慘......

今日無咁慘, 只係返九點半, 但係就......
上完第一堂, 食個早餐, 又要上堂, 但係要去到兩點半先放, 唯有食Tea...... 次次係咁都唔係一件好事...... 因為返到屋企無胃口食飯......
食完個Tea就去o左踢毽, 玩到有o的累喔, 最後堂AP Lecture都係訓...... (←去到中段腳痺......)
返到去, 打多次機, 今次用700HP, 都係過唔到, 輸7米, 唉, 下次用740, 我唔信唔得!!!!!

奇岩山貓: Sudoku 教學（後篇）

奇岩山貓: Sudoku 教學（後篇）

奇岩山貓: Sudoku 教學（中篇）

奇岩山貓: Sudoku 教學（中篇）

奇岩山貓: Sudoku 教學（上篇）

奇岩山貓: Sudoku 教學（上篇）

正

今日無錯, 又係要返工, 唔返工又點有錢呢......
起身, 費事呀媽煮, 去o左吉野家度食飯飯, 有優惠?, 十蚊咋~~
返到去, 都唔知點解, 今日鬼咁多人, 做到丫...... 好彩晏o的o個時少翻o的人, 都有得抖下......
放工仲唔係去打機咩, 先去金星, 本來諗住快o的Tune好架34, 咪玩Story Mode啦, 一睇, 跟住o個關係箱根, 本來諗住實屎啦, 點知俾我過到喎, 跟住就係新環右條直路, 本來又諗住實得啦, 但係我頂佢丫, o的電腦死咁硬, 本來過路障我係無問題架, 但係俾兩架電腦夾, 就咁就夾死o左嚮第二個路障度, 唉, 無奈...... 之後就去o左Game&Fun度玩o左舖全走, 嘩抵呀, 五蚊咋, 用黎呃里數都不知幾好呀, 正呀~~
至於夜晚, 原來套小企鵝有成4.33GB, 但係FAT32只係最大o既File得4GB, 攪到我要去翻個Mobile HD度將最後o個0.33GB B埋落黎, 不過一睇...... 原來係法文黎o既...... 都係遲o的先睇字幕...... 玩下新o個隻中文版AOEIII, 爽呀, 好好玩呀, 一個字, 正~~

無

今日朝早同人去攪完o的野之後就去o左飲茶, 下午茶, 叫o左唔少野食, 其實都唔係好貴, 食就食得好飽~~
之後返到屋企, 見到呀輝佢E-Mail o左掌門狗個torrent 俾我喎, 仲唔即刻B佢落黎咩, 嘩, 勁快, 話咁快就攪掂~~ 拿拿臨開黎睇係唔係假野黎架先, 唔係喎, 真野黎架bor, 爽呀, 不過...... 睇完發覺個劇情都唔係太好, 原來個主人係隻大兔仔...... 有o的無溪......
夜晚, 整o左o的個逃離Game, 又玩o左陣PES5 咁就過o左成晚......

ＯＫ咁啦

今日測呢個DT, 同班長佢上年o個份一模一樣, 今次應該都無乜問題, 但係另一份呢, 佢地就慘o的, 唔係咁一樣, 都唔知佢地得唔得囉, 唉~~
測完死人Eddie都仲教書, 但係我地就無哂心機聽書咁囉, 都唔知佢教過o的乜咁囉, 唉~~
去飲茶o既途中, 見到KT Tsang同Eddie, 問下佢入U o的野, 但係竟然見到呀Eddie佢楂住支煙喎, 唔係下化, 乜原來佢係食煙架, 頂, 越來越憎佢......
飲完茶, 上AP, 不過都係無乜點聽過書, 唉, 遲o的要睇翻o的Note都唔知點算~~
放學, 去打機啦又, 不過係返灣仔自己一個打, 又見到一個N Class Guest, 又挑下先, 大淩, 得翻一個車檢, 咁快?! 贏o左佢之後就有另外三個人挑我, S6, S4 同B7, 而我架大淩都係B7, 唔驚你地架, 新環左, Keep到第二, 最後直路, 俾人係咁追上黎, 最後係第二, 贏第三o個個 +0m, 好好彩, 又有兩粒星, 不過就又車檢, 無錢, 都係用翻部34黎玩, 點知係玩箱底, 無奈...... 輸成百米, 唉~~ 最後都係Tune多話就走lu, 等待80話完成中, 再加5000km~~
個FlashGame開工lu, 但係真係一o的都唔易, 最煩係o的相, 好煩呀~~ 唔得, 要挑戰自己, 整佢出黎~~

