五月十八至廿二

星期六, 今日當然要返工啦, 返到去, 見多兩個新暑期工喎~~ 之後成日都嚮度做個stat, 如事者, 咁就一日~~
星期日, 今日可以叫做Hea~~ 成日都好似好忙但係基本上就好似無乜點做過野咁, 因為要print幾百張booking form俾暑假工佢釘裝, 又一整整夠幾年先~~ hea下hea下就又一日~~
星期一, 今日嚮屋企度休息, 簡稱Hea~~
星期二, 今日本來約o左o的表弟佢地去踩單車, 點知俾人放飛機囉, 三號風球又點o者, 又無落雨, 個天又陰陰地喎, 仲唔係踩單車o既最好時機, 唉... 飛機, 呼~~ 一聲飛過... 最後, 上晝同o左母親大人去o左飲茶, 下晝嚮屋企度睇戲...
星期三, 今日八號風球呀, 好大風呀, 好大雨呀, 不過呢o的都唔關我事, 因為八號風球嚮十一點三已經落o左, 而我亦都訓到十二點幾先俾人叫起身... 加上我今日學又唔駛返, 工都唔駛返, 即係放緊假呀~~ 咁又點會關我事呢~~ 咁成個下晝就嚮屋企度無聊, 又係睇下戲咁~~
夜晚, 去探呀婆o既時候, 佢一見到我就好有中氣咁話『哎呀, 你黎就好啦, 痛死我啦』咁我就即刻幫佢"揼"骨, 事關佢有風濕, 平時我都有同佢"揼"骨咁o既. 而家一聽到佢咁叫, 都唔知開心定唔開心好, 聽到佢咁好中氣, 個心係會安樂一o的o既, 因為佢之前幾日都唔係幾好精神, 講野都唔係太清楚(我日日都有去探佢！), 而家一聽到佢咁好中氣, 當然會安樂一o的, 但係另一邊廂, 聽到佢咁想搵人陪, 個心總是不是味兒, 因為醫院o的姑娘唔會俾你嚮非探病時間入去探佢, 每日只係得o個兩個鐘頭探病, 唉...

2小童由34樓家爬落街 - Yahoo! 新聞

2小童由34樓家爬落街 - Yahoo! 新聞: "2小童由34樓家爬落街 (明報) 06月 21日 星期六 11:20PM

天水圍兩名小童今早由34樓家中睡房，爬出窗外，爬落至20多樓，被街坊救起，母親涉疏忽看管，被警方拘捕。

兩名小童分別為6歲的弟弟及8歲的姐姐，今早約10時多，天逸樓住在28樓的住客發現，女童置身窗外的晾衫架，大驚將她救下，而男童亦從25樓的窗爬入一住戶。街坊最初以為兩童是從高處墮下，警員到場調查後，懷疑兩童自34樓家中爬出，沿水渠爬到20幾樓外被困。

2人身上多處被擦傷，送往醫院，而他們的26歲母親亦到醫院探望他們。

現場消息說，兩童的母親當時在家中睡覺，事發後陪同兩童送院。警方調查後，懷疑他們的母親涉疏忽照顧，拘捕女子。"

