軍蠔豬與他的豬朋狗友

呢個係上星期二, 做完唔知咩之後搭車走o個時影o既, 當時一共有四個人, 分別係 "豬" "朋" "狗" 同 "友" 當中"豬" "朋"兩個咁親暱o既舉動俾呀"友"佢影低o左, 至於我(即係呀狗), 就緊將佢地咁sweet sweet o既野放上youtube俾大家羡慕下啦, 係咪~~(你果然好狗呀下) 咩呀, 佢地都知亦都講過話無所謂我先放架~~

累死了......

累死了, 累死了......
一日都係吳子陽, 唔係佢連續請兩日假, 我就唔係日日都返早啦, 連續好多日未訓晏過啦, 而家真係好累呀......
星期六, 頂DeepV o既係一個好新o既CT, 新到連出面print野都唔識, 攪到我食食下飯都要出去幫手囉, 表面睇起黎, 佢只係帶一隻銀耳環, 又帶帽, 好HipPop feel, 我以為佢係醒目仔啦, 但係...... 我都唔好多講啦, 我無資格批評人o既, 我只係講我對佢o既感覺o者~~
星期日, 今日比較好少少, 起碼今日頂DeepV o個個好好多, 睇翻佢之前係做過CH, 應該都有翻咁上下經驗, 只係對於我地呢個場唔係咁熟咁o者, 掂~~
今日亦都係陳迎冬o既Last Day, 估唔到佢咁就咩o左啦喎, 又少一個靚女同事(雖然佢有時係比較惡死o左o的, 但係佢算係靚女黎o既, 起碼我覺得係)...... (你講咩呀, 咩咩o左呀)resign o左囉, 唔係你以為係咩呀.
星期一, 今日上晝要見254TA, 尋晚諗住帶埋隻"剌雞"同埋個廢o既CD-Rom, 但係尋晚正想訓同埋執埋呢兩樣野出黎o既時候, 俾黃小敏佢係咁同我msn, 攪到我遲o左好多先訓, 最後就緊係唔記得帶啦, 好在茵茵佢提我拎咋(但係出o左門口架啦喎), 又好在我早o左返去咋, 唔係實遲啦. 不過隻"剌雞"好似唔係好得咁o既......
ISMT218出o左Result啦, COMP252都出o左result...... 218錯o左兩條, 我硬係覺得有人會Full Mark同只係錯一條, 但係原來...... 唔講, 都係低調o的好(細路, 你玩野呀, 唔講都估到啦, 係咪串咀呀)講真, 我真係無諗過架, 我只係唔Below mean已經好開心架啦, 當然而家會仲開心添啦, 但係Percy講過, 跟據以往經驗, 成績係取決於Final, 但係Final o個日我又係有兩科考囉, 今次真係...... 唔好抱咁大期望, 個人會過得開心o的~~ 至於252...... 背書o既科目, 果然係唔好o的呀下, 唔同在個分係低...... below mean...... 好在未到SD, 唔係就真係極端死了......
星期二, 今晚夜返屋企啦, 做254同埋fyp呀, 剩係砌LED Matrix個circuit都砌o左我幾粒鐘, 當我砌完之後, (你係唔係想講佢唔work呢, 佢唔係唔work, 我無咁屎o既), 我就已經決定唔再砌第二個, 去icmaster買算. 個program唔係太得, 有o的唔開心.

話說有一晚, 我同DeepV佢MSN o個時, 我同佢講, "我晚晚都同小敏佢咩呀, 仲咩得好開心添呀" 佢竟然報以一句 "仆街................." 點解佢會鬧我仆街架呢?

有人問我, 我係唔係同呀邊個邊個咩架, 我答你, 唔係, 你唔信就唔信啦, 答就答o左你啦, 似又點丫, 係o既話我唔怕認架喎, 但係唔係, 我點認o者, 我可以做o既野都已經做o左, 而且我亦都無後悔, 唔開心就一定有架啦, 但係唔開心大哂架咩, 有時o的野, 整定o既, 有就有, 無o既話, 就算俾你得到, 你亦一定會失去, 化架啦~~

