無

今日做翻SB啦~ 搭車, 眼見又走o左架車...... 等o左成三個字先再有一架...... 又話十至十二分鐘一班......
返到去, 街都無得行, 返上去, 呀輝佢隨之而黎就到~~ 有個同事話佢個樣睇落去唔係好醒咁囉...... 下次個樣醒o的啦~~
放工, 想打機, 但係又係跟唔到機咁囉......
夜晚, 都唔知做過o的乜......

香港仔CT耶~

星期六, 今日又係返香港仔呀, 不過係返CT, 唔係返SB喎~~
返到去就好無聊咁啦, 入下CIC房, 發覺個printer係無manual tray架bor, 咁點俾人自己放紙print野呢??
老細今日返, 點知...... 有個同事話老細話我望佢喎, 話我整蠱投訴佢喎, 下, 唔係下, 咪搵o的咁o既野玩啦...... 之後有條友又同老細講話我做乜企出黎, 我今日係返CT, 你吹呀~~ 即刻無聲出~~
放工, 諗住去打機, 點知又係無得打, 唉, 手痕......
夜晚, 終於都整到個SetCardID啦, 好啦, 分翻俾佢地做啦, 一人一個, 唔係又會俾人話我地分工唔勻架啦~

A204的一天

又係要返八點半...... 唉~~ Lab..... Lab...... Tutorial...... 全部都係嚮204度上......
個Enterprise Lab, 臨尾呀偉以為呀Sir走o左, 見到呀龍, 呀康同墨丸佢地嚮度抄野, 咁就嚮個咪度話『好啦同學, 唔好抄野啦』點知原來KTTsang未走, 笑到丫~~
個Lunch就去o左名古屋度食, 早知叫扒啦, 咁大塊...... 唉~~
放學, 想去打機, 但係...... 無機...... 只係打o左局MarioKart.....
夜晚, 都係做project...... 仲係未做到個Set Card ID......

四日記

已經四日唔想打日記啦...... 原本諗住整個週記, 不過四日已經有o的唔記得啦, 都係打o左佢先~~
星期一, 差唔多成日都係嚮度做project...... 基本上無乜野好講......
星期二, 返十點半, 又係癲佬堂先, 之後三個鐘, 去o左飲茶, 之後就去o左打Tennis, 但係...... 好曬...... 打o左大約個幾鐘, 屎火, 夠鐘上堂...... 本來要scan同print野, 拿拿臨去scan o左先, print就遲o的先...... 上上下堂, 呀Joe打黎話有得翻CT喎, 即刻呀埋呀輝佢出黎傾, 佢返星期日, 我返星期六, 掂~~ 又再打埋去話唔返星期日o個幾個鐘~~ 不過驚緊溫唔到書, 唉...... 唔想成績退步
夜晚, 呀輝佢send o左隻Flight Simulator 2004黎, 四隻碟, 但係就有好多機場o既資料, 唔錯唔錯~~
星期三, 都係返十點半, 上第一堂Simon Sir o既時候, 掛住玩呀恆部NDS, 唔覺唔覺就玩o左成兩個鐘...... 無聽過書, 點算...... 之後個Lunch得一個鐘, 諗住嚮Canteen度食啦, 諗住食貴少少, 炒個貴刁咁啦, 點知頂佢丫...... 少到丫, 拎翻去換囉, 咩事呀, 佢試下唔肯換丫拿. 但係最後都係唔係好夠飽...... 下晝個boardband, 唔聽書真係唔得, 再之後都係Braodband Lab...... 唉, 去到尾, 問埋Eddie Ng我上年個分, 原來我都無計錯, 我唔係得好高分...... 唉...... 夜晚, submit埋CityU個Application, 唉, 又一舊水......
星期四, 今日返晨早去做project, 原本約9:30返到去, 但係呀姐佢又過o左十點半先返到囉, 唉...... 之後去o左食麵, 再黎又係呀癲佬個Lab, 唉...... 無break o既情況下, 又兩個鐘tutorial, 點知隔離房部機係無keyboard架bor, KT Tsang又話原來有人偷Ram, 乜o的人咁Cheap架...... 終於都放學, 食完野, 搭車o個時呀媽打黎話整牙, 點知原來下星期一又要去City, 再下個又要去Brefing Session, 唉, 想整隻牙都咁, 唉...... 班仆街又嚮度攪住哂, 又阻撚住我上車, 仆街啦, 講緊電話架, 平時就話玩o者, 屌, 好撚好玩呀, 屌, 正仆街
夜晚, 無野做過......