嘩, 兒童版蜘蛛俠呀~~
估唔到佢兩個人仔細細, 唔知死咁可以爬十幾層, 俾我望落去都腳仔軟啦, 咪講話爬啦, 果然係犢不畏虎呀下, 勁！！

五月十四至十七

星期二, 今日拎翻個Mon返學校, 重到呢... 之後就去o左做清潔, 無錯, 係清潔... 清潔機箱, 即係清塵, 用個吸塵機黎吸塵, 吸o左一個上晝之嘛, 就已經攰到呢... 都不知幾high, 即係攰到high high... 吸埋個下晝之後就已經死o左... 攰死o左... 都唔明點解晶晶又係咁多錢個鐘, 我又咁多錢個鐘, 佢就坐嚮個Barn度放蚊, 而我就... 做到隻咩咁... 佢話係因為我唔勤力讀書喎, 所以先要做清潔...... 唔... 相信都係頂啦...... 夜晚, 已經攰到死o左...
星期三, 今日亦都係要返學校做清潔, 早上十時返到去, 成個Barn都無人嚮度, 直至十點半先有第一個同學黎, 都好o既成個Barn我玩哂~~ 玩鬼玩馬咩, 吸塵就有你份... 再講咁多廢話, 加上吸埋吸埋o的塵, 遲早肺積塵呀, 到時你仲唔變肺人~~ 攪掂之後路過o左中環, 之後就返屋企~~ 夜晚... 攰...
星期四, 今日本來可以訓晏o的, 但係... 唉... 呀婆佢中風call白車入o左醫院, 咁就攪o左成日, 以後都唔知好唔好得翻, 唉... 天有不測之風雲, 珍惜眼前人. 夜晚, 頭痛到死...
星期五, 今日訓得晏o的啦, 但係, 唉... 個心都仲係咩咁, 好多野諗, 好多野想做, 人一世, 物一世, 好多心願未了, 有呢日假放, 俾個人靜下都好o既.
本來今日係要返學, 點知同David佢swap o左, 當中又swap錯, 攪到我放錯slot咁, 都唔知係好事定壞事. 有時o的野, 天意吧.

五月十二至十三

星期日, 今日返工, 返到去, 見到幾個新暑期工, 但係都好似未見哂佢地... 今日呀邊個邊個仲做錯事, 好彩最後都係有驚無險... 下次都係小心o的好...
星期一, 今日要返去還翻o的notebook俾department... 之後去o左打波... 咁就返o左去hea一日...

五月十一 比賽日

今日係呢個叫做「泛珠三角安利盃 大學生計算機作品賽」o既比賽日
一早我就起o左身, 等待我groupmate o既來臨 - 幫手拎野, 之後就搭的士去利園, 即係比賽o個度~~ 嘩搭的士咁有米呀~~ 兩個人拎四舊野, 我groupmate仲要係女仔黎架添, 著住套suit加高跟鞋, 唔搭的士, 你想佢死定係我死丫, 佢死o既係佢行死, 我死o既係我拎野拎死... 我唔想攬住一齊死囉... 廿蚊的士, 都唔係好過份咁o者~~ 上到去, 我頂啦, 一team人只係得一格位俾我放野, 我頂... 一格o既大細係一張長枱俾三group人only, 我地又Mon又機頂盒, 加多兩部notebook添, 點夠位呀... 真係頂啦... 跟住就到demo 時間, 六個評判, 分六次黎demo, 同一set說話repeat六次以上(因為會有o的非評判o既人走黎睇, 唔講唔得...) 個口好似部錄音機咁, 除o左可以normal play之外, 仲可以1.5倍速黎快放, 因為Demo到最後o既候, 唔夠時間, o的評判叫我地講快o的囉, 係咁o既話你之前唔留翻o的時間黎聽...... 而家o的人o既時間觀念真係差~~ 攪到我好似玩緊急口令咁囉... 晶晶佢話我成個sell屎佬咁, 咁呢o的比賽, 係要咁架喎~~ 最後第一Round o既Demo就超哂時完成, 得翻大約半個鐘時間食飯... 行到邊都係咁多人食飯, 最後去o左一間自稱快餐店o既KFC度食, 但係呢, 叫野食都等o左幾個字囉, 我頂... 最後嚮我未食完o既情況之下, 帶走o左兩隻雞翼返到去先食囉... 準時返到去, 車... 都未開始o既, 食埋隻雞翼先~~ 之後就到好緊張o既present時刻啦, 因為呢, 佢相信佢係為o左避免o的唔入圍o既人走o既關係, 係佢一叫你就要出黎present, 真係大壓力, 但係呢, 其實我都唔係抱太大期望, 畢竟呢個project都唔係太夠創新, 加上呢咁o岩食完飯喎, 所以就會飯氣攻心(乜食雞都會飯氣攻心架咩? 係都係雞氣攻心啦~~ 雞氣... 咩黎架...) 咁呢, 一路聽人地present, 我就一路訓, 都不知訓得幾"淋", 連人地o的爛gag都唔識笑, 係人地笑完我先識醒囉... 最後, 我竟然有機會上去present喎, 好似o岩o岩訓醒就要present咁... 仲爆o左唔少爛gag出黎~~ 仲唔係因為仲未訓醒我先會咁語無倫次?! 最後呢, 嚮卅隊入面, 會有十二隊可以出黎present, 事後睇翻, 原來科大, 中大, 港大, 出咁多隊就咁多隊都有得present, 分別有五隊, 一隊同三隊, 另外仲有兩隊poly同一隊City~~ 至於最後四名可以上江西代表香港o既係一隊科大, 兩隊poly同一隊中大, 恭喜哂~~ 因為o個一隊科大o既亦都係我地老闆o既另一隊, 咁佢就唔駛咁失望~~
比賽之後, 晶晶佢即刻換翻對鞋(我講呢個係有原因, 請繼續留意下文), 之後就去搭的士返我屋企放低o的野~~ 點知呢, 個司機聽京都戲院以為係北角o既新光戲院囉, 當佢兜去維園o既時候我就開餐, 結果, 本來唔駛跳錶o既一程車變o左四十幾蚊, 好彩個司機話平時俾開幾多俾幾多o者, 唔係就真係...... 原本我都諗住跳唔跳錶都俾廿蚊, 事關氣錢都唔平, 咁短程都無得賺, 點知由十幾蚊變o左四十幾蚊, 司機呀司機, 唔關我事架, 你行錯路我都無計架喎...
返到黎, 晶晶佢臨走o既時候都要換翻高根鞋, 約o左男朋友丫嘛~~ 我... 無野講...
咁就完o左一日o既比賽~~
其實有咁o既result, 都唔知係開心定係唔開心, 做到有得present o既其中十二隊, 都可以話叫做有個交代, 但係做唔到頭四名, 點都有o的遺憾o既~~ 但係一諗到要過江西, 同埋基本上呢個比賽只係得我一個人比較有興趣去參加, 咁... 就係咁.
補貼翻o的present時o既金句先~~
『free is not a selling point』
『點解你會用linux?』『Windows Mobile 比較貴』

