六月廿三至廿五

星期五, 今日晨咁早就返o左學校返Barn...... 但係今朝竟然出奇地有唔少人嚮度喎, 佢地唔駛訓架咩...... 點解會有咁多人嚮度架...... 真係丫...... 之後就好無聊咁過o左成個上晝, 終於都食飯啦~~ 諗住食麥記啦, 順手幫晶晶佢換隻哈佬吉蒂啦 橫掂都諗唔到食乜好, 點知鬼咁多人排隊, 呢個都算喇, ok, 我等, 但係呢, 一隻十蚊, 兩隻就廿蚊, 加埋我個餐, 咁就四十蚊架啦喎, 八達通儲分, 加加下都唔少分啦, 點知呢, 嚮買餐o既過程中呢, 我總共講o左三次話嚮度食, 同埋兩次話係儲分, 佢都依然係無得儲分同埋同我pack走架囉, 有無攪錯呢！！！ 早知唔食佢好過啦, 我食LG7唔！！！ 真係頂... 上完堂之後放學, 收到保險Agent 個電話, 原本係約我今日黎睇下有咩plan o岩我, 點知個agent佢食錯野, 肚痛囉, 黎唔到...... 真係俾佢吹漲...... 最後就去探一探呀婆之後返o左屋企沖個涼, 之後去中五同學o既gathering, 咁就玩到十一點幾~~ 返屋企~~ 估唔到差唔多個個人都讀o左個Degree返黎, 都唔錯~~ 有個仲係做空姐添呀, 靚女~~ 有個仲讀緊博士添呀, 勁呀~~
星期六, 今日可以訓到十二點幾先起身, 正呀, 因為請o左假去上筆試堂~~ 兩點至到四點~~ 上完之後就好無聊, 一條友行街, 真係行街, 我行o左約三分一o既長沙灣道同埋成條彌敦道, 無錯, 係成條彌敦道, 由好似係八百零二號行到去一號直落尖沙咀, 之後搭船過海, 再行返屋企, 如事者行o左總共兩個鐘, 返到屋企六點幾~~ 出o左一身汗, 攰到PK...... 我仲計過我大約行o左五公里添呀, 你話我係唔係好有聊呢~~ 夜晚攰到十一點就訓o左......
星期日, 今日要返工, 但係撞鬼囉, 返到去俾人嚮隻手度刻字...... 仲要嚮o的手手腳腳度打檢疫印, 成隻豬咁...... 真係無陰公囉...... 仲要俾佢影相, 有機會post出黎俾你地睇呀下...... 認真慘......
夜晚... 無心機溫書添......

六月十九至廿二

星期一, 今日可以訓晏o的啦, 下晝返學~~ 今日講書好似講到趕書咁囉, 快到呢...... 仲要係聽日就midterm, 都唔知點死...... 不過呢, 其實呢科我都無乜期望, grade就無乜所謂啦, 享受下呢個暑假啦~~~~ 夜晚, 想溫書, 但係都無心機......
星期二, 今日midterm呀, 諗住上晝返Barn o個時先溫書, 但係呢...... 最後都係求其望下就算, 無心情呢...... 最後做份卷, 做到最後十分鐘, 連check都費事, 訓o左~~
星期三, 今日好彩要Barn咋, 唔係返學都唔知做乜, 上晝Barn, 之後下晝就返去睇下自己幾多分, 上o左一個鐘頭多o的就走得, 如果唔係要返Barn o既話今日返黎都唔之為乜, 至於個成績...... 唉, 都係唔同提喇...... 點知呢, 放o個陣時, 發覺自己唔見o左個銀包喎, 極度驚慌, 之後發覺原來係跌o左嚮條罅度, 真係唔該哂o個個FMO哥哥~~ 本來去唔到o個個pre o camp, 都有時間去到~~ 之後就再坐多兩個鐘頭Barn~ 唉...... 呢排真係黑仔......
星期四, 今日上晝係Helper training喎, 點知有個helper遲到成半個鐘都有喎, 但係我就俾呀德話我"攪笑", 實際上可能係"攪事"...... 今朝咁早起身呢, 食完個飯之後又俾周公佢發功, 訓o左成粒鐘...... 放學o個陣, 去o左David個Hall度睇Saw III (恐懼鬥室3), o的鏡頭只係一般恐怖, 但係呢, 有一幕係嘔心架囉, 唔係恐怖, 而係嘔心...... 睇完都想反胃......
如事者, 今日都依然係好眼訓......