週記

原來咁耐無打日記架啦喎, 星期五六日都係返工, 星期五放工之後就同小敏同事一齊去o左食Tea呀, 有得小敏, 就緊係有埋DeepV啦, 當然我同呀樂係唔會咁易放過佢地兩個架啦, 點知最後DeepV佢好快咁就走o左, 真係唔等人架...... 唔通佢真係嬲o左?!
星期六DeepV要上堂, 咁我就拍linus, 之前DeepV玩得咁開心, linus佢終於都有得報仇啦, 佢起o左個塔, 又收埋哂o的印, 就係咁~
第二日, 我返到去, 原來DeepV都係仲有一個印係搵唔到架喎, 至於座塔, 一開波佢就拆o左...... DeepV有暴力傾向架...... 臨收工o個時, DeepV佢拆哂o的凳o既扶手, 佢真係無聊到無野做喎, 又將o的文具放哂嚮地, 連個電話都放埋落去...... o 嘴...... 夜晚, linus佢話唔係好舒服, 聽日可能sick leave, 唔係下化, 咁大獲, 邊個CT黎頂都死啦, 但係最後linus佢都屈服嚮deepV o既淫威之下, 內容係乜, 我都唔知, 想知o既可以自己問佢
星期一, 一早返o左去借254 o的野, 成個lab得兩組人嚮度...... 點解我唔訓多陣呢? 下晝, 呀豬佢同茵茵去o左poly度拎o的R, Cap, IC, 照佢地o既講法, 佢地個過程都幾好笑~~
星期二, 一早返學, 上完一堂之後就無野做, 做過o的咩已經唔記得o左啦, 總之就等到下晝三點坐Barn, 坐到7點就去上252o既補Lab, total得四個人上堂, 呀Joe勁攪野咁係咁問tips, 個TA都無份出卷, 問極都無用架啦...... 跟住就去o左FYP Lab, 原來Denny同呀豬佢一齊走堂去做FYP喎, 勁呀, 跟住就去o左坑口度食野, o個間野都唔錯喎, o的担担麵幾好.
星期三, 今日mid-term 218, 下晝坐完barn之後就去o左FYP Lab度溫書, 唉...... 都唔知溫乜好囉, 溫下訓下咁, 最後...... 我好肯定自己已經錯o左一題, 亦都相信咁就below一個SD架啦, 唉...... 不過呢科, 都只係為o左考CCNA先讀架o者, 算啦, Grade對我黎講已經唔係太重要. 夜晚又係去o左o個間野度食飯, 佢個煲仔飯真係唔錯, 新鮮到好熱添......
星期四, 今日終於都有得放早o的, 可以返屋企食飯啦, 日日嚮出面食飯都唔係辦法, 咁攪法真係搵多多都唔夠洗呀, 加上餐餐都係嚮出面度食, 一o的都唔係路. 今日好多謝晶晶佢好有義氣咁返o左去Poly度拎IC俾我地, 至於背後o既事, 呢度唔係好方便講, 但係點都要多謝同埋唔該哂晶晶啦~~
星期五, 今日到252 midterm, 上晝o個堂254一個鐘就講完, 有一個鐘時間黎溫書, 之後上252堂上到一半就俾茵茵拉o左去食飯, 食完飯就去o左FYP Lab度摺溫書, 中間又去過上Lang 堂, 又去o左上sport skill 打排球, 最後就有兩個鐘時間溫書, 不過份卷, 唉...... 最後都, 唉...... 又一個SD, 靠背書o既科目我果然係唔掂呀下, 之後就去o左彩虹度食車仔麵, 個麵真係幾大碗, 仲好抵食添~~ 但係夜晚, 唔知點解個肚有o的痛喎, 應該唔關o的麵事掛......

唔知點解呢, 好多時打字打上堂個堂字o個時呢, 都好自然咁就會打o左上當架喎, 唔通我上堂跟本就真係上緊當??

６０樣香港人最常做ga白痴野...你做過幾多樣???