無

今日好好多, 只係返十點半, 上完堂NT2A就走得~~
上完堂, 食完飯, 原來呀班長佢尋日有上年DT份Test, 頂佢丫, 無寄俾我, 好彩呀偉佢寄俾我o者, 唔係佢今晚先俾我咪死.......
返工, 都係無驚無險咁過o左, 但係就唔係有太多時間溫書, 唉, 聽日都唔知點死囉, 唉~~
放工, 入到機舖見到有個得C5 o既開挑, 無理由唔挑架, 又用我架大淩黎玩, 之後有兩個S Class o既人入黎, 都預o左架啦, 但係我就真係追都追唔到, 兩局都係輸~70M, 無奈......
但係都係唔係好覺佢係新Version, 返到屋企, 上forum見到先知原來新Ver去翻舊Ver都係得翻810, 只係新Ver先有5, 等我快o的Tune好架34先~~

今日, 唉又係八點半, 眼訓到死...... 上完堂吹水PQM之後, 仲有一個吹水Tutorial, 但係本上係無做過野, 佢都只係掛住講個project plan, 我地竟然會有A-喎, 係有o的位唔係好得, 所以多o左個 - , 呀姐真係好勁~~
下晝, 上完個唔係好明o既NT2A Tutorial之後就又去o左打機, 部Hiace真係唔係好好玩, 有o的生疏, 最後對住呀恆同佢個Fd, 墨丸, 輸o左......
返到灣仔, 又同表弟佢打頭D, 佢真係好勁, 勁o左好多, 閂後車我差o的輸成K, 無耐咁囉...... 唉~~
玩翻灣岸, 架大淩終於都過到第四十話, 但係個Debug Version都唔知係真定係假, 5k就會有815咁正, 真定假呀, 等我架34都煲全走整到佢有815先~~
夜晚有o的頭痛, 唉DT呀!!!!

miffy電話繩

今日要返工, 電氣道, 本來諗住去睇一睇ok仲有無電話掛繩先返工, 點知睇完之後等車就無車, 等o左我成三個字先有叮叮囉, o個時已經係十一點半, 去到銅鑼灣又黎塞車, 唉~~ 好在時間真係太過準咁搭正就返到去, 無驚無險咁囉, 呼~~
放工, o個到有間ok喎, 咪入去睇下啦, 點知仲有miffy電話掛繩剩喎, 咁就用o左我四十大元, 唉~~ 呢個禮拜都無得打機啦......
七點鐘有個星期二檔案, 今日講有o的學生砌機械人砌到比賽有獎, 但係有人一句彈埋黎話成日嚮度係咁砌有錢架咩, 我即刻乜mood都無哂, 唉~~

今日好少少, 只係返九點半, 但係都要八點半出門口, 唉, 又要咁早......
返到去上一個鐘o既Wireless, 但係都無乜點聽過書, 掛住做DT個Tutorial......
之後有三個鐘, 本來諗住去打機, 但係呀恆佢竟然話要做個FYP, 所以就變o左嚮呀Rick間房度係咁玩佢o的野~~ 佢o個個跳舞公仔原來係有得分男女架~~ 好有趣呀~~
食完飯, 上完個Tutorial, 踢o左陣毽, 就搵o左好多人一齊黎玩七級豬, 哈哈~~ 十一個人一齊玩呀, 過癮呀~~
JoJo佢真係好勁, 只係得一級, 仲要係俾我地屈佢o既添喎, 而我就好無奈咁俾人Fake到變o左一級囉, 無奈...... 又係咁呀!!!!
最後就由呀梁華佢輸o左, 要拎哂我地咁多個書包去Lecture度...... 哈哈, 有趣~~