六月十六至十八

星期五, 今日晨咁早就要返Barn, 真係訓都未訓醒囉, 戇住咁返barn, 返到去, 亦都係戇下戇下咁, 又係得幾條友嚮度... 之後本來諗住嚮得半個鐘o既食飯時間裡面食麥記, 點知多人到呢...... 一條龍有近廿人嚮度排緊, 但係有兩條龍嚮度喎, 最後都係放棄好了... 上堂o既時候, 我又點敵得過周公o既發功丫... 上完堂之後就又坐多陣Barn就走人~~ 之後就去o左食呢個披薩, 免費披薩, 多謝呀成~
星期六, 今日返工, 出奇地少人, 通常暴風雨前夕都係風平浪靜o既, 唉... 果然, 第二日就... 講翻今日先, 呀E佢地執到包雞喎, 其實係包肉黎架o者, 最後我嚮一個唔怕死o既情況之下就食o左佢, 當然, 要呀E佢煮架o者~~ 不過話時話, 又唔錯架喎~~ 之後又食雪條, 食呢個孖條呀, 仲要係同一個女仔食添呀, 呵呵~~ 至於係邊個女仔, 唔話你知~~
星期日, 果然今日o既風平浪靜, 今日就俾人投訴, 死八公丫, 你唔好再俾我見到你, 有種你唔好嚮我返工o既時候黎, 唔係我一定會楂正黎對你！！！！ 之後就無哂mood... 俾人激親, 點會有mood丫, 唉...... 就連妹姐整o既馬豆糕都無去食到, 真係慘... 如事者, 咁就一日...

六月十四至十五

星期二, 今日要返Barn, 之後要返學, 當中只係得唔夠半個鐘o既時間食飯, 食得好快...... 放學o個陣, 本來有兩單去幫prof整機可以做, 點知有一單佢臨時取消o左喎, 話我地o的helper去o左都無用, 所以取消o左, 我心諗, 無用... 咁勁你唔好搵人幫丫... 搵得學校幫你手, 最後咪又叫o左我地呢o的helper黎幫你~~ 之後整o左單好易, 整o左o的野, 吹o左陣水就攪掂, 原來好心有好報o既, 尋日我請o左媽媽睇戲, 今日就有翻o的黎幫補下, 雖則都係差o的, 但係都幫到唔少, 睇黎我都要做多o的善事先~~ 之後見仲有時間, 去o左搵佢地玩呢個攀石, 嚮學校度玩o者, 不嬲都幾鐘意玩, 但係嚮學校度成日都無時間玩, 佢o的堂全部都係夜晚o既, 點玩呀... 但係原來而家無教練都可以玩架喎~~ 正呀~~
星期三, 今日亦都係要返Barn同返學, 食飯o個陣好開心茵茵佢返黎陪我呀~~ 亦都係食得o個半個鐘佢都肯黎陪我, 真係唔話得~~ 放學之後, 去o左幫人整電腦, 好易就攪掂, 點解另一個幫佢整o既人整唔到o既?! 係仲有一樣整唔到...... 但係已經無時間...
星期四, 今日返學, 返下晝, 已經訓到十點架啦, 點解都好似訓唔夠咁, 上堂都係咁訓...... 認真無奈...... 咁就浪費o左一個week......

同事三分親裡面, 開始見到o的happy ending出緊黎, 樓華終於都同明珠佢一齊.
甜言蜜語：『愛一個人, 唔係擁有佢, 而係應該有犧牲同祝福』

呢張就係我o既學神牌喇~~


仲有呢條link就係我上次去飛行服務隊o既Album~~
http://www.facebook.com/album.php?aid=61057&l=71d47&id=528291211

