發up瘋

有時o的野, 都係整定o既, 唔到你唔信邪架喎, 不過我都有o的慣架啦, 有咪有, 無咪無囉, 正所謂希望越大, 失望越大嘛, 凡事都係唔好抱咁大希望會好o的.
我相信一定會有人問, 點解你無啦啦講o的咁o既野呀, 無o既, 有感而發咁o者, 好似海洋公園哈囉喂, 話去話o左幾年, 係幾年, 但係次次唔係無人陪我去就係無錢去, 今年都係, 其實都打定輸數架啦, 果然無錯.
至於其他野, 順其自然把啦, 當然我一定會出力, 但係好多時o的野係整定o既~~

幾日記

星期六, 今日好正常咁返工, 不過係返下晝, 事關唔搵翻日黎訓多兩個鐘o既話就屎硬.
今日唔係拍唔止揚, 而係拍Linus, 唔怪之得唔止揚佢咁鐘意佢啦, 事關佢都幾好人, 肯捱肯做, 唔錯丫, 同呀雲差唔多都咁好~~ 但係佢就好慘咁唔知俾邊個book哂o的MMIS, 攪到我地拆o左好耐先拆得掂, 邊條粉腸咁大整蠱呀, 事後佢同唔止揚講翻話好唔掂, 唔係佢summer做過都未必頂得順~~ 但係佢都handel得唔錯丫, 幾好~~ 星期六日, 係咁多人架啦, 做得多就慣架啦~~
放工, 陪Lisa姐佢去整佢部NDS, 188 o個個呀嬸好似好人o左咁多o既?!
星期日, 今日請假都去o左做義工, 其實咪即係去玩, 成個function都係我地攪, 累積下o的攪野o既經驗, 都未嘗係一件壞事~~ 一般黎講今日o既run down都算順利, 除o左嚮碼頭度有個呀水俾佢成功混水摸魚之外, 又有一家人跟本係嚮度搵著數之外, 其他都ok, 但係最後我地唔知點解關於今日o既run down會有o的爭執, peter佢有o的諗多o左, andrew佢言語間有o的推卸責任feel(只係少少), 咁就攪到我覺得有o的我地個會好似有o的分化咁, 點先可以團結翻呢? 希望大家心裡面無呢件事o既痕跡啦~~
星期一, 254個Lab點解我個program做唔到架呢? 唉...... 嚮218 lecture知道o左有個人係CCNP架喎, 早前都已經知道o左佢有玩過Cisco o個個比賽, 但係真係唔知佢係CCNP, 不過, CCNP, 點解個比賽o個次又唔係好覺佢有獎架呢? 之後睇翻原來佢連第三屆都有玩, 仲有獎添, 但係第三屆我無玩喎, 係咪因為係咁佢先有獎呢? 我都係低調o左好, 畢竟一山還有一山高.
星期二, 今日真係好眼訓, 眼訓都屎...... 食早餐o個時同埋linnam一齊, 一個mainland同學, 輝輝佢教o左佢好多粗口, 笑到我同晶晶呢~~ 中午VCAST有條友(已經唔記得佢叫咩名)打黎話想同我地見下面喎, 佢係新接手架喎, 想知我地進度係點, 佢第一次打黎o個時我o岩o岩坐barn, 而且o的機仲係咁jam紙, 我話唔得閒住, 叫佢遲o的打黎, or我覆翻佢, 點知佢一個鐘之後再打多次黎, 我心諗, 你仆啦, 我要上堂架, 坐嚮度等你呀, ok, 聽你講囉, 佢話想見下面喎, 仲話呢個星期四or五, 你傻架, 你話黎就黎, 隨傳隨到呀, 一開波我就已經話o左俾佢知我唔得, 下星期先啦, 星期六日你又唔得啦, 你想我覆你, 你咪send個email俾我地囉, 起碼我知你係邊個先啦, 電話我就唔覆你架啦, 點都email白紙黑字清楚好o的, 但係到而家佢都未覆我, 你唔email我, 我一定唔覆你, 講我就講o左俾佢地知, 亦都問o左佢地幾時得閒, 但係你一唔email我都唔覆你, 睇你點, 有時o的野, 保障自己好o的~~

兩日記

又再寫下呢幾日做過o的乜啦~
星期四, 返完barn helper之後就去o左見老闆, 講返我地睇唔明上年o個個project, 但係原來佢地個Doc度都無, 咁就屎火啦, 唔通真係要行reverse engineering(簡單o的黎講即係hack入去)?!
之後去o左捐血, 原來我今次係第五次捐血架啦喎, 仲有張Cert添, 雖然只係一張好簡單o既野, 但係都算係一種鼓勵黎o既~~ 之不過我係帶著有點累o既軀體黎捐, 咁就...... 中伏...... 一返到屋企, 死o左！！！！！ 死到九點先起身, 下次都係夠訓先好去捐......
星期五, 今日上lang堂o個時唔知去邊度上, 乜真係去SAC o個度上架咩, 點解我唔記得o既?! 等o左五分鐘都唔見有人, 打電話問人先知, 好在無分遲唔遲到, 呼~~

Denny話唔知我個Blog寫乜, 睇唔明上次o個篇喎, 你都傻o既, 明o既話呢個就唔係我個BLOG啦, 好似我有時都唔明你xanga寫乜啦, 係咪?

