既eddie 堂...... 首先係聽到想訓o既lecture, 之後就係做到做唔到o既Lab, 好在唔知點解今堂無乜人搵呀Sir, 有得聽佢講多o的, 但係唔知點解佢之前對人地就無咁好咁o既......
今日成日都開o左機做Defragement, 但係返到去, 夜晚都係只係去到80%, 做o左成十幾個鐘...... 朝9:30晚11:30, 算, 聽日再整過......
星期四, 今日返十二點半, 都唔知係食飯好定係早餐好囉, 十一點半就食飯...... 同呀輝佢又係去維苑度食, 點知去到, 見到佢出面有煙喎~ 乜咁攪呀, 咁就去o左入面度食啦, 點知佢整冷氣喎, 會出煙, 咁又出翻去食喎, 俾佢吹漲~ 唔怪得佢之前咁大煙啦~ 之後仲頂癮, 話說呀輝佢食完野, 有個女侍應黎收野, 但係就十足十呀林海峰咁講, 我就係聽到佢講"請.要唔要?" 同 "多.哂~" 咁究竟係"請" 定係 "要唔要" 呢?
之後就癲佬Lab, 都係聽書咁囉, 唉, 遲o的都唔知點死好...... 之後就有兩個Tutorial, Boardband就無乜點聽書, Enterprise就都係唔識做咁囉...... 唉......
之後就去o左搵呀Rick佢諗住行上山, 點知...... 唉, 行到一半就死o左, 唉...... 真係無Ｑ用, 我好想Train 翻Strong個身體呀......
夜晚, 部機終於都做好個Defragement啦, 但係...... 個harddisk都係無快到囉, 唉...... 睇黎佢都凶多吉少架啦...... 唉......
星期五, 今日係返八點半, 去到地鐵站, 呀輝佢竟然話我早到o左喎, =.=" 無野好講...... 返到去, 做MC個Lab, 一路Hai住咁做, 一個鐘就做完...... 仲有成個鐘玩囉...... 點知呀Sir佢派Tutorial唔派solution, 下禮拜就Test, 下點溫呀...... 死得啦......
之後Enterprise個Lab, 都係唔知做乜咁做囉...... 之後就去o左名吉屋度食飯, 因為下晝癲佬個Tutorial唔駛上囉, 但係有堂Golf要上喎所以就有成三個鐘Lunch, hai下hai下咁過o左, 但係我四點就過o左SBI做聽日個rehearsal, 做o的好無聊o既野咁囉...... 聽日就要8:30返到去, 唉......
夜晚, 呀老老師佢打黎, 以為我問聽日駛唔駛返, 唉, 原來佢認錯o左隔離班o個裕喎, 而且佢原來都係唔駛返o既~

null

今日返十點半, 又係上癲佬堂, 之後本來係上Simon Sir堂Tutorial, 點知佢過o左成四字都未黎, 照佢o既講法, 走得~~ 好多人一齊去o左食名古屋~ 唔知點解今日唔係好肚餓, 同Raymond佢分o左個扒黎食, 之後行返去途中, 部彈乒乓波機有得玩, 呀恆佢就可以仲o左喎, 點知呢, 得幾張Twins o既假錢...... 最後就去o左A204度玩呀Rick~~ 佢死肯要喎, 呀HKLee都係...... 但係去到玩呀mycheung o既時候, 好成功咁放o左落佢袋度喎, 哈哈~~ 我覺得佢係同Simon Sir一樣有o的感慨~
之後上埋kttsang o個堂, 呀恆佢地要去204度借電話, 見到Edmund, 佢又係唔係好想收咁, 但係嚮成班人面前, 有o的無奈咁俾我玩, 但係我一講我可以好成功咁放落MY個袋度, 成班人即刻笑到丫~~
之後去搭車, 點知班長條百街呢, 嚮條橋度開大隻窗不特止, 仲要最尾打o左個乞嚏落呀姐度喎, 乜佢咁無衛生架......
夜晚, 睇o左套鋼練劇場版, 一般好睇咁囉

無鳩聊

星期一, 本來就係唔駛返, 點知...... 要返去聽星期六o個個Briefing, 遲o左少少去到, 但係SAO間野已經多到企o左好多人, 聽o左兩個字, 即係佢講o左四個字, 講完?! 唔係下, 我搭o左成個鐘車, 你同我講兩個字就話走得...... 我頂呀, 最後佢話有興趣就可以o個日去幫佢地上台俾souvenir o的donor, 咁就有得上台, 下, 原來唔係個個都有得上去架, 有o的仲已經有錢收添喎, 唔係下...... 咁點解department又話我一定要o個日返去...... 唔理啦, 幫手, 等有得上下台威下~~ 但係就要八點半返到去...... 星期五仲要四點去做彩排, 打少半堂Golf......
但係最後都係唔係講o左好耐, 點三就走得...... 唉, 好戇居咁返o左去...... 去o左A204度上下網, 點知見到積奇嚮度喎, 佢真係有心呀, 返黎做Project~~
上到咁上下, 去o左食個車仔飯, 返屋企~~
返到去, 去剪o左個between 6 & 8 o既頭~
夜晚, 都係無聊咁過......

