除夕

今日係除夕, 朝早就返o左去check 254 卷, 原來我o個o的分唔係嚮最後o個條卅分度扣, 只係前面錯o者~~ 咁都抵死o既~~ 之後就去o左搵Dr. Percy去睇218, 睇下錯o的乜~~ 原來, 我係最高分o個個喎~~ 唔怪有A+啦~~ 但係個Grade真係好好, 有成廿五個巴仙人係A range喎, 幾好Grade呀, 連B都有五十個巴仙, 簡直正到呢, 無得彈~~
夜晚, 都係一個人自己對住部電視倒數, Happy New Year~~

監獄兔 24

監獄兔23

weekend 記~

星期六, 今日返工, 終於都俾我見到由DeepV所講好靚女o既Mia啦~~ 我一見到佢o既第一個感覺就係, DeepV一定鐘意~~ 之後一入到去見到DeepV, 同佢一講, 原來連Linus都同我一樣有同感, 話一定係DeepV鐘意~~ 原因係因為DeepV o既喜好~~ 呢樣野, 連DeepV佢都承認~~
夜晚, 無聊到睇翻套龍貓, 但係發覺...... 都唔知究竟係講o的乜~~ 真係剩係做小朋友應該乖咁簡單!?
星期日, 今日一早就俾呀希個MSN嘈, 但係, 最後都係俾周公佢拉翻我去陪佢, 到夠鐘先起身~~
一睇個MSN, 原來...... 218終於都出o左Grade啦~~ 而我亦都得o左我第一個, 相信都應該係唯一一個A+~~ 開心死~~
返工, 今日唔知點解芭芭拉同小敏佢同一時間出現喎, 咁究竟係邊個返錯工呢? 原來又係小敏喎, 無錯, 係"又"~~ 佢都幾無奈, 今次係佢返錯o左, o既然佢都返o左黎, 咁我就同佢吹下水啦, 費事佢好無奈咁唔知做乜好, 咁就吹o左一個鐘水~~ 之後, 有個特徵係好肥o既吳先生, (我咁o既稱呼已經俾面佢, 佢跟本就係死肥佬一條) 嚮度話要坐雙人位黎睇電視, 我硬係唔俾, 佢唔夠我講, 唔到佢唔坐第二個位~~ 但係之後佢就嚮度打機, 我叫佢唔可以打機, 佢話老闆俾佢打o既, 我心諗, 我老闆會俾你打, 無可能, 你都係想同我玩o者, 咁我咪叫老闆佢入黎囉, 之後老闆佢撐我喎, 咁講講下條友又話後補點解要排十分鐘, o的網上booking o的人唔黎都要等, 之後我講o左句, 你有圖書證你都可以Book架, (明知你無, 係串你呀, 吹呀~~) 點知o的人咁唔好老皮講粗口鬧我喎, 老闆嬲起上黎話要報警, 但係最後都係叫o左Secutiry上黎就算, 條友佢都幾厚面皮, 賴死唔走, 唉, 真係戥佢陰公~~
夜晚, 依然係約唔到我鐘意o既人聽晚倒數, 又過一個lonely New Year~~

---

前o個篇日記咪話我踩污穢o左個女仔隻鞋o既, 原來我攪到佢平安夜都要洗鞋, 真係有o的唔好意思...... Sor......

---

內容最後更改於 2008-01-01 02:02

玩?

