九月廿七至十月初一

星期六, 今日返工, 唔知點解今日o的時間好似過得特別慢咁, 好耐都未到放工... 放工之後就去o左祺哥屋企, 睇呢個六十寸plasma耶~~ 食飯o既時候, 佢表姐可以一個人煮九個人飯, 勁呀~~ 一路食飯一路睇電視, 只係一個好普通o既高清翡翠台睇"係咪小兒科"o者, 都可以聽到o的環迴立體聲o既呼呼聲, 祺哥o既音響果然係好勁呀下, 聽到O咀...... 之後就睇o左套第二次睇o既"熨斗人", 即係呢個IronMan呀~~ 話雖係第二次, 但係呢, 嚮屋企度用個十九寸Mon睇RMVB同用個六十寸Plasma加好正o既音響睇, 跟本係唔同...... 無得比的... 睇完之後佢隻貓就好嘆咁訓o左嚮個地度喎, 祺哥就好順手咁轉轉轉佢隻貓, 攪到隻貓好似嚮度抺地咁, 我拍o左片呢, 有機會放上黎先~~
星期日, 今日好難得地見到呀Linus主任返, 如果唔係就上晝無人返架lu~~ 點知佢唔返尤事可, 一返黎就攪攪震, 攪到死人骷髏頭佢嚮度攪事, 排後補位邊度一定有位架o者, 佢都戇鳩鳩的, 跟本就係一個癲婆嚮度對號入座喎, 最後有人走, 俾機佢用咪一隻狗咁乖乖地走入去用機~~
星期一, 今日又有Day off喇, 真好~~ 但係我發覺dayoff係會令到人頹的... 攪到我無哂心機溫書喎... 成日都嚮度打機, 都唔知點算... 過幾日就midterm, reading都未睇哂... 都唔知點算...
星期二, 今朝返學, 竟然見到CPEG o既officer Vicky喎, 知就知佢係住北角, 但係撞到同埋一齊搭車就真係第一次~~ 上堂o既時候, 我地o既SuperStar佢遲到, 但係又專登坐一個角落位喎, 又時不時望過黎喎, 攪到豪哥佢都忍唔住要屌佢, 呢o的咪係叫做"樓屌"囉~~ 臨食飯之前, LTA門口有個Nokia Counter有飄(發泡膠)雪玩喎, 所以我地就放o左呀Joe入去玩, 最後佢就成頭都係膠, 發泡膠個膠, 即係膠頭~~ 哈哈~~ 食完飯之後諗住去哂相之際, o的相紙又未有呀, 都唔知有無攪錯... 攪到我地無野好做, 最後我就慘被呀Joe佢蹂躪囉, 唉...... 之後上埋個tutorial就趕去消防局開會, 但係去到o既時候就差唔多散會咁滯囉... 下次都係咪鬼去開算, 仲攪到我咁趕...
星期三, 今朝返工, 好有mood咁做o左大半份數學o既功課, 但係就掂都未掂過聽日個Midterm... 下晝蛇去食飯o既時候, 都唔明點解LG1個燒味咁早會洗砧板囉, 仲用o的唔知係咩o既液體黎"吱吱吱吱"落個砧板度喎, 早知唔食燒味啦, 三寶飯有隻無黃o既咸蛋, 呢個唔係問題, 之後佢放o的白菜仔放到好似仙女散花咁舖嚮面, 呢個亦都唔係問題, 當我發現佢無俾薑蓉o既時候, 佢竟然將o的薑蓉放嚮o的菜面囉, 我頂...... 早知就影張相先啦, 我唔係趕時間o既話你就知死囉！！！！！LG1燒味飯！！！放工之後就去ｏ左買粥黎探呀希佢病，　呀希佢有病呀~~ 如事者, 成個midterm都未溫過, cheat sheet呀, 今次真係 cheat shit啦....... 呢個時候, 都係返屋企溫書咯, 唔係就真係shit啦......

九月廿三至廿六

星期二, 今日返學, 上堂, 落堂, 食飯, 上堂, 落堂, 如事者, 咁就一日...
星期三, 今日返緊Barn o既時候, 突然間我地o既Super Star出o左黎同我講"不如我地做翻朋友丫", 我心諗, 乜搵o的咁o既野攪呀... 做乜燒埋我o個疊呀... 好在最後都因為要溫書而可以打發佢走...咁佢話聽日再搵我. 仆... 聽日大件事... 即刻msn其他同學, 搵佢地照住先~~
星期四, 今日返學o既時候, 以為好順利咁見唔到星同學, 點知一返到去就見到佢坐o左嚮課室度, 頂... 平時唔見佢咁早呀... 攪到我等埋其他同學仔先一齊入去囉... 之後就仲好笑, 佢係咁望向後面, 攪到有半班o既同學都嚮後面笑緊, 我地又玩調位喎, 咁佢就更加經常望後面, 仲借丟垃圾為名行出去課室前面望哂後面, 攪到跟住有兩位攪事o既同學都照樣行出去丟垃圾, 笑死我地囉~~ 最後一落堂佢就走鬼o左, 又話今日同我傾, "徙"氣~~
星期五, 今日晨咁早就俾人嘈醒o左, 本來今日off架嘛, 所以話呢, 做project最衰同埋我最憎o既就係o的requirement唔清唔楚, 錢, 真係賺得唔易...
下晝, 終於都有覺好訓~~