1.玩米缸，將手插入米缸裡面o既米裡面篤下篤下。
(唔會篤下篤下, 會成隻手放哂入去係咁"卒")

2.在百貨公司入面篤扶手電梯旁的hi牌。
(而家都仲有咁做)

3.地下有階磚時，特登隔一格一格o黎行（不可踩界，要完全在格內）。
(同人地鬥行得快添)

4.用錶面反射陽光，照o黎照去。
(而家上lecture都會咁無聊)

5.跳樓梯（愈多級愈勁）。
(而家通常都係"檻"級多, (愈多級愈勁), 我好似可以"檻"到5至6級)

6.行路上高起左地方（例如高起左o既長條型石博），好似玩平衡木咁行法。

7.鋪張紙在硬幣上面，然後用鉛筆係上面油，油返個形出o黎。

8.食完糖之後，將糖紙包番個原本四四方方果個形出o黎。

9.超級市場踩住架購物車o黎行。
(而家會坐嚮架書車度好似玩滑板咁)

10.踩水"tum"，係好特登果隻。
(jojo你呀, 我好記得你o個時嚮7仔門口o個野架)

11.吹口水波。
(而家都仲覺得好玩)

12.搣牆上的乳膠漆或牆紙。

13.係平滑o既地面上面跣下跣下咁行。
(事實上我嚮屋企無人o個時都會咁做)

14.整濕o的紙巾，掟上學校廁所天花頂。
(我係掟嚮屋企廁所頂, 痴住o左唔會跌翻落黎架喎)

15.軍劃鬅b香口膠，一定摺返成張包裝紙，再放返入個大套入面。
(仲要請其他人食添)

16.響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出o黎，睇下個粉刷中邊個。
(試過俾Miss見到, 最後被罰......)

17.放膠袋（當風爭咁放）。
(呢個無, 反而係自制迷你風爭嚮屋企窗口放, 用牙籤整)

18.去後梯執咸書睇，將睇完的咸書撕開飄落街。
(剩係睇, 睇完收翻埋嚮後樓梯度等下次再睇)

19.貼張龜仔紙嚮o的同學個背脊度。
(點止龜仔咁簡單呀)

20.踩人地個影。
(玩到好開心架添)

21.狂踩人地對白飯魚，尤其是大肥仔果o的。
(點止白飯魚呀, 係鞋都踩, 尤其是係新鞋)

22.用幾條橡筋射o的同學。
(咩都可以用橡筋黎架架喎, 點止同學呀)

23.掉人地門口的拖鞋落街。
(呢樣我無咁衰)

24."Mung"消防喉，射水落下面個球場，睇下射到幾遠。
(呢樣都無做過, 因為驚一開水佢會嚮)

25.嘗試用「念力」整彎湯匙。
(到而家都未成功)

26.用氣鎗射街上的途人。
(無氣鎗)

27.玩千揪，"fing"到咁上下就飛出去鬥遠。
(唔明)

28.落樓梯時坐係o的扶手上面"sir"落黎。
(而家都仲玩緊)

29.在自動梯行相反方向。

30.把「誤投信件」或沒有用的宣傳單張，胡亂放入其他的住宅信箱。
(而家都仲做緊, locker都係咁做)

31.坐地鐵時，抓緊中間的扶手，地鐵一開動博命繞住轉（自轉）。(有讀physics 的同學 其實應該明 係"體驗"centripetal force(向心力) 的機會 )

32.在月台上鬥快跑。
(呢個好少)

33.係被竇入面開住電筒扮露營同埋o係入面食零食。
(會, 但係唔會食野)

34.用圖釘弄穿學校壁佈板。
(而家用拳頭整凹)

35.亂按人地既門鐘，然後鬆人。
(走得快, 好世界)

36.明知過左三歲，仍然吾買飛，「捐」地鐵既入出閘機。
(我呀媽叫我咁做架, 我咩都唔知架)

37.不小心塗改液（很舊的有一個掃那種）塗在手上，然後用附送的天拿水，搽在手上以圖弄去改液。
(我見過有人用黎當指甲油咁用囉)

38.用歡樂天地等既硬幣當一蚊用。
(去機舖度用)

39.煲蠟。(未試過......)

