二月後半月記

估唔到咁快就有成大半個月無心機/時間打日記
話說過o左呢個生日之後, 即係十三日之後, 嚮
二月十六號, 星期一, 攪o左一個唱k生日派對~ 去o左佐敦Neway, 但係呢間neway都唔係太好, o的野食唔多, 同唔太好食... 不過人數就唔少呀, 加加埋埋有成十八個人呀, 多謝哂咁多住俾面~~ 至於呀Joe佢就太遲黎啦~ 開香檳o既時候佢仲唔係目標~~ 雖然我都唔明點解次次目標都係佢喎~~ 之後仲玩蛋糕喎~~ 今次o既目標亦都係呀Joe喎~~ 但係被呀Joe o既反抗之下, 我都中招~~ 去完清潔之後, 今次到我成為目標~~ Oh Shit... 不過話時話, 呢個蛋糕幾好味~~ 唔知關唔關係因為嚮塊面度食o既關係呢~~ 但係我地o既惡行就俾o的staff發現o左, 最後要我地清潔翻, 唔係就要俾五百個大洋清潔費, 咁我地咪拖翻個地同抺翻o的蛋糕囉~~ 好好玩o既一晚~~
二月十七號呢兩個星期, 成個星期都係返晏同夜晚, 即係晚晚都成點鐘先返屋企, or even唔返屋企, 個人咁係會又Down又頹的......
至後仲死, 返完兩日通宵之後, 放得一日假, 又要返一個星期早喎, 果然呢一下真係比較難頂的......
返成個星期早o既好處係, 真係可以學到好多野, 因為乜Ｑ都係你做, 呢個星期內o既野都係你跟, 因為交更都唔交得哂咁多丫嘛, 而且又係你返, 交乜鬼野更丫, 自己跟翻好過啦~ 但係唔好處係, 真係好多野跟, 同埋成個星期都六點起身係好慘的...
二月廿七號, 夜晚俾Peter佢叫o左去睇戲, 佢話搵唔到人喎, 但係九點九去數碼港睇戲, 又好似夜o左o的喎, 不過都好耐無去睇戲啦, 去下都ok啦~~ 睇o左一百萬零一夜, 睇完之後, 百感交集, 究竟呢個只係一個故仔丫, 定係真有其事架呢? 睇完之後雖則有happy ending, 但係又唔感覺到開心架喎...... 呢齣戲, 唔怪得佢拎奧斯卡...