呢兩日, 好似好開心咁有得玩, 但係...... 唔知點解玩完都係唔係好開心......
星期四, 尋晚先知茵茵, kata, 呀Joe, 呀俊佢地會去淘大碌鈴唱K, 緊係join啦, 我都係第一次碌架咋, 真係符符碌碌咁咁俾我碌到個全中喎, 仲要過百分添喎, 第一次, 真係符碌o的架喎~~ 之後去GreenBox唱K, 但係...... 真係唔掂, 都係Neway好o的...... 我講緊o的歌, 同埋個system...... 都係咁唔掂...... 唱完K, 去o左德福打機, o個度個outrun好正, 雙坐位, 加上識郁, 仲要只係三蚊only 正到呢~~ 有機會下次一定要去打過~~
星期五, 今日去o左踩單車, 估唔到之前o個日約人會易咁多, 去就去, 唔去就唔去, 來得方便得多~~ 約十一點半, 但係差唔多十二點半先開車, 但係呢, 一開車, 一過第一個急彎, 呀波就炒o左車, 仲成隻手都擦傷o左...... 望住o左佢, 呀希一問, 有無事呀, 佢個頭識"疙"翻上黎就即係無事啦, 幾驚呀~~ 豪哥佢一黎到大水坑就已經叫肚餓, 但係最後係去到大尾篤我地先食野, 真係慘...... 我食o左個麵, 但係都好似唔係好夠飽咁囉...... 最後都係叫多份三文治食先夠飽...... 食完野, 踩埋上壩, 今次我又跳o左落去啦~~ 都嚇唔到人o既, 都唔好玩o既, 不過今次呀希佢就跟埋落黎, 佢仲爬埋落去添, 不過呢...... o的水真係好污濁...... 佢本來話試下o的水係鹹定係淡, 但係一見o的水咁污濁, 即刻唔敢試, 緊係啦, 岸邊o的水係啡色架, 真係搵命搏咩...... 之後就沿途折返回程~~ 睇得出茵茵佢係好累, 踩到呢, 係咁話叫抖陣, 但係我地已經被拋離, 咁呢...... 最後去到科學園先抖~~ 其實今次個旅程都唔係太長o者...... 我今次竟然無上幾次咁累喎~~

講翻o的好笑野先, 話說我地夾呀波, 首先我成功用前輪high佢後輪, 但係當呀Joe想夾呀波o既時候, 呀波佢一個甩尾, 架車打橫咁頂住呀joe, 呀Joe 佢dup break都dup唔切, 笑到我呢~~
至於我呢, 攬抄o左茵茵, Sor...... 因為我技不如人, 所以就攬抄o左佢......

之後夜晚, 去o左同jojo一班同學食飯, 間野訂o左枱佢都要等位, 最後去o左星加玻餐廳度食, 但係都無乜點吹水囉, 唉......
點解呢, 明明係好想去下一場, 但係偏偏我就係出生於一個咁o既家庭, 十一點就返屋企, 想吹多陣水都唔得, 唉...... 點解...... 真係好灰......

聖誕假期

聖誕呢兩日, 都係同屋企人一齊過, 第一日就入o左去大埔做體力勞動, 下晝飲茶o個時, 食到飽飽, 但係計翻落去一個人都唔平......
第二日就去o左跑馬地做體力勞動, 夜晚去味皇(一間茶餐廳)度食, o的野乜都加哂價, 人工都唔見佢加喎, 頂~~

平安夜

今日係平安夜呀, 哈哈~~ 今日我有兩個女仔陪我行街, 幾開心呀~~
今朝一早就去o左同嘉茵同小敏一齊去o左打毛毛波(唔知點解小敏硬係話叫毛毛波), 無可否認, 嘉茵真係好勁, 校隊黎架大佬, 而我呢, 差到呢...... 不過玩下o者, 我都係志在出一身汗咁咋嘛~~ 跟手就去o左食南記~~ (咪住, 點解唔講小敏有幾勁呀? (佢呀, 唔...... 講完~)) 之後就係又無地方好去, 咁就又係去o左維園, (又去? 你唔悶架) 咁無聊呀嘛, 原本諗住去睇戲添, 但係俾人Ban o左......
唉, 今日就有女仔陪, 夜晚就...... 一支公, 唉......
一個好平安o既平安夜......

---

今日整污穢o左個女仔隻鞋, Sorry呀(如果個女仔有睇我個blog o既話) 平時我鞋底無咁污穢架囉...... (好似講緊風涼話咁, 但係, 我真係唔係囉, 唉...... 我知我講乜都無用架啦, 唉......) Sorry......