40.把汽水罐靜雞雞放在校車的車輪下攝住，開車時把它壓扁。
(唔係汽水罐就係飲完個d紙包 吹脤佢)

41.用螢光筆油指甲。
(多數女仔先做)

42.向學校d木台上面畫公仔。
(而家都仲有咁做)

43.用電筒／雷射筆射落街或者照住d路人。
(屋企十幾樓咁高, 照鬼到咩)

44.搣碎d紙巾，然後拋出窗。
(唔係紙巾, 係廢紙)

45.巴士一開車，就同佢鬥快跑（最終當然唔夠快啦）。

46.落雨擔遮，懶係型咁轉把遮。
(而家諗翻起都覺白痴)

47.見倒d矮過自己既人行緊過黎，會好自然"gut"高d行。
(唔會, 咁做法我咪好唔得閒)

48.將擦膠碎「初」成一粒黑色物體。
(試過"卒"成粒波子咁大粒)

49.玩冒險樂園o的遊戲（例如籃球或保齡球），企o係最高或企o係跑道o既最尾玩。
(為求出多兩張飛不擇手段)

50.地鐵出閘果時「捐」過閘口，拎走張地鐵飛當地圖。

51.屋企冇人果時，對住塊鏡學人跳舞／做戲／唱歌。

52. 同細路爭一d無聊野，例如「美少女戰士角色︰sailor moon係我既, 火野麗係你既」或「四大天王，黎明係我既，所以你唔准鍾意黎明，你鐘意郭富城啦」。

53.玩廁所水。
(有咩好玩 ???!!!= =")

54.去到公園，係咁撕百千層d樹皮落黎。
(好少見到千層樹)

55.慢慢行近麻雀到，企圖捉住佢地。
(到而家都唔成功)

56.係街見到狗就扮貓叫，見到貓就扮狗吠。

57.趴o係地上扮死，想嚇阿媽阿爸。
(我呀媽見到只會叫我唔好訓嚮個地上面)

58.畫花報紙或書上既畫，為人物加牛角或者胭脂等等。
(我諗起有套youtube片講日本學生又係做o的咁o既野)

59.拎d元寶當船放o係水上玩或者拋落街。
(唔會, 剩係拎元寶黎玩都會俾人鬧架......)

60.用條繩hid野到落去住下面o個戶人既窗前，然後"fing"來"fing"去，引人注意。
(會嚮窗口吊野落街)

行街

今日, 都唔知係開心定係唔開心, 同一個人去o左行街買野, 幾開心呀, 但係o個個人, 唉...... 都唔知係開心定係唔開心
行行重重, icmaster o的野真係平o的架喎, 但係由icmaster行翻去地鐵站就都有翻咁上下路程......
最後去翻深水埗, 乜都睇唔到, 去到華輝都係無買到野, 剩係嚮度睇, 睇, 同埋睇.
一路行街o個時傾o左好多野, 講o左好多秘密, 嘿嘿, 又不如等我話個秘密俾你知丫, 但係你地唔好同人地講喎, 個秘密就係呢~~
『秘密』
話明係秘密啦, 話o左俾你知就唔係秘密啦, 係咪~~
exam時間表出o左, 我仆, 又有兩日考同一科, 真係死俾你睇......

心情......

睇翻樓下個post, 相信大家都估到咩事, 咁都估唔到o既話我都幫你唔到(即係話緊你蠢呀), 尋日有o的人都仲未睇到, 仲係咁幫我制造機會, 多謝先, 但係一當我俾呢首歌佢睇o個陣時, 佢愕o左然, 咁都難怪o既, 對佢黎講都係有o的突然, 但係對於我黎講, 你話唔傷心就假o既, 但係傷心又點丫, 日子咪又係咁過, 用讀書同埋工作黎麻醉自己囉, 呢個都不失為一個自我安慰o既方法黎o既. 但係讀書又讀唔入腦喎, 真係死俾你睇...... 有時o的野, 希望越大, 失望越大, 作最好o既準備, 必敗o既打算, 果然唔好抱咁大希望, 咁跌都無跌得咁傷. (你話唔希望就假o既, 盡量令到自己唔好咁投入囉, 唔係點o者)
我反而覺得我所做o既野, 嚮o個陣時仲攪到人地有o的尷尬添, 攪到我都有o的唔好意思, 希望佢唔好介意.
有時同一句說話聽到兩次, 兩次都係讚我, 但係個result都係咁樣, 咁究竟我應該開心, 定係唔開心好呢?
唉......