記

星期六日, 成日都嚮度幫DeepV佢做電子, 點解硬係做唔o岩o既, 夜晚佢講翻, 原來o個條係錯o既, 我頂呀, 我同芭芭拉做咁耐, 唔怪得之做唔到啦, 原來個答案係錯o既, 勁呀下, 俾條數玩死
星期六, reg 埋 barn helper, 唉, 而家一個禮拜返學返9點, 唉, 真係都唔得你死呀, 夜晚十二點就要訓, 唔係第二日一定無精神, 唉......
星期一, 今日返9點, 254Lab, 好開心咁接埋一個人返學(剩係我覺得有o的開心, 人地應該無咁o既感覺), 至於o個個係邊個, 唔想講, 同學o既應該知, 至於個Lab, 一陣就做哂, 話哂第一個Lab, 所以先咁易做, 下個Lab就...... 都唔知點算.
放學, 都係時候去買翻套suit架啦, 見有平, 就買翻套, 比起平價o既牛仔褲, 竟然係會有o岩我o既size呀, 神奇呀, 我大個仔之後以來第一次會第一次買到一條褲係要改短o的架, 有錢買野果然係唔同o的呀下, 但係呢o的野, 短期內都應該唔會再有同樣o既經歷.
星期二, 上晝見完communication tutor, 果然, 個proposal硬係差少少, 但係唔算差咁啦~~ 今日做218個Lab, 夾線, 果然無乜難度, 但係都唔計分o既, 有鬼用咩, 不過就當係聽下書, 記翻o的CCNA啦, 橫掂都應該預o左會考, 用一年時間讀多次, pick up翻, 應該有用o既, 況且呢個Prof教書教得幾過癮, 聽佢講書都唔錯.
傍晚, take o左人地個slot黎sit barn, 拍著一個係唔講野, 另一個係唔(識)做野, 好在只係take slot架o者, 如果遲o的成個Sem都係要咁對住o的partner, 真係唔知點好.
星期三, 今日一朝早就返o左去sit barn, 但係有條mainland友就一見我入helper 房佢就敲門黎話部printer無野出, 之後又連續有兩個人黎問有無執到o的USB呀, 手指呀咁, 而且又有一隻printer佢無粉喎. 就係咁, 我十五分鐘內就攪o左二次lost and found, 清一次jam紙 加多 換一隻toner, 係十五分鐘呀, 十五分鐘內就做o左o的咁o既野呀, 唉, 有o的後悔take 9:00 o既slot...... 反而下晝個BarnS就好好多, 俾我有時間做下份comp170. 之後去o左sit comp252 o既Lab, 點知原來都係中國人教(mainland呀), 攪到無mood, 唔sit, 走~

果然, 有o的野係一爆o左出黎就一定死硬, 俾呀豬佢發覺o左(發覺同發現係唔同, 唔同在係o的事發生o左同未發生, 英文就易o的明, I feel that 係發覺, I found that 係發現), 同Denny佢講o左, 佢話有需要o既可以幫手架喎, 但係其實原來有o的野, 真係整定o既

點解我會睇錯時間表架呢, 最後就係自己一個人去返sportskill, 鬼掩眼掛, 果然, 一爆嚮o左出黎, 就係會fail.

有時o的野, 都係自己知就算, 可能會比較會好o的.

孤獨一族基因活動具獨特模式,較容易導致生病與早逝

路透華盛頓電---孤獨一族比較可能生病及早逝，研究人員周四表示，可能已找到原因--他們的免疫系統較混亂。

研究人員利用「基因晶片」檢視了孤獨者的DNA，發現自稱長期寂寞的人士，其基因活動具有獨特的模式，幾乎全都與免疫系統有關。

這項研究並未顯示孤獨或體質孰先孰後。但從事這一研究的加州大學洛杉磯分校分子生物學家柯爾表示，該研究顯示，可能會找出一種方法協助預防孤獨的致命影響。

「該研究顯示的是，社會孤獨狀態造成的生物影響，已觸及我們最基本的內部流程--基因活動，」柯爾說。

「我們多年來都知道，社會支持--你身邊有多少朋友及家人，以及整個身體狀況間，存有流行病學關係，」他在接受電話採訪時表示。

許多大規模研究結果顯示，自稱孤獨，或缺少社會支持的人們，比較可能英年早逝或者罹患傳染病、高血壓、失眠和癌症。(完)

--翻譯 王燕焜;審校 楊幼蘭


當我o岩o岩打完頭先o個篇野o既時候, 就比我睇到呢段新聞, 唉...... 英年早逝......