你的名份，我的責任 | hkblog's Xanga Site - Weblog

你的名份，我的責任

Mike Flow @ Guest

大家試過羨慕別人的伴侶嗎？如果我的伴侶有他／她一半， 該多好。但世事又豈會盡如人意，這老掉牙的說話誰不明白。只是這句說話常常教人嘆惜。我們真的有必要嘆惜嗎？

回想起當初，得到他／她就像擁有了全世界，最美好的東西盡在手心。這 種令人無時無刻都進入興奮狀態，令人不知不覺地忘卻了自己的感覺，真叫人懷念，對吧！得到他／她的當天，也同時在他／她身上取得了名份。長期的追求，長期 的等待，那天便正式畫上了句號。老實說那時真的很開心，就像小學生畢業似的。只是沒想到日後等着我們的是一堆又一堆的測試、考試的中學生活。

開心只是表面，快樂的同時不要忽略名份給我們帶來了一堆又一堆的責任。不小情侶會告訴朋友，其實開始我與他／她一起是很快樂的，但不知道後來我們就變得常常吵架了！很多人都會稱剛剛開始快樂的一段日子為「蜜月期」，也常常誤會了「蜜月期」的快樂是由相方的新鮮感而產生。對 對方的新鮮感完了，自然快樂的「蜜月期」也完了。許多人喜歡說：「我談戀愛是為了快樂，既然跟他／她一起都已經不快樂，那麼分手也很正常。」就是這種觀 念，引至到現今年輕一代，每每一兩個月便換一個情侶，不是因為愛或者不愛（現在的人連愛別人什麼都不知道，跟本談不上愛或者不愛，是可悲的），而是因為快 樂不快樂。快樂的，不愛也可以愛；不快樂的，就算愛也可以不愛。新鮮感（快樂）一直主導着他們的愛情路。但隨着時間的流逝，不少人回眸一望，驚覺自己走過 的只是一段荒唐的愛情路。路走過了，沒帶走什麼，也沒剩下什麼，只因他們不曾付出過什麼。不！他們是有付出的，鏡子告訴他們，你們付出的只有時間，還有什 麼嗎？對不起！沒有了。

多少人到了年近三十才明白真正的愛情不是由新鮮感主導，而是責任。

「蜜月期」的結束，不是因為新鮮感的逝去，而是因為責任的來臨。愛 上一個人，可能只是他／她的某一點讓你愛上了；跟一個人一起，你要愛上的是他／她的全部，不再是他／她的一兩點而已。這段期間，他們嘗試把愛侶的每一分、 每一點接受、包容。可惜，人並沒有無限的空間，在有限的空間底下有天總會飽和吧！在飽和的那天，愛侶的每點不能再用愛去包容，接受便成為了一種責任。我不 曾否認愛是無限的說法，舉個例吧，宇宙是無限大的，因為它不斷地膨漲，但膨漲中的宇宙也會有邊界。我想無限的愛與無限的宇宙差不多，對你的愛會不斷膨漲， 只是還是存有邊界。

只是簡單的兩個字「名份」，你便有責任去接受對方的一切。原 來快樂不快樂一直只是成為了他們逃避責任的藉口。面對種種的責任，不少人選擇放棄名份去逃避。看清楚了嗎？說得夠明白嗎？說什麼追求快樂愛情的人，你只不 是一直逃避着愛情。所以我說，他們在愛情的路上沒帶走什麼，也沒剩下什麼，只因他們在愛情路上不曾真正走過。他們選擇的一直只是逃避，一點付出也沒有，他 們有資格在愛情中取走什麼嗎？沒有！別這樣說吧！他們在愛情上不是都付出了時間嗎？對了，他們唯一在愛情上付出的時間，其實也都花在逃避身上。這樣簡單的 道理，難道你也要用上三十年的時間才明白嗎？快醒悟吧。

如果現在已擁有伴侶的你，請不要再羨慕別人有一個好的愛侶而貶低自己的愛人，只因他／她正在默默承擔着給你名份而背負的責任。別忘記，羨慕別人的愛侶時，你的責任是零唷！當你真正擁有他／她時，可能又是另一會事了。不管過程、結果如何，勇敢承擔的人最後也能大聲驕傲地說：「在愛情的路上，我不曾逃避。」

只收到好人卡的男孩子A。

只收到好人卡的男孩子A。

Mi* @ Guest

男孩子 a，是別人眼中的老好人。
他樣子雖然不錯，而且有高等學歷，但一直未拍過拖。
他有很多女性好朋友，但他從未示愛成功。
他不懂搞驚喜和浪漫，亦很討厭「壞男人」的「甜言蜜語」。

