雜項

今日下晝死肥何志平黎204參觀, 挑, 黎我地個Lab都唔夠一分鐘就走o左, 唗氣.
之後俾我地唔知嚮邊度搵到上年AP個Lab同Solution喎, 爽~~
夜晚去個PMP, 但係最後就得一半人都無, 都唔知有無攪錯, 我o個組就只係得一個人黎, 頂...... 不過就咁就有餐食, 抵呀~~
返到去, 去o左打機, 得三蚊, 諗住玩一局十人斬就算, 但係就有個新人喎, 仲唔開挑咩, 黎啦, 無驚無險贏百多米, 之後有個C4挑我, 得兩格, 我用660黎玩, 呀恆講得無錯, C Class後車真係好勁, 唔係佢自己最尾炒o左我贏唔到, 唉~~ 最後有個B3想挑我, 唔對路, 熄挑, 玩翻局十人斬算lu, 但係S唔到......
個死人香港寬頻真係百街, 唔話去投訴都唔得囉, 佢即刻幫我搵個師父聽日黎整, 挑, 真係唔發火都唔得架!!!

夾車

今日只係要返一堂, 放學, 做埋個AP Lab就出o左葵芳挑o左局灣岸, 無錯丫, 緊係輸啦, 仲要輸成六百米俾呀恆, 都預o左架啦~~ 食完野之後就去睇呀恆打機, 嘩, 有條友, 自認山路之王, 最後咪又係係咁夾人地, 咁又點丫, 打到呀恆火都黎埋, 仲話呀恆係鳩夾, 佢都痴鳩線, 咁都係鳩夾, 咁你算乜野呀, 班長佢幫手, 係咁夾佢, 為夾車而夾車, 笑到我丫, 有兩野夾到幾應呀, 哈哈~~
個寬頻電話有人打黎, 但係我個電話無電, 叫我call back 佢個hotline, 但係佢成日都無再打翻俾我囉, 屌, 仆佢個街丫

唉, 好無奈.......

尋晚好慘囉, 真係俾人打回原型, 唉~~ 好彩今日都係返8:30 o者, 但係, 唉, 聽日返十點半, 都唔會點, 唉......
尋晚一過o左十二點就黎去Apply Locker, 但係就俾o左個C Block 3 樓我, 都唔知係好定係唔好, 唔就腳, 但係呀恆仲過癮, 5 樓 SAO 隔離, 哈哈~~
放學, 返到灣仔GameZone見到表弟喎, 哈哈~~ 咁又打o左十蚊機...... 但係佢打頭D真係勁o左好多~~
唉, 又要打回原型lu, 聽日都唔知會點, 唉.......

好唔開心

屌那星啦, 今日唔駛返學, 都唔知係好定係唔好, 好─只係可以慳翻o的車錢, 唔好─嚮屋企, 唔係無野做, 而係無mood做, 可以o既話我真係想出街, 去人地度過夜, or just 嚮條街度等天光, 點解個天都係咁對我?? 想訓練我?? 都訓練o左咁多年啦, 而家可以有翻o的自由, 但係最後咪又係得個吉, 唉......

見到人地個日記咁寫
why don't I relax or tell your problems to your friends.......
well sometimes you have to face it yourself in the end....
friends mostly will give respond like Oh..take care...add oil...
I am not saying that they are not good...they aren't much help you can talk about your problems to people but what can they do..nothing ..you have to face your problems yourself that's why I have to be stronger ...STRONGER to face ...anything coming...be well-prepared.....everyone's got their own problems...yours aren't the most special..people as they grow up are more busy...they each have their own problems...
佢講得好o岩, 我好多時都係只係想搵個我信得過o既人講下, "申"下咁, 但係到而家我一個可以算係知心o既就一個都無, 朋友, 雖然唔叫做多, 但係應該都唔算少, 不過可以叫做知己o既就一個都無. 本來諗住入到ive, 已經唔係以前o既中學時代, 可以free o的, 諗住識翻個女朋友仔, 但係我讀o個班只係得一個女仔, 而且讀o個班係自閉班, 黎黎去去都只係得自己個course o個60人上堂, 以為入o左黎可以識多o的人啦, 自己班識唔到, 第二班都會識到丫, 但係最後發現都係無機會, 唉, 有個女朋友仔or一個知己, 有乜事都可以搵佢傾下, 知道自己o既苦處, 平日又可以同佢有翻o的開心o既時間, 但係...... 唉, 而家我可以發洩o既地方, 只有機舖, 但係無論我o既金錢以及技術都係無, 所以呢個唔係一個好辦法, 不過我可以有一個更好o既方法咩?? 唉~~