無題

今日返工, 我相信係假期o既關係, 加上我患o左 考試過後極度hea候群 ,簡單黎講, 即係唔想做野, 時間比較難過, 之後放工就去o左芭芭拉度開P, 其實係睇人打牌加自己打機咁o者~~ 唉, 真係比較Hea......
返到屋企, 問o左個女仔, 你聽日有無人約呢, 點知最後o既結論係, 如果佢男朋友唔約佢o既話, 佢會自己嚮屋企度玩, 完全Get到哂, 明白, 有無辦法可以令自己死心呢?
年年聖誕節同情人節, 心情都係會比較Down, 唔方便掛...... 唉......

---

嚮o個個女仔未睇到我呢篇野之前加多句先(我估佢未睇到掛, 已經睇o左o既話都無計......)我上面所講o既野唔係有心俾個女仔睇架, 只係, 只係我心裡面想講o既說話

---

內容最後更改於 2007-12-24 20:48

小學回校日

今日係我間小學o既回校日, 我發覺我已經係十年無見過我o的小學同學架啦, 而我就係抱著一個只係希望見翻o的舊同學o既心情返一返去, 懷緬一下過去小學o既開心回憶, 事關我o既中學係比較多一o的唔開心o既回憶.
一返到去, 嘩, 人山人海~~ 見翻o的舊同學, 回憶起以前o既野, 笑笑笑笑, 吹下水, 咁就又兩個鐘~~ 以前原來係因此佢地無人有我contact, 所以十年以來都無人搵過我, 但係都仲有人記得我o既存在, 已經係一件開心o既事~~
好多野想講, 但係又唔知自己想講乜, 個心情係, 怪怪的.......

冬至

返完小學之後就返工, 時間o岩o岩好, 順手去KFC買o左個飯食, 乜原來一個飯都無貴架, 唔怪得M記多人咁多啦, 下次唔係趕時間都唔去.
放工, 去o左問DeepV佢借拍星期一打羽毛球, 見小敏今日係返大街喎, 咁就順手叫埋佢去, 但係佢好似唔知點解吽吽地咁o既.......
夜晚, 返到去食飯先記得原來今晚係做冬喎......
食完飯之後就同屋企人去o左尖東度睇燈飾, 但係...... 今年o個o的燈都唔好睇o既, 都無乜新意......

考試日三(完)(玩完個完)

今日, 唉.......
晨咁早就返o左去, 去o左食早餐, 但係唔知點解, 我居然食唔哂個早餐喎, 死啦, 我有病呀, 就黎死架啦......
之後去溫書, 原本諗住嚮cs lab度溫, 但係點知, 個個windows lab都俾人book o左, 得翻個linux lab, 但係, 我頂, 開唔到有flash o既網頁之餘仲連rar都開唔到, 真係頂佢...... 最後都係去翻Barn度溫...... 睇睇下o的example, 見到有個reverse engineering, 點解唔o岩o既?! 直接走去問Fox, 點知, 原來, 係份datasheet錯....... 我頂......
考試, 都唔知識, 定唔識...... 唉....... 好在呢份final計30% only, 有咩事都無咁傷......
之後諗住去唱K, 點知...... 好o既就係有呀希o既Fd車我地, (新新牌仔, 一個月only), 其實都有o的驚, 睇佢o既手勢唔係太純熟...... 都係唔好講咁多, 第二時到我楂o個時會俾人鵝咪死~~
最後, 去到旺角, 掃街, 但係...... 食到肚痛...... 眼冒金星...... 就黎死得...... 好彩搵到個廁所...... 嚮廁所o既時間, 聽到三個人電話嚮, 又聽到陣電鬚鉋o既聽, 但係係嚮隔敵個廁格度傳黎架喎, 點解, 點解隔離個人會嚮個廁格度剃鬚架呢? 真係諗極都諗唔明......
之後行多陣, 茵茵佢話想見晶晶男朋友, 咁就等o左陣, 但係, 原來佢唔想俾我地見到...... 咁最後唯有走人~~
嚮搭車o既途中, 嚮金鐘度轉車o個時, 等o左超過十分鐘, 四架車先上到, 仲要迫到呢, 唉...... 下次都係去中環度轉車無咁迫~~
夜晚, 陳迎冬佢搵我教佢logic, 聽日考今日先黎問, anyway, 祝佢好運啦~~

硬係唔明點解係電話截o左數先黎要用電話煲粥, 個個月都係咁架喎, 攪到個成個月都要就住就住黎用, 頂~

俾人放飛機之餘, 仲......

