學車考試

以下日記內容, 可能涉及大量粗言穢語, 敬請留意.
今日, 係我學車考試o既日子, 尋晚成個人都掛住今日呢個考試, 所以訓得唔係太好...
早上, 食個媽媽為我準備o既早餐之後(其實只係麵包一塊同野飲一杯), 就去學多兩堂車先考試~~ 學車o個陣沿途都無乜大問題... 只係都係俾師傅佢話幾句, 但係我心諗, 考試o個陣自己小心o的就ok. 好, 終於都夠鐘考牌啦, 心情好緊張點知o個陣時將架車駛前o的o既時候, 師傅先話我架車太開, 掉頭o既時候會唔夠位, 但係已經無得修正, 我當時個心一寒, 唔係下化, 攪到個人仲緊張... 之後考牌官佢過黎, check好哂野, 做埋個視力測驗之後就開車, 做掉頭, 但係個人已經緊張到腳都震哂, 踩極力子o既時候隻腳震到踩唔到咁濟囉...... 之後就駛上一個車位先, 但係中途有條友仔都唔知係唔係盲架囉, 仆街, 人地架車考緊牌不特止, 仲要係開架喎, 你都堂若無其事咁嚮我側邊行過, 就連個官都望住佢... 之後就駛翻埋架車上去, 開始掉頭, 沿途都無乜太問題, 係比較有少少chok, 不過都只係少少, 應該無乜問題, 最後o個一手o個陣時, 個官佢申個頭出一出去望我有無hi壆, 我都稍到有位剩, 應該無問題, 跟手就駛落去做泊位, 好順利, 個位都好正, 個官佢只係開一開門之後就閂埋門, 乜佢唔係要落車睇架咩?? 唔係咁快就肥o左呀下...... 好, 開始丙部試, 轉左... 即係樂活道大斜路啦... 一波, 二波, 三波, 轉左o既時候架綠色Van仔佢好好人咁讓路俾我呀, 多謝哂~ 之後就去到禮頓道過黃泥涌道, 架巴士都好好人咁讓我呀, 唔該哂~~ 之後就跟住架私家車跟住架電車行, 沿途都有望下鏡... 跟住就上樂活道, 嚮上斜行到一半o既時候, 加死人李健私家車佢係小路出大路丫嘛, 都係硬駛出黎囉, 攪到我要轉一波二波, 最後仲死埋火添囉, 正仆街黎架！！！ 以後學車都唔會搵李健呀！！！ 因為佢o個架仲要唔係學車黎添架嘛, 原因係佢o個條路係唔係學神楂o既, 其次係佢已經掉轉o左個學字, 即係佢係師傅渣緊啦, o的咩師傅黎架, 咁仆街架！！！ 所以大家千祈唔好去搵李健呀！！！ 死火o個陣時架車仲拋到o的野跌落地添囉, 個官都好好人咁幫我執翻, 我仲唔該佢添, 之後就好順咁楂返去, 點知去到斜路尾轉翻入去加路連山道o既時候, 加仆街李健又停嚮o的會阻位我o既地方囉, 正仆街黎架, 最後... 唉... 順路咁轉入去返試場... 考試完成, 熄匙, 入一波, 入去等成績... 等o左陣, 個官佢專登出黎同我講, 『呀麵王先生, 你... 嚮報名o既時候有本白色書仔呢, 入面有寫我地o既要求係點, 你... 嚮禮頓道轉線同嚮加路連山道o個度轉線o既時候你擰頭擰得唔夠喎, 我唔評論個師傅點教你啦, 但係你擰頭係要擰得過膞頭架喎, 我見到你剩係望鏡, 無擰頭, 你其實個techine 係夠架, 但係你做唔足呢點呢, 呀... 我地都覺得好可惜, 你擰左係要過哂左邊膞頭, 右係要過哂右邊膞頭, 你係夠techine架, 我都覺得你好可惜...』如事者, 咁就過o左個考試, 但係呀師傅佢已經走鬼o左, 我o的野係嚮哂佢架車入面... o的場務姐姐都話, 你等等啦, 佢會駛入翻黎架, 呀師傅呀師傅, 駛唔駛真係咁快呀, 你好趕咩... 搵翻佢之後就俾錢佢幫我排過期再考, 今次補三堂就算, 我係得o既！！！
我屌那媽丫, 個官好強調我o既techine係夠架囉, 仲話係好可惜架囉, 孫Ｘ文你個仆街丫, 你做乜撚野唔同我講話要擰多o的頭呀, 我做唔足o既話你講丫嘛, 仆街, 而家我衰擰頭擰得唔夠呀, 屌, 唔係衰第二o的呀, 冚你個家鏟丫, 算, 我照補鐘, 照用翻你, 橫掂我都係靠自己o既, 俾錢係借你架車之嘛, 費事要再熟習過第二架車, 亨！！！ 仆街, 學車唔好搵呢個孫偉Ｘ師傅呀！！！！