可是，他喜歡的女孩子大多都撲向「壞男人」的懷裡。
他相信，總有一天，愛情會降臨在他身上。
可是他已經失去去愛的勇氣，只有讓機會一次又一次地溜走。
漸漸地，他習慣一個人，投入工作，也沒有對愛的憧憬。

對他喜歡的女孩子而言，他是一個很好的朋友，
有什麼事都會幫助她，而且也是解悶對象。
只是…他的話題和她們不太夾，
她喜歡行街、購物、唱k，他愛政治、天文地理、模型。

有時，他又會看了一些類似「四葉草」、「內衣少女」電影、
一些女性動漫，就以為自己很了解女孩子。
她知道和他戀愛不會有太多遐想 - 他不懂製造驚喜，不會去浪漫地方，
不會去有氣氛的食肆。

總言之，就是只適合做朋友，不適合做男友的人。
對她來說，她寧願有一個「負天下人，但只對她好」的男人 -
一個戀愛方面的「好男人」。

如果你們是女孩子，你們會選擇男孩子a嗎？

九月二十至廿二

星期六, 今日要返工, 返返下o既時候, 學車師傅佢打黎喎, 問我今晚學車得唔得, 下... 今晚與敵同行大結局喎, 點得呀... 呢個師傅佢真係幾忙~~
夜晚個與敵同行, 郭晉安佢係咪真係精神分裂架, 點解唔駛佢入青山o既, 仲有係佢謀殺同意圖謀殺喎, 點會坐得幾年咁少呀, 鄭嘉穎佢誤殺都坐十年啦, 無天理的~~
星期日, 今朝返早, 眼訓死, 早知唔幫deepv佢返早, 訓多兩個鐘仲好...
星期一, 今朝學第二堂車, 順翻o的, 師傅佢都放o左唔少手俾我"楂", 但係都好似未係好掌握到轉彎幾時要回同個角度... 今日竟然有三個大錯誤, 一個係我拉o左手制之後無落空波竟然放o左極力子攪到死火喎, 第二個係我用o左一次交叉手呀, 而第三個就係嚮我打右燈要轉右o既時候, 後面有架貨車佢竟然嚮我右邊抽頭出黎, 呢個都唔係問題, 問題係佢係抽頭出黎轉左架囉, 我自己又衰, 衰無睇鏡, 下次一定會睇鏡, 好在今次dup得快o者, "條死發瘟都唔知係唔係趕住拎出世紙"我師傅講的："俾著係架殘車o既話車實挨埋去, 危險駕駛呀, 釘佢牌都有知", 好在唔係考牌o者, 唔係實肥囉, 到時真係多得佢唔少... 原來吊極力子係幾攰的...

糖衣小姐 | hkblog's Xanga Site - Weblog

糖衣小姐

SMILEY_TUNG @ Guest

朋友ｓ說她是糖衣小姐，我想想也貼切。不是內裡包著毒藥的那種，只是苦藥。糖衣小姐的生活好像很精彩，這樣的人，朋友通常很多。她總是充滿活力，她總是不知倦，她的表情豐富而且總引人發笑。總之，她是開心果。

你我身邊一定有這樣的一個人，不論男女，他永遠帶著一種使人愉快的氛圍，所向無敵的使所有人發笑。他經常作弄人，你也許亦曾是其中一位受害者，但你總無法生他的氣。

你大概也曾羨慕過，她為何總是無憂無慮的樣子。

而其實，最絢麗的霓虹也有熄滅的時候。只是你看到的，到底是否全部。或許你只把她當玩伴，然而，如果你真想把她當朋友，你關心過她嗎？

走得愈近，你就會曉得分辨哪種是強顏歡笑；走得愈近，你也會愈笑愈心酸。沒有人是永遠也會快樂的，當她可以笑著面對所有人與事，那表示她很堅強，但她會不會只是在逞強？你不必拆穿她，然而你或許該想想，你可以做些什麼。

不要把別人平常的付出視作理所當然，接受的同時你有付出過嗎？當你以為別人都很快樂，而只有你很痛苦不幸時；當你天天把你的不如意都放上臉時，你有否想過那個天天讓你笑的人，她也會難過？

生存本來就苦，我沒有想改變什麼，也沒能改變什麼，只是如果大家都關心一下身邊的人，會不會大家也能快樂一點？

或許，我未算妳密友，但請別忘了妳身邊的好朋友。苦，不一定要用糖衣包，你可以找水和著喝啊。

不要做糖衣小姐了，改當糖果小姐好嗎？

---

糖衣, 可以係小姐, 有無可能係先生呢??