好Down, 無心機做野

今日唔知點解好Down, 無心機做野, 又無心機上堂, 唉~~ 都唔知點解會咁, 個PQM Lab o的答案無哂, 應該無乜有Download到, 唉~~ 入機舖都無mood打機, 呢o的係唔係受呢個月亮o既引力影響呢?!

好仆街o既一日

嚮公司都無乜野, 風平浪靜咁一日
但係放工, 去打機, 挑人, 諗住用hiace玩下, 最後輸新環右尾灣, 俾架32過o左, 人地得660HP, 咁都俾佢過o左, 算, 但係之後用架34玩, 後車俾佢追翻上黎, 新環左, 俾佢嚮最後直路追翻上黎, 我仆你個街丫, -0m, 屌, 正仆街
返到屋企, 又有o的好撚煩o既事發生
今日做乜撚野呀

無題

今日早o左一個鐘返學, 玩埋隻Router, 做翻之前NT2A做唔到o個個Lab, 但係都只係做到第一Part, 做唔到IGRP o個part......
Lunch o個時好多人, 最後就去o左睇龍哥同欣哥佢地打羽毛球, 到o的人食完先去食~~
呀姐佢真係好食得月餅, 食o左差唔多成半個, 勁......
食飯o個時呀偉佢地有三個單?飯o既飛未俾人收喎, 之後就有多三個?食lu~~
夜晚, 打o左個電話去電台度玩遊戲, 點知個對手好強, 輸o左, 仲諗住有免費戲請大家睇, 但係...... 無lu~~ 等下次先啦~~

無題

唉, 又係返8:30, 眼訓死啦~~
上第一個PQM Lab, 係一個新呀Sir教喎, 幾驚係癲佬呀, 第一堂就要交功課, 好彩, 有成兩個week時間交~~
下晝, 嚮一個無錢o既情況下俾人啦走o左, 無得食十蚊飯, 又無得做Lab, 去o左維園度食, 之後去打機, 呀恆俾錢賭馬, 兩蚊, 咁就玩o左成個幾鐘, 玩百搭, 中o左個廿倍, 爽~~
夜晚, 幫表弟佢update個forum, 但係發覺好似無乜點變喎, 下面個version都仲係2.5, 無轉去做SP1, 都係show唔到個子板出黎, 之後原來係只要改段code就得喎, 就係咁簡單, 唔係下化......
佢有個mini friend幫佢手set個forum喎, 但係俾佢set完之後, o的舊文全部唔見哂, 佢係唔係有病架, del哂人地o的文, 最衰我唔係forum個老細, 唔係就一定鬧o左佢好耐, 乜都無哂, 低能架, 點做Admin架佢, 白痴架, 佢做過Admin未架, 咁簡單o既野都唔識, 痴線架~~