可惜她有女男朋友

可惜她有女男朋友
作曲：方樹樑＠好人有限
作詞：黃偉文
編曲：方樹樑＠好人有限
監製：方樹樑＠好人有限
主唱：周麗淇

她都不算很有趣
為何我遇見別人都悶極入睡
看見她總是自然談下去
讓人幻想可以後 談下去
結合成伴侶
*可惜他有愛侶
還可怎麼爭取
投契極　得不到世人的允許
常常望著別人幸福令我更唏噓
難道世界上美男女全部被捕
漏網的跑到哪裡
男女生稍一可取
全已是　某君的夫婿情人或愛侶
仍然像我的 未嫁娶的
又愛得起誰
唯一符合理想的得７歲*
她真的有點似我
旁人要是發悶時安靜地就坐
看見她今夜突然圍著我
話題像剪不斷地 圍著我
我又怕什麼
Repeat＊
然而像我的　未嫁娶的
又會分倒誰
誰想凡是舞會都單身去

大上大落

今日o既心情, 大上大落
今朝都無乜野, 心情大致平靜, 但係嚮我上完堂之後, 做survey啦, 電話嚮喎, 做緊又點聽電話呢, 但係我頂佢, 佢留o既言就係電話"o都o都"聲囉, 我頂呀, 咩電話黎架, smartone個留言又唔可以唔聽就咁delete喎, 咁就唔聽, 等佢三日之後過期. 之後食lunch o個陣, 又黎, 咁我聽啦, 但係個電話係無聲架囉. o靚仔, 玩電話下
之後下晝, 上完254都無乜野, 做proposal, 但係臨尾呀豬佢遲o的o的到, 我又要上堂喎, 咁就又俾人話惡, 我...... 唔想架囉, 咁遲到架啦嘛.
去到上252補堂o個時, 我頂囉, 佢話無password開唔到個projector, 咁就re-schedule, 之後就一支箭咁標走o左, 我頂啦, 咁大個password你都睇唔到, 小.
臨返到屋企, 屋企人打黎, 當時我行緊路, feel唔到個電話震, 咁佢就留言, 咁就仆啦, skip唔到之前個死人"o都o都留言", 真係要聽成分鐘囉, 點解smartone唔整個制可以skip留言架.
返到屋企, 吳子陽佢同我講話偷野個賊捉到啦, CID仲叫o左佢去認證物添, 原來o個個"o都o都"留言就係佢呀.
夜晚, 有o的想做o既野終於都做o左, 個result都知道o左, 有時o的野, 都真係整定o既. 個result都, 唔知點解估到.
今日o既心情正如title一樣, 最後係大落, 灰......

秋季防止山火宣傳日暨濕地公園一天遊

今日我又去做義工啦, 我硬係覺得我呢o的都唔知算唔算係義工, 有得食有得玩架喎, 但係嚮前期同埋後期又要做咁多野, 又無義工Cert喎, 咁都真係, 我自己都唔知
今朝一早就去到消防局集合, 之後就出發去灣仔峽公園, 去o個度行下, 派下傳單咁, 之後就去o左南蓮園池, o個度個環境真係唔錯, 真係好正, 如果可以有時間行埋對面o既志蓮淨苑咁就仲好.
跟住就去o左食自助餐, 嚮酒店度食o的野食果然係唔錯呀下, 幾正~~
再黎就係去o左呢個屏山文物徑, main point係嚮最尾o個個聚星樓度順時針方向行三個圈啦, 有助學業架嘛, 信唔信都要行啦緊係~~
最後就去o左呢個濕地去園, 其實行下都唔錯架, 但係只係得個半鐘, 行得出面唔行得入面, 有時間一定要再黎過~~

Adobe Reader and Acrobat Update

各位記住要update呢樣野, 好緊要
緊要到連itsc都叫人update, 咁你話緊要唔緊要丫
只係各位係裝Windows XP加埋IE7, 咁你就要update架啦
開始->執行->regedit->Enter
去
HKEY_LOCAL_MACHINE\SOFTWARE\Policies\Adobe\Adobe Acrobat\8.0\FeatureLockDown\cDefaultLaunchURLPerms
同埋
HKEY_LOCAL_MACHINE\SOFTWARE\Policies\Adobe\Acrobat Reader\8.0\FeatureLockDown\cDefaultLaunchURLPerms
呢兩個有嚮度就兩個都要改, 是但一個嚮度就改o個個
如果你唔係用8.0呢個version, 咁個8.0就可能係其他數字, 但係要要update
見到tSchemePerms,
咁你就要改差唔多最尾o個格mailto:2, 改做mailto:3, 或者係索性delete o左個成個mailto:2
攪掂~~

乜今次真係咁大件事咩? 不過都係安全o的好o的o既~~

做錯事

今日成日都係渾渾噩噩咁過, 仲做錯事添囉, 唉......
今日真係好灰囉, 點解? 點解? 我真係無心架, 唔知點解我會咁唔受控制, 我真係...... 無野好講.

