無聊o既初一至初三

年初一, 年年如是, 晨早嚮屋企, 無野做, 今日年下晝去o左太古城, 但係發覺都無野好睇...... 夜晚又裝翻部機, 裝機裝過年, 睇黎今年部機都唔方掂......
年初二, 成班呀姨表弟黎拜年, 勁吹水, 之後就去o左個表弟屋企, 嚮佢部32"LCD TV度打GT4, 加上5.1聲道, 爽死~~ 嚮佢度食埋飯, 睇埋煙花先走~~
年初三, 又係無野做, 簡單黎講呢就係嚮屋企度無聊, 下晝, 同舊年一樣, 有個親戚黎拜年, 又係吹水...... 夜晚, 睇軍曹, 而家先睇到25集, 幾時先睇完呢??

年尾

今日係年廿九, 今年無年卅晚, 今晚團年lu, 但係今日都要返工......
返去之前, 諗住去睇下有無軍曹, 點知成部機都滿哂, 睇都睇唔到......
返到去, 今日就唔係好多人, 掂~~ 過另一邊睇過, 嘩頂丫, o的架多到, 第二時o的上書一定好大獲......
個CIC房就細......
唉, 十幾號就有CT,　我點同Manpower講話轉去做CT呢, 唉......
夜晚, 黎整電話, 原來個寬頻電話維修部得十個人, 仲要係做哂成個香港...... 年初一都會要返工, 慘......

年廿八

今日係年廿八, 下晝同Raymond, 呀偉同呀輝佢地去o左行維園年宵, 幾過癮, o的野好得意, 但係就勁多吹氣公仔, 又有摺"登", 仲有較剪同石油氣罐, 勁得意~~ 但係行到咁上下走黎落雨, 唔係下化...... 最後行o左去吉野家食個Tea, 之後就去o左銅鑼灣廣場度打機, 又去o左行Times "貪屎", 行到咁上下我就返去lu, 要幫手拎糕......
返到去, 點知個電話壞o左, 唔係下化, 年廿八先黎壞, 打去香港寬頻度整, 仆佢個街丫, 講講下Cut我線, 再打過去, 小鳩佢, 最後佢話有可能係禁錯制喎, 我頂丫, 算, 你聽日好叫人黎整下, 唔到你唔黎, 哼~
夜晚, 去o左買翻對鞋, 無鞋著啦...... 想去買翻新褲都唔o岩, 唉, 今年又無新衫, 又無新褲著, 唉......
部機又有o的問題, 連ipconfig都出唔到野喎, 再裝過......

迪迪尼

今日去迪迪尼呀, 晨咁早就起o左身, 食個早餐, 搭成個鐘車先去到, 原來過地鐵青馬大橋o個時係乜都睇唔到架...... 悶...... 而呢個欣澳站呢就用呢個得我咁高o既幕門, 幾得意喎~~
至於架迪迪尼車, 就係用全自動駕駛, 真係無人楂架喎, 個樣就幾靚, 但係就唔夠位坐, 都唔知有乜好......
去到門口, 等等等等免費飛, 成十一點半先有, 算啦, 免費喎, 想點呢~~
之後就好快咁去o左巴斯光年就拎FastPass, 要十二點半先有得玩...... 唔緊要, 去玩o左個而家只係得佢先至有o的咖啡杯~~ 轉轉轉轉轉@.@"
之後就去o左睇下個獅子王度拎FastPass, 點知原來係無得拎o既...... 算, 去Winnie the Pool度拎, 點知張FastPass係已經去到四點八先有得玩......
咁就夠鐘去玩巴斯光年, 勁過癮, 隻船係有得自己控制左右轉架喎, 哈哈, 但係就勁難射中個目標, 得四萬幾分咋...... Lv3咁大把, 有無人真係可以去到Lv7架呢??
跟住就去o左食飯, 頂, 乜飯都係$45個, 不過就有杯幾大杯o既茶飲囉~~ 算係咁啦~
夠鐘去睇獅子王, 真人表演, 嘩勁好睇, 仲有丁滿與彭彭呀, 我到而家都係覺得丁滿只係一隻壁虎~~
係時候去睇巡遊, 但係發覺係唔好睇......
再黎就去o左呢個泰山樹屋, 嚮個湖中間, 我想知佢呢棵野點整架呢?? 幾有趣丫~
再黎就又排半粒鐘去坐船, 但係就同之前睇過o既片差唔多, 都唔差咁囉~~ 個導遊旁白本來都幾好, 但係同我地都唔係好夠互動, 攪到都無電視話好似入o左一個唔同o既世界咁......
再去o左睇立體影院, 帶眼鏡, 嘩好真呀, 仲有o的香味, 噴水, 勁好睇, 呢個正~~ 我呀媽見到有粒紅寶石竟然真係向前去拎...... 俾佢吹漲......
最後去o左玩Winnie the Pool, 點知其實都無乜好玩, 車, 得個坐字......
跟住佢地就去o左玩小飛象, 而我就緊係去玩Space Mountain啦, 單人位, 等五分鐘咋嘛, 但係就只係可以坐車尾...... 無帶眼鏡, 黑蚊蚊, 乜都睇唔到, 只係知道架野嚮度Fing黎Fing去, 一o的都唔好玩......
差唔多七點, 睇埋個煙花就走, 個煙花都係一般咁啦, 不過全日o的音樂都配得好好, 呢個唔錯, 值得一讚~~
返到屋企, 已經八點半......