之前唔知點解突然間好想影呢盒流緊汗o既檸檬茶~~

六月初九至十二

星期五, 今朝一早就返Barn, 亦都係得幾條友嚮度, 都唔知佢地晨咁早返黎做乜...... 睇完軍曹之後就搭車去深水埗, 約o左茵茵佢一齊食完飯之後去睇學車o既野, 原本約佢點九嚮深水埗等, o個陣已經就死, 餓死個死... 點知... 佢搭錯車... 都係唔好講佢咁多喇... 終於都等到佢黎啦, 原本諗住食譚仔, 點知多人多到呢, 加上我個肚已經生o左去背脊o個度, 畸胎呀~~ 咁最後去o左對面o既維記, 食豬潤牛肉麵, 正呀~~ 之後就去o左睇, 路經長沙灣政府合署, 果然, 收一個呀姐o既傳單就個個都俾你, 仲勁過街邊o的sales... 但係最好笑o既係李健o個個呀姐, 佢話, 我地係李健呀, 好出名架, 電視都有買廣告架, 真係俾佢吹漲, 唔知點解佢呢句野攪到我唔想幫襯佢喎...... 最後揀o左鏗鏘, 又平又抵, 加埋都係四千幾, 廿六堂, 平過李健, 唔會俾佢o的筆試堂呃咁十個八個鐘, 事關佢係免費上, 仲要係任上喎, 勁！！ 如事者, 咁就俾o左千幾個大洋黎報名~~ 下星期一就知幾時筆試架啦, 努力, 加油！！
星期六, 今日返工, 好似得我自己一個咁, 幾爽呀, 成部機都係我用哂, 呵呵~~ 事關呀成哥佢入o左去整野, 咁個counter就得我一個, 呵呵~~
星期日, 今日亦都係要返工, 今日到我要整野囉...... 攪到我好似自閉咁... (你個樣不嬲都係咁自閉架啦, =.=") 咁就過o左一日......
星期一, 今朝同o左媽媽同表弟去睇戲, 正確黎講係請佢地睇戲, 都唔知幾時先再有機會可以請到媽媽睇戲lu, 但係可能係因為套戲o既關係, 媽媽睇到咁上下就閉目養神(即係差唔多訓著o左), 勁... 睇完戲就去o左食kfc, 之後就返學lu~~ 第一堂o既關係, 上o左個半鐘就放學... hea o左陣之後就收到鏗鏘o既電話, 八月十四日上晝十點卅五分考筆試, 跟手就過o左去拎埋封信, 好野, 我有牌啦~~ (學牌之嘛......) 有機會o既話post俾你地睇啦~~ (有機會先算啦~~)
同事三分親裡面o既文丞君好差, 鐘意一個人又唔認, 好憎呢o的人咁玩弄感情

六月初五至初八

星期一, 今日一早起身, 天氣情朗到落兩... 本來諗住去踩單車, 唔通連個天都唔鐘意我... 希望在明天丫嘛, 但係個天已經落o左成個星期雨... 估唔到佢真係唔鐘意我... 本來係約o左呀Fred同嘉茵佢地去踩單車, 最後呢, 緊係有去到踩啦, 去踩... 冰... 去o左呢MegaBox度踩~~ 我o既第一次呀... 咁就仆街o左兩獲... 果然第一次係比較痛o的呀下~~ 總算係叫做踩過下咁啦, 都幾好玩架~~ 之後就去o左食野同打機~~ 再跟住就去o左睇戲, 街頭超人~~ 呼~~ 超人呀~~ 好好笑, 套野勁多AssHole~~ 笑到呢~~ 如果愛情同埋地球, 我都會揀地球, 不過如果無咁高lv, 愛情同埋事業, 我會選擇愛情, 兩個人一齊捱, 捱得開心o既話, 無錢都唔係一個問題, 有情飲水飽, 我係咁諗o者, 有無人會肯同我捱丫, 唉...
星期二, 今日返Barn, 食個飯之後就去o左David個Hall度玩呢個鬥地主, 有o的似鋤大D咁玩, 但係默契都幾重要, 有贏有輸咁啦~~
星期三, 今日都係要返Barn, 下晝諗住去睇學車o的野, 但係睇翻原來趕唔切, 事關筆試係排嚮八月十一號, 即係呢個O camp o個陣, 咁所以呢, 過兩日先去睇都唔遲... 況且o個日有人陪, 幾好~~ 下晝路經銅鑼灣o既時候, 入o左一入去呢個香港駕駛學院o既門市度睇, 得一個人, 等o左成半粒鐘先問到野, 加埋加埋仲有成皮野先報到, 乜真係咁貴呀...... 萬一真係肥o左, 要考多次咪又多幾千... 認真貴呀下... 都係等過兩日去睇下第二間先~~
星期四, 今朝好好訓, 但係個好盡責o既鬧鐘十點半就叫o左我醒, 估唔到周公o既神功竟然俾呢一個黃毛丫頭(我個鬧鐘真係黃黃地色o既)一野就破o左, 我想訓都訓唔翻呀, 嚮張床度典o左成粒鐘, 最後都係起身罷了...... 下午去o左剪頭, 變o左個數字頭~~ 咁就一日...