三日記

唉, 又成幾日都唔想打日記啦...... 可以o既話就整個廣東聽寫王黎一路講, 一路爆o的字出黎就好......
星期五, 返下晝, 都係出街食架啦, 亦都係維苑, 同星期一一樣, 都係食o左個咖哩飯, 但係今次就好熱, 食到出哂汗...... 之後就又係上癲佬堂, 聽書聽到有o的眼訓......
之後就係打Golf~~ 呀偉佢想Join, 高Sir俾喎, 不過就係無o左張Cert咁囉~~ 有得玩就得啦~~ 嚮我地打Golf o既同時, 其他人就去o左打Tennis, 我地打完Golf之後就去o左打Tennis, 本來都無乜野, 但係, 唉, 又係呀班長...... 佢又飛o左個波出街囉, 加加埋埋佢打o左成四五個波出街...... 到走o既時候佢想執翻個波, 算吧啦, 佢就死都要去執, 頂......
夜晚, 部機整翻o的software, 點知去到最尾先記得, 個Norton係要裝先o既, 最後原來係裝唔到...... 無野好講......
星期六, 今日返SB呀, 呀輝佢就成日CT, 本來都驚緊開o左CIC房有好多野做之際, 原來間野係未開得, 咁都好o的~~ 但係做Counter就做到死咁囉, 回復翻以前咁Ｑ多人...... 累死喔......
放工, 去簽約, 見未夠鐘, 又有o的肚餓, 去o左食野, 食o左成十蚊咁多...... 見到和味龍隔離新開o個間印度野o的印度薄餅, 係個人嚮度整, 勁呀~~
打o左舖機, 夠鐘, 簽野, 點知份野唔同上次o個張紙, 真係一份...... 睇o左好耐, 加o左o的苛刻條文落去, 最難頂o既係有張約係兩份唔同架囉...... 乜咁都得架...... 都唔知係咩公司黎架......
夜晚, 搵o左個Norton 2006黎裝, 點知...... 破解o個度就...... 整到個可用天數得翻"0"日, 唔係下...... 最後...... 要裝o左總三次先得...... 總算都得咁囉......
星期日, 今次到我返CT啦, 簡單黎講就係無乜點做過野, 最尾就幫佢地整o左個Dynix落個Windows 98度囉, 但係都Connect 唔到...... 唔理lu, 都放工啦, 下個禮拜先算~~
夜晚, 去o左問人借件西裝, 今次o岩著啦, 係條褲短o左o的咁囉...... 改下應該無問題o既~~
搭車返屋企o個陣, 電車上層, 有四個人上車, 佢地就係講英文o既, 本來都無乜野, 但係見佢地講開IT, 咪聽下囉, 原來佢地係一班好早讀IT o既人, 嚮新加坡度做野, 之後就係兩個兩個人咁傾計, 一聽之下, 有兩個照講英, 但係有兩個就嚮度講國語喎, 再黎有個站就有對情侶上車, 今次佢地就講廣東話, 三種語言就咁就充斥住呢個車廂......

四日記

唉, 已經好多日唔想打日記啦......
星期一, 本來諗住同班長一齊返去, 去CityU, 約就約十二點半, 點知佢十一點九就打俾我話佢洗完缸, 頂呀, 咁快就攪掂, 最後叫o左佢出黎GameZone等~~ 落到去, 佢已經落o左去挑機, 我就無位玩, 最後等到有得玩o既時候, 就只係玩得兩局, 一局玩野, 跟o左人閂後車, 點知...... 唉, 唔好提, 第二局, 又係夾到飛起, 不過大命, 跳o左去第二, 哈~~
去到葵芳, 叫埋積奇黎食野, 食完, 搭車o個時, 佢發覺唔見o左張學生證喎...... 下......
之後就搭車去CityU, 都係聽下佢吹自己有幾勁, 睇o左兩個Lab咁囉...... 都無乜好野睇到......
星期二, 返十點半, 一返去又係癲佬堂, 唉...... 見有時間, 去o左Scan埋張博愛Testimonial, 之後諗住Print, 點知204e個printer fake我, 係打直print o既...... 癲佬堂之後上Simon堂Tutorial, 再黎就係Lunch, 已經唔記得o左去邊度食, 好似係同Raymond呀偉佢地飲茶~~ 跟住就係上KT 堂Tutorial咁囉~~
返到黎, 想打機, 但係就跟唔到機......
班長佢尋晚Submit CityU份Application, 點知就出個Server Error, 扣o左錢, 又俾唔到CityU喎, 攪到佢勁灰~~ 第二日問翻佢話要俾多次喎~ 唉~~
星期三, 都係十點半, 上Simon堂MC, 一個鐘飯飯就去o左食麵麵, 唔飽...... 都話食飯架啦 ~"~ 最後上Eddie堂o既時候開o左呀姐包唔好食o既雞脆...... 之後去o左搵Ken, 問下佢我地個project點, 點知佢都係講o左一o的講o左等於無講o既野...... Department出o左補考List, 一睇, 班長有分喎, 下...... 佢即刻勁灰, 又攪Edmund, 又搵Ken, 唉...... 接受事實把啦, 無計架啦......
星期四, 晨早返去, 攪個project, set好哂o的野, 等Ken黎, 最後要打電話佢先黎...... 話Basic就攪掂, 可以加多o的咁, 哦, 咁即係得啦, 咁就可以慢慢做啦~~ 之後print下notes, 班長佢地又攪呀Rick, 最後就去o左同呀Rick, HKLee同其他(唔識o既)人一齊飲茶咁囉~~ 剩食點心, 點知呀Rick佢竟然可以只係出十五蚊, 蝕呀！！！ 之後就連續兩個鐘Tutorial, 班長就打足兩個鐘機, 打到無電, o岩o岩好無電囉, 佢好彩~~ 放學呀姐請食野...... 多謝呀姐~~
問翻Edmund, 原來我地班份卷最高分竟然係波哥, 所以話呢, 勤真係可以補拙
夜晚, 部機之前唔知點解突然性勁慢, 決定再裝過, 攪o左成晚, 因為將個HD轉埋做NTFS, 竟然多o左兩GB位出黎......