---

內容最後更改於 2008-06-21 00:44:35

五月初十

今朝一早就起身, 要返Barn, 唉... 今日放蚊o既程度已經俾上個星期好, 事關我唔駛帶電蚊拍~~ 因為放親o既都係烏蠅, 飛得咁快, 想拍都拍唔到~~ wee~~ 咁就飛走o左~~ 都唔知可以點拍~~
好難咁捱到三點, 終於都放Barn, 食LunchTea~~ 乜黎架, 聽都未聽過o既... 即係嚮Tea o既時間食Lunch囉, 呢個字我自創o既~~ 我條, 即係廢話啦 =.= 之後就去o左Set埋o的野, 咁就返屋企, 做過o的乜, 同呀晶晶佢嚮度戇九居居咁唔知嚮度做乜囉~~ 我記得佢叫我講個爛gag架, 但係返到黎我又唔記得o左個爛gag係乜... 今日晶晶佢好似有o的唔同咁喎, 唔知佢做咩事呢?
放學, 晶晶幫手拎o左好多準備聽日比賽用o既野黎我屋企, 唔該哂~~
夜晚, 又黃又紅雨呀, 聽日唔好黑雨就得架啦, 我唔想又請假呀...
公司原本諗住攪o既BBQ, 因天雨關係, 改期~~
睇黎呢個月, 都真係放下暑假架啦~~