九月十六至十九

又係時候打個日記了~~
星期二, 今日當然要返學啦, 上晝我地仲等緊之前o個位恐怖同學再有咩事發生o既時候, 今日竟然出奇地平靜... 無任何事發生喎, 我地諗落都唔明點解... 下晝, 就去o左呢個SAO度傾計~~ 六個人一齊傾, 吹漲呢~~ 呀consultant姐姐都話未試過咁多人~~ 夜晚上堂上到七點先返屋企...
星期三, 今日返工, 都唔知點解個個星期o既今日返工都特別熱同特別眼訓的... 之後就約o左保險經紀拎份保單, 終於都開始生效啦~~ 我唔駛驚俾人尋仇打到入醫院但係無錢睇醫生啦~~
星期四, 今日亦都係返學, 食完飯之後去o左打波, 好耐都無打我唔擅長o既籃球啦~~ 打到氣都喘埋, 正一壞鬼後生~~ 之後就去哂相啦, 幫呀進佢過數啦, 同埋去o左問TA野, 上埋個tutorial, 咁就一日了~~
星期五, 今日返o左去科學園度開工, 搵o個一千幾百, 要咁鬼辛苦, 真係搵錢艱難呀... 今日咁o岩隔離又有個咩嘉年華喎, 咁就嚮Lunch o既時候過去八一八~~ 全部都係機械人黎o既... o的大學就全部都係FYP, 我地UST都有呀~~ 仲見到個估歌仔添~~ 但係... 點解會放呢個上去o既??
夜晚睇o個套與敵同行, 真係睇到火都黎埋囉, 郭晉安佢點解可以咁衰架, 就咁放手黎跌佢呀媽落地, 莫講話佢呀媽係有病丫, 就算係正常人都唔會咁放手啦, 乜錢真係可以令人咁恐怖架... 另一方面, 商天蛾佢又點解對佢個仔咁衰架, 點做人呀媽架, 真係火都黎埋, 睇完呢套野之後真係人都癲呀！！！

笑是生存意義? | hkblog's Xanga Site - Weblog

笑是生存意義?

Libra_LeMon@ Guest

相信每一個人 都曾經這樣形容著這個世界，生離死別 , 家境貧窮 , 失戀 , 被排斥 , 買不起名牌衣服 , 甚至是剛剛考試不合格，因為一些困難 , 我們就會開始怨天尤人 , 覺得自己是世界上最不幸的人，甚至自尋短見 。

其實 , 事情本身不會給予我們什麼感覺是我們對事情的想法 , 令我們有各種感受我們都習慣一遇到問題就愁眉苦臉 不斷逃避 , 抱怨 。


人何時開始變得這麼脆弱呢 ?

在世界各地 , 其實有很多人比我們更不幸，他們出生在一個貧窮的國家 , 一個連一點清潔的水都沒有的環境，他們更只是一個小朋友 , 一個應該每天都快樂地玩耍， 沒有煩惱的小朋友，他們都會因為得到一滴清水 , 露出最真摰的笑容，但我們呢 ?

我們都失去用笑容面對困難的能力了，因為我們都太幸福了，我們覺得很多事我們都應得的，其實我們已經得到太多太多，我們依然能夠選擇 , 我們依然能夠擁有夢想，就已經很幸福了，我們是不是該知足呢 ?

若果你依然認為世界很灰暗的話，那麼 , 能夠擁有快樂的一天，就是你成功生存著的證明吧 ? 嘗試每當你衷心笑著的時候 , 就在手裡畫一，你會發覺 , 其實快樂比我們想像簡單得多，它們總在我們身邊。

只是我們不滿足罷了

笑一笑 , 世界更美妙，由今天開始 , 將笑容變成自己生存的意義吧
真的 , 世界其實很美麗 , 很美好！

讀書應有的態度 | hkblog's Xanga Site - Weblog

讀書應有的態度

cathy_ng_2007 @ Guest

今天又考了一個生物科測驗，起初有點擔心，因爲自己沒有好好準備，幸好測驗內容不是只考記憶，這令我感到格外欣喜。最開心的是，我不會再讓兩個心魔困擾自己：

1.分數是否很高
2.跟別人比較

我認為，只要維持強烈的熱情和興趣，花時間去研究，一定會獲取優異成績。處處跟別人比較，或過份著緊分數，是於事無補的行為。只有自己最清楚目前的狀況，勇於挑戰自己，令自己更進步已足夠了。要贏人，先要贏自己。同學們不應樹立假想敵，只需專注於自己，或許你們會發現對方已被你們遠遠拋離。緊記，不論大家讀那所學校和那個系，比較，都是幼稚的行為。

每天做自己喜歡做的事，專注於興趣上，這種生活才是最幸福，最具意義的。相反，每次都只在乎自己是否全班最高分，跟對手相比又如何？這樣的態度只會拉遠了分數和真實情況的距離。

小小顔色的故事 | hkblog's Xanga Site - Weblog

小小顔色的故事

MAG @ HKBlogTeam

某天, 幾種顏色在討論最愛是誰。
綠色說: “藍色和黃色是我的父母，我最尊敬他們的了！”
黃色說：“紅色和綠色是我的父母， 我對他們感激不盡！”
藍色說：“你 們真幸運，我連誰創造了我都不知道呢！不過，我覺得和紅色很登對！” 藍色一直以爲他和紅色創造出很特別的色彩——紫色。然而，紅色卻反對說： “沒錯，我與你雖然是紫色的創造者，可是我並不喜歡冶艷的紫色，我覺得還是簡潔的白色最適合我，因為我和他的衍生品，就是純潔乖巧的粉紅色。”