唔係好掂

唉, 8:30呀, 都唔知點解o的時間表咁早......
搭車o個時, 呀輝佢好勁呀, 玩哂個sudoku喎, 咁就諗住Fax去啦, 但係個common room咁早未開, 上堂去到差唔多十點, 同呀恆拿拿聲走上去fax, 但係line busy囉, 頂...... 兩打西餅呀!!!!
之後三個鐘去o左葵興, 挑個新仔, hiace 多一粒星, 之後仲教埋佢點chok出黎同點玩十人斬, 呢個世界上有o的好o既飛仔o既(有野求你o個時, 我估), 之後打o左舖打鼓, 發覺我係唔打得慢, 會miss......
最後去食M, 新o個個餐, o的薯皇又幾好食喎~~
最後返o個兩個Lab, 都唔係做得好掂...... 點解會咁架, 天呀!!!!
臨尾, 發覺係唔記得拎MTR張野, 算, 聽日先拎.

返工

今日唔駛返學, 爽呀~~
但係要返工...... 好彩只係要返兩點, 不過係返士美非路, 未返過架, 搭車都要半個鐘以上, 乜咁遠架......
去到, 一如所料, 見到Erika, 但係其他人就一個都唔識, 上書, 上到好慢咁, 我已經limit住自己上慢o的架啦, 但係因為係上857同889 o既關係, 都係上得好快...... 有另一個SB, 正如之前呀K所講, 佢係唔做野架, 我眼所見都唔知上唔上到五車書, 有無攪錯...... 有車書入o左黎, 佢做緊新書, 我唔理車書, 照上埋o岩o岩sort好車書先, 返到黎, 車野係未分過, 乜咁架, 不過如果係我夠鐘做新書我都會坐下, 但係比著一個唔做野o既人, 睇落去佢真係唔做野, 臨收工o個時, 我都無書要上, 嚮間房度閉目, 佢入黎, 一見到我咁, 用一個好唔滿意o既眼神望我, 我心諗, 望咩呀望, 未見過人訓覺呀, 你吹咩~~
話咁快就放工, 返到黎, 去o左gamezone度睇下有乜得玩, 見到有人對戰喎, B5對SSS, SSS喎, 緊係要睇下啦, 但係...... 原來個B5係黎釣魚, 個SSS輸百幾米, 兩局都係咁...... 有o的想笑, 之後第二個人挑佢, 贏o左佢兩局之後就要轉車啦, 原來佢都係有架SSS, 唔怪啦~~
聽日又要返八點半, 唉~~ 仲要放五點半, 唔係下化......

無題

今日係公眾假期, 要返工...... 唉, 唔返工又邊度有錢呢......
見到Lisa呀, 問o左佢好多迪士尼o既野, 但係發覺無乜點問到佢o的野, 原因係佢公迪士尼o既主要目的只不過係去買野...... 佢只係玩o左巴士光年, 隻船, 同埋個立體電影咁多, 乜咁浪費呀......
放工, 去o左表弟屋企, PSP Winning 呀~~ 發覺都唔係咁易玩, 可能係我用唔慣個十字制, 入唔到波, 不過好彩只係輸一球咁多~~
又幫佢set隻router, 整webserver, forum, 哈哈, 整完, 自己部機用127.0.0.1入到, 但係用ip直入就入唔到喎, set哂dmz同NAT都係唔得, 放棄, 點知我返到屋企, 竟然入到囉, 乜咁架......

中秋節

今日係中秋節, 但係都係要返工......
基本上今日都幾好, 但係第一日去迪士尼個同事無返, 乜佢唔係今日返架咩, 乜又同人調o左呀, 仲諗住問下佢好唔好玩添...... 但係另一個人話俾我知佢用o左好多錢黎買野, 實際只係玩o左三樣野咁大把...... 唔係下, 玩得三樣咁少, 有o的浪費bor~~
有人買o左月餅呀, 好野, 有得食~~ 正~~
放工, 諗住去金星睇下有無魚釣, 但係都係無......
夜晚嚮屋企度睇到個月亮, 估唔到睇到, 諗住落雨就睇唔到, 但係俾我睇到, 有o的開心, 但係如果有個我鐘意o既人一齊睇到會仲開心, 唉, 不過, 算啦~~