五月初八至初九

星期三, 今日本來下晝先要上堂, 但係呢, 就係因為個比賽, 攪到我要晨咁早就起身返去, 真係無陰公呀... 返到去, 本來諗住有得借埋個notebook, 但係呢, 由上晝等到下晝, 先至有得拎, 事後仲發覺係未開哂o的port黎比我地做野, 睇黎又要煩多次人地架啦, 唉... 有錢o既話我實會買翻部notebook黎用！！！ 煩完人之後就去o左問老闆拎翻個已經還o左俾佢地o既盒, 之前還o既時候, 個心態係終於都還翻俾你喇, 唔駛再煩啦, 點知... 轉個頭就要問佢拎翻, 同佢吹水o既途中, 一講到佢話有兩隊參賽就雙眼發光, 唔知佢係正常人o既話仲會以為佢有青光眼添, 但係我地個個都唔諗住拎獎, 唉... 拎呢個Best FYP, 都唔知係好事定係壞事... 之後下晝就上堂, 個Lecture 可以坐400人, 但係佢開位就只係開120個, 問佢都話唔會加... 咁睇黎呢個六月應該都會幾得閒~~ 但係臨放學o既時候, 晶晶打黎話個比賽條友話收唔到我地o的presentation file, 咁即係點呀... send個email俾maily問下囉, 唔係點呢...
比賽o個日, 兩個人要拎兩部notebook, 一個Mon, 加多個Box, 仲要著suit喎, 都唔知點拎...
星期四, 今朝去o左幫人整機, 無錯, 又係o個部機, check過應該唔係Ram, 唔係HD壞, 咁... 睇黎都係底版壞架啦, 但係佢o個個年代o既機, 整翻都唔會再用得好耐, 所以呢, 你都係買過部啦~~ 整 完/唔到 之後就去o左沙嗲王食野, 吹下水, 咁就順路陪佢去睇下o的Desktop, 個價錢睇黎都係差唔多~~ 之後送埋佢去搭車之後就返屋企~~ 夜晚, 成晚都好無聊, 但係可以休息下o既話都唔錯, 享受下呢個最後o既暑假~~
今日知道o左一o的我應該知道o既野, 或許這是天意吧~~ 某程度上都可能係件好事黎o既~~

五月初六至初七

星期一, 今日要返工, 順利還翻隻碟俾DeepV, 好彩無俾佢打o者~~ 今日小敏同芭芭拉又一齊返o左黎喎, 點解又係咁架...... 下晝有正正o既郭記檸茶, wow
上網睇到iPhone 3G, 點解咁快出架, 我換o左電話無幾耐架咋喎... 仲要咁平, 頂...
夜晚睇電視, 法證先鋒II, 點解o個個叫Ricky o既係個咁o既人呢... 影衰呢個名
星期二, 今朝要返學, 但係我好相信呢堂, drop硬... 用英文黎教中史, 加上佢無power point, 連transparency 都無, 我聽o左廿分鐘都唔夠就訓o左囉... 仲訓得好好添, 俾人拍o左兩次都唔願醒... 係唔願醒, 唔係唔醒~~ 所以最後上o左半堂就已經走o左, 去o左攪埋比賽o的野. 之後去o左食飯, 跟住上o左去呀Joe個Hall度睇碟, 睇到一半就去o左打波, 打到咁上下就去攪埋比賽o的野就返屋企~~
返到屋企, 見到iProA個email, 點解... o的參賽者o既email會出現嚮個cc度o既, 好在我係用學校o個個email o者, 我頂啦, 乜而家o的人咁做野架.
夜晚, 越睇部iPhone就越唔抵, 唉... 算啦, 等多一年先再會換電話架啦, 邊鬼度有咁多錢丫...
如事者, 咁就一日~~