尋日同jojo傾開計, 唔知點解就講o左去食早餐, 原本約係早上八點半, 灣仔等, 點知...... 正當我嚮廁所梳洗緊o既時候, 佢打黎, 我心諗, 咁快到o左?! 點知...... 佢o岩o岩先出門口囉, 我...... 頂, 唔係下, 佢過到黎灣仔都要成粒鐘啦, 唉, 咁即係俾人放飛機啦, 最後...... 都係返翻上床訓好過......
訓到咁上下起身, 一check個成績, 唉...... 預料之內, 170真係剩係得C-, 都話個Grade爛架啦, 你又唔信...... 灰...... 第一個C-咁就俾o左170, 灰死......

check 卷日一及二

星期一, 今日返o左去做好多野, 首先o既係去o左ELEC Department度拎上次Samsung o的相, 仲發覺原來o個個SENG姐姐就係EE Department o既Jerman, 終於都知道路佢叫咩名~~
之後就去o左check 252卷, 好彩, above mean~~ 咁相信個grade應該都唔會太差, B-應該都無乜問題, 應該唔會C+掛...... 跟手就過o左去CS Lab度print notes, print埋254 o的pastpaper, 都唔明點解我o的pastpaper唔見哂喎, 邊個偷o左！！！ 再黎就去SENG office度拎埋張Participation Cert. 咁就同茵茵一齊溫書啦~~ 溫到咁上下, 係時候食飯, 去o左飲茶, 多謝哂~~ 飽飽~~ 但係佢溫書o既進度都唔係太好, 加油呀~~
但係, 唉...... 返到去, 見到170個result出o左, 唉...... 又一個SD, 希望個grade唔好剩係得Ｄ啦, 唉...... 成晚都好灰咁無溫過書......
星期二, 今日返去check 170卷, 基本上都無乜好check, 只係望過下咁就算, 之後就去問FOX拎翻份254卷, 都無分加o既...... 再黎就去o左溫書, 但係...... 都無乜點溫到, 依然係無心機溫......

考試日二

呢兩日, 無心機溫書, 星期四o個中午收到個email, Bo Li話星期三o個科252已經改好, 就黎有分睇, 點知, 等o左成晚, 都係收唔到個分, 放棄, 算~
星期五, 今日消防局有個Christmas Party, 死仔丫, 考試都去玩, 唔駛溫書咩！ 下...... 吊頸都有抖下氣啦, 而且, 我對COMP170已經有了死的覺悟(咁似上一篇咁o既?!) 呢科, Expect Grade係C-, 咁橫掂都係啦, 去玩一個下晝咁大把, 都唔係好過份o者......
夜晚, 茵茵話俾我知原來252個分已經放o左上網, 上晝睇都未有, 唔通...... 鬼掩眼?! 好野, 今次Above mean啦, 應該有C+, 我相信有......
星期六, 今日考170, 考完, 我發覺自己對於Expected Value所識o既只有E(COMP170)=D+, 點解? 即係我所有Expected Value o既題目都唔識做囉, 咁所以COMP170 Expected Grade 係D+, 但係...... D有+架咩?!

