頂~~

今日放工之後去o左創業隔離打OutRun, 頂丫, 又係咁呀, 都係過唔到最尾o個關, 唉...... 本來跟緊機, 但係條友玩完之後有條戇居仔想坐落去喎, 唔撚係呀, 都戇鳩居o既, 我咪話跟緊機囉, 你無病下, 挑~~ 之後玩多o左兩舖都係咁呀, 仆佢個街丫~~

唉~~頂~~唉~~

今日依然係晨咁早就要返學, 四個鐘Lecture呀, 唉~~ 人地讀U都無我讀IVE咁慘, 唉~~
下晝收到林姑娘同癲佬個電話話原本個site visit取消o左, 唔係下...... 又要等二個鐘上痲佬堂...... 頂~~
放學去玩OutRun, 唔係下, 我頂, 差一秘先可以Finish...... 我又只可以, 唉~~

頂~

今日我地o既四個鐘, 本來諗住去打網球, 但話係個地濕, 無得打, 之後o的人話有開喎, 唔係下, 玩咩, 我頂佢丫收到癲佬個E-Mail, 佢話又話去Lib度開, 我頂~~佈置o個度之前話唔駛, 而家又話要我地幫手諗下, 唔係下~~ 玩咩, 我頂~~
真係頂佢個肺丫~~

四個鐘o既Project Work II

今日只係要返下晝, 頂佢丫, 話就話係教MySQL, 但係就乜都無教過, 乜Ｑ都係我地自修翻黎, 頂......

放棄lu

又係晨咁早就要返學, 至於佢, 放棄lu, 電話都無打俾佢.
返到去, 上NTI, 但係呀Sir問我佢呢, 佢嚮邊呀, 我心諗, 我已經放棄o左o架啦, 唔好問我啦......
話俾班長同呀恆佢地知, 我地好大反應咁喎, 解釋俾佢地知, 呀恆都覺得我講得o岩, 得o既話你咪上囉, 無所謂~~ 試下總好過唔試, 好似我咁, 得就好彩, 唔得就預o左咁囉.
甜孫爺爺：
初戀通常都係失敗的

佢又無翻......

今日亦都係要晨咁早就要返學, 打俾佢, 佢又話唔翻喎, 唉~~ 成幾日無見過佢, 掛住佢, 但係佢都唔會掛住我o架啦, 又係自己搵黎攪......
之後上英文堂, 派翻之前o的功課, 原來我地之前o的乜乜Condom Company同New Product, 個Miss話我地o個o的係Good Work, 咁就話留翻喎, 下, Comdom都要留翻?! @.@"
上上下堂癲佬打俾我話約o左林姑娘今日下晝去開會喎~~ 下, 唔係下......
上Emb Program Lecture o個時, 呀班長同呀秋文一齊坐呀, 雖然佢知道係無行, 但係我相信佢係會好開心, 見佢地呢o的相就知啦~~



痴得好埋

愈來愈埋

開翻o的先

連呀Sir都睇住你地玩呀, 仲笑~~

唔玩啦, 正經o的聽書, 但係都係痴得好埋

o拿, 呀偉都忍唔住要出聲, 兩個仲唔係嚮度講數

我影夠o架啦, 唔好打我呀~~
班長同佢就好啦, 唉~~

雜項, 無題.

今日返工返早佐, 咁咪嚮附近行下咁啦, 俾我發現o左間機舖喎, 仲要係一蚊舖高達喎, 爽呀~~
返到去又俾我?到兩封利是喎, 正~~
放工同班同事去o左日本野,俾兩條百街放飛機, 害我地等o左成個鐘, 頂~~
四十四蚊個半鐘任食, 雖然係唔多野食, 但都算抵喎~~

明晚可看到土星合月

明晚可看到土星合月
2月 19日 星期六 20:00 更新

20日晚7點至8點左右，土星與月亮將運行到同一經度，此時兩個星球距離最近，這就是“土星合月”。

"土星合月”出現時，月亮與土星就像戀人般相依相偎，如果用口徑5厘米以上的小型天文望遠鏡，人們還可以觀測到土星美麗神祕的大光環。

聽日係星期日, 無可能會同佢一齊, 咁咪即係連個天都唔幫我, 我好相信我同佢只係有緣, 因為之前睇過一個網都話
男水瓶 VS. 女處女 配對評分：55 分
放棄了~~

好彩~~

今日依然係晨咁早就返學, 一開波就要上四個鐘o既Lecture呀, 好頂呀~~
之後臨尾又要上死人癲佬o既堂, 只係上o左三個字, 好彩之後o的同學好合作咁同我開會, 又肯做野, 咁我都無咁慘~~
夜晚收到公司打黎, 佢竟然話續到約喎, 下~~ o.o" 係真唔係呀, 咁我之後o的駛用咪有著落囉, 好野, 但係又係引申另一個問題, 就係班長o個度......
不過唔緊要啦, 船到橋頭自然直o架啦(希望係咁)......