又要返學......

今日, 考完試都要返學, 頂......
個Lunch去o左維宛度食, 之後見未夠鐘, 又去o左機舖, 咁貴, 無玩到......
之後就返o左去做個CCNA Sem4 同Wireless o既Final, 個Sem4就都係又要o的新Question, 頂...... 個Wireless就靠Billy, 掂~~ 點知原來係要做多個Voucher先有o個張野, 頂, 即係出年都要做多個啦, 頂......
放學, 去o左Tune埋架大淩, 點知原來得翻五個車檢, 都仲係差三話, 又要車檢...... 無錢呀......
夜晚, 睇o左幾套軍曹, 幾時先睇得哂呢??
尋晚發夢, 見到個女同事, 唔通真係鐘意人?? 不過又點丫, 機會好細...... 唔通真係日有所思, 夜有所夢?

四日記

星期六, 成日都係嚮屋企度溫書...... 但係溫溫下無mood, 最後就掛住打機, 夜晚先再溫過......
星期日, 請o左假溫書, 聽日就考啦, 死得啦, 發覺勁多野讀, 但係讀極都讀唔入腦, 唉...... 問呀偉佢拎o左個錄音, 聽完都係唔係好明...... 唉, 聽日都唔知點死好...... 今日屋企人走得哂, 成個下晝都係得我一個, 最後去o左食吉野家Tea, 又好似好順路咁行o左去GameZone度Tune架大淩, 十一蚊, 都只係過得四關, 下次都係打九蚊, 相信都會過到四關掛~~
星期一, 今日又係晨早返去, 係咁玩sorting, 又聽呀偉個故仔, Breath-First Tree, 笑死, 但係最後都出o左, 諗翻起佢個故仔都幾好笑~~ 不過份卷就唔係太得, 做完只係得三個字剩, 其他人都唔知點死, 唉, 我都有o的驚, 可能有成十分拎唔到, 唉...... 放學, 緊係去打機啦, 諗住Tune翻五格, 點知有個係得600HP o既人開挑, 但係我就Tune緊車, 唔理, 我都開埋挑, 最後有人挑入黎, 我? 用架大淩咪只係贏得架600HP囉, 無計, 架大淩真係唔係太好渣...... 都係34比較好......
夜晚, 都係掛住打機, 裝翻隻UnderGround2黎玩~~
星期二, 今日同o左屋企人去街, 拎翻個會震震o既墊黎玩, 勁過癮, 一路打機一路震, 仲好玩過街機~~ 爽~~
夜晚呀輝打黎, 問聽日點, 打俾呀恆, 佢話佢地聽日有野做, 點知轉個頭佢就話可以出去食飯......~.~ 玩咩...... 算, 打翻俾呀輝囉, 唔係點呀, 有o的被玩o既感覺~~