監獄兔 22

監獄兔 21

考試日一

尋日都係係咁溫252+218, 今日有了死的覺悟(←copy from某人的xanga(←copy from某人表妹的xanga))
晨咁早就要起身, 考八點半...... 唉...... 都唔知點解又咁早囉.
考完, 玩完, 應該都可以within 一個SD o既, below喎, 唔係above.
食個早餐之後帶o左唔少人去fyp lab, 但係個個都嚮度嘈住我溫書, 下晝四點半又考呀......
最後, 都係要自己進入critial section先溫到o的......
跟住就去o左食Tea, 再黎就考試, 今次個mean都唔會低, 希望唔好below SD就夠架啦.
好, 繼續溫書, 星期六又黎第三科.

匯豐順應民意取消提款下限 - Yahoo! 新聞

匯豐順應民意取消提款下限 - Yahoo! 新聞

匯豐取消在櫃員機提款每次最少要三百元的規定，市民普遍歡迎，金管局則稱，銀行推出措施時應考慮需要。
匯豐原定下月六日開始把櫃員機提款下限訂為三百元，但發言人今日表示，在聽取市民意見後，有關的措施不會推行。
消委會歡迎銀行的決定，而總幹事劉燕卿說，她仍會約見銀行公會，希望全港銀行不要推出類似措施。
金管局發言人認為，匯豐的決定是銀行的商業決定，金管局鼓勵銀行在推出服務時考慮消費者的需要。
香港匯豐銀行上周起宣布，把ATM提款機提領的最低金額，從原本的一百元港幣提高到三百元，希望可以減少排隊時間，不過這個說法引起輿論嘩然，政黨也群起抨擊。

前兩日我仲諗住整封投訴email去消委會添, 而家佢自己取消, 等我無得攪事......

Pioneering a New Digital Lifestyle with Samsung - Smart Gadgets Competition 2007

今日著到靚靚仔仔, 去做小薯仔.
album 嚮度, 鐘意睇就睇, 費事post出黎.
http://www.facebook.com/album.php?aid=32060&l=cd7a2&id=528291211

MTR Song - a song for Hong Kong MTR stations by Steve James

Let's start from the very beginning
Though there's plenty of places to start
If you want to get around
You can get all of the town
Just by stepping underground onto the M-T-R
(M-T-R)

MTR KCR said, just follow me:
Tsuen Wan, Tai Wo Hau, Kwai Hing, Kwai Fong
Lai King, and Mei Foo, Lai Chi Kok
Cheung Sha Wan, Sham Shui Po
And Tai Chi Dow(太子道)
(Change trains)
Shek Kip Mei, Kowloon Tong

Lok Fu, Wong Tai Sin, Diamond Hill
Choi Hung, and onto Kowloon Bay
Ngau Tau Kok, Kwun Tong and Lam Tin
And then Yau Tong change for Quarry Bay

North Point, Fortress Hill, and Tin Hau
Tung Lo Wan(銅鑼灣), in English Causeway Bay
Wan Chai, next for me - Admiralty
Central and then you have a choice
Sheung Wan, but I like Tsim Sha Tsui
Jordan, we're off to Yau Ma Tei
Mong Kok, and here we are again
We've returned Prince Edward Road

So if you want to get around
Just get yourself down to the M-T-R

溫書

星期六日, 兩日都唔知點過o的咩書, 假就請o左, 但係o的書溫極都溫唔到入腦, 無mood講野.

監獄兔 1-20

無乜mood(嚮呢個monent)