兩日記

星期六, 都預o左無得返, 算, 上晝去o左整牙, 補翻隻牙, 因為太近神經, 痛...... 打o左麻醉藥都痛, 依然係好驚o個o的"吱吱"同"震震", 感覺一o的都唔好...... 唔係好想杜牙根住, 下個禮拜先......
翻到去, 去飲下午茶?! 唔係下化...... 驚o的麻醉藥一過就痛
最後...... 嚮有o的痛住o既情況之下去o左...... 就住黎食野......
翻到黎, 做下project, 又打下機, 咁囉......
夜晚, 打邊爐@.@" 飲完茶又就黎打邊爐...... 不過隻牙開始唔痛, 但係都係要就住就住咁......
夜晚, 都係打下機, 做下project咁......
咁就一日, 隻牙o既感覺...... 好特別.....
星期日, 要返工, 返到去, 唔同哂, 勁多野都搬翻去隔離, 但係唔知點解今日勁多人囉, 頂, 忙到, 唉......
知道新CT都未黎, 仲有機?? 不過唔理lu,有就有無就無, 算...... 有個同事下個月走, 另一個又食唔到佢個位喎, 最後就我食o左佢個位, 另一個就食o左我個位, 即係我去o左返星期六, 加星期日上晝, 而另一個呢就返星期日, CT? 有先再唔返星期日囉, 郭生都係咁講, 做乜唔咁做~
放工, 最後都係無去打機, 除o左無錢之外, 就係無得挑......
夜晚, 都係做下prject, 睇埋隻林狗, 好笑~~ 但係就有o的二級半~~
咁就又一日~

雜項多則

今日返下晝, 個上晝就做下project, 上下網咁, 俾我搵到當年Form 2隻Rockman X4黎玩, 嘩, 好回味呀~~ 一個上晝就玩o左三分一~~
個Lunch又係去o左維苑度食, 呀姐本來話唔黎, 點知最後都係黎o左~~
上癲佬堂, 又係聽佢吹水, 一個鐘Break, 本來係要去Golf, 點知原來高Sir佢去o左帶Camp喎, 下個禮拜先開始, 咁我地就去o左打波, 原來William打壁班都幾勁架bor~~
之後上DC Tutorial, 玩呀恆佢部NDS, 點知班長又嚮度嘈囉, 小, 麻Ｑ煩........
放學去o左食百佳o的壽司, 十蚊四件, 都ok咁丫~~
返到黎, 本來唔諗住打機, 點知有兩個C4喎, 得600HP, 無理由唔玩架, 最後, 玩o左兩局, 俾個B1 o既贏哂, 點解我o的對戰咁差架呢??
夜晚, 睇林狗, 勁好笑, 又玩下隻Rockman X4, 又做下Project咁囉~~
呀姐佢睇o左醫生, 話佢個嘴係真菌感染, 下, 會有可能傳染俾我地, 係佢隻手掂完個嘴又掂o左我地, 下, 唔係下...... 我唔想又病......
唉, 聽日又整牙, 唉...... 無錢呀......

心情奇低落

今日本來唔駛返學架...... 但係呢就...... 要返去見City個Dr.K.W.Wong, 嚮呢個搭緊車o既時候, 班長打黎, 佢話上個Sem AP有成四成人炒o左, 我心諗, 下......
返到去, 車, 跟本都無乜野講, 問下o的CityU問題呀, 咁囉, 最頂癮o既就係有個三年制Yr2 o既人問男女生比例...... 不過佢話IE都有雙位數字, 咪一樣係少......
同o的呀Sir傾開, 話o的成績點, 唉...... 我退步o左, 我都知, 始終唔知點解我NT一要written test就係差, 好彩呢個Program救翻我...... 呼...... 不過呀輝就...... 三科都...... 慘囉...... 唉~~ 不過有樣幾攪笑o既野就係班長嚮問呀Ken o既時候, 由於佢太過心急, 攪到踢爆o左A302間房一張?個轆喎, 班長佢...... 唉~~ 笑到我地死~~
心情奇低落...... 有工都唔返, CT o個度又無聲氣, 唉...... 無就無啦, 人地係老細, 佢唔俾我返我都吹佢唔漲...... 唉......
夜晚, 都係攪下個project咁囉......
Ken話我好多時都做哂o的Lab, 唔知呀輝佢有問題, 我心諗, 唔係喎, 佢o的Lab不嬲都識做架bor, 又唔係全部我做哂, 點解會咁架呢??

