盤菜

尋晚, 消防安全使o個度攪o左個盤菜宴, 有野食仲有禮物, 都不知幾好, 次次食盤菜都一定食剩, 今次都唔例外, 有人打包拎走, 食野o個時仲一路玩Bingo添, 我仲中o左支電筒添呀, 呀Stephen就勁, 果然係Pro o既攝影呀下, 今次仲帶埋部哂相機添, 勁~~

忙既開始

呢排都真係勁多野做囉, 除o左project之外, 仲有功課同埋要溫書, 唉...... 真係救命...... 仲要無得訓, 慘......
尋晚放工o個陣, 五點半o個時嚮架車度係咁釣魚, 架車仲要嚮香港仔隧道o個度塞車, 而我個頭就左右左右係咁fing下fing下, 唉真係...... 慘......
返到屋企, 都係勁眼訓, 沖個涼, 食個飯, 之後就...... 昏迷...... 到大約十一點度, 有人MSN我, 覆o左兩句, 再昏迷過...... 直到今朝十點個鬧鐘嚮我先知...... 但係都仲係好眼訓...... 慘...... 到而家返工先至有翻o的知覺......
星期五o個朝, 發夢, 夢見被困電梯喎, 唉...... 最後係成個人扎醒架囉...... 有無人可以幫我解釋下呢...... 唉......
下個禮拜個新年假只係得o個六日假放, 唉...... 真係, 都唔知有無攪錯囉......
呢個Sem相信會係勁忙o既一個Sem......

多野做亦都多野諗

呢個禮拜, 開始多野做, 亦都多野諗o左
做, 就緊架啦, 本來諗住讀20個credit, 但係有兩科math不特止, 連仲有唔少野做o既comp211亦都俾人點o左做group leader, 唔讀少o的都唔得, 唉...... 就連英文都要做舊catapult出黎, o的時間都真係唔多夠用......
多野諗就係晶晶佢同我講話有晚佢返Hall o既時候, 見到Nelson佢拖住個女仔散步, 但係個女仔係帶黑粗框眼鏡, 但係以我所知欣欣佢係甚少帶黑粗框架喎, 唔通晶晶佢睇錯? 但係我地又知Nelson佢係追緊欣欣架喎, 咁又點解?? 第二日聽返欣欣佢Cataline講話入Nelson房要敲門, 咁就知咩事, 問翻豪哥, 佢話原來嚮sem break o個時佢地已經散o左, 咦, 咁我咪即係有機會囉, 但係...... 問題就黎啦, 欣欣佢原來大過我, 呢個我都覺得係其次, 但係我覺得追人就一定要放個心落去, 唔係如果真係追到o既時候, 唔可以唔理人, 但係我又真係驚會無時間陪人, 唉...... 真係好矛盾, 我每做一件事, 我都會諗清楚, 講真, 我唔係一o的拖泥帶水o既人黎o既, 我做得o既每樣野, 我都會放個心落去做, 為所做過o既野負責, 就連今次個comp211, 就算係俾人篤出黎, 我都要做落去, 不過我覺得我未必會係一個好o既男朋友, 起碼我會驚我會唔稱職, 我唔想咁樣對人, 放唔夠時間落去人地度, 咁樣唔單止人地慘, 我自己都唔想咁, 可以點呢......

dafont.com

勁多英文字型o既網, 好好用, 但係好浪費時間去搵o岩用o既字型

星期日檔案

今晚個星期日檔案, 講兩個後生仔, CK and YK, 兩個日廿歲就開始o左自己o既事業, 到而家廿二歲, 就有唔少人支持, 雖則唔係算咩大公司, 但係都叫做創業, 做老闆, 而我, 仲有唔夠十日就夠廿二歲, 但係自覺都仲係一事無成, 好聽o既就仲係求學時期, 但係...... 唉...... 好多野都應該係時候有, 但係...... 我自問唔係無努力過, 不過...... 好多時都想過下返工o既生活, 有錢駛, 夜晚有得玩下, 唔似而家返學咁, 無錢之餘不特止, 夜晚都仲要溫書做功課, 都係只為一張入場卷.
佢地兩個想要o既就係一個做散工, 但係見識唔少o既o既生活, 其實我都想, 年輕人, 係想去闖一闖, 而我就覺得卅歲之前應該都無問題, 但係一人過中年, 就唔同咁講, 但係計埋我畢業, 都已經廿四歲, 老啦, 出黎都會無人請, 而且又無工作經驗, 到時都真係唔知點算......
有無人可以教我點做呀

過街老鼠

今日放工o個時同班同事行行下見到o的咁o既野囉, 隻老鼠咁大隻o既......
但係過街老鼠, 無人打不特止, o的人仲要係避架囉......

開始feel到就黎死o既徵狀

呢個week, add-drop period, 要決定讀幾多年, 因為一drop o左就無得返轉頭, 好大件事, 但係如果真係讀兩年o既話, 呢個sem就要讀廿個, 六科, 你都咪話唔死, 但係我又要有返咁上下grade喎, 因為想讀PG, 唉...... 真係, 都唔知點好, 唉......
科Math150本來有得問師兄佢借書, 點知有個仲惡o既人係向佢買囉, 無錢o既我...... 無計...... 算, 好彩有翻本Math113同ELEC210, 呢個都好o的......
科COMP211到而家都未約齊人, 點解o的人reply得咁慢架, 都仲係差一個人未回我囉, 都唔知佢想點...... 唉...... 好驚一o的唔做野同hea o既人囉, 呢個真係...... 慘......
feel到o的野開始勁難, 諗諗下都係prefer讀兩年半......
唉...... 好煩呀！！！！