考試Vs睇多次醫生

今日又係好似前日咁晨早返去溫書, 今日我地就醒啦, book房book到去十二點半, 之後食個飯, 考試, 我都仲係好舒服呀, 頭又痛, 病呀, 頂, 死癲佬, 俾佢講中, 定一烏鴉黎架.
份卷好似唔難, 但係就好多都唔識, 我驚好似舊年DCN咁低分咋......
考完, 上o左去問趙Sir野, 原來係俾個圖Fake, 頂, 邊個整o的咁o既圖出黎架......
放學, 返到去, 又係去o左打機, 架大淩, 又Tune多四話, 希望快o的810啦~
之後, 見都係唔係好舒服, 去睇多次醫生, 點知個醫生話我上次睇o個個醫生開o的藥係治標唔治本, 都唔係殺菌用, 仆丫, 俾上次個醫生呃錢, 正仆街黎架, 唉, 咁又兩舊幾水啦......
夜晚, 都係打翻舖機先~~ Emergency 3, 戲院俾人放炸彈, 連架醫療車都炸散o左, 乜o的炸彈咁勁o既......

去o左MH?!

今日, 上晝嚮個SATA Hard Disk度裝o左個XP, 快到丫, 打機Load Game快好多~
下晝去o左MH度同呀輝一齊溫書, 嘩頂丫, MH個Lib咁叉靚o既...... o的機係好似A204B o的機咁P4 3.4, 1GB Ram, 行SATA Hard Disk......
但係我就溫到頭痛, 呀, 痛到而家呀, 好痛呀!!!!
之後去o左打機, 本來諗住玩MarciKart, 但係o的人跟Tune車, 算, 自己一個去玩, 架大淩, 兩局一話, 相信金星o的機都唔係Easy, 一定難過GameZone.
夜晚, 掛住打機, 又溫下書咁囉, 唉, 頭痛呀!!!!!!

DT考試Vs灣岸815

唉, 今日考DT, 唉...... 一定丁唔到, 無得解, 無就係無, 但係始終都覺得班長佢實有丁囉, 佢背得咁勁, 唉......
放學, 本來諗住去Game&Fun Tune埋架車, 但係好順手(應該係順腳)就入o左GameZone, 貴就係一蚊, 但係都係一蚊咁多o者, 照打, 點知...... 好順利咁就過到兩就, 咁就815, 我o既第一架815呀~~ 開心~~ 之後仲打多o左一局箱底, 有街車o既箱根@.@" 最後都贏到, 掂~~ 好明顯部機係Set o左做Normal or Easy, 唔係點解我嚮Game&Fun打極都打唔到呀, 頂佢~

病到Wing Wing下

呢兩日都病到Wing Wing地, 個頭又Wing Wing地, o的手手腳腳都Wing Wing地, 勁唔想溫書, 但係...... 唉~~ 總之就死得啦, 尋晚勁早訓, 十一點半就訓o左, 但係今朝都成十一點先起身, 但係都好似訓唔夠咁, 唉...... 個鼻就兩個Hole都suck哂, 抖唔到氣, 唉...... 都唔知點好, 睇黎今年, 唔通真係俾癲佬講中......

病o既第二日

唉, 今日返唔到工, 無錢呀!!!!! (有工返你又嘈, 無工返你又嘈, 你想點呀)
尋晚病到死死下, 今日先好翻少少, 成日都嚮度溫下晝咁, 唉, 都係入唔到腦, 都唔知點好......
夜晚, 睇勁歌頒獎, 估唔到薛凱琪同何韻詩都有獎, 但係最估唔到o既就係俾無賴拎o左個金獎, 無野好講, 李克勤話佢會成家立室, 真係恭喜恭喜, 但係我...... 咁大個都識唔到, 唉......
溫書把啦~~

病到死啦......