五月初三至初五

星期五, 今日晨早就要返學, 返Barn, 但係大雨到呢... 所以返到去, 個barn只係得四個人... 無人之餘我又勁眼訓, 事關尋晚整個所謂o既presentation整到好夜... 所以今朝就勁眼訓, 成朝坐嚮度, 除o左釣到泥猛之外, 亦都釣到石斑, 甚至連鯊魚都釣到~~ 終於都Barn完, 都已經三點... 幫Denny佢拎翻張Cert同埋張Cheque, 然後跟手同佢入埋, 順道幫自己入埋添~~ 就去o左食Tea, 都唔知係叫Tea定係叫午餐... 再上去執一執個presentation就返屋企~~
夜晚, 睇翻呢兩日o既劇集, 兩日之嘛, 都要睇到三點...
星期六, 今朝訓醒, 出面落兩落到咩咁... 加上個人又訓到有o的"wing wing"地, 又聽到係黑雨喎, 咁就繼續wing落去... 即係繼續訓~~ 正當我心裡盤數著如果個黑雨黑到三點就唔駛返o既時候, 即係大約十一點啦~~ 估佢唔到咁就轉o左做紅雨... 又過多半個鐘正當我想起身o既時候, 又再一次估佢唔到地轉o左做黃雨, 加上主管佢打黎叫我返工, 咁就唯有帶著一個疲累o既身軀起身~~ 食個飯之後就返工~~ 聽收音機講話邊度邊度水泥傾瀉, 香港仔塞車, 黃竹坑又水浸, 都有o的驚返唔到去, 但係當我搭車o既時候又好似水退o左啦喎~~ 但係成條街都好似打完風黎咁囉, o的舖頭濕哂之餘, 成條街都勁污穢, o的垃圾桶都吹到無一個係完整, 即係個個垃圾桶都分開o左做三份~~ 返到香港仔, 成個地都係泥喎, 個地好似做海底泥facial咁, 有層泥舖o左嚮地面咁喎~~ 返到去, 十二點半, 開工~~ 要返工都唔知係好定唔好喎, 唔好o既係少o左半個鐘錢, 無假放, 好o既係有錢搵...... 放工, 去o左奇哥屋企, 一入到去, 嘩~~ Woo~~ 六十寸Full HD Plasma, 四十二寸Full HD LCD TV, 卅二寸十六比九CRT 電視, 五點一聲道喇叭, 簡直呢~~ WoW~~ 用部六十寸Full HD Plasma玩Wii, 4play o既時候每格都大過我屋企部電視...... 之後用黎睇戲, 正到呢, 個Base十足十成個戲院咁架喎, WoW~~ 已經無野好講...... 奇哥, 打攪哂~~
星期日, 今日返工, 試到郭生牌檸茶, 正呀~~ 十足十茶餐廳風味~~ 郭生好野~~ 夜晚, 終於都睇o左DeepV借俾我都應該幾個月o既Transformer, 聽日還翻俾佢先~~ 希望唔好俾佢打啦~~
如是者, 咁又一日~~

四月卅至五月初二

星期二, 今日所做過o既野就係食, 訓, 食~~ 訓到十二三點先起身, 之後就睇下o的舊戲, 睇睇下訓著o者...... 一訓就訓到六七點... 點知訓醒起身, 死火... 頭痛... 呀！！！！ 點解會咁架... 辛苦... 估唔到無野做嚮屋企會咁... 真係無陰公呀...
星期三, 今日上晝去o左打波, 但係因為個人好似虛脫咁, 打o左個幾鐘就要抖... 人老o左, 估唔到會咁... 下晝同夜晚就準備比賽o既野, 點都要整o的presentation file o既... 如事者, 咁就又過o左一日~~
星期四, 嘩, 今日去拎獎呀~~ 就係呢個Professor Samuel Chanson Best Final Year Project Award~~ 簡單黎講即係Best FYP Award~~ Dress Code係Smart Casual, 咁除o左恤衫西褲之外, 都應該無乜選擇... 但係呢... 我起身亦都見頭痛... 真難頂... 但係點都要頂返去架啦 ><" 有Cert之餘又有cheque, 好野~~ 等我post相出黎俾你地睇下啦~~
最左邊o個個係我地FYP o既supervisor, Dr. Jogesh MUPPALA, 而最右邊o個呢, 就係Department Head, Dr. Lionel NI
平時俾錢UST就俾得多啦, 今次呢, 終於都有錢收~~ 好野~~

個名當然係麵王之王啦~~

攞完獎, 食完飯之後, 都仲係好頭痛, 去o左睇獸醫...
之後就去o左幫人整機, 幫邊個? 唔話你知, 嘿嘿~~
整o左好多野呀, 裝好o左好多野呀~~
但係呢... 就係整唔好佢部電腦, main point都整唔好, 咁整到其他野有鬼用咩......
但係佢部機應該係hardware問題, 呢個唔識整, 裝完windows 都係hang機......
整好/完/唔好/唔到 之後就去o左銅鑼灣食飯, 計埋之前佢一次過o既野, 一餐都唔係真係咁過份o者~~ 應該都ok o既~~ 下次有機會我請你食糖水啦最多(又係糖水, 你厭唔厭架...) 食得多甜野, 個人會開心o的架~~
咁就一日~~