十月二十至廿五

估唔到咁快又一個星期, 原來我成個星期都無mood打日記囉...
星期一, 今日唔駛返學, 成日都嚮屋企度溫書, 下晝去o左同媽媽一齊超市~~ 夜晚... 依然係好無心機咁溫書, 為考試而溫書, 真痛苦...
星期二, 今朝返學midterm, 果然, 唔易... 下晝食完飯之後去搵flora姐之際, 遇到一個疑似麻煩友, 仲俾我影o左佢相添, flora姐真慘, 亦都因為係好人, 所以話呢, 好人難做呀~~ 夜晚, 嚮UST食完飯之後就去學車. 估唔到兩個飯三個人食都ok喎~
星期三, 今日返學開工, 朝十晚七, wow~ 估唔到Nicol佢捉人食野都會俾人投訴囉, 但係最衰佢就無著件背衫, 蝕章呀佢, 而家呢個世界咩人都有, 做錯事都可以惡人先告狀囉, 唉, 而家o的大學生...
星期四, 今日當然要返學啦, 下晝上完堂就去o左搵TA, 點知o個度係一個人都無囉..... 最後都係靠自己好了~ 夜晚, 學車again, 點知去緊o既途中, 前面架電車轉唔到入去跑馬地, 頂, 要行過去...... 學車泊位, 今日又再一次心神彷彿心肌梗塞, 掉頭竟然回少o左個圈上o左壆囉, 唉...... 師傅佢同我講今日成日只係得三個人pass, 兩個係佢學生, 究竟佢係想曬下丫, 定係有o的咩暗示嚮度呢?
星期五, 今日終於都可以訓晏o的啦, 訓到十一先起身, 下晝就返o左去做功課同project, 七點先走~~ book o左位唱k啦, 人頭費有七折, 仲有蛋糕同香檳送添喎, 好抵呀~~
星期六, 今日一朝早就去學車, 學慣o左夜晚, 一去翻朝早唔慣添... 多好多車... 但係要練好個掉頭同泊位！！！ 應該都ok o既... 之後返工, 估唔到今日亦都係攪到七國咁, 果然無一個熟手o的o既人就咁, 主管呀主管, 快o的搵個人係返長o的, 唔好成日都整個新人黎啦...