UST

今日晨咁早就起o左身, 約o左佢地去UST, 但係呢呀William又遲到囉, 頂丫, 鑽石山去UST要成個鐘, 下次都係去寶琳, 快好多~~
去到基本上只係睇呢個Computer Science, Computer Engineering同Electronic Engineering, 佢o的lab同seminar, 其他野都無睇到, 班長嚮個Lab度攪事, 係咁問o的癈話, 攪到我地要去到成三點食lunch, 間野都好唔掂, 焗飯要等成幾個字先有得食, 如果入到去讀都唔知點算......
返到鑽石山, 同呀輝去打機, 實際上係我自己一個打, 玩o左局outrun, 好耐無玩過lu, 生疏o左lu, Goal E都過唔到, 無奈...... 仲見到有一架車係有成三個screen, 唔知係玩乜架呢, 問下呀恆先~~

獨自一人

今日好慘呀, 得我一支公返學咋, 呀輝佢今日去Second In, 唔返, 出門口o個時打俾呀姐, 佢仲係嚮屋企, 唉~~ 孤獨的我獨自一人上學......
到Lunch o個時, 本來想去Canteen度食, 但係班長佢見到呀John喎, 最後都係出o左去食, 發現原來間車仔麵有飯食喎, 咁就試下囉, 都唔差喎, 不過都唔算好平, 只係平.
食完返去諗住裝埋個Windows XP o的Driver, 但係個Lab都有人上堂, 無計, 最後都放棄, 等上Advanced Programming.
個Lab真係好abstract, 聽o左好耐先至明o的又唔明o的咁......
放學之後就同呀恆, 班長佢地去o左新機地, 借o左架hiace俾佢地玩, 係玩, 因為班長佢楂唔掂, 呀恆佢都ok, 但係只係得第三, 最後我返到灣仔就Tune埋佢, 去到800 lu~~

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 331	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 63	Model: TOYOTA HIACE Rank: C2 New comer of Wanga 加十幾粒星星 HP: 680HP/B 加八又四分三格 　Ｃ級◆◆◆◆◆ 　Ｂ級◆◆◆◆◆　□ 　Ａ級◆□◆□□　□ 超Ａ級□□□□□　● $$ = 173 + 4 + 9 = 186

compaq機都係boot唔到XP呀, 頂

今日早o左出門口, 因為呀輝佢約o左呀Joe佢嚮canteen度俾o的cert佢, 之後上完個NT2a之後就呢個Sem o既第一次嚮canteen食lunch, 個十蚊飯同o的單?唔同o左位喎, 差o左拎錯......
之後去o左裝翻個WindowsXP, 呀偉同Raymond佢地就又係攪o的野, 但係204有人上堂喎, 咁就用VNC黎remote control部機, 貼o左紙叫人唔好用, 但係都係俾人用o左, 最後係用notepad黎溝通, 叫佢走~~
裝完個XP, 嚮o的compaq機度都係boot唔到呀, 頂呀, 嚮屋企就boot到, 有無攪錯呀, Windows XP真係麻Ｑ煩

裝機

仆街啦, 又係咁呀, 打o左成篇日記又係無o左, 呢個又係short version 2
今日又係要返8:30呀,
返呀KT Tsang o個堂, 佢一入黎就話今日係English Day, 係咁講英文, 但係教教下咪又係用翻中文, 之後佢又話10:00要開會, 唉, 今日又係搭車時間多過上時間......
之後做project, 隻harddisk嚮o的新機度boot唔到呀, 有無攪錯呀......
個lunch, 去食米粉, 但係都係唔飽囉, 最後要去seven度整翻支雪糕先頂得住, 有無小飛象呀, 好得意呀~~
得一支公咁返翻去, 用Ghost Clone翻次機先可以嚮o的新機度boot到個Windows2000, 但係都係boot唔起個XP, 真係要再裝過?!
嚮個lab度見到raymond同呀偉, 佢兩個攪o的都係好似我咁煩o既JSP+Database, 係要跟人手尾, 仲煩......
又見到呀John, 佢跌o左銀包都唔知喎......
返到屋企, 竟然可以boot得起harddisk個Windows200喎, 但都係boot唔到個XP, 再裝過去到一半就死o左, 唉, 都係聽日先至再裝過......