三日記

星期一係我生日, 好平靜咁渡過, 下晝去o左交學費, 諗住路經機舖打機, 點知原來無帶到卡......
收o左個sms, forum有幾個, msn都有幾個生日快樂咁, 多謝咁多位~~ 今年有o的唔同o既就係無o左無牙, 唉...... 睇黎今日都, 唉...... 咁過.
星期二, 情人節, 唉, 同上年一樣, 都係無情人咁過, 搵? 搵到就好, 又唔係未試過搵, 但係又點丫, 唉...... 上堂, 癲佬又唔知點解好似好感觸咁, 整o左首the rose黎聽喎, 咁都有?! 之後要去做呢個CCNA Sem4 o既Voucher, 做到成兩點幾, 好彩, 最後都過七成~~ 不過夜晚睇翻, 原來CCNA只係Valid三年架咋喎, 唔係下...... 下晝就想食飯, 點知...... 落雨, 算, 食Tea囉, 燒(你)鹵味加野飲, 有o的唔夠飽, 唉...... 上埋下晝堂Enterprise, 去到葵芳, 有o的肚餓, 食o左七粒燒八爪魚丸, 無錯, 係七粒, 因為無紫菜喎, 所以俾多粒, 抵~~ 不過o的燒汁就酸o左o的......
夜晚, 掛住睇NDS o的野...... 事關呀恆佢買o左, 好野, 有多o的野玩啦~~
星期三, 都係返十點半, 返到去, 上完Eddie Ng堂Boardband之後佢話聽日要開會, 唔駛上, 俾我開口中, 下咁咪聽日乜都唔駛上囉, 但係我就要返去見下CityU個Dr. Wong...... 咁咪返得一個鐘囉......
返到去, 過o左張卡, 挑o左幾局, 唔知點解, 俾人係咁追囉, 又係得一局有星星, 頂...... 算, 玩十人斬, 唉...... 咁就玩o左廿蚊, 呢個禮拜都無錢打機架啦, 算啦, 唔帶卡出街, 咁咪無得玩囉~~
夜晚, 又係做fyp, 點知有張卡俾我block o左, 點解翻架?? 真係要Del再install過??

唉......

今日要返工, 有利是逗耶, 多謝哂~~
今日ok 地多人囉, 最衰郭生又無返, 問唔到野, 唔知個CT點, 唉, 聽佢話就係下個月就會有一個Full Time CT返, 唔通我地就係會俾個Full Time返埋, 唉, 無野講囉咁, 佢唔俾我返我都無計架bor, 算啦, 已經作最壞打算, 唉......
放工, 架32又只係Tune得多兩格, 唉......
夜晚, 另一隻相信都係畸型牙又痛, 唔好咁啦, 我唔想咁快無o左兩隻牙呀......

無o左隻牙

今日起身, o的牙肉又好似上次咁腫o左, 唔係下, 病完走黎腸胃炎, 而家又黎牙肉發炎, 頂......
個上晝呢, 好成功咁將前年師兄個Project Work到, 睇錢, 扣錢, 加錢都得, 爽~~
但係下晝去睇牙, 佢話我隻牙係天生畸型牙, 而家生o左個牙瘡, 一係就脫o左佢, 一係就杜牙根, 不過成功率唔高, 最好就係脫o左佢, 唉, 咁就無o左隻牙啦, 成日/晚都嚮度抖, 唉......

牙痛?!

今日返八點半, 可能之前都係慣o左九點幾先起身, 今日要七點幾唔慣, 唉, 差唔多成七點半先起身, 又遲o左o的...... Sor呀輝~
訓醒o個時, 隻牙痛喎, 頂, 返到去, 勁痛, 唉...... 呢個Week無Enterprise Lab上, 咁就去o左打波, 出o左身汗, 之後佢地話去飲茶?! 唔好玩啦, 我o岩o岩好翻你同我走黎飲茶...... 最後無人去, 得四個人, 去o左食麵, 不過我隻牙都係痛......
食完飯, Scan o左o的Cert, 上完Dino個Tutorial, 有時間, 佢地就去o左食Tea, 我就做埋個MC Tutorial, 有杯免費奶茶飲~~
上完MC Tutorial, 放學, 無錢打機......
夜晚, 發覺係時候做下Project啦, 有o的進展咁......