藍色聽後很傷心, 他獨自離開了出生地，孤獨遊走天涯。 自那天後，他更非常惱恨白色，恨他奪走了所愛，以至他只能孤獨過他餘下的人生。

從此天地不再出現藍與白的混合體，天空不再出現藍天與白雲, 只見烏雲和紅雪天。綠草因爲風雪而凍死，而黃花也因為暴雨而淹死。

終於，神秘的黑色看不過眼， 立即找紅色說理： “其實，妳應好好愛藍色的。”

紅色充滿疑問地問: “為什麼﹖”

黑色黯然地道: “因為藍色對你很專一， 他除了你之外已別無所愛了。”

紅色似懂非懂問道：“何以見得？但是我愛的不是藍色，而是純潔無瑕的白色啊！”

黑色語帶平靜地回答：“妳這樣想便錯了， 誰說白色是最純潔的﹖ 白色才是最花心的呢！”

紅色滿臉疑惑： “何解﹖我不信！”

黑色接著解釋： “因為白色跟誰都合得來，可是藍色只能跟妳創造出獨特的色彩。妳知道嗎，其實妳很幸福的，妳有白色和藍色可供選擇，可是我就不同了，我沒有你那麽幸運。黑色素來是百毒不侵的，沒有任何顔色能感染我，我只能為白色所動容，和他譜出獨特的灰色。老實說，妳和藍色和白色之間的三角戀影響了很多人！ 妳知不知道自藍色離開了之後，天空不再明媚，導致嚴重生靈塗炭？而我跟白色的孩子更每天哭泣，使萬物不得安寧！”

黑色的一番話如雷轟頂驚醒了紅色。紅色聼畢便立即訪尋天涯海角，誓要找到他的命定伴侶不可。最後，皇天不負有心人，他終於都找到藍色了。在幾番唇舌之後，藍色原諒了紅色，並與他一同回去。從此，天空偶爾才下一次雨，而每次雨後，蔚藍的天際總是掛著開顏的微笑——彩虹!

九月十四十五

星期日, 今日可以訓晏o的了, 但係咪又一樣係要返工... 返到去, 基本上係hea過一日... 即係慳翻唔駛打~~ 夜晚獎門人好好笑, 死人郭少芸佢發姣咁, 好抵死~~
星期一, 今日一早起身, 準備去學車, 九點開始, 點知去到電車站度見到有一群人嚮度就心知不妙, 好在最後嚮大約八點十一就到, 好彩好彩~~
今日大致上黎講只係嚮條街度楂o左半個鐘, 咁仲有成個鐘去o左邊呀? 去o左睇師傅佢抄野呀, 講下架車呀咁... 仲有用o左十五分鐘黎試個油門~~ 但係其實諗落都o岩的, 因為都真係幾重要... 總括黎講今日呢一堂跟本係一隻"四都像"嚮度楂緊車... 四都像?! 無錯, 係四都像, 雞手鴨腳, 呢個形容詞應該唔駛解釋啦~~ 剩翻o個兩樣就係豬同猩猩~~ 豬?! 呢個都仲諗到, 成個豬頭豬腦咁, 仲唔係豬?! 咁至於猩猩呢, 真係諗唔到喎?? 你有無睇電視呢? 呀笨與呀占o個隻猩猩呀, 簡單黎講, 即係我笨. 咁所以我就係"四都像"~~ 下晝入o左去科學園度開工... 眼訓... 夜晚, 想報IELTS, 但係俾o左四次錢都唔得, 唔通真係唔駛錢o既雞o的o既?!

九月十三

今日係星期六, 但係基於DeepV佢要返去Test o既關係, 今日由我返早, 所以最後就攰到仆街...... 成個上晝都嚮度打之前o個篇週記, 下晝去o左食日本野呢, 正~~ 而成個下晝都嚮度無聊...... 最後就攰死o左了... 無聊都可以攰囉...
放工之後, 好開心o左兩個鐘~~ 歡樂o既時間過得特別快~~ 之後就去o左食pizza, 淺水灣入面無人架囉... 望過去個海灘度係靜到咩咁... 行過去望海觀音度係靜到呢... 硬係覺得好似唔同o左咁, 搵日係嚮上晝黎多次先~~ 咁就一日~~