無

今日都係要返工, 都無乜大件事發生, 但係就唔知點解去到四點幾o個時好眼訓, @.@" 點解會咁o既呢??
o的學校就係咁叫o的學生參加Reading Program, 之前就有o的學生係咁申請圖書證, 而家o的學校就一舊二舊form咁交黎, 無錯, 係一舊舊, 唔係一張張, 攪到佢地又係咁入機同寫o的書仔, 慘......
放工, 本來諗住去打機, 但係金星兩部都俾人玩緊, 仲要係咁對戰, 條友唔信邪, 係咁con機, 仲要用800HP黎玩新環c1 in + out 同新環左, 炒到佢彭彭聲, 最後咪係咁輸囉~~ 仲要攪到我無得玩, 唉~~
夜晚, 睇下個百二GBharddisk, 得翻一GB, 唔係下, 即刻要清理下佢, 都仲只係得廿幾GB, 都唔知點解我可以用咁多@.@"

大獲！！！！

今日又係返駱克, 替人架o者, 野就唔多做, 但係就o的小朋友好嘈, 叫極都仲係好嘈, 唉~~
見到呀棠, 同佢條女呀Kit一齊喎, 但係就扮唔識咁, 估唔到佢地咁都可以一齊喎~~ 但係點解我都仲係一個o既...... 唉~~
見到章魚, 六叔同Gerrard, 不過同佢地傾傾下途中, 有個老細啤住o左我, 好無耐咁要收線, 唉~~
返到屋企, 發現張TimeSheet好似係無簽名咁喎, Oh, Shit~~ 今次真係Shit啦, 睇黎真係要搵日返去簽翻個名, 唔係無糧出咪死伙, 唉~~

無

今日好翻o的o的, 返十點半, 但係返到去係上一堂好難o既DT......
DT真係好難, 唉, 遲o的都唔知點算, 唉~~
下晝上呢個AP Lab, 但係呢...... 呀Edmund Sir佢好無奈, 我地嘈之餘呀Rick佢又較細o左佢個Mic咁囉...... 唉, 今日Edmund Sir佢真係好無奈...... 好似有o的對佢唔住咁......
今日我地諗o左嚮呢個A204度整個 逃離房間 遊戲, 用Flash, 度o左好多正位, 如果整到o既話應該好正, 唔錯~~

無時間溫書......

今日又係要返八點半, 唉晨咁早, 好眼訓......
上呢個PQM Lab, 又係跟住呀Sir佢一齊做, 但係就...... 佢做o既同我地做o既唔同o既?? 不過算啦, 又唔係下個Lab要交......
之後上完NT2就食飯, 食完飯玩o左幾舖 鋤大Ｄ, 臨尾o個局先俾我贏到, 執翻個尾彩, 不過就遲o左o的, 攪到無Van仔搭, 去o左搭249M, o岩o岩好趕得切返工, 呼, 下次都係預翻早o的o的時間~~
今日都有唔少野做, 本來諗住可以溫下書, 但係又有唔少野要做, 鬼咁多人, 連書都無時間溫, 唉~~ 有個小妹妹好鬼嘈, 等我胸下佢~~ 哈哈~~

朝八晚八, 都唔止呀

唉, 今日又係要返八點半, 聽一o的吹水野, 無奈, 遲o的要Test都唔知點算......
原來個ProjectPlan要今日交, 唔係下, 好彩佢話可以今晚email俾佢o者, 仲有時間執俾佢......
食完個lunch, 又去o左同Raymond呀偉佢地玩七級豬, 嘩頂癮呀, 今次好玩好多呀, 好多人俾人fake到, 包括我在內...... 連呀偉佢都俾我fake到, 哈哈~~ 但係我就俾呀恆fake o左...... 最後個個都起碼三級以上, 但係Raymond佢就又輸o左, 唉, 佢都好無奈......
至於下晝o的Lab, 難就唔係難, 但係個NT2就做到最尾走火警, 有好多人都未攪掂, 個DT我就玩得大o左o的, Delete o左呀恆佢地個電話, 而且佢地又係唔係好做得到咁囉, 我係唔係真係玩得大o左o的咁呢??
唉, 又成八點先返到屋企, 十二個鐘......
下個禮拜就要DT Test, 都唔知點死俾佢睇, 唉~~ 要溫書......