電視劇節錄

西廂奇緣：
個天都要你救佢, 證明你地係有緣啦??
我：
但係個天不嬲都係咁鐘意玩人, 有緣無份就係個天玩你o既好例子啦~~

甜孫爺爺：
自己搵錢自己駛係一種樂趣
我：
無錯, 完全讚同~~

過癮~~

今日又係晨咁早就要返學, 但係學o既係點樣Config個Router, 對呀輝黎講係easy, 但係對我黎講就係好好玩, 但係都唔知點解Set佢個ip硬係ping唔到, 改到唔清唔楚先至ping到, 都唔知有無攪錯~~
放學, 去食Lunch, 好多謝班長, 呀恆, 呀偉, Raymond, 墨丸, 呀輝(排名不分先後, 唔知點解我會諗起呢句野!?)佢地呢餐, 之 後去o左打機, 但係都係覺得好貴, 所以就同呀輝佢黎灣仔度賭馬, 嘩抵到丫, 一蚊打o左半個鐘喎, 有無攪錯~~ 爽~~

無情人節......

今日晨咁早起身, 去呢個港灣消防局度集合, 向住呢個八鄉消防訓練學校出發, 上到車, 個領隊消防叔叔話我地呢年同舊年一樣, 會有餐食添喎, 本來係無, 但係有人打電話去問點解無, 咁上頭咪又話有囉, 仲要係食盤菜呀, 嘩, 以我記憶所及, 我咁大個仔係第一次食盤菜o架, 好開心呀~~
今日係撞到正o既情人, 唉~~ 同舊年一樣, 我依舊係無人陪, 咁就又係用一個有去無回o既心態去send 個SMS俾佢, 祝佢情人節快樂, 點知佢竟然回一個多謝俾我喎, 開心~~
返到黎, 同o的舊同學去行街街, 行行重行行, 咁就行o左好多地方, 去o左皇室堡打機, 嘩, 好過癮呀, 廿五蚊個鐘任打喎, 其實就一o的都唔平, 但係就好多人喎, 咁就緊係無打到啦...... 之後就過o左去世貿打, 但係一o的都唔平, 所以就無打到, 咁就過o左一個同舊年一樣o既情人節.
記得舊年嚮學校都會有o的女同學買盒朱古力返黎請我地, 但係今年就連學都唔駛返, 嚮條街度, 見到o的男男女女一pair一pair咁, 自己就一支公, 唉~~ 見到o的一支支o既玫瑰同金莎, 好靚, 真係好想買翻支, 無奈係無人俾我送, 唉~~

第一個唔係嚮屋企o既生日~~

今日好開心呀, 首先係收到幾個人o既SMS, 之後返工又收到利是, 去到表弟屋企, 又有蛋糕喎, 好開心呀, 但係佢就, 唉, 佢只係打俾我問我聽日駛唔駛返學, 仲叫我去死, 心灰, 係好灰, GiveUP~~
多謝班長佢早一日打俾我, 呀輝佢搭正十二點SMS我, 呀邦佢SMS我, 呀恆佢個Flash, 同Froum咁多位o既留言, 多謝哂咁多位~~

多謝, 多謝哂咁多位~~

開心, 好開心呀輝佢嚮搭正十二點send 幾個SMS俾我, 咁多年黎都無人會嚮搭正十二點祝我生日快樂, 最多都係過o左幾分鐘就ICQ我, 二十年黎第一次, 真係好開心~~
多謝, 真係好多謝, 我只係send o左句多謝哂俾佢, 因為我真係唔知點話俾佢知我o既開心, 多謝哂咁多位~~

無人會知

臨訓之前見到個鐘過o左十二點, 諗起我聽日就生日, 有點兒那個的感覺, 年年生日都係咁過, 屋企人重視舊曆, 完全唔重視新曆, 但係我就重新多過舊, 因為我過新曆會開心過舊, 本來今年係星期日會好開心, 可以去玩, 但係要返工, 又無機會見到鐘意o既人, 唉~~ 相同呢個會係一個無人知o既生日......