終於都有得day off~~

今日終於都有得off啦, 太爽啦, 訓到成十一點先起身~~
下晝要過沙田度簽埋新公司份約, 又成個鐘車, 廿幾蚊車錢, 都唔知點解間野去到o的咁荒蕪o既地方......
呢間野, 無manpower咁苛刻, 但係就無雷公咁遠囉......
返到黎, 都成六點, 落GameZone度睇人打機, 哈哈, 灣岸, 有個S6人, 好好笑, 一開頭, 俾人夾, 佢就還拖, 第一局第一咁啦, 但係去到第二局, 又係一開始就係咁夾人, 不過呢, 去到尾段, 俾其他人夾翻轉頭, 最後就得包尾, 哈哈, 笑死我~~
聽日要做下個project lu, 唉, 真係有o的老鼠拉龜, 都唔知點死好......

第一日返學~~

今日終於都返學啦, 返九點半, 但係就熱到死囉, 搭車車, 又係好多人搭小巴, 又唔係好見有校車喎, 咁咪過去搭88D啦, 但係佢開車o個時俾我見到架校車喎, 唔係下......
返到去, 上Ken Sir, 第一堂就教書...... 之後有成六個鐘Break喎, 成班去o左唱K, 打機, 呀恆佢又四蚊打成個鐘, 佢係唔係?架@.@" 唱完之後就陪o左呀姐佢去郵局寄信, 而班長同呀恆就又去o左打機, 郵局o個度勁多人, 最後攪o左好耐, 搭巴士返去上最後堂Advanced Programming,
頂丫, 班長同呀恆佢第一堂就遲到, 而且呀Sir上堂上到超時, 第一堂就超時...... 加上班長佢問野, 攪到無校車搭, 竟然連的士都無喎, 唔係下, 最後就去o左搭巴士......
聽日唔駛返呀~~ 哈哈~~ 爽~~ 但係下晝就要去沙田度簽埋份約, 本來諗住唔駛出街架嘛......
今日見翻佢好開心, 但係呢一睇到佢個日記叫翻佢條仔做老公仔, 個心就...... 唉~~ 我想知我有無機會搵另一個呢, 好多時去街, 隻手都唔知插袋好定係翹埋好, 真係好想拖住人地隻手行街, o個種感覺真係好好, 好想再有o個一種感覺.

無題

今日亦都係要返工, 去到車站, 見到呀輝喎@.@" 佢嚮度伏我?! 真係喎, 之後真係同我一齊搭車喎, 仲去o左機舖挑人機添~~ 不過輸o左...... 二打一都會輸, 有無攪錯......
之後返工, 呀K佢真係黎o左, 但係呢有一個叫做小強o既人亦都黎o左, 攪到呀K勁唔開心，唔通琪佢真係基o既??
放工, 去o左金星, 有個N Class開挑喎, 跟到我o個時仲唔挑佢咩, 不過我就唔係好衰, 只係用架Corolla黎同佢玩, 只係得兩粒星咋, 不過算啦, 只係想過下手癮咁o者~~