十月十六日晚至十九

星期四晚學車o既時候, 嚮去練泊位o既時候終於都見識到排長龍o既威力, 用o左差唔多成堂o既時間先泊得o個兩次位, 前面有成六七架車排緊隊, 勁... 今晚過o左一過跑馬地, 練斜路開車, 但係原來條樂活道真係好短, 希望到時無驚無險啦...
星期五, 今日off耶, 訓到成點鐘先起身, 都覺得唔夠訓咁囉... 完全無哂心機溫書, 唉...... 夜晚, 去食呀成記o既pizza, 但係今次要去到跑馬地口度拎喎... 說時遲那時快, 嚮等緊o既途中, 一擰轉頭就聽到後面"嘭"一聲, 再擰翻轉頭就見到架的士同架巴士撞o左, 架的士挨o左埋個欄杆度同埋個前轆離地半尺咁跌翻落黎喎, 呢個都唔係重點, 咁o的警察叔叔佢地影完相, 做好哂紀錄之後呢, 就叫佢地兩個駛前o的啦, 咁佢地兩架車就駛前o的啦喎, 但係點知呢, 架的士駛前o既時候, 佢個前轆就"吱吱吱吱吱吱" 咁就"fing"下"fing"下, 最後都要停o左嚮度, 真過癮~~
星期六, 今日返工o個度終於都有翻個熟人返啦, 手頭上o既工作拖o左成個星期終於都可以做到o的了~ deepv呀deepv, 你做乜鬼野成日請假架...... 真係搵到我黎攪... 放工之後就同嘉茵佢食飯, 事關佢星期一生日呢~ 咁就同埋小敏, Linus一齊請嘉茵食飯呢~~ 去o左Hit the Road cafe, 估唔到o個度係咁好坐架喎, 張櫈好軟林林好舒服呢~~ 真係坐唔想走呢~ 之後就行o左陣街, 都唔明點解銅鑼灣咩時候都係咁多人o既?!
星期日, 今日依然係有個新人返, 呢個都好少少架啦, 起碼都叫做過下CT o既野, 但係今日我一返到, 佢就話呢度勁亂喎, 少少咁啦, 又唔係真係好亂o既, 可能係因為我嚮度做慣o左掛, 又或者係可能跟本我屋企都係一個咁亂o既地方... 放工, 食Tea, 飽飽呢~~ 好味~~ 夜晚, 個人好攰好攰, 無心機溫書呀, 後日就又Midterm啦, 唉......

乞人憎

近來我都覺自己好似比較乞人憎, 點解會咁架呢? 有無人可以話俾我知竟究我發生咩事?
究竟係我變o左, 定係我不嬲都係咁乞人憎而身邊o既人頂到而家終於都頂唔順呢?

十月十四至十六

星期二, 今日當然要返學啦, 晨早就返o左去, 但係帶著一個勁眼訓o既人返去, 返到去, 除o左第一堂係做功課同埋溫書之外, 其他堂都差唔多有訓到, 嚮第二堂之前, 為o左同呀熙佢搵mailbox交功課, 攪到遲o左兩個字, 真麻煩~ 但係估唔到o既係落堂o既時候, 晶晶, 茵茵同呀Joe佢兩個原來嚮後面sit緊堂... 食完飯, 學校o個度終於都有翻免費相哂啦, 快手咁哂張先~~ 夜晚, 學車, 估唔到真係咁多人排隊等泊位...
星期三, 今日係學校畢業禮, 亦都見到唔少同學仔佢地畢業, 仲同佢地影相添~ 成日都嚮Barn度開工, 但係亦都有唔少人入o左黎影相~~ 恭喜哂咁多位同學仔~~ 亦都唔該哂呀豬同晶晶佢兩個偷運野食/野飲黎俾我, 多謝哂, 唔該哂~~
星期四, 今日當然亦都要返學啦, 但係呢, 估唔到我返到去o既時候係咁少人返到架喎, 莫非個個人都會嚮同一種天氣之下特別易訓過龍? (其實我都已經訓晏o左, 亦都已經遲o左出門口) 下晝, 由於夜晚要學車o既關係, 加上今日亦都係有唔少Business o既同學仔畢業, 咁就一齊去食野, 食到飽飽, 仲差o的唔記得上堂添囉...... 好, 打到呢度先, 夠鐘去學車lu~

十月十一至十三

星期六, 今日被迫返早, 真陰公, 想訓晏o的都唔得囉, 下晝原本係呀恩返, 點知最後有個新人返黎... 佢仲要遲到半個鐘添, 唉... 攪到食飯食到一半都俾人叫出去... 不過原來呢個女仔係呀成個表妹黎架喎?! 攪到Kobe同呀樂佢地好開心, 一齊分享呀成o既特點, 估唔到呀成佢嚮o的親戚面前係一個乖的小朋友, 但係估唔到佢o既真面目係咁... 呢個就係呀成o既傳奇故事.
而我就唔知點解突然間諗到張咁o既野, 快快手咁整o左佢出黎~
廢成傳奇