四月廿九

今日一早就返o左學校, 返去做355 demo, 過程總算順利~~
之後去o左同yoyoyo打乒乓波, 果然, 我o的乒乓球唔太好~~
等埋denny之後就去o左唱k, 原本呀豬話唔黎, 咁就去淘大唱大加碌拎, 點知最後都係要Denny先叫到佢黎, 果然Denny同呀豬佢係有o的微妙o既關係~~ 攪到原本約o左茵茵嚮o個度等, 攪到佢要兜一大個圈去旺角~~ 唔關我事架, 唔好鬧我呀...... 一日都係呀豬！！！ 佢其實會唔會係嚮我呢度睇到我話佢佢唔黎先黎架呢?? 如果係o既話就有咩得罪o既嚮度say 個 sor先~~
如事者, 今日就唱k過o左一個下晝~~ 估唔到yoyoyo佢唱k咁正架喎~~ yoyoyo好野~~
咁又過o左一日啦~~

四月初十至四月廿八

續上篇...
都差唔多成個月無打日記, 唔係唔想打, 而係真係無時間打, 唔好怪我偷懶, 至於我做過o的乜咁忙, 繼續睇落去就會有新驚喜~~ (都唔知係驚定係喜)
話說上回講到我要早o的訓, 係為o左之後o個晚通頂做準備, 但係o個日係返晨咁早架囉... 上堂o個陣, 為o左要準備o個晚o既通頂, 順理成章就要訓翻陣啦(你o個一陣實際係有大半堂...), 邊有大半堂呀, 最後一堂呀, 我訓o左好少咋！！！ 之後就返Barn, Barn o個陣都係做緊個project... 食飯... 上堂... 上一個原本係上個星期有得上o既tutorial, 因為呢, 原本佢個course website 話上個星期係唔駛上, 但係點知係佢個web site無update到, 所以呢個星期再上次, professor之前仲問我地點解唔去上堂, 但係一開佢個website俾佢睇, 佢就即刻O 哂咀, 哈哈, 唔係我地唔上呀, 你係話唔駛上架咋~~ 上完堂之後再Barn, Barn o既時候當然都係做緊project啦~~ 如事者, 做到放工, 咁就去o左食飯, 食完飯之後就繼續做... 到近九點o既時候, 去o左百佳度買定o的野食黎準備通頂用~~ 之後就正式通頂！！！...！！！ 經過o左一晚o既時間, 個project都仲係有百幾個error(最後發現其實係已經大致完成), 去到大約六點o既時候, 想去睇日出, 雖則真係去o左, 但係因為o的雲太厚, 最後都係睇唔到, 而且個人已經攰到攰攰...... 但係因為o個百幾個Error而唔憤氣！！　過哂DRC, 係差o個百幾個LVS error囉... 好灰... 做到咁上下, 大約七點幾, 去o左食早餐, 但係o個時又唔知點解個肚有o的唔舒服, 我心諗, 唔係下, 而家先黎唔舒服, 反咩...... 算, 我忍你！！！ 去廁所解決o左你先！！！ 之後食個早餐, 再做多陣, 大約八點度, 對住o個近百個o既Error(已經少o左o的o的架啦...), 無心機, 就去o左3119, 等TA問野~~ 嚮等o既途中, (TA office hour係10點) 訓o左大半個鐘~~ 到大約九點半度, 起翻身, 再繼續！！！ 咁嚮搵TA o既途中, 我已經將o的Error數目減少至幾個, 太好啦, 個program佢蝦我o既... > <" 最後由TA協助之下(實際上都係我自己解決o既...), 攪掂～～ 好野, 終於都攪得掂啦, 好野~~ 訓多o左陣就去o左食飯, 食完飯就上堂啦~~ 又一日新的開始(上堂訓覺)~~ 如事者, 上完堂又一日~~
星期五(四月十二(農曆)), 今日唔駛返學, 終於都可以訓翻覺好架啦~~ 一點先起身...... 溫書~~ 訓~~ 食~~ 溫書~~ 訓~~ 食~~ 溫書~~ 訓~~ 又一日~~
