四月初七至初九

趁記得, 打下篇日記先
話說星期六o個日返工, 吳子陽佢問我, "你考試未呀? 過哂o的project喇?" 以為好心o既佢會關心下我, 點知當我答佢"仲有兩個project加兩份assignment o既時候" 佢竟然答我 "你都有今日啦, 我上個月都趕得咁辛苦丫嗱" =.="
星期六o個晚,放棄了, 成個schematic都係用最原始o既logic黎畫過哂佢算數, 又三點先訓......
星期日, 今日返工, part好耐都未見過o既弘哥~~ 個下晝要o左黎溫書, 但係都係唔識做o個份功課...
夜晚, 好多謝晶晶同學佢搵到個正o既schematic, 如事者, 又要改過個schematic, 之後交俾茵茵佢排位~~
做功課做到唔識做...... 兩點訓......
星期一, 今返工o既時候依然係溫書, 但係當我正想蛇王o既時候, 老闆竟然走入黎話counter無人囉, 我頂！ (下刪千字...) 算, 走返入去！！！　放工o既時候, 屋企人book o左場打羽毛球, 打o左半個鐘~~ 總算叫做做過下運動~~ 舒服哂~~ 夜晚, 經過o左茵茵佢一日以黎畫o既layout, 總算叫做完成o左少少~~ 咁就等我繼續做埋落去啦~~ 三點半先訓......
星期二, 好在今日返十二點o者, 有得訓晏少少少少~~ 上完堂, 繼續project~~ o既然預o左聽晚通頂o既話呢, 今晚都係早o的訓, 留翻o的精力聽晚加油！！！

四月初二至初六

估唔到咁就又大半個星期, 但係基本上呢大半個星期都係好慘咁過.
星期二, 今日應該係最後一次同老闆開會, 個fyp應該咁就會完o左, 某程度上都係一件好事~~
夜晚十一點半先走, 返到屋企已經十二點半.
星期三, 尋晚咁夜返, 今朝又一早要上堂, 都幾難頂...... 當然夜晚亦都係要project...... 亦都係十一點幾先走, 點解咁難做架......
星期四, 無野好講, 做project做到個人就癲......
星期五, 今日亦都係無野好講, 個人已經癲o左, 但係都係未做好個project......
星期六, 今日返工o既時候收到個壞消息, 就係學校個project做錯o左, 呀...... 咁咪即係我尋晚成晚所做過o既野係白費......

同事三分親, 裘俊終於都同文安娜拍拖, 望到佢地咁, o個種感覺...... 唔識講......

三月廿一至四月初一 o既第二個project week

估唔到我已經個幾禮拜唔得閒打日記, 有o的咩爛gag都唔記得哂, 不過呢個幾禮拜應該都無乜爛gag出, 因為好似呀邊個話齋, "你o的生活都幾沉悶架喎", 事實上都係, 我呢排o的生活唔係project就係project...... 又真係幾沉悶, 我都想出玩呀......
星期六, 今日返工, 由於上個星期兩日唔係返學就係落雨o既關係, 今日先返工, 咁耐o既事我都已經唔記得自己做過o的乜野......
星期日, 今日終於都拜山啦, 留o左成年o既野終於今日都有機會俾我一次過講哂啦, 唔係又要留翻出年拜山先可以講架啦...... 今朝一早就起o左身, 去碼頭~~ 搭船去長洲, 一個好長o既洲(突然間諗起一o的三級o既野想講添...... 唔, 想聽o既話私底下問我啦, 或者係可利用右邊o既"麵王之Meebo信箱"黎留言俾我, 我會覆翻你~~) 搭船船~~ 之後就行行, 跟住就踩車車黎載婆婆上山(無錯, 係踩車車, 唔係楂車車, 長洲點會有得楂架呢, 你反野咩！), 點解今年會得翻我一個壯丁架, 另外o個o的全部都係無咁強壯...... (你都叫壯丁, 咁呢個世界都應該無乜係弱丁......) 攰到咩咁...... 當將o的儲埋o左成年o既野都講完之後, 就去o左食燒豬, 正呀~~ 今日都有狗狗黎搵野食, o的狗牙呢, 成舊骨就咁就咬爆, 強... 跟住就去o左飲茶, 之後就行o左陣長洲, 又Hea o左陣, 咁就搭船返屋企~~ 咁就一日~~
星期一, 今日返學, Barn, 上堂, Barn, 之後就project, 我相信黎緊幾日都會係咁...
星期二, 今日都係返學, 上堂, 食Tea, 做project, 今日我竟然走堂做project喎, 估唔到我呢個Sem o既第一次就咁就無o左...... 夜晚都係好夜先走...... 嚮BarnA度聽到o的音樂, 亦都係第一次聽到o的仲差過圖書館o既音樂...... 咁就又一晚......
星期三, 今日返早, 當然入課室o既時間又會比較唔太理想啦(遲到就遲到啦, 咁多藉口~~) 落堂, 去寄信搵工, 星期五截止, 今日唔寄, 聽日又紅日喎, 咁咪會寄唔切?! 原來我學校度有間流動郵車架喎, 但係佢只係逗留個幾鐘, 好在趕得切咋, 呼~~ 之後做project做到好夜, 正諗住聽日返工返十二點可以訓晏o的o既時候, 我supervisor打黎, 叫我返早...... 咁嚮一個因為我知道圖書館會無人o既時候, 我唯有返...... 唔係圖書館會無人做野, 我係一個盡責o既人黎架嘛~~ 但係點知......
星期四, 今日係五一勞動節, 我就真係唔方唔勞動囉, 返到去, 預o左下晝唔知邊個新人返之際, 我supervisor佢打黎, 話今日無人返架啦, 你一個啦...... 即刻無野講...... 如是者, 今日就成個counter我睇哂...... 好在今日唔係太多人, 唔係實死俾你睇...... 放工個人散哂......
夜晚, 試埋個project, 總算叫做完成一個~~
星期五, 今日返學o既目的係做Lab, 但係本來約人食飯, 一大架飛機車埋黎, 無錯, 係車, 唔係"放"咁慢, 咁咁o岩今日又無231 Lab, 咁就同o左晶晶佢食飯~~ 飯完之後就去o左打波, 得o個一個鐘, 到喉唔到肺...... 咁之後就又去o左做project, 但係個進度唔太理想...... 咁攪法, 都唔知會唔會做唔到...... 夜晚, 新supervisor佢打黎, 無錯, 亦都係叫我返早, 咩話, 又黎, 聽日仲要係唔知part邊個新人添, 你俾多兩個鐘我就返~~ 果然, 佢肯俾多兩個鐘我~~ 咁我都幫佢返早~~
星期六, 由於多兩個鐘o既關係, 我幫佢返早, 有錢駛得鬼推磨~~ 但係都唔係一件好事, 事關做到咁上下, 正當我打定張紙寫定俾新人知有o的咩要做o既時候, supervisor佢打黎, 話個人甩佢底, 攪到又係得我一個人返... 無野講... 唉...... 真難頂......
星期日, 終於都唔係得我一個啦, 仲可以返十二點添, 有得訓晏o的~~ 放工終於都去o左食想食好耐o既糖水~~
星期一, 今日返學, 放學之後去o左見工, 過程順利, 但係相信佢都唔會請我呢個會一年之後先畢業o既人...... anyway, 當拎個經驗咁囉~~