九月初七至十二

話咁快又一個禮拜... 過埋呢個禮拜, 應該會多翻少少時間溫書~~
星期日, 今日同DeepV調o左, 咁即係返早, 點知呀成打黎先發覺唔知點解變o左傳說中o既CT恩佢返喎, 終於都見到佢o既蘆山真面目啦, 話就話做同事做o左幾個月, 好似半年都黎緊, 嚮人地口中就聽得佢多, 但係就未曾見過佢o既真人, 今日竟然會俾我見到佢呢~~ 點知佢翻到黎, 就話因為DeepV佢食炒飯食到肚屙喎, 炒飯都可以肚屙?! 佢o的炒飯都真係幾咩喎...
星期一, 今日終於都又有翻日day off啦, 成日都嚮屋企度溫書, 但係溫黎溫去都係得個吉... 夜晚出o左去食飯, 今日係呀Joe生日呀, 呀Joe生日快樂~~ 去o左呢個荃灣小肥羊度任食打邊爐~~ 個半邊麻辣湯底, 真係好辣... 兩滴都已經夠死了... 打完出黎有浸辣椒油嚮面的... 我都係打清湯好了... 唔係會死人的... 今日係呀Joe生日, 我地又點少得唱生日歌呢~~ 小肥羊度唱"恭祝你福壽與天齊~~", 係咪好吹脹呢~~ 成間野o既人都望住呀Joe了~~ 而且我地又考敬佢粒成隻湯匙咁大粒o既雞子(無錯, 係成隻湯匙咁大粒的, 痴線的, 都唔知係咩雞黎架喎, 我地諗, 火雞子都無理由咁大粒啦...) 而且又有o的好過癮o既野打喎, 例如"黑粉皮", 生o既鵪鶉蛋咁~~ 粉皮?! 無錯, 真係一條條o既粉皮, 所以就有好多呀Joe, 呀希, 大師, 豪哥嚮個爐入面啦~~ 當然我亦都唔少得俾人放落去啦... 之後就去o左食糖水, 友記糖水(係咪滿記o既fd黎架呢?), 飲o左杯"紅日LaLaLa", 什麼芒果汁加紅x汁加QQ果凍(唔知係紅咩汁了, 總之係紅色的啦), 之後就行o左過去荃灣西站個海旁度玩, 最後係趕尾班車返屋企~~

抬起呀Joe行海旁~~
星期二, 今日係清明之後o既重陽, 有咩今日好講啦, 唔係又要等半年架啦~~ (都過o左啦, 有咩留翻拜山先講啦~~) 重陽又點丫, 咪又一樣係要返工... 今日一返到工, 諗住係見到DeepV架嘛, 但係唔知點解突然見到呀DeepV身材肥o左咁多o既?! 望真o的, 原來係魚配蠔~~ 即係Linus呀~~ 原來佢今日專登趁住重陽, 黎拜下DeepV o既, 丫, 應該係拜訪下呀DeepV先真o既~~ 佢食個飯之後就去o左lu~~ 真係快, 估唔到佢咁早就去~~ 咁早就去返屋企~~
星期三, 今日一起身, 頂, 頭痛呀, 未溫哂書呀, 聽日就quiz啦, 今次真係仆街啦~~ 返到去返Barn之前, 去睇個獸醫先, 佢話係有o的感冒, 同埋有輕微o既腸胃炎喎, 食o左藥之後都仲係咁唔舒服囉... 仲要嘔o左次添囉, 書又未溫好, 功課又未做好, 點算呀... 好彩之後都好翻少少... 但都仲係勁頭痛囉...
星期四, 今朝要Quiz, 但係個人都仲係wing下wing下咁... 頭痛丫嘛... 點知呢, 一過o左個Quiz之後呢, o的藥力先走黎發作, 即係唔痛... 都唔知點解會咁囉... 頂！！！ 至於返學o個陣呢, 我地有位女同學俾人騷擾囉, 講o的野簡直係有恐嚇成份喎, 幾恐怖呀, 最後俾我地遊說o左佢上去SAO~~ 事關o個位男同學真係好恐怖囉, 真係唔識形容, 我地班男仔諗落都恐怖, 好似做戲咁架囉...... 真係慘...
星期五, 今日真係晨咁早就返學, 真係晨咁早, 都未試過八點要返到去, 主要o既工作係做support, support下個conference o既電腦呀, 燈光呀咁, 都幾好, 唔錯~~ 下晝仲見到呀財爺曾俊華添呀~~ 做到夜晚七點... 之後仲要做埋份功課先返屋企, 成十點先返到屋企......

男女大不同

男女大不同

SAMUEL_MUSIC @ Guest

有時間，不妨花點時間細心看看身邊的人，
身邊的事，也許會看出一點道理來。

遊樂場中的一個男孩和一個女孩，也可引起無限反思。

他們兩小在追逐著，男孩跌倒了。
我知道他很痛，看看他的臉。
那種強忍著痛，又不能哭的樣子有點逗笑。
其實他都痛得不能站起來了。

看看他身邊的女孩，在看到男孩跌倒的一刻，
就立刻「哇」的一聲大哭起來了。
跌倒的不是她，她的身體也不痛，可是她的心痛了。

並不是那種複雜的愛情，卻只有著天真的友情或是親情。
一切來得多麼的自然，不造做，直接用眼淚舒發了自已的情緒。
這是女孩子的特點，直接。

反觀那逗笑的男孩，那副逞強的樣子，還真蠻有性格，有點吸引。
努力地把自已的感情隱藏，因為不能把弱小的一面別人看。
要是在女孩面前淘哭大吵，那還行？

這是堅強嗎？不，我認為這是自虐。
男孩最愛說的話，我是強者！（後加一句：除了在媽媽面前。）

男和女的最本質上分別，
這種東西，後來演變出很多很多不同的性格，不同的思路出來，
繼而造就了男女的大不同。

再看下去事情的發展，那女孩還有淚如泉下；
那男孩強忍著疼痛 ，慢慢的站起來，走到女孩的身邊。
輕輕拍拍她肩膊，說了些，女孩就不哭了。
那男孩成為了女孩心目中的英雄。
這是男孩應該做的，保護女孩子。