今日起身o個時都有o的唔係好舒服, 諗住無乜野咁啦, 下晝食完飯, 去o左拎之前上o個個大廈管理course o既cert, 聽到一半就走o左, 諗住返屋企溫書, 路經Game&Fun, 入o左去諗住玩多局全走, 等快o的有815, 有機挑喎, 咁咪挑下囉, 估唔到咁都有得俾我贏到兩粒星, 下一局, 有個人走o左, 變o左1 on 1, 條友玩炮彈飛車, 中彈, 追唔返, 可能係病啦, 唔玩lu, 見o岩o岩過五千K, 諗住Tune埋佢, 但係就...... 唉, 第79話玩o左三次都過唔到, 第三局係衰自己, 臨尾香, 唉, 放棄, 等第二時有精神先再Tune.
點知返到屋企, o的病就黎啦, 頂, 訓o左好耐, 最後頂唔順, 去o左睇醫生, 唉, 咁就兩舊幾水, 返到去又係訓, 打電話去請假, 聽日唔返, 書又未溫哂, 工都返唔到, 唉, 呢個月真係有o的白做...... 訓呀, 訓呀, 唉...... 未溫哂書呀......

轉台啦~~

今日基本上都係嚮屋企度溫書溫書溫書, 勁多未溫, 唉, 都唔知點死好...... 唉~~
下晝, 去o左轉台, 轉去smartone, 智爽快, $60/550 分鐘, 去到一千分鐘都只係要$69, 有幾可用到咁多丫, 但係就無call waiting, 3 line同只係得全飛線服務, 無得cut人線去飛線...... 唔緊要丫, 聽翻個留言咪得囉~~17/1下晝起轉, 睇翻同唔同台o既先send SMS黎啦, 唔係到時要收錢唔好賴我呀~~
夜晚, 俾o左個cap screen o既program呀恆, 佢即刻整o左隻kuroro, 我睇第一眼就笑o左出黎~~

太頂癮啦~~ 仲有另一個~~

雜項幾則~~

今日幫屋企人登記o左個新PCCW生滋電, 唔知有無機會呢, 不過呢o的野, 不嬲都唔睇好, 有就有, 無就算囉~~
臨收工, 頂佢丫, o的人係咁print 野, 你下下面個print queue, 頂啦, 差唔多有成一半都係六點鐘先黎print, 頂......
今日相信會係我嚮柴灣o既最後一日, 因為呀Joe打黎話想一次過轉人, 下個月都唔知仲有無得返lu, 睇下香港仔點啦, 但係我剩知呢個月得好少人工, 唉...... 兩邊都請哂假, 唉......
應該都會轉去smartone架啦, 問題係幾時o者~~ 不遠矣~ 18號截數前(相信都會係~)

print 野

嘩, 今日, 臨尾o個個鐘, 勁多人print野wor, 乜咁都有o既, 俾條Print Queue你地睇下~~

早上都無乜野, 但係你睇下六點之後......

最後update version

溫書

尋日, 成日都嚮度溫AP, 發覺好多野都唔識, 即刻問Raymond拎錄音黎聽, 唉, 下次上堂都係唔好訓覺...... 溫o左成日, 都係好多野唔識, 死啦, 今次一定死得......
上晝繼續AP, 仲差Hashing唔知講乜, 都係死得啦......
下晝, 返工, 今日到而家都係風平浪靜, 唔好有事呀~~
PCCW出o左個免費3G試用, 勁想試, 唔得, 要問多兩次屋企人先~~ 橫掂都係, 順手轉埋過去smartone, 趁未截數呀~~ 得o既話就轉埋自己名, 掂~~ (得o既話)
溫書呀, 好多野唔識呀, 死得啦, AP 唔知講乜, NT 唔明, DT 未溫, 死呀, 死得啦~~~~