星期日, 今日又係有個新人黎, 好在唔駛返早, 但係都已經夠死, 今日又凍啦喎, 死人骷髏頭又嚮度玩野, 硬係要print雙面, 你好人o既就話幫你o者, 但係你一次係咁兩次又係咁, 好得閒咩我地, 我都想有部雙面printer呀, 等你唔駛咁煩係咁要print雙面又print唔到呀, 麻鬼哂, 之後接到個電話話搵館長, 一聽就知係佢把聲啦, 睇黎遲o的應該都會俾人投訴架啦, 真黑仔.
一個短短o既八十四日, 好多時o的野, 整定o既.
夜晚, 嚮facebook度見到有位中學同學佢o既結婚相, 而我...
學車o既時候, 有時真係覺得貼錢買難受, 唉...
星期一, 今朝訓醒, 凍... 點解一晚就可以咁凍架呢... 下晝返o左學校去睇聽呢個recruitment talk, 但係今年呢個同上年o個個簡直係差天共地, 相信係因為呢個海嘯, 攪到o的公司都唔想請人咁喎, 唉... 聽完之後就做埋功課先走~

十月初八至初十

星期三, 今日係返工日, 成日都係嚮個Barn度過日, 朝十晚六, 坐到人都癲... 成日所做o既野就係溫書...
星期四, 今日返學, 等車o個陣又見到Vicky呀~~ 上堂o既時候就好眼訓同溫書, 都無理到我地o既Super Star, 儘管佢有望過黎, 但係都無心情理佢~~ 溫書緊要呢~ Lunch o既時候, 突然興起出o左寶琳度食, food court, 最衰自己病啦, 唔係一定食壽司...... 食完返到去, 時間o岩o岩好, 但係又點丫, 都難敵周公o既召喚, 最後都係陪o左佢去遊山玩水... 之後就一個人溫書, 溫到之後個Tutorial~~ 咁就又一日, 但係今日都唔知咩事, 我竟然可以令到Jolie佢講粗口鬧我... 我都係時候收歛下, 唔好咁串咀了, 唉... 天生o既性格, 唔咁串咀就唔係我啦, 所以有陣時我都諗, 我咁o既性格, 其實某程度上都真係會得罪人多, 同埋會好難先搵到女朋友, 唉...
星期五, 今日midterm了, 被K.O.了, 下晝就返o左去溫書, 溫極都唔知自己係識定係唔識囉... 唉... 咁就灰o左(唔止)一日...

十月初五至初七

又係時候打下日記啦
還記得上個日記嘛? o個日o既風波仲未完, o個日都唔知做乜鬼野事, 先有成同事佢咁醒目, 再有學車o既時候做錯事, 死o左兩次火, 仲要係衰自己, 我都覺得係自己心不在焉, 個腦諗緊其他野, 唉...... 今日學開三波, 一條直路係咁踩, 轉灣o個陣我自己都有o的驚...... 但係其實夜晚學車, 都唔係太好, 咁少車, 真係剩係學技術囉, 都學唔到其他野...... 係咪應該係時候轉師傅呢? 學完車之後返到屋企, 又俾屋企人話, 唉...... 今日做乜撚野呀, 小！！！
星期一, 今日原本係dayoff 的, 但係由於我白痴o既關係, 原本今日交o既功課我以為係下星期一先交, 好在之前睇清楚o的o者, 唔係o既話大件事, 所以今日就專登返黎交功課... 交完功課之後就整cheat sheet, 整到佢兩頁滿哂, 而且係7.5字型, 個size o岩o岩好, 可以copy哂全部o既notes上去, 正呀~~ 咁就整o左一整個下晝o既cheat sheet啦~~
星期二, 今日當然要返學啦, 但係都唔知係咩事, 成鬼日都係咁攰, 由第一堂訓到最尾o個堂, 除o左中間一堂midterm無訓到之外, 其餘o既時間都係好眼訓, 一返到屋企, 沖個涼同食個飯之後就訓死o左, 訓到第二朝, 即係而家呀, 都係咁眼訓, 點算呢, 星期五都仲有一科midterm呀......