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 331	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 59 + 4 = 63	Model: TOYOTA HIACE Rank: C3 New comer of Wanga 加十幾粒星星 HP: 680HP/B 加八又四分三格 　Ｃ級◆◆◆◆◆ 　Ｂ級◆◆□◆□　□ 　Ａ級◆□◆□□　□ 超Ａ級□□□□□　● $$ = 173

o camp之我見

呢個o camp, 基本上可以見到係好多野都係prepare唔夠, 有好多問題出現, 發生o左
等我逐日逐講, 一開始都無乜野, Team Team人都可以順利去到camp site, 但係分房o個度佢唔係之前就分好, 一到就可以入房度放低野架啦咩, 一入到去, 分房勁亂, 去到臨尾十二點先可以finalize訓邊間房, 而且SpyTeam唔係同一間房, 而係同人地一齊, 咁點可以俾我地放心做spy呢, 唉~~
個MC係就係幾好, 但係佢真係唔知我地有乜野玩同實際玩o既玩法囉, 攪到佢第一晚就玩得兩隻Game, cut o左兩隻Game同單日大懲罰, 而且玩水o個度又真係玩得過份o左o的囉, 無理由成桶咁淋落黎架下話, 就自己人都係咁話, 認真過份囉.
第二日, 玩水o個度又真係幾過癮, 但係我最記得就係有一個唔係ICT o既女仔我地唔俾佢入水, 佢竟然話你唔好掂我呀下, 我叫非禮架, 話你咁講我無野講囉, 都痴鳩線o既, 咁唔玩得你就唔好黎丫, 仲要唔係ICT人, 下晝隻Game就真係有o的戇居囉, 係咁俾人打劫, 但係都係算ok, 夜晚BBQ就有係好有問題, 得兩個鐘, 一o的都唔飽, 燒得兩條腸, 兩隻雞翼, 加兩塊肉, 好似無乜點食過野咁, 諗起William就真係慘......
夜晚個大懲罰就嚮個黑o既地方度食朱古力蕉, 鬼睇到咩. 之後就又話爆房, 但係o的人全部晨咁早訓哂, 又話有什麼喃摩機, 但係最後就乜無得玩, 最後就係得個講字.
第三日, 只係得一隻Game, 基本上都係無乜點玩過野, 最後咁就完o左, 但係唔知點解抽獎唔俾helper同committee囉, 而且有人連中三元咁多囉, 都痴線, 根本就唔公平.

呢個本來只係一個ICT o camp, 但係唔知點解會有其他唔係ICT o既人嚮度, 連Spy都有o的唔係, 都唔知係唔係有病, o個兩個女仔根本就係黎唔知做乜, 咁多Music Soc, 其他人, 又唔知頭唔知路, 第二晚我仲見到佢地係全部都煲煙, 唔係下...... 連個新女仔都煲, 唉~~ 睇黎讀IVE又煲煙o既人數真係唔可以睇少......
over all我都係覺得佢地prepare唔夠, 反而係上年仲好......