真人版龍珠

星期二, 今日本來只係要返去補堂, 無諗住會有o的乜野寫, 一般都係食飯, 上堂, 溫書咁, 點知......
尋日約o左呀恆, 班長 同呀輝佢兩個食飯, 咁食飯啦, 食完仲早, 好自然就去o左新機地打機, 打灣岸, 有條紅毛人係咁挑呀恆同班長, 大家有贏有輸, 但係就係夾車, 咁你夾下我, 我好自然就夾翻你架啦, 差唔多去到兩點幾, 條友打完想走, 點知呢, 就衝埋黎呀恆度話夾丫?, 夾夾夾, 夾夠未呀, 呀輝佢就想頂住佢, 點知就硬食o既一野, 仆街, 打人, 報警, 我就頂住佢, 唔俾佢走, 等差人黎o個時, 叫o左呀輝同條友出去, (點解唔叫呀恆o既, 呀恆係幕後黑手黎架bor, 嘿嘿~~) 最後相信o的差人都係想大事化小, 叫佢兩個簽翻份野, 話唔追究咁~~ 點解o的人係可以咁架, 你唔輸得咪唔好挑囉, 打機o者, 駛唔駛打人呀, 條友都痴鳩線~
之後就上AP, 咁就遲o左幾個字, 一日都係條仆街, 聽書, 又無訓到呀, 但係都唔係好明......
放學, 上Department度寫o左份野, 三月十一號先有錢, 唉...... 一間係叫Visual Paradigm o既公司俾架喎, 但係之後見到呀裕, 佢原來係有成五千...... 唉......
放學, 返到黎打機, 兩局全走, 仲差兩局就815架啦~~ 見到個女仔打灣岸, A7, 過千星, 睇佢原來唔係只係佢條仔o既星星, 應該係佢有實力, 有兩個人挑佢都贏唔到, 咁就係咁呃星, TA成績都唔差, 勁~~
夜晚, 都係無mood溫書, 打機, 哈利波特, 爆o左, 差o的hidden o既野未拎哂~~

唉, 灰到黑......

唉, 今日, 灰, 灰o左三次, 就黎想變做黑......
今日晨早返學, 測Wireless, 唉, 份野好我地有o個兩份都唔同, 唔係下, 兩份都唔同, 有兩條都係唔識, 個CRC又計唔到一樣(不過人地都係咁, 無野掛), 唉......
之後上Wireless Lab, 交份Print 出黎o既俾佢, 佢話要soft copy, 咁駛乜用咁多紙呢, 呢個都算, 點知個Leon Lau又整個Email黎全世界人都未交個report, 9:30前喎, 頂啦, 但係見翻呀Ken佢都無乜野咁, 無事掛, 唉...... 呢個都唔算灰
食完個車仔飯之後, 上DT, 派卷, 唉, 真係丁唔到, 得72分, 勁多人都高分過我囉, 俾一條15分o既玩起o左啦, 得2分, 唉, 勁灰, 個死班長佢差呀姐一分都嚮度曹囉, 仲要係咁想要多一分, 小, 唉, 不過呢個情景, 相信會嚮遲o的再出現唔少, 因為如果有機會入到U o既話, 我o的成績都應該會係below mean. 唉......
之後就204同312 Hai o左兩個鐘, 上AP, 無訓到覺呀~~
接到個電話, ICT Department打黎, 話有獎學金呀, 今次有成三千蚊咁多呀(都唔夠交學費), 不過就要寫翻幾句野, 好丫, 聽日去寫~~ 眼見得我同隔離班個呀裕有電話, 原來佢都有喎, 唔知佢有幾多錢呢??
放學, 去o左食雪糕, 有三個多啦A夢磁石呀, 多謝呀輝, 多謝呀恆~~
但係之後搭車, 到港島線, 玩玩下呀姐部電話, 佢條仔打黎, 個心有突然被硬物所傷o既感覺, 唉......
最後去o左打機, 都係過唔到十人斬.
夜晚, 都依然係無mood溫書, 打機到凌晨一點

灰→黑??

現在時間係2:24pm, 二零零六年一月九日, 唉, 今日已經灰o左兩次, 唉...... 就黎變黑......