今晚竟然有時間打日記, 原因係, 無mood溫書......
無mood o既原因係, 原來samsung個 Pioneering a New Digital Lifestyle with Samsung - Smart Gadgets Competition 2007, 我只係得Merit, 即係優異獎, 不過都好啦, 叫做有獎, 好過無獎拎丫, 咁今日, 原本諗住執靚件product, 但係最後呢, 一知道o左唔係入Finalists, 呀豬即刻唔返, 佢摺黎溫書......
上晝, 嚮坐barn o既時候, 見到254同我調包個socket o既同學, 同佢一講之下, 我係feel得出佢係知佢調o左我包o既, 我無乜點話佢, 佢俾翻o個八蚊我, ok, 我算, 正所謂今日留一線, 日後好相見, 科大好細架咋, 多一個朋友好過多一個敵人, 算. 哼.
下晝, sit完barn之後就同埋茵茵食飯, 跟手就趕埋個report, 咁就去o左打波, 今日o個呀姐佢話唔夠六個人唔俾開場喎, 我頂丫, 好在最後夠o者, 都唔知咩呀姐黎o既, 都係個哥哥好o的(明明係叔叔, 見人好就叫人哥哥)~~
夜晚, 多謝墨先生佢送張執到o既R4卡俾我, 多謝哂, 遲o的食飯我o既~~
但係嚮佢等我o既時候, 原本就係嚮銅鑼灣站等站內外交收, 但係佢突然要過灣仔, 咁我當然要陪佢過去啦, 但係銅鑼灣站, 一上o左去, 想落翻去o既時候, 只可以搭, 點知部呢就係廢o既, 一次只可以搭大約六個人加一件行李就會超重, 真係廢, 最後我係等到第三次先入到囉, 廢！要佢一等等o左我成十分鐘, 真係唔好意思.

---

內容最後更改於 2007-12-08 21:35

Pioneering a New Digital Lifestyle with Samsung - Smart Gadgets Competition 2007 Final Competition Merit

今日, 帶著一個眼訓到想死o既身體返學, 最後堂170, 都係訓o左......
之後原本諗住做埋254個report, 但係同茵茵一齊食完早餐之後都已經十一點幾, 結果係, 乜都無做過...... 原本諗住叫埋晶晶一齊食早餐架, 但係呢...... 原本佢爬唔到起身, 咁我都無計......
下晝, barn完之後就去o左整埋個report, 途中, 茵茵撞到SENG o個個姐姐, 話samsung reslt已經出o左, 但係未可以講得住, 要俾samsung佢地approve o左先, 費事我地坐過山車啦, 又話其實o的評判都幾buy我地o既presentation, 但係真係唔可以講架喎, 但係如果你地得o左o既話呢, 聽日有個review session教你點用英文presentation, 你地有無時間出席呢? 佢講o左咁耐, 都係無講過話我地得或者係唔得, 我亦都唔明咩係坐過山車囉...... 等我地好無奈咁等o左好耐...... 至於我自己o既心情係, 又想得, 又想唔得咁囉..... 唔得, 固然會有少少唔開啦, 但係若果得o既, 當然係會開心啦, 但係, 下星期三就考試, 星期一都仲要黎多次present, 無o左成日時間溫書...... 個心情係勁矛盾架囉......
最後, 嚮下晝大約六點o既時候, 呀豬同學打黎話我地入o左最後八強, 星期一要做多次present, 咁就濕滯啦, 真係要諗清楚o的溫書同prepare present o既時間......
但係開心o既係, 總算無白費我通o左一晚頂o既心機~~

四日記

星期日, 尋日決定今日唔返工, 改做返學做254 project, 咁尋晚就變o左做3點幾先訓, 寫埋個program佢, 原本諗住今日內做埋佢, 等呀豬佢可以有時間做303, 早o的返, 但係點知, 最後個個人都起唔到身, 我就訓到十二點先起身, 同佢地一齊食完飯先至返去做.
星期一至星期二, 今日, 為有史而來, 我o既第一次嚮學校通頂做project, 我由夜晚八點鐘度開始做野, 直至朝頭早七點度啦大約, 都係完全無睡意, 係咁寫program, 都係未做完架囉, 唉...... 之後就俾人叫o左去食早餐, 誰不知, 一食完早餐就勁眼訓, 訓到九點夠鐘上堂...... 但係上堂o既同時, 都仲係勁眼訓, 一路釣魚一路上堂, 直至落堂, 最後, 走o左去fyp lab度訓到十二點先起身, 再做過~~ 呀豬同學好勁呀, 佢攪掂o左個IR同埋幫我地個LCD debug呀~~ 下晝, 同埋呀Hei, keeper, 豪哥同埋茵茵一齊去o左南北度飲茶, 食飽飽, 一人卅蚊, 我發覺我係第一次去食南北架咋喎~~ 之後繼續254, 點都叫做做到個IR, 但剩係識得轉 step motor mode. 都叫做攪得掂咁囉...... 夜晚都係十一點幾先走......
星期三, 今日朝早就返o左去prepare 254 Demo, 過程總算叫做順利, 都無乜點俾人抽插, 但係最估唔到o既係samsung o既judge會俾fox問o既問題問得更加難答...... 可能fox所問o既係好academic 啦, 唔係太難答, 而且Prof. Tim Woo都想收購到我地o既product, 呀豬你o的玩具錢可以claim翻啦~~ 唔好話買玩具買到無錢啦~~