五月廿三至六月初四

星期四, 要返學校度開工, 十一點返到去, 十二點就蛇o左去食飯~~好快咁食完個飯之後就繼續坐o左嚮度, 真係坐o左嚮度, 坐到個人咩咁, 坐到五點就返屋企, 咁耐, 已經唔記得o個日發生過o的咩事...
星期五都係返去坐, 晨咁早九點就返o左去, 坐到三點就走人, 應該係咁, 至於有咩事發生過, 又或者係我自己做過o的乜, 已經無從考究~~
星期六去o左GFS, Government Flying Service, 中文係呢個政府飛行服務隊o既總部應參觀, 一早就出發, 之後就坐車車, 去到o既時候呢, 見到有個靚女機師喎, 當然亦都有o的靚仔機師啦, 佢地就係做介紹俾我地知佢地楂o個架飛機o既特點o既~~ 同埋呢, 因為機場係禁區呀, 咁所以我地全部人都要做一個登記同埋帶翻個牌先可以入到去, 至於呢個牌呢, 我影o左相呀, 遲o的post翻黎俾大家睇啦~~ o的飛機就, 正~~ 之後就去o左呢個機場富豪酒店度食自助餐, 雖則係五星級, 但係o的野食o既水準就... 一般... 跟住就去o左機場入面行呢一個航空探知館同埋呢個星光無間, 話時話, 我都係第一次黎機場, 睇電視又話個機場係好大同好靚o既, 無錯, 真係又大又靚, 但係呢... 人流就... 都唔知o的舖頭點賺錢架喎~~ 好野, 咁就一日啦, 今日真係請假去都抵呀~~
星期日就返工, 起身o既時候, 發覺母親大人佢竟然未起身喎, 平時我要返工o既時候, 親愛o既母親大人佢一定會為我預備一個美味o既早午餐o既, 但係佢今日竟然會咁累而訓到十一點都未起身o既話呢, 都係時候俾佢休息下啦(一大日咁大把啦~~) 所以我就自己買o左個飯返公司食~~ 之後都係比較hea咁囉, 個人好似無哂人生目標咁喎, 都唔知有乜做... 放工同o的同事去o左食野, 乜... 乜我真係好細路咩...... 唉...
星期一, 今日放暑假呀~~ 剩係今日囉, 訓到都唔知幾點先起身... 如是者咁就放o左一日暑假~~
星期二, 七月一日呀今日, 咁即係要返工啦, 今日陽光普照, 一出街就溶咁濟, 忍真難頂... 熱到咩咁... 都係快o的返公司好過~~ 放工o既時候, 上車o個陣問司機叔叔遊行完未, 佢好清楚咁問我, 遊完lu~~ 點知去到麼利臣山o既時候, 就話未遊完, 攪到要嚮o個度落車...... 行翻屋企.
星期三, 今日要返學, 返去兩粒鐘咁大把囉... 之後就去o左食飯, 食完飯之後就做一個都唔知做唔做好o既project, 又或者係個成果未必係我expected o既成果, 希望唔好難尾啦. 但係... 希望越大, 失望越大囉...
星期四, 今日又放假啦, 幾開心呀, 又可以嚮屋企度Hea啦, 可以嚮度訓到唔知幾點先起身~~ 夜晚, 去o左開非正式會議, 吹下水, 幾好呀~~ 但係呢個會開o既原因係因為一個滋事分子, 唔係佢, 我地唔攪咁多野, 唉...... 因為一個人而麻煩著咁多人, 何必呢
星期五, 今日要返學返工, 一早就返到去, 個Barn得幾個人, 而我就做埋自己野之後就嚮度睇片, 正呀~~ 今日勁多其他學校黎參加conference o既學生嚮度問點print野, 又嚮度拆我部printer, 真係睇少陣都唔得, 點解而家h旳中學生咁勁架呢~~ 夜晚, 去o左同o的舊同學食飯, 班友仔, 俾o左成舊水散子我, 攪到我走o個陣個人就兩邊唔平衡, 即係行到成隻企餓咁喎... 食野o個度呢, 就去o左銅鑼灣優食橫町度一間叫Colours o既野度食, 佢俾我一個好cafe o既感覺, 但係呢, o的service就... 可能係因為多人掛, 門口個姐姐(嬸嬸)知道我地八個人應該係等緊同一層o既另一間cafe, 咁呢就好快手咁執o左張枱俾我地, 可以做到我地生意~~ 但係呢, o的野食呢就...... 一般咁啦... 叫o左個套餐, 份量就足夠架, 連william都食得ok喎, 咁你話夠唔夠呢, 至於個味道就... 一般.
星期六, 今日要返工, 搭車o個陣, 行到落樓, 睇住架巴士好快咁駛黎, 但係紅燈喎, 係紅公仔, 即係我唔過得馬路, 之後架巴士又好快咁駛走o左... 算, 行去隧道口度搭, 有Van仔喎, 夠鐘啦, 仲唔上車咩, 點知個司機好勁, 十分鐘都唔駛就到香港仔啦喎, 平又平過巴士, 快又快過巴士喎, 你都咪講笑~~ 返到去, 都唔知點講, 總之咁就過o左一日咁啦.
星期日, 今日都係要返工, 但係就... 落雨囉, 唔出門口都唔走黎落雨... 仲要係落到咩咁囉... 返到去, 唉, 亦都唔知點講, 總之就, 唉...
有陣時, 愛情呢樣野, 要搵一個既愛你, 而你亦都愛o既人, 真係一o的都唔易, 茫茫人海之中, 我如何才能找到妳?
同事三分親裡面o既陸哲, 係一個唔可以原諒o既人, 既然你已經找到你o既愛人, 咁點解仲要俾希望人呢, 簡直不可以原諒.