無聊o既一日加返工o既一日

尋日其本上都係溫下書, 打下機, 下晝飛o左個一二三四五六之後o既頭, 就係咁, 無野好記, 唯一想記o既就係溫書溫極都唔入腦......
今日, 返工, 之前去o左香港仔度睇下問野o的軍曹有無tamama, 點知...... 未開?! 平時都開o左架, 點解今日會未開架?? 唔通連個天都唔想我去抽??
返到去, 好平淡咁就過o左一日, 知道o左遲o的間CIC房o的更會係由Automated決定, 掂, 同呀Joe講先~~ 等另一個同事都可以做我個位~~ 爽~~
班長打黎, 話EPC有人放Samsung Printer ML-1610, 六舊即食, 但係返緊工, 點睇呢??
放工, 去o左電腦城睇下部ML-1610, 同部ML-2010一樣價, 但係就16/min同20/min o既分別, 返去問下屋企人先~~ 無錢打機, 都係睇算數......
夜晚, 屋企人都係無膽, 算啦, 橫掂都唔係我俾錢, 決定權唔嚮我手......
話說班長(←讀音係"祥", 唔係"掌", 唔知點解會咁讀, 但係就鐘意咁讀喎)佢星期六, 呀恆打黎話尋日(星期五)上堂o個時見唔見佢手拎住個file, 講真, 唔係好覺眼, 之後我都無o左件事, 但係頭先睇翻佢個日記話, 原來佢真係漏o左嚮機舖喎, 唔止notes咁簡單, 仲要係o的Cert添喎, 佢今次算好彩, 搵得翻, 唔係就真係一百蚊一張不特止, 仲要唔知去o左邊, 下次唔好咁唔小心啦, 唔係就大檸樂架啦~~ 呢o的野都可以懶低, 勁......

呀Sir o既野

每個呀Sir都有o的野, 呢排有兩個呀Sir o既野我想講
前幾日, 癲佬佢嚮204度見到我,
佢話「喂, 你上年考第一喎」
我：「係丫」
佢：「今年...... 唔好啦喎」
我：「嗯, 今年o的野難o左, 唔啦~~」
佢：「俾o的機會人啦」
我：「好」
佢：「喂, 考試唔好返丫嘛」
我：「唔得, 點可以讓賽讓成咁架」
↑(我仆你個街呀, 考試唔返咪F硬, 真係人如其名, 你都癲o既)

另一次又係佢, 今次係佢同呀恆
佢：「報o左(UST)啦」
恆：「係」←好無奈咁話係, 想知之前發生咩事, 可以睇翻之前o的post
佢：「咁咪好囉, 報o左~~」
恆：「......」
↑(仆街啦, 都無諗住入U, 死都要人報, 兩舊幾水呀, 要黎打機好過啦)

話說尋日, 我地成七點幾先走, MY 佢教夜校喎, 有支果汁嚮佢檯面, 以我咁為食o既性格, 仲唔整翻杯咩, 點知入呀Rick問房度?o左隻污穢杯出黎, 佢照倒入去喎, 我就用另一隻乾淨o既, 咁o個杯污穢就緊係無人飲啦, 好, 做完野, 走, 嚮出面等?, 只見MY佢出黎204, 左手開門, 右手拎杯, 一開門, 右手一下瀟灑o既動作, 只見一o的液體從杯中飛出, 直落樓下, 無錯, 係樓下, 接著就若無其事咁掉頭, 入翻204, 笑到我地丫~~ 哈哈~~

無mood做野

今日, 都係唔駛返晨咁早, 十點半, 本來都準時, 但係...... 屋企個廁所水箱條鍊又甩o左, 頂, 又攪o左幾個字, 加上今日咁凍, 成隻手都赤哂, 震~~
上DT, 兩個鐘non-stop咁聽書, 嘩大佬, 點入腦呀, 頂...... 超時, 過o左成十分鐘, 先講哂o的書, 難頂呀...... 但係佢死都要講, 唔通真係會出?!
之後成九個人一齊去o左名古屋度食, 本來諗住一條友食個扒, 點知今日有個快餐係牛扒黎架喎, 掂, 見人地食都唔少喎, 結果我地九個人叫o左八個快餐, 五個都係食扒, 差唔多個個都有塊大扒, 但係唔知點解呀輝佢o個碟就得塊細扒咋喎, 咁都有o既?!
之後因為呀姐要去郵局交錢o既關係, 經過上面, 見到有Keroro軍曹隻轉眼公仔扭呀, 即刻睇下有無我要o既公仔啦, 結果我地咁多人抽o左成六隻出黎, 有三隻都係我要架(其中隻kuroro係同班長佢要o既)~~ 另外兩隻就係呀姐o既giroro, duroro同一隻墨丸o既duroro~~ 但係扭咁多隻都無一隻係tamama黎o既?? 唔通真係咁難?? 唉~
之後上呢個AP, 都係無乜點聽過書, 考試都唔知點死...... 呀姐佢就做個Wireless, 諗住呀Ken嚮隔離上當可以叫埋佢黎Demo俾佢睇, 最後, 無break, 佢只係睇o左一眼, 跟住o個堂個呀Sir就趕人走, 頂......
呀偉佢唔知問邊個拎到個Wireless o既Test喎, 同我地有o個份唔同架bor, 即係拿拿臨拎去Scan同Print o左佢, 點知Print唔切, 都要去聽HKU 個Talk.
HKU 個Talk, 講CS, 吹到點好, 但係都無用丫, 最少都要有AS UE D Grade, 一係就有TOFEL 500分以上, 但係我兩樣都無, 車, 無興趣, 算, UST好過~
之後上翻204 Cap埋o的Wireless o既圖, 成七點半先走, 仲要去旺角度拎野, 唉~
返到去, 都已經八點幾先返到屋企...... 途中去機舖度本來有機挑, 但係...... o的錢買哂Keroro軍曹, 無錢, 睇人打House of the Dead 4, 勁呀, 五蚊可以去到Ch 4, 個人勁~~
返到屋企, 八點半, 食個飯, 沖個涼, 九點幾, 都係無mood溫書, 唉......