好翻??

今日本來上晝係Project Time, 不過呢, 都係無返到去, 下個禮拜先啦~~
個Lunch就得我同呀輝佢兩個食, 話時話, 佢又講得無錯, 成日都係得我同佢兩個話唔定人地會話我地係攪機, 不過呀恆+班長, Raymond同呀偉咪又係咁, 唔通佢地又係機咩~
想去食第二o的野, 不過...... 發覺最抵(應該係平)o既呢就又係只有維苑...... 第一日食翻飯就叫o左個黑椒雞扒, 點知...... 拿屎上身, 辣到呢...... 唉, 最後就出o左身汗...... 又唔係感冒, 出汗?!
翻到去, 又係上癲佬堂, Mobile Lab, 玩電話, 之後Eddie Ng個Tutorial, 聽佢吹水, 不過佢講o的野又幾真, KT Tsang個Tutorial唔駛上, 放早一個鐘, 我地就去o左Print野~~
放學, 返到黎打機, 3 Play, 點知兩個都係勁人, 學到o的野, 但係就三局只係拎到一粒星咁大把, 不過又要過卡啦, 頂......

仲係病緊

今日, 唉, 都仲係病緊咁囉, 唉......
返到去, 上Simon Sir堂, 應該都會成功調到堂, 咁隔個星期五就會爽死~~
個Lunch去o左食麵, 唉, 胃口都無乜, 食得勁慢, 而且又貴o左囉, 有無攪錯
之後去惠康度買o左有平o既Orel餅~~
再就係上o左SAO, Raymond佢地去攪活動報名, 點知Full o左...... 呀姐就去o左攪射箭比賽(Fail都有得去比賽, 有無攪錯......) 見到SAO媽媽, 問佢仲有無獎學金, 點知佢話已經見到我個名嚮度, 俾我拎哂, 唔係下, 得咁少...... 學費五分一都唔夠, 算啦, 都好過無囉......
之後就係Eddie Ng四個鐘, 唉...... 兩個鐘Lecture, 半個鐘就想訓, 遲o的都唔知點捱, 唉......
再黎兩個鐘Lab, 同Digital Telephony一樣, 都係做一o的做完唔知做過o的乜o既Lab, 都係做到成六點先走得......
返到黎諗住Tune下架32, 又跟唔到機, 算, 聽日先算~
唉, 病到丫, 唉...... 發覺成三日無食過飯, 唉, 個肚又...... 唉, 清下腸胃把啦......

第一日返學

今年第一日返學, 點知...... 一返到去就知道有學費單, 一返到去第一堂就係癲佬堂, 一返到去第一堂就俾癲佬玩, 頂......
癲佬就係咁就嚮全班面前話考第一, 頂......
之後三個鐘Lunch, 出o左葵芳度食, 維苑, 但係我就又係病緊囉, 勁唔舒服咁囉, 唉...... 點解身子咁弱架......
之後返到去, A204, 呀Rick佢病o左喎, 無返喎, 點解好似咁多人病咁o既??
之後上KT Tsang堂Enterprise Network & Security囉, 似PQM咁講o的唔明o既野, 慘囉, 都唔知點死......
放學, 連打機o既mood都無埋, 唉...... 病, 真係好慘, 十一點幾就訓o左......

病到九彩

今日本來要返工, 但係真係勁唔舒服, 請假, 點知真係要返o左去先, 唔到半個鐘個人就黎o左, 而我都係返o左半個鐘咁多, 不過都嚮公司嘔o左次, 唉......
估唔到返o左半個鐘都有利是逗喎~~
嚮勁唔舒服o既請況下去o左睇醫生, 點解呢排咁多病架, 唉...... 又唔係財多, 身子點解咁弱架......
到夜晚先好翻o的, 但係勁驚食o左野會嘔囉, 今日加埋都只係食o左一碗通心粉, 唉...... 唔食野, 無力......
早o的訓, 聽日一返去就係返癲佬堂, 頂......