九月頭兩個星期記

我都知我自己已經好耐無打過日記, 但係鬼咩, 一開學之後就成日都唔得閒, 呢個Sem仲要一個禮拜有四日係返早, 早到九到就要返到學校o個隻喎, 另外星期六日亦都有一日係返早, 只係比返學遲一個鐘咁大把, 實際我一個星期就只係得兩日可以訓晏o的, 但係亦都係要十二點返到(無論返工返學都係), 咁你話我仲邊得閒寫日記丫, 係都要黎訓覺啦, 仲邊有心情打日記呀.
趁仲記得就講翻做過o的乜啦, 返學, 攪過份FYP, 我始終都唔係做Doc o既人, 完全係唔識寫, 好在有唔同o既同學一齊做o者~~~~ 至於隻HD, 要裝o既野都裝o左, 但係原來個Embedded CE裝哂要14GB咁多架喎, 咁一隻20GB HD就俾我攪到剩翻一GB, 咁我地仲點develpoe個Project呀, 都係鏟咁o的無用o既BSP先, 應該可以free翻10GB出黎~~
九月第一個星期三, 幫Lisa姐佢拎機, 仲上埋佢屋企攪野添, 幫佢將o的舊機o既Data轉落新機度, 帶條cross over cable去, 但係真係要閂o左個Firewall先攪得掂, 真係麻鬼煩, Firewall都唔知係好定係唔好. 是日晚餐由Lisa姐供應, 多謝哂~~ 同是我亦都係幾羡慕佢地兩公婆, 若果我將來亦都可以同我老婆咁恩愛, 我已經好滿足, 事關而家o的後生仔女, 郁o的就話離婚, 要有一個美滿o既婚姻, 真係一o的都唔易. 可能好多人會話而家呢個社會仲邊會有人話結婚架, 玩完咪算囉, 但係可能我係出身自一個破碎家庭啦, 有陣時o的野, 無o左就係無o左, 點都搵唔翻架囉, 我o既希望係將來有一個好o既家庭, 一個肯陪我一世o既人. 但係呢個亦都只係我o既一個幻想, 或者甚至可以講成係奢望, 希望越大, 失望越大呀哥仔
九月第一個星期四, 今日我下晝返學校o既AV Counter派PRS喎, 之前幾日, 晶晶佢一個下晝就派o左百幾隻, 但係我呢, 得五十幾隻咋喎, 哈, 你話係唔係同人唔同命呢~~ XDDD
9月9日係芭芭拉生日, 芭芭拉生日快樂呀~~ 但係斷估佢都唔會睇我個Blog, 除非佢真係嚮公司好無聊.
9月9日係呀冬冬生日, 冬冬呀生日快樂呀~~ 但係斷估佢都唔會睇我個Blog, 除非佢真係嚮屋企好無聊.
星期六, ↑佢地生日, 夜晚去o左打邊爐, 計埋人數多過一圍, 但係book位係book 7點, 咁之前就去o左睇deepV同Kobe佢兩個篤波~~ 一大班人入去VIP房, 睇到人地個個都眼突...... 但係事實上我地係入去打NDS架囉, 問你死未~~ 佢地打完邊爐, 仲有下場喎, 去劈酒喎, 我o個排已經唔夠訓, 仲點會去下場呀, 早o的返屋企訓唔好~
星期日, 問翻佢地, 原來佢地飲到四點, 凌晨四點喎, 但係第二日都仲有人返到工, 果然勁呀下, 但係呀Lok就同我講話佢成日都係攬住個廁所嘔, 返到工o個兩個果然勁呀下, 訓得兩個鐘都仲返到工, 強~~
九月第二個星期二, 放o左學就返屋企, 有人黎整Mon, 但係點解?? 點解個Mon一黎禁一野Reset就乜事都無o既? Mon 呀Mon, 乜你咁曵架......
九月第二個星期三, 下晝去o左裝野囉, 就係咁簡單, 之後就攪FYP, 果然唔易做......
九月第二個星期四, 下晝都係返AV Counter, 我知點解我叫大眼仔啦, 原來陳X輝(Av Counter o既一個Staff)佢影我相o個陣我係碌大o左隻眼黎望住佢, 就係咁就變o左大眼仔
夜晚去o左開會, 但係真係眼訓得濟, 早走o左, 訓覺真係比較緊要~~
九月第二個星期五, 今日, 打日記.

又愛又恨......

哈哈哈哈~~~~
Shit......
今日第一日返學, 返晏o的o者, 十二點, 本來全日都好似無乜野咁, 但係夜晚先發覺, 原來我成日都無將條線飛翻落部電話度, 即係無cancel個發線, 咁就中伏啦, 夜晚屋企個電話又有事喎, 即係又用唔到啦, 咁就即係今日成日都無人搵到我, 除o左sms, 但係今日一個sms都無收到, 哈, 真係......
平時就好日都唔會有人打俾我喎, 但係今日就應該有唔少電話打黎, shit......
第一日返學就攪到咁, 電話, 我對你又愛又恨......

唔方便

唔好意思咁多位, 呢排真係無mood打日記, 做過o既事都係平平無奇, 無咩值得記低
除o左今日攪到成八點先得, 原定放工時間係五點, 仆...... 好在有得照計翻o者
至於發生o左o的咩事, 而家唔方便講, 有機會o既話先講啦~~