這是男孩和女孩的故事，剛在公園看到的。
但認真的看看，現代的男女有沒有了這些特質？

男歡女愛間，爾虞我詐。
男的欺騙女的，這是保護嗎？
女的也不比男好。女的到處施媚功，到處留情；
碰到一時情迷意亂的男孩，就玩兩手，轉個頭便走。
當中無不涉及虛偽，那女孩的直接去了那裡？

世界變了，人人各懷鬼胎，再也回不到小時候。

---

對於我黎講, 我都係想搵一段真致o既愛情o者, 男同女之間我相信可以好簡單, 但係我呢個諗法會唔會係太天真呢? 我希望我可以咁樣天真到老~~

一個變兩個o既週記

唔覺唔覺又個幾星期無打日記... 忙到死, 仲邊有時間同心情去打日記丫...
星期日, 今日返工, 預著一個你姓麻煩友, 嚮度大聲講電話不特止, 仲係嚮度聲大夾惡咁話我, 果然係麻煩呀下, 呢o的人, 唉... 費鳩事理佢.
星期一, 今日同呀婆佢覆診, 晨早咁就陪o左佢去醫院, 點知原來今日剩係睇外科, 唔係睇老人科, 應該係有人攪錯o左, 最後醫院俾我地睇埋老人科, 但係就要等到下晝先有得睇, 如事者, 我就嚮醫院度過o左成日, 過一日唔緊要呀, 而係要企嚮佢隔離成日, 無櫈坐先係一個問題, 返到屋企四點幾, 個人已經攰死... 咁就做o左我好耐無做過o既野, 瞓晏覺~~ 一訓就訓到六七點, 好舒服呢~~ 但係途中就發o左個夢, 呢個夢就咁睇落去唔恐怖, 但係每次我一諗起佢, 就會好驚, 好驚會夢竟成真呀, 真係好驚好驚好驚！！！
星期二, 今日亦都係晨咁做返學, 亦都係要等成四個字先有車... 嚮等車o既途中, 見到一位我地稱之為"星之子" 唔係呀陳生陳十二少, 而係佢個名真係有個星字o既同學, 佢見到我同另一位同學, Jolie, 等車, 竟然嚮度大叫一聲"靚Joe", 當其時我地兩個都O o左阻, 鐘意一個人, 唔係咁架下化...... 之後上完堂(都唔知係唔係冤孽, 竟然要同佢同個lecture), 佢臨去o既時候, 仲要同Jolie佢話, 你今日著衫著得好靚... 我地成班都O 哂咀囉...... 點解會有o的咁o既人架... 下晝, 食完飯, 我地望住個天文台網頁, 睇下佢幾時掛八號風球, 上剩一堂, 仲要係等多兩個鐘先上喎, 再睇下個網頁, 六點會掛喎, 好, 走得, 放學~~ 至於上緊堂o既時候, 晶晶佢好衰囉, 偷o左我部電話仲要開入面o的相黎睇...... 唉...... 而家o的同學仔真過份！！！
星期三, 今日返學係開工為主, 事關我連續Barn七個鐘, 加上個Barn又鬼咁熱, 真係就死咁滯, 七個鐘之後個人好似就死咁...... Barn完之後就去o左問comp381 TA o既功課, 對住個答案黎答我, 應該無錯掛...
好在今日係day off o者, 因為尋晚打風八號風球, 又咁o岩佢今朝六點半落波喎, 學校就話係六點半或之前落波o既話就要返, 但係原來有o的員工手冊係話六點半落o既話就剩係要返下晝喎, 咁就攪到有o的人返, 有的堂有得上, 有o的堂又無得上咁喎... 佢仲要send個email黎話係有堂上呀, 要上堂呀, 咁~~ 但係我個email, 我睇翻時間佢都係九點半先send黎, 如果第一堂係九點o既話, 上鬼呀！！最後十二幾o既時候佢又整多封黎話佢地行政上o既問題喎, 叫o的人唔好罰o的學生... 先生都唔返學, 咁我地又可以點呢... 食Lunch o既時候有個mainland女仔同枱食飯, 佢搭我訕喎, 咁大個仔都未試過俾女仔搭訕架喎~~ 但係乜我個樣咁似由內地來的嗎?! (你似由火星來o既多o的~~) 無錯, 其實我鄉下就係火星~~
星期四, 今日依然係返晨咁早, 眼瞓死了... 但係今日竟然又見到星之子, 又竟然會同佢同一架車架添囉... 正當我地諗住走去Barn度扮print notes黎買甩佢之際, 佢竟然跟埋入黎, 頂！！！ 而且佢又讚Jolie佢靚囉, 我就話, 你唔讚我靚, 我嬲呀, 點知佢竟然話同我祈禱, shit!!! 乜都祈禱, 真係頂佢唔順囉, 都唔知點解會有o的咁o既同學架囉... 下晝, 去o左同個保險Agent佢見面, 點知我一話佢加我價我affort唔起o既時候佢竟然話幫我供個差價供到去我搵到工為止, 為o左張單, 竟然可以咁, 勁呀~~ 之後上完堂之後就去o左搵Denny, 佢今日幫人拎notebook, 咁我就幫佢還PRS, 估唔到佢咁快就買樓啦, 勁呀~~