初三赤口

o的人話初三係赤口, 呢o的野係真o既都唔出奇, 估唔到今日都係要同人嘈, 你要話我大食懶都係咁話, 你睇住你o個個大o左變衰仔你唔好怪我, 教又話我好話佢, 唔教又話之前佢老豆點對我, 我仆你個街呀, 屌~~

我想放棄

我真係想放棄, 唔知點解每次諗起佢掛住佢條仔o既時候, 我都想放棄, 我明白到佢鐘意佢條仔多過我, 可能係Timing唔o岩, 亦都可以話係有緣無份啦, 識到佢只係我地有緣, 至於唔可以同佢一齊, 就應該係無份, 緣份呢樣野, 係唔可以用一般科學去解釋, 但係我會記住我同佢o個一個禮拜o既日子, 短時間之內都應該唔會忘記, 至少呢年幾內都唔會, 呀恆如果真係鐘意佢o既話, 你去馬啦, 我支持你~~

俾人放飛機

今日呀輝同我本來諗住同呀恆, 班長佢地一齊早o的返學去葵芳打機, 之前都諗過, 葵芳會唔會貴o左o的呢, 但係一次過, 算啦, 錢呀以再搵過o架o者, 但係我地本來約十一點半, 點知到o左葵芳佢地打俾我地先話嚮觀塘, 話打住等咁啦, 咁我地咪打住等囉, 隻賭馬game真係幾好玩~~ 但係過o左半個鐘佢地都未到, 打俾佢都只係嚮荔景, 唔係下, 佢地到o左問佢地, 我頂, 原來佢兩個打俾我地之後仲打多o左陣喎, 他媽的丫......

又俾人噴......

今日返工, 又係指定o既工作, 借書同還書, 但係我頂佢個肺丫, 有條友還書唔肯還碟, 咁我咪同佢講話唔可以只係還書唔還碟啦, 佢竟然俾一個籍口我話本書重, 要我同佢還o左本書先, 隻碟遲o的先還, 我話唔得, 唔係下一手要碟我地俾唔到佢咪死, 佢竟然話你又點知下一手一定要碟呀, 我仆你個街呀, 咁唔講道理o架, 你係唔係人黎o架, 鬼唔望你俾人呃Ｑ哂o的錢, 到時你仲唔仆街, Diu~~ 最後又係要搵人黎幫手, 唉~~ 地位低, 係咁o架啦, 我都唔想煩佢地, 唉~~

好, 唔好??

今日都唔知乜事, 晨咁早就要返去上堂, 之後又有三個鐘Lunch, 去o左打波, 之後上DC個Tutorial, 眼訓到仆, 做完o的題目之後就訓o左, 阿Sir講o左句, 話如果你唔係唔識, 呀Sir唔會叫你唔好講野, 快o的做野, 但係我訓咁多同講咁多野呀Sir都無出聲, 咁係唔係我都OK呢, 有o的開心~~但係之後上癲佬o個堂, 要搵個Team Leader, 都唔知點解佢係咁指住我, =.=" 之後真係俾人指o左出黎做囉, 我做唔係問題, 但係最驚o既係會有人唔做野囉, 唉~~ 最仆街o既係夜晚check e-mail之後佢就話要搵野喎, 唔係下, 我頂~~ 唯有好唔好意思咁搵人去搵...... 死癲佬, 正仆街~~

呀恆生日快樂~~

今日係呀恆生日, 我同呀輝一早去o左買蛋糕, 晨咁早就去到美景, 見到o的蛋糕比起美心o個o的平成半, 咁就自然係買夠兩個, 都係平過美心o個o的, 上o左一堂之後去唱Ｋ, 中途呀豪佢問我其實成功o左未, 我好無奈咁答佢係未, 加o左佢條仔又對佢好翻, 我都好無奈, 佢之後話等多兩個月就等o架啦, 我心諗, 係就好啦, 我都想, 但係得至得o架, 唱Ｋ到成四點, 之後佢就去o左睇醫生, 唔知佢點呢~~ 有o的擔心~~

無題

『人生不如意事十常八九』一個人係唔係真係唔開心事多過開心o既事, 今日諗落真係十樣野有九樣野係唔開心, 諗住聽日唱Ｋ, 以為會有蛋糕送啦, 但係只係唱Happy Hour先至有, 以為個Project Work II有得早o的放去打機, 但係都係要成五點幾先有得放, 加上佢又話唔舒服, 同佢去搵間門診都要行到老死咁遠, 個中原地圖一o的都信唔過, 返到屋企都係唔開心, 今日係我舊曆牛一, 但係都係無用, 咪又係咁過, 加上我新曆係年初五, 星期日, 要返工, 個生日都係咁過, 蛋糕都唔會有一個, 咁多年都係咁, 無乜要求, 唉~~ 家家有本難唸的經.唯一我可以開心o既可能係我TP同Programming會有丁掛.