星期六(四月十三), 今朝要返學校Demo, 成功Demo, 又攪掂多一個project~~ 好野~~ 之後就去o左睇獸醫, 捱o左成個星期, 唔病就有鬼啦, 我呢隻禽獸睇完獸醫之後, 突然有人放Barn, 又Take o左~~ 之後就到355 project, 都唔知有無攪錯, 咁叉多project架...... 呢個Sem 四個project纏身, 分別係FYP, 231, 301同 355, 唔係讀UST o既人唔知呢堆係咩數字黎架啦, 簡單黎講, 係course code, 即係代表咩course, 就係咁~~ 做到近旁晚, 都係時候返屋企啦~~ 咁又一日~~
星期日, 今日要返工, 終於都返得工, 但係之後又要請兩個星期假丫嘛, 無錢... 放工好似同o左嘉茵同小敏去o左食糖水(希望我無記錯啦...) 之後就正式溫書之旅~~
星期一, 嚮屋企溫書, 訓覺, 溫書... 又一日, 但係溫書進度唔理想...
星期二, 今日下晝既然都要返學上301 tutorial, 上晝就返o左去溫書, 進度都一樣係唔理想... 下晝上完tutorial之後就去o左做實驗/俾人做實驗, 收翻少少咁啦~~ 又一日...
星期三, 今日都係嚮屋企溫書, 訓覺, 溫書... 又一日, 聽日考架啦, 努力呀！
星期四, 今日考219, 經過尋日溫o左咁耐書之後, 都無乜把握, 事關呢科都未必count落GGA度, 但係都會照溫o既, 高分咪對個GGA有o的幫助, 低分咪唔count囉~~ 呵呵~~
星期五, 今日... 考兩科... 先係晨早o既231, 溫完書都唔識... 記唔到入腦, 真難頂... 跟住就係下晝o既100F, 都係唔識, 雖則係考MC, 但係... 我無運架囉...
星期六, 日, 呢兩日都無返工, 終於都有得同屋企人飲下茶啦, 呢o的機會認真少有, 因為平時星期六日唔係返工就係返學, 係呢o的咁o既日子先機會同佢地飲下茶~~ 吊頸都要抖下氣o既, 咁就出去鬆一鬆啦~~
星期六成日都無溫過書, 掛住做355個project...
星期一, 都係溫書, 訓覺, 溫書... 又一日~~ 聽日到301...
星期二, 今日係301, 又八點半... 份野... 要背式囉, 我到而家都唔明, 點解考試仲係考人地有無背書架, 又唔係考歷史, 背黎無意思架囉... 但係好在有個project墊一墊(未出分你都知有得墊...) 應該都唔會太大件事o既... 好, 剩翻一科~~ 所以都係做多陣個project先~~
星期三, 聽日係最後一科啦, 努力溫書呀~~ 所以今日都係溫書, 訓覺, 溫書... 又一日~~
但係嚮溫書, 訓覺, 溫書o既途中, 成個下晝都收到勁多email, 首先係話我地個project俾人nominate o左出去比賽, 正當我地心諗唔知係乜Ｑ之際, 又收到個email話, 原來我地個FYP係Best FYP, 果真係"驚""喜"一浪接一浪~~ 攪到無哂心機溫書...
星期四, 今日係最後一科喇, 努力呀~~ 點知今日考試都幾攪野, 首先係professor 佢考考下, 唔係, 係嚮我地考考下走鬼o左, 走o左出去十分鐘都有囉, 之後就又有位同學佢嚮兩個鐘o既考試時間面, 拎住個水樽出o左去兩次囉, 咩人黎架, 飲咁多水o既... 好野, 終於都考哂試啦~~ 之後去o左對301卷, above mean, 都未死得o既~~ 之後就到最後一個project~~ 本來今日要去消防大使度開會, 但係個project 進度唔理想, 最後都係去唔到, project緊要o的~~
星期五, 今日project, 但係進度極之唔理想, 最後要請埋聽日假黎做.....
星期六, 今日成日都project, 終於都做好, 個report最後都俾晶晶佢ＫＯ o左, 晶晶好野~~ 呢兩日都十二點先返到屋企, 攰死...
星期日, 今日終於都返翻工啦~~ 下晝唔知點解EA房個project有問題, 攪到拎o左第二個黎睇喎, 但係臨尾再試o既時候又無事喎, 頂...
夜晚, 本來約好聽日唱Ｋ, 點知呀豬佢又放飛機, send個sms黎話唔去, 某程度上我都估到... 算！！