爽~~

今日唔駛返學, 又唔駛返工, 爽呀~~ 訓到成十一點半先起身, 正~~
食完飯後就去剪o左個頭, 又係一個壹貳?肆伍陸？頭咁囉......
剪完個頭, 表弟就又叫o左我去打機...... 點解佢咁多錢架, 又打四十蚊咁多...... 我只係打o左十蚊咁大把, 一局灣岸, 出我架大淩, 第一局就贏o左兩粒星星翻黎, 勁, 其他有兩個人以為我好屎, 得C1就挑入黎, 一個B5, 一個B7, 但係又點丫, 我玩一局咁大把, 但係就都係同佢地不相伯仲, 臨尾俾我拎翻個第二, 勁呢~~
之後就又打o左兩局我表弟佢最鐘意o既頭D, 但係其實好玩咩?? 我都係鐘意灣岸多o的~~ 再玩o左一局Thill Drive 3就走lu, 無錢啦, 玩鬼咩......
行o左陣街, 買o左o的野食就返屋企lu.
呀輝佢今日又係去Training, 話咁快就過關, 仲簽埋約添喎, 唔係真係咁快下話...... 不過都好, 有乜事可以搵佢頂替, 掂~~

星期一 (←我都唔知點解會突然諗起呢個Title)

唉, 今日呀輝佢又唔同我一齊返學啦, 佢又要去Training......
尋晚叫過佢話一齊返學, 本來都唔諗住可以同佢一齊, 但係最後因為我又再一次唔知醒o既關係, 我遲o左出門, 而佢又打俾我問係唔係一齊返學, 咁仲唔一齊返咩, 有o的開心咁囉, 只係有o的......
返到去, 唉, 今日又係好仆街o既一日, 一個鐘, 一個鐘早餐, 三個鐘, 兩個鐘Tea...... 無奈, o的咁仆街o既時間表都唔知係邊個編o既, 仆佢個街丫
食完個Tea, 好無聊咁玩七級豬, 本來由得四個, 去到六個, 之後七個, 臨尾九個, 嘩, 過癮呀~~ 最尾係呀Raymond同墨丸佢輸o左, 仲唔死~~ 本來要墨丸佢揹佢條女行落去, 但係佢爻底, 挑
上到最尾o個堂已經係四點半, 加上頭先玩七級豬玩到無哂精力, 最後都係訓o左......
放學, 去到葵芳, 間OK都係無哂o的miffy電話繩, 算把啦, 有就會有, 無就無架啦, 等多兩日先再睇過有無啦~~
去到灣仔, Tune埋部大淩, 十格lu, 但係仲有四話未過...... 無野好講, 原來我已經玩o左成三十話...... 又成舊水架啦喎...... 我發覺我真係用o左好多錢落去打機度, 唉~~
墨丸佢又嚮度哂命, 俾人錫o左野就飄飄然, 不過遲o的你就唔會有呢種感覺架啦, 等你開心下先啦~~
諗翻起我俾佢錫o個一野都好開心, 但係而家, 唉, 相信都無機會架啦, 唉~~

今日無錯又係要返工...... 返工o個時唔通真係走o左架車, 等到搭半先有車, 去到香港仔就已經搭九, 無得行下先返工...... 返到去, 都算ok咁丫, 不過就攪事, 要CT佢起Fault, 哈哈~~ 而且仲要佢下個禮拜整翻個Printer, 等佢兩部都Print到, 哈哈~~
放工就緊係去打機啦, 但係...... Tune車三埸贏得一埸, 仲要係輸得好唔抵咁囉, 唉, 無奈......

返細館做CT

今日返屋企附近o個間駱克做CT, 見翻做Summer Helper o個時o個o的老細, 個男人唔好o左好多, 潮o左好多~~ 而我就都唔係無野做架, 第一日就要換o左兩個耳筒, 本來都無乜野, 但係嘩頂, o的塵丫, 唉~~ 好彩, 都無乜大件事發生, 最難頂o既就係一定要播哂o的音樂先可以熄機囉...... 無野好講......