愛情的最苦 | Xanga Hong Kong

愛情的最苦 | Xanga Hong Kong
MyCupMyTea @ Guest

愛情是人生其中一個重要的部分，相信不少讀者都曾為情煩惱或難過吧。但是，你們為什麼難過？和戀人分開？被喜歡的人拒絕？有喜歡的人，但又不敢表白？

我是一個普通的年青人，戀愛經驗不多，但暗戀、明戀、表白、拍拖、分手、收好人卡都總算是經歷過。對我來說，愛情最令人難過的時候，並不是自己難過的時候，而家看見自己喜歡的人難過，自己為他/她而難過。

舉個例子，就像早前電視劇「家好月圓」中，管家仔為于素秋難過一樣。管家仔喜歡于素秋，但她選擇了另一個。自己已經很難過，但心裡仍然關心她，怕她受到傷害。當他們分開的時候，本來應該覺得高興，但看到喜歡的人為令一個男人流淚，自己心裡亦不好受。即使自己很難過，但寧願傷害自己，仍然心甘情願地幫她。

在我自己的記憶中，為了我心中的「她」，最難過的並不是聽她對我說「我拍拖喇」，而是他們分開後，聽她哭著說「我好唔開心」。那一刻，心裡很難過，但又要裝作若無其事的去安慰她。心裡最想的，就是希望她不要難過。

其實，喜歡一個人，不也是想對方快樂嗎？最不希望看到的，就是對方難過吧。為他/她快樂而快樂，為他/她難過而難過，這才是真正的愛，你認同嗎？

還是，你認為這是天真的想法？世上哪有這麼多管家仔？最最要是自己快樂。

笑吧，哭吧！

插圖：文地

• 人是有情緒的動物，適當時候需要發洩；
• 但，有多少適當的時間，可肆意地任性地不顧一切地發洩？

十月初二至十月初五

星期四, 今日返學, 都已經係平時咁早架啦, 都唔明點解又會多人返架囉, 明明上個星期都好地地咁無咁多人, 點解今日又多人返架... 返到去, 今日諗住又會有戲睇啦, 點知今日我地o既super star佢無返喎, 攪到都無野睇~~ 而我就繼續寫我未寫完o既cheat shit. 之後上第二堂, 上到一半, 就去o左聽呢個recuirtment talk, 消防處o既recuirtment talk, 近視o既我不嬲都唔諗住做消防員, 但係就有諗過做呢個救護, 但係呢, 聽完個talk之後, 佢話o岩o岩九月先出o左post請人, 黎緊應該都要三五七年之後先會再請架啦, oh shit...... 早知唔鬼走堂聽...... 仲攪到得翻我一支公去食飯, 又攪到我少o左時間溫書, 頂...... 至於個midterm, 唉...... 都係唔好提了......
星期五, 今日係dayoff 架~~ 但係呀婆佢又有事要去睇醫生, 好在唔駛留院o者... 但係咁就又攪到我一日, 原本係諗住要黎溫書o既時間都無埋......
星期六, 今日返工, 返到去, 一開波就又俾骷髏頭佢話, 都唔知係有人book漏o左機丫定係條仆街有心玩野, 不過俾機佢用就無事啦, 簡單~~ 放工, 好快咁去食o左個吉野家(大約十分鐘度, 真係好快...... 係差杯好熱o既茶飲唔到要拎走之外) 就去等巴士, 點知, 條龍長到咩咁, 等o左四個字都無車, 頂...... 終於都有車黎啦, 但係o個架車係爆o左架囉...... 頂...... 但係我六點半就要去到天后度學車架啦喎, 最後就走鬼o左去搭小巴...... 都唔係好塞車o者, 都唔明點解會無車架囉...... 出到去, 銅鑼灣就勁塞車喎, 所以今日學車頭o個個半鐘係學塞車... 跟住o的車嚮銅鑼灣度塞... 吊極力子吊到腳軟...... 之後就上到去炮台山度學斜路開車, 睇黎都唔係好咁o者, 今日有機會轉三波添呀, 嚮條高士威道, 但係我第一次轉三波o既時, 轉o左做五波囉...... 無野講...... 但係第二次轉o個陣時已經好好多啦, 無成功轉到去三波, 但係只係行o左一陣就要轉翻做二波, 因為前面係紅燈呢...... 不過都已經ok架啦, 師傅佢講明話教唔到我去樂活道度開條大斜路, 睇黎到時考牌都係要靠自己架啦, 希望無乜問題啦...... 如事者, 今日就學o左塞車同埋斜路開車~~
星期日, 今日亦都係要返工, 而呀deepv佢尋日就問我, 你估下呀成佢今日會唔會俾人投訴丫嗱, 我話, 唔會掛, 第一日返, 應該無問題架... 點知今日我一返到去, 祺哥佢就已經話呀成佢俾人投訴, 下?! 返o左兩個鐘咋喎, 唔係下化... 咁快趣就俾人投訴?! 簡直破紀錄添啦...... 原本今日我以為都無乜事, 點知, 最後o個個鐘都仲要俾呀成佢攪囉, 骷髏頭佢黎book機, 咁呀成佢o個陣剩係掛住問我野, 嚮度揭下揭下本簿, 我已經話遲o的先答佢o的問題, 而呀骷髏頭佢亦都想發癲咁話：『你咪揭住啦, 我想睇幾點有位呀』, 但係呀成佢都依然係問我野, 我已經叫o左佢兩次話『遲o的答你呀！』, 佢竟然答我話, 『我想而家知喎』, 我就真係火都黎埋, 一手搶o左佢份野, 『遲o的答你呀』, 屌那媽, 醒o的丫, 骷髏頭已經想發癲架啦, 仲嚮度嘈住哂, 明明講o左遲o的答你, 都仲要係咁問, 抵你俾人投訴架囉. 正一仆街仔黎架, 都唔知佢係唔係想累街坊囉, 係就行遠o的啦大佬, 我頂多做多幾個月架o者, 你係咪玩野呀. 之後就去o左同小敏食個Tea, 食Tea o既途中o的火都仲係咁, 呀成佢真係, 屌！ 直到而家見仲有時間, 未夠鐘學車, 就嚮中央圖書館度打埋呢篇日記, 一路打, 一路條氣都未順翻囉, 唉, 點解我會有o的咁o既同事架...