十月第二週記

又黎多一個週記
星期日, 唔記得有咩特別事發生, 剩係記得自己係想溫書, 但係都係無mood
星期一, 今日返學, 254個Lab未死得, 一個鐘之內做得哂, GOOD！ 之後都係去o左sit堂, 上堂, 就係咁就一日
星期二, 今日上晝o個堂係170 o既revision, 竟然罕有地無訓到喎, 可能真係要聽書掛, 不過最後, 唉...... 218個Lab都係一個鐘就攪掂, 但係唔知點解tracert第一隻router唔係default gateway, 連TA都唔知點解, 有無人可以話俾我知? 之後就緊係去sit 254堂啦, 之後溫書, mid-term啦, 唉, 結果, 唉......
星期三, 今日一早就返o左去做barn helper, 順順利利咁就一日, 252兩堂都係得我自己一個人上, 無心機...... 下晝做完barn之後就做fyp, 不過最後都係無乜outcome出到黎. 夜晚就去o左消防局度開會, 帶著一個疲倦的身軀去開, 果然, 我係一隻牛
星期四, 上晝上完堂之後就去o左聽個talk, 講社會心理學, 仲俾我拉埋晶晶陪我走堂去聽添, 個take o既內容果然係有o的用, 但係有o的野都好似聽過咁, 但係都不失為一個hea時間o既方法~~ 不過唔好o既地方就係我得翻半個鐘頭o既時間食飯...... 再坐多兩個鐘頭barn, 咁就繼續我o既FYP, 今日終於都有o的成績睇下~~
星期五, 今日比較開心o的, 原因唔方更講, 但係, 唉...... 下晝去o左打波, 有個同學副眼鏡放o左嚮側邊地下都會爛o左喎, 真係慘.
今日係星期六, 到目前為止我都係好灰, 陣間仲要去深水埗度買料做254, 今日感覺唔好.
254個project, 唉, 搵極都搵唔到有代理有sample俾, 真係要用水銀switch?

週半記

我嚮度諗緊, 呢個時間究竟要黎溫書好丫, 定係要黎打週記好, 最後我都係無mood溫書, 打日記好o的
話說呢個幾星期裡面, 我上o左sportskill class啦, Yr2都仲玩埋呢o的咁o既野, 有無攪錯呀, 你想識女仔咋掛, 我唔否認我係要黎識女仔, 但係另一個原因就係迫自己做運動, 事關我覺得自己身體差o左, 做下運動好o的~~ 一上堂我就俾呀Sir點相, 佢問到我叫咩名, 焗答啦, 但係之後o個堂佢就已經認得我, 仲係咁叫我個名...... 攪到差唔多全部人都識得我......
之後呢個幾星期禮拜裡面, 有兩晚做FYP係做到十二點先返到屋企, 以後都唔知係唔係個個星期都會係咁, 如果你話有得屈蛇o既話幾好呢......
星期三o個日就去o左見sponsor, 剛剛好一個小時o既車程就去到, 同佢地o既CEO會面, CEO果然係唔同o的, 講o野o既時候其他做細o既真係無聲出, 無錯, 我返工o個時都係咁, 相信遲o的出黎做野亦都會係.
今日返工o個時, 老闆佢突然話上個月o個件事無得Claim翻喎, 我當時o既反應係, O嘴, 無聲出, 無野講, 唔通同老闆發爛渣話點解無架, 咁咩, o個日佢咁順灘話有得claim都覺得有o的野架啦, 唉, 原來真係無得claim...... 無野講.
上星期又順路去o左DeepV屋企度拎o左o的IC走, 多謝哂呀唔止揚同事~~