唉, 唉, 唉, 唉, 唉......

唉, 放工, 諗住去買六合彩, 點知行到馬會, 勁多人, 相信要排半粒排隊先買到, 放棄......
唉, 去Game&Fun諗住打翻舖機先, 點知, 我仆佢個街丫, 鬆?架, 少, 無哂心機......
唉, 電視新聞報告出o左個六合彩結果, 頭獎一注中, 但係唔係我......
唉, 聽日有個HKU o既Talk, 但係無打算報喎, 聽唔聽好呢??
唉, 原來我地報CityU科Information Engineering, 比起UST科EEIC易唔少, 但係就想讀UST喎, 點好呢??
唉......

有o的無聊~~

今日好啦, 唔駛返咁早, 九點半先出門口, 返到去, 一路玩少波部PSP一路無聊咁上堂, 派卷呀, 丁唔到, 算啦, NT上年都唔係咁高分架啦, 預o左...... 之後就講翻上年份past paper, 都唔會出o既, 講真, 駛乜聽丫~~
放學啦, 食車仔飯, 之後去o左睇人打機, 出o左隻新龍珠格鬥Game, 同其他格鬥Game都無乜分別o者~~
返工, 呀Vincent又話係考試o既, 點解都係佢返架?? 唔理lu, 今日有個人遲o左黎, 但係有人跟緊後補喎, 無啦, 你無架啦, 等有位先啦, 好在其他人都知十分鐘呢個規矩, 下次睇你仲遲唔遲到~~

有o的灰......

今日晨咁早就要返學, 仲要係返去測驗, 而且仲要係測呢個PQM, 頂, 勁想唔返......
尋晚, 同呀恆佢整o左份終極爆機檔出黎, 今日就一人一份, 果然係有用, 起碼係必勝7/30先, 最後就好誇張咁出狗, 勁過癮, 相信呀Sir佢都知係乜事, 不過就唔知我地咁過份~~
之後唔駛上Tutorial, 同墨丸佢去o左葵興, 中途同佢傾o左唔少佢條女o既野, 發覺佢條女真係有o的唔掂, 但係又點丫, 你可以做o既就一係Accept, 一係就reject, 你自己決定啦~~ 佢送o左十粒星俾我, 多謝哂~~ 架34已經去到46xx, 仲差四百幾咋, 加油(有錢o既話~)~ 而且葵興有間燒臘舖有十蚊個飯, 但係o的叉飯就唔係好靚, 不過都唔細盒, 抵~~
返到去食完o個飯, 攪NT個Assignment, 好順利咁攪到, 雖然o的機唔係好掂, 最後連個Route Summarization 都攪得掂, 爽呀~~ 但係做Version 2 o個o的就慘囉, 做唔到, 唉......
之後就佢地就黎o左灣仔, 嚮太源街度搵隻識出聲o既tamama, 但係就搵極都搵唔到原本呀恆佢買o個檔, 第二檔就得翻隻貴o既, 成$35, 貴......
之後呀恆佢去o左GameZone度打機, 佢嚮呢度玩灣岸就無奈, 係咁俾人夾, 攪到佢最後都好無奈咁玩BG, 玩o左三局都係過唔到隻鬼喎, 喔......
夜晚, 都無做過野, 無聊咁就過o左一晚......