當一廂情願遇上來者不拒 | Xanga Hong Kong

當一廂情願遇上來者不拒 | Xanga Hong Kong

ngsonia22 @ Guest

當一廂情願遇上來者不拒，結局是甚麼?

甲小姐在半年前認識乙先生。
甲小姐暗戀的人不愛她，討厭的人卻又在追求她。
直至以為遇上真愛，卻不能開花結果……
乙先生非常享受被暗戀、被追求的感覺，
任何類型的追求者他都來者不拒，也很容易接受他人的愛。
問題出於乙先生已有一位離離合合過無數次的女朋友。
甲小姐和乙先生初相識只不過是點頭之交。
後來一起共事變成普通朋友。
過了一段日子，變成知己。
日久生情下，甲小姐開始對乙先生心動。
他們的關係演變成曖昧。
這段糾纏不清的關係足足維持了半年有多。
直至有一天，甲小姐終於有野心想光明正大、堂堂正正做乙先生的女朋友。
誰知，乙先生只拋下一句「我愛我的女朋友」便轉身頭也不回地離開。
甲小姐第一個反應是找我傾訴。
她哭喪著臉，說道「我是真心愛他的！」
之後…

一廂情願遇上來者不拒是一條多答案的公式。

一.傻
她會繼續無止境的等待，繼續愛著那人。終有一天真的等到那對情侶分手，但他還只喜歡跟她玩曖昧，那時她抽身離去嗎？這只耗掉之前一直等待的時間，為他花的心思…心甘情願地永遠守護他？世上還有這樣偉大的人嗎？

二.笨
她離開了他。卻一直掛念著他，仍然期待他會打電話來問候一兩句，突然出現在她的家門前…自己仍然一廂情願地認為分離才能令他重視自己，他會捨不得自己，始終有天會愛上她…

三.恨
她認定他是一個負心漢，終日想著該怎樣報復，一直怨恨著他…

各位，你們會選擇那個答案?!
SORRY，以上３個答案都不是本人的心水。本人會選擇灑脫一點、揮袖而去…
痛愛著一個人很好受嗎？何苦…