o camp

去玩o camp返黎, 等我慢慢講下o camp玩o左o的乜啦~~
話說7號晨咁早就返學校, 等o左一大餐之後就影大相啦, 之後就玩呢個野外大暴走, 成個青衣ive仲唔係我地o個Team最熟, 成Team都係Spy喎, 哈哈~~ 加上我地之後條路都唔係難玩, 落中環HSBC, 之後上深水步, 嚮譚你記嘆個Tea先, 再落旺角, 最後過西貢, 返Camp Site. 我地唔可以咁快o架嘛, 咁我地咪慢慢食Tea, 又嚮西貢打陣機, 我無打, 睇人地打...... 但係中途有個自己人跟機, 同個古惑仔, 我跟緊俾我打翻舖先, 但係呢突然個古惑仔電話嚮, 講o左句, 快o的過黎丫, 話頂丫, 幾驚呀~~ 最後我地係第三組返到去, 點解會咁好成績架呢?!
食個飯之後呢就又玩另一隻Game, 要埋隻蛋, 又要做動作, 太容易啦, 五隻只係爛o左一隻, 之後就玩什麼生命線, 嚮個campsite度蒙眼沿住o的繩黎行, 仲要俾人射水囉, 點知我o個組有人俾人淋水, 條友真係過份o左o的, 最後就分房, 分房o個度真係有o的亂囉, 訓覺, 但係我又點會咁早訓呢, 不過都係無野做到, 出街行下, 食翻個杯麵, 但係發覺原來出前一丁係無叉用架!!!!!! 仆街啦今次, 點食呀?! 最後係用兩支飲筒食麵, 過癮~~ 發覺MC帶o左呀媽黎, 頂丫, 嚮我間房個廳度攪野喎, 我一開門, 見到兩個人女上男下咁訓o左嚮張梳化度, 只係訓o者, 兩二次就兩個日咀對咀咁坐o個嚮度, 乜呀爸同呀媽咁狼死架~~ o的Committee竟然有帶部PS2喎, 玩o左陣Winning, 去到五點, 發覺全世界人都訓哂, 而我又無野做, 唔訓都唔得啦, 唉......
第二日, 七點半度起身, 做o的早操之後就食早餐, 粟米粥, 炒麵+燒賣, 但係o的燒賣係又凍又硬, 都唔知有無攪錯. 之後就玩野lu~~
玩水, 有水槍先啦, 有人有細, 又有水彈, 係咁射同掟, 成身都濕哂, 頂丫, 換件衫就食飯, 食完飯就有一個鐘free time, 我地就去o左訓覺, 食飽睡一睡耶~~ 下晝就玩有o的似The sim, 要做工呀, 返學呀, 呢o的Game, 玩唔少啦, 但係最仆街呢就係我俾人打劫三次, 警察打返去坐監兩次, 再加病一次, 唉...... 最後我地呢隻Game包尾...... 夜晚就緊係又會攪BBQ啦, 燒得兩個鐘, 一o的都唔飽, 唉, 而且又要諗個Drama, 勁呀, 一個鐘都無就乜都諗哂出黎, 吹水真係勁~~ 睇o的人玩真係幾好笑~~ 至於個單日大懲罰就係似屎o既朱古力蕉, 佢地真係慘~~ 之後房Game又係罰飲水, 同上年一樣, 但係都無上年咁好玩.
最後就去o左隔離房做Killer MC, 幾過癮, 又係五點度訓.
最後一日, 只係玩killer, 一開始就死o左, 最後唔知點解都包唔到尾囉, 唉~~
食完飯就走得lu~~ 搭車先黎眼訓, 頂......

返新工~~

今日返新工呀, 返柴灣電腦房, 但係今日勁好彩囉, 原來今日上晝係上IT Course, 電腦房無野做, 過o左去隔離AV房度坐, 聽下電話咁, 爽~~
放工, 今日只係返到兩點, 撘車返黎先食野, 返到黎, 兩點七, 仲有五個字就三點, 點解唔去食吉野家呢, 咁就好順路咁入o左gamezone度睇下人地打機, 發覺原來玩Battle Gear個handbreak係過U Turn時用喎, 下次玩o個時用下先~~
一出機舖, 頂丫, 落兩喎, 唔X係下, 又要一路避一路閃咁去吉野家......
去到等到夠鐘, 買o左個牛飯加兩串雞軟骨諗住試下, 點知...... 我頂丫, 真係食骨囉, 有一半都係雞骨黎o既, 唔X係下, 仲要係六蚊先得兩串咁細串, 俾佢呃Ｑo左啦......
聽日去o camp lu, 唔知有o的乜正野發生呢~~

又係打機, 無錢耶......

今日又可以訓得晏o的lu, 下晝, 同表弟去打機, 又係玩Thill Drive 3, bg3同灣岸, 哈, 我幫墨丸o架RX-8贏到兩粒星星喎, 哈哈~~ 但係打o左成廿蚊機, 無錢耶......
傍晚呀joe打黎, 話聽日去頂人喎, 聽日將會係第一次做CT喔~~

無題

今日又係要返工耶, 出門口o個時都仲係落緊兩, 點知一返到去就停o左, 頂丫......
嘩, 見到peter佢帶安全帽喎, 好得意呀~~

放工o個時本來想去打機, 但係最後都係無打到, 唔知點解會無哂mood喎, 唉......
呀豪話唔夠人去o camp喎, 而家又勁搵helper做spy, 點解會咁o架...... 問魚旦, 本來話去, 但最後又話唔得閒, 好彩最後都搵到william, 勁多人本來話去, 但係搵到又話唔去, 都唔知佢地想點, 不過又可能係搵得急o左o的o既......
點解今年個o camp會攪到咁架......