灰/黑o既一日

今日係灰, 唔係可以話係黑o既一日,
首先, 個printer食o左張紙入去出唔翻黎,
之後個死仆街cheung cc又原來未放個答案上網,
個NT2 assignment又做唔到, 唉......
今日要晨咁早返去交AP Assignment, 準時交, 聽講佢都準時封箱......
之後做o左成朝都係做唔好個NT Assignment, 唉......
Lunch嚮canteen都唔知食乜好, 成兩點先食......
之後連AP 個補堂都唔上, 繼續做NT, 兩個鐘後...... 都係好似唔係好得, 點知一試, 兩個host係通囉, 但係o的Router就有問題囉, 灰......
夜晚, 個ictlab死o左, 想搵書都唔得, 唉......
簡單黎講就係無溫過書, 只係做過下份Report咁囉......
灰......

唉......

今日要返工, 唉...... 尋晚成兩點先訓, 攪到今日勁眼訓, 又訓得唔好, 個膞頭勁痛, 唉~~
返到去, 今日竟然都唔少人喎, 唔係下, 好彩有個幾好o既同事, 爽呀~~
點知呢, 佢臨尾俾人frake囉, 臨尾先話要上埋其他書, 頂......
問o左郭生, 佢話應該要三月先會開個CIC房, 希望有得返黎做啦......
放工, 去打o左局全走, 諗住打完會過4000k啦, 點知一出, 3993, 咩話, 差7K, 無野好講, 唉~~
返到去, 屋企又被一陣沉寂o既氣芬所覆蓋...... 唉~~
夜晚, 都係掛住幫人, 又溫唔到書, 唉......

一月一日

今日係一月一日, 希望新o既一年有新o既開始啦, 希望only...... 唉~~
上晝, 成家人約埋o的呀姨表弟去飲茶, 約就約十點半, 但係...... 最早o個個十點七先到, 但係我地就...... 唉, 總之就個個都遲, 我本來都準時起身, 可以準時到, 但係俾人拖累......
去到, 見到個呀姨, 塊面係黑o既, 心知不妙......
話時話, 間茶樓真係幾high class, 除o左o的service ok之外, 個廁所有o的魚魚架bor, 你企嚮咮咮o個時會見住o的魚魚架bor, 頂癮~~ 不過就貴好多......
飲完茶, 黎o左我屋企打o左陣PSP(唔係我o既, 係我表弟, 我有咁多多餘o既錢買就好啦), 之後就去o左打機, 班表弟係咁話去打機, 攪到我呀媽都知道, 唉...... 都唔知係好事定係壞事......
去o左Game&Fun度打灣岸, 班表弟係唔係好識玩, 有一個有玩, 所以就玩對戰, 點知一個原來係熄o左挑o既人開挑, 算, 人地係B2, 810HP, 照挑......
玩新環左右, 連贏四局, 最險o個次贏0M, 呼, 之後知o個條友廢, 係咁俾車佢食, 仲之後仲話我勁喎...... 但係咪又係玩唔掂個十人斬Lv10......
之後又玩o左BG4, 同MarioKart, 爽~~ 但係無哂錢錢......
又行下188, 但係都無野好睇o既......
夜晚, 諗住溫下書, 打下機, 但係就幫Raymond佢攪個java, 原來佢要成50分先可以攪得掂個CA分, 慘......
掛住幫raymond就忽略o左呀恆, 攪到佢嬲o左, oh my god, 無奈......
最後係咁幫佢, 但係...... 仆丫, 呢個時候個Textpad唔知點解compile唔到野喎, 明明係有個CircularList嚮度佢都話cannot resolve symbol, 仆啦
唉, 最後幫呀恆幫到成兩點先訓, 唉......