好→唔好

今日又要返工~~ 有利是逗耶~~
唔知點解今日比較多人囉, 有o的累......
放工, 去o左打機, 用架大凌黎玩, 點知呢, 我仆丫, 玩o左五埸, 兩埸第一, 三埸第二, 都唔知有無攪錯, 有兩埸都係臨尾o個個人靠後車黎過我, 唉, 有o的唔分氣同無奈, 條友好識得用呢個後車技, 我無野好講囉...... 個Race同OutRun都仲係未balance......
夜晚, 食完飯之後就勁唔舒服, 嘔o左幾次, 連半夜都起身嘔o左次, 唉, 勁唔舒服, 聽日相信都返唔到工......

初七人日

今日係初七, 人日, 人人都生日, 生日快樂呀咁多位~~
上晝又係攪緊班長個forum, 下晝都係...... 乜咁多問題架佢個forum......
夜晚, 出o左去食飯, 年年都係咁架啦, 食到飽飽

呀恆生日快樂

死火呀, 呢排唔係好想打日記, 但係又想將o的野記低喎, 點好呢??
今日呀恆生日呀, 本來約o左去唱K, 但係最後得翻四個人, 頂. 成班都正百街
最後去o左行apm, 食和民, 呀恆就收o左架R33模型, 而我就多謝佢地三個呢一餐~~ 多謝哂呀輝, 班長, 呀恆~~
跟住就去o左班長屋企, 佢又驚佢o的屋企會蝕低咁, 帶我地兜路, 可能係等佢o的屋企人走哂先掛, 一封半封利是都慳, 都唔知有無攪錯......
佢o的狗狗好得意呀~~ 隻大狗係細過隻細狗, 隻細狗係大過隻大狗(←知唔知我講緊乜呢~~), 但係可能係大狗老啦, 都唔係好活潑, 反而隻細狗就好爛玩~~
佢屋企有成兩個大魚缸, 咁有錢o既?!
玩到咁上下佢竟然有親戚黎喎, 咁就俾佢軟禁o左嚮佢間房度, 頂......
最後等佢地走o左之後先走得囉......
同呀恆佢去o左觀廣GameZone, 嘩, o個度無煙不特止, 仲有o的空氣清新劑o既味喎~~
同呀恆佢玩o左一局灣岸, 點知就變o左玩o左成三局, 因為先後有二個人挑, 一架仲要係hiace, 攪到我睇唔到路, 慘, 不過最後o個局竟然俾我拎o左個第二喎, 哈, 咁又有兩粒星星~~
夜晚, 掛住整班長個forum, fix佢個水果機問題, 點知係佢無裝到GD, 所以就無野出, 頂......

終於都過百星~~

今日朝早去o左舅父屋企幫佢裝過部機, 但係佢個CD-Rom就好似壞壞地咁, 攪到好慢......
下晝, 去過埋張大凌, 但係之後就輸o左兩次嚮第79話度, 頂...... 之後同個表弟加佢個Friend去o左打機, 唉, 我就差勁, 玩o左三局只係得兩個第二同一個第三, 唉...... 不過算啦, 終於都過百星~~ Tune埋架大凌, 咁好彩, 兩話都係一次就過到, 終於都有810啦~~ 呼~~ 唔覺唔覺今日用o左卅蚊落打機度, 過一張卡就等於四局呀, 唉~~
夜晚, 都係軍曹~~
呀輝打黎話聽日去觀塘, 叫佢叫埋呀姐, 但係佢話約o左人喎, 唉, 都預o左架啦...... 唉~

初四

年初四, 上晝睇軍曹, 諗住下晝出街之際, 公司打黎叫我返工, 下?! 本來諗住可以休息下, 算, 返柴灣, 返到去, 頂...... 勁多人, 借書, 還書, 上書, 借書, 還書, pack箱, 放工, 就係咁就幾個鐘過o左, 累......
問翻個CT, 原來我走o左之後就有個Full Time黎o左攪到佢地o的鐘少哂, 慘~~
借還書俾人話我熟手呀, 但係有乜用丫, 又唔係俾多o的人工我......
計翻, 原來我個半鐘內Pack o左十五箱書, 半個鐘五箱, 即係個幾字一箱, 咁多o既......
放工, 諗住去Tune埋架車同過卡, 點知o的人係咁挑機, 仲係o的男o既拖住o的女o既咁玩, 跟o個部機就Hang o左兩次, 算, 走, 聽日先過囉, 唔係點呀...... 唉......
夜晚, 終於都睇到34集, 但係都只係三分之一咁大把......