另外有件事好嬲o既係, 嚮我通頂o個晚, 有條仆街問我借o左條flat cable 之後, 調o左條無pad o既俾我囉, 好無品囉o的人, 而且亦都係好無大志, 好偷唔偷, 偷個ic socket, 八蚊之嘛, 我亦都覺得唔係錢o既問題, 而係品o既問題囉, 點解o的人可以咁無品架呢, 最衰o既係我要開工, 唔係我一定會嚮個lab度"伏"佢, 而家o的同學點解可以咁無品. 你唔好俾我見到你, 唔係我一定會鬧到你狗屎淋頭.

三日記

星期三, 今日返學o既目的唔係剩係為o左返工啦~~
今日除o左上晝返工之外, 夜晚仲有做254架, 做到十一點幾先走~~
星期四, 今日朝學o既時候, 茵茵話佢訓過龍, 咁又攪到得我一支公返學, 原本諗住成個下晝同埋夜晚都做埋個254, 但係最後...... 呀豬話唔做, 茵茵又話去IVE畢業禮, 而我又醒起呀墨先生話佢今日畢業, 想我去喎, 咁我無理由自己一條友做架, 自己一條友, 寫program嚮屋企都寫得啦, 最後, 遲就遲o左o的, 都照去墨生個畢業禮, 亦都見到DeepV同埋Kevin, 亦都見一o的師弟添~~ 但係想見到o的呀Sir, 不過就只係見到呀Ken Sir~~ 原本諗住見到茵茵問佢返唔返去做254, 但係差唔多要走o個陣時佢先聽我電話囉, 勁無奈~~ 哼, 我記住你, 唔聽我電話丫嗱~~ 夜晚同o左墨先生行尖東, 兩條麻甩佬嚮度行星光大道, 但係又見到o的IVE畢業生嚮度影相喎~~ 夜晚, 多謝墨生佢請我食飯, 將來到我畢業o既時候我一定會請你食翻餐o既~~
星期五, 今朝一早諗住Sit Bo Li 堂252 o既時候, 佢過o左廿分鐘都未到喎, 但係今日又要交功課架喎, 最後個TA話Prof Bo Li has got a serious illness喎, 早知訓多一個鐘啦...... 咁就去o左食飯, 而且今日係Winter Lang 306 o既公佈日期, 但係估唔到我o個個Tut剩係得我一個上, 佢地全部都係第二個Session囉, 咁咪黎緊兩個星期我都要自己一支公上堂...... 今日到我Lang present啦, 估唔到第一個就係我喎, 但係最攪笑o既係當Miss問我咩係HD o既時候, 有位同學竟然會同我答o左條問題喎, 勁呀下~~ 之後就約o左其他排球同學仔一齊打波, 估唔到咁都有九個人到, 開心呀, 開到網, 原本只係book到一個鐘, 但係最後之後o個個鐘book打籃球o既同學仔無黎, 咁我地成班人就可以打多個鐘啦, 最後...... 累死咁去上埋堂252之後就去做254, 做到差唔多趕尾班車先走, 返到屋企已經十二點半, 屋企條友又嚮度嘈, 都唔知佢發咩神經, 日日鬧神鬧鬼, 對多佢兩分鐘都想死呀. 最後夜晚, 做埋個254 summary 同埋溫o左陣218, 四點先訓, 聽朝仲要返工架囉, 唉...... 都唔知點死......