咁大支?!

前幾日發現屋企有件咁o既野喎


今次有排食啦, 正~~

無聊

今日無工返, 又可以訓耐o的lu~~ 同屋企人去飲茶之後就妳無聊咁返屋企
諗翻起前幾日俾我執到個cd-rom喎, 咁得閒, 試下先, 原來個個係cd-rw, 不過就有o的問題, 拆開一睇, 原來係有個齒輪爛o左, 開o左時會kick 下kick 下, 其他都work喎, 唔錯, 唔知有無地方可以配翻個齒輪呢~~

踩車車

今日去踩車車, 本來係去大水坑度租車, 但係o個度無開...... 最後就要掉頭去翻大圍, 頂, 又要捱貴車, 頂
去到大圍租o左車, 呀恆佢都幾勁喎, 帶o左個Sony o既喇叭, 一路飛車一路播歌, 勁~~ william原來已經差唔多都到, 咁我地就去車公廟站度join佢, 今次踩體院條路, 去到差唔多隻船o個度, 頂, 飲水俗親喎, 又頂住條氣, 又係要休息一大輪先可以行得, 唉, 點解我次次都咁屎架...... 去到科學園o個度, 入o左去佢間seven, 買o左o的野飲, 無咁累......
去到差唔多到大埔o個時, 姚欣佢join我地, 去食野, o的麵都幾平喎, 同灣仔差唔多, 之後我又想抽筋, 都係唔去大尾篤lu, 踩o左去Motorola前面o的空地度, 見到有人釣魚, o個個人都幾勁喎, 係咁釣到喎, 勁~~
最後就踩翻去還車, 時間o岩o岩好~~
返到黎, 玩灣岸, 唉, 輸到渣到無得剩, 都係唔好提啦......

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 331	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 59	Model: TOYOTA HIACE Rank: C3 New comer of Wanga 加十幾粒星星 HP: 680HP/B 加八又四分三格 　Ｃ級◆◆◆◆◆ 　Ｂ級◆◆□◆□　□ 　Ａ級◆□◆□□　□ 超Ａ級□□□□□　● $$ = 167 + 6 = 173

好似好多野做但係又好似無做過野o既一日

終於都唔駛咁早起身啦, 但係又唔可以訓得晏喎, 下晝有野做......
首先要搵jojo, 俾份禮物吨妨嵾n翻公司, 拎翻個badge
最後要返學校, 聽下o camp o的野
打俾jojo, 佢唔係嚮屋企, 係返緊屋企(唉, 我估佢又係去佢條仔度訓啦)
叫佢嚮灣仔度等人等我, 俾份禮物佢, expect佢會無乜反應, 但係佢竟然話好得意呀, 咁喎, 都有o的開心o既, 起碼唔係一個negative reply
之後返公司, 拎翻個badge, 唉, 咁又十蚊呀, 有無攪錯呀, 唉......
之後返學校, 基本上係無乜點做過野, 少, 早知唔返去好過, 唉~~
見到Raymond, 佢原來同呀偉返o左去做Gym喎, 練定聽日喎, 我都去玩o左一陣, 希望聽日唔好咁累啦~~
走o個時, 去seven買o左支雪糕食, 但係嚮架車度食食下個底俾我一楂就爆o左, 頂, 攪到成隻手都係, 又無紙巾喎, 攪到隻手痴住哂, 唉~~