星期五, 今日成日都係返工, 咁就一日......
星期六, 今日返工, 佢地夜晚約K喎, 我又無人同我講喎, 加上下星期兩個midterm, 唔去了~~
本來諗住係嚮呢日打埋篇日記, 點知唔得閒, 最後就留多個星期一次過打......
星期日, 今日當然又係要返工啦, 尋返工o既時候上網見到一篇文章, 咁就俾人print o左出黎, 仲俾人highlight o左o的重點, 咁今日就自然要聽日"呻"... 即係呢, 即係即係呢, 冤有頭債有主呀......
星期一, 今日成日都係嚮屋企度溫書, 聽日就midterm, 書都未溫哂, 幾十頁readin未睇, cheat sheet都未整, 今次真係cheat shit啦......
星期二, 今日下晝midterm, 書都未溫哂, cheat shit又未寫哂, 唉...... MC, 唯有亂撞... 希望唔好撞穿頭就好了...
星期三, 今日係國慶日, 嘩, 國慶呀~~ 咁又點丫, 咪又係要返工...... 而我就本來諗住溫書, 點知成日都無心機, 最後仲整o左隻叫做回力鏢o既野出黎, 點解係"叫做回力鏢", 事關佢係一個失敗之作, 都飛唔起o既...... DeepV講起先知聽日係Linus o既Last Day, 既然我唔可以見到佢o既最後一面, 咁就唯有留翻個言俾佢啦, 寫o左嚮本簿度~~ 祝你一路順風呀~~ 夜晚, 一路溫書一路整cheat shit, 咁就一晚...
星期四, 經過尋晚一整晚好努力咁溫書同整cheat shit之後, 今日個midterm都係好難頂, 計出黎o的數好似o岩又好似唔o岩咁囉...... 唉... 遲o的上堂都係唔好訓咁多, 聽下書好了... 夜晚, 又有免費pizza食, 多謝呀成~~ (幫佢食咁多, 成哥佢剩係pizza o既錢都搵得多過我平時返工...) 下晝, 食完飯之後去o左享用學生會帶俾我地o既福利, 免費哂相一大張, 咁o岩我又影o左呀希佢相喎, 咁就哂佢出黎, 嘩, 正呀~~ (呀希佢想打我了...)
星期五, 今日朝早就去o左開工, 之後就因為之前笨實o左o既野而要返一返科大, 時間o岩o岩好可以食個 Tea~~ 之後就去o左電視城, 無錯, 係無線o個個電視城呀~~仲要係最大o個個一號錄影廠添呀(其實唔係真係咁大...) 有好多高清plasma/LCD 呀, 俾我地o的現場觀眾睇, 見到好多明星歌星呀, 做主持o既有鄧梓峰同丘凱敏, 嘉賓有黃長興, 張嘉兒, 王宛子, 謝安琪, 麥浚龍, 薜凱琪, 陳詩慧, 司徒瑞祈, 陸詩韻, 陳美詩, (仲有一個唔記左叫咩名...), 歌星有古巨基, 李克勤, (排名不分先後的~~) 好多好多呀, 估唔到一個咁簡單o既show就有咁多人見到~~ 但係因為呢個show係錄影o既關係, 咁就過場同蝦碌o既時間就唔少~~ 成八點先完個show, 得個坐字~~ 但係之後原來有個朋友佢個呀哥/細佬佢係嚮TVB度做o既, 咁就有機會行下TVB, 只係行下only, 但係有機會俾我見到同事三分親o個個電梯大堂, 搭o個部電梯, 仲要係上去九樓添喎, 天堂呀~~ 原來九樓係TVB o既資訊科技部門黎架~~ 有機會o既話可以入到去做就好lu~~ 之後又見到扎住條馬尾o既黎耀祥(扎馬尾?! 無錯, 係扎馬尾, 清裝o既Look o個條馬尾~~) 之後就去o左o個度o既canteen 度食野~~ 估唔到有兩個canteen架喎, 一個係專食西式o既canteen~~ 之後仲有幸可以坐佢車添~~ 如事者, 咁就一日~~
星期六, 今日又要返工lu, 今日DeepV都唔知做乜事, 相信係因為Linus同呀成佢走o左, 攪到佢無發洩o既對象, 咁就連我同嘉茵都俾佢攪埋一份...... 佢地兩個都真係好帶挈...... 尋晚就入o左去電視城, 今晚套野就出街, 但係竟然無o左佢地拎獎o個個鏡頭喎, 哈哈, 好在我無獎拎o者, 呢個都唔知係好事定壞事~~ 好o既係唔駛心灰, 壞o既係真係無獎拎...