無題

今日勁唔知醒, 唉, 成九點八先起身...... 搭十一先去到地鐵站, 要呀輝等真係有o的唔好意思...... 最後呀輝佢叫我搵埋呀姐, 估唔到只係等兩架車佢就到...... 佢今日好靚女, 著得好靚, 不過又點丫, 唉~~ 但係佢今日著對新鞋, 成日都刮佢隻腳, 又行咁遠食飯喎, 佢都真係好野, 所以話呢, 女仔貪靚起上黎真係乜都得......
返到去, 遲o左少少, (←半個鐘都話少, 痴線), DT呢當就真係一o的都唔易, 乜都要記, 唉~~
兩個鐘lunch, 又去o左名古屋度食, 同呀恆佢share o左一個飯, 只係十蚊咋喎, 乜咁抵架, 但係就有少少唔係好夠...... 不過偷o左隔離o的扒黎食, 都ok夠咁囉
返到去, 要搵呀Ken攪掂個project plan, 但係佢話我地個Scope唔夠, 要長o的, 最後就吹俾佢, 星期一先俾過佢咁囉......
跟住上AP Lab, 成堂都係訓住覺咁過, 呀...... 乜書都無聽過咁囉......
放學, 呀恆竟然話唔打機, 有無攪錯呀, 好少可喎...... 最後我自己返o左灣仔打, Tune埋部大淩, 本來都無乜野, 打o左五埸都贏, 連兩條山路都贏到, 但係最後竟然輸俾兩架公仔車...... 算把啦, 無錢啦, 有錢先再繼續Tune啦~~

唉

有陣時o的野真係唔知點好囉, 唉, 我尋晚又發夢見到佢, 諗翻起之前同佢一齊去街o個時o的野, 好開心, 可以攬住佢o個種感覺真係好舒服, 唉, 不過而家已經無機會, 回憶把啦, 唉

無題

今日好慘呀, 首先係唔知醒, 跟住係呀輝佢又唔同我返學, 唉~~
唔知醒都可以準時返到去, 咁o岩有車o者, 好彩~~
呀輝佢要去Training呀, 唉~~
上完堂NT2, 食飯飯, 又係Canteen咁囉, 都唔知食乜好, 最後又係盅頭飯咁, 唉~~ 我真係大食o左?? 連呀姐佢o的飯都食o左半, 乜我咁架......
食完飯就好無聊咁同呀偉Raymond佢玩七級豬, 又幾好玩架喎~~ 但係無奈玩到咁上下我就夠鐘返工, 唔係真係好想再玩落去~~
返到工, 到而家都無乜問題, 應該跟住落都ok掛......

墨丸佢又第二個

今日又係要返八點半, 唉, 又要咁早, 最後係唔知醒o架, 又要呀輝佢等......
返到去, 又係上一堂唔知上乜o既PQM, 遲o的要Test都唔知點死......
下晝食完個Lunch就去o左204度?定o的新Router先, 之後個Lab好順利咁完成o左, 而我都夾o左條線, 但係發覺呀偉佢個夾夾好似有o的問題咁, 夾唔實個三角形位咁喎, 但係用翻呀Sir o個個就夾到喎, 點解咁奇怪o既?!
途中, 班長佢整爛o左JoJo佢隻鞋喎, 攪到佢好似爻柴咁行, 行樓梯都好慘咁...... 放學, 班長佢仲唔要買翻對鞋俾佢, 發覺佢著o左對鞋之後仲靚o左, 唉, 咁又點丫......
嚮機舖, 墨丸佢又有第二個lu, 雖然係有少少肥, 但係都ok 架bor, 拖住手都仲未係呀嫂, 咁係乜呀??
唉, 我幾時先可以有翻個呢, 唔通真係個天先知?? 唉~~
聽日呀輝佢要去Training, 我又得翻自己一個返學, 唉...... 相信JoJo佢都唔會同我一齊架啦, 因為佢九成九都唔會準時......

無

今日都係要返工, 唉~~
放工, limit住自己唔打機, 無錢耶~~ 最後都係無打到~~
夜晚, 用個mobile HD個WinXP黎玩AOE3, 正呀, 又真係唔錯喎, 同AOM差唔多, 又真係幾好玩, 但係英文版就...... 要o的時間黎catch up~~

無題

今日好o的, 返九點半, 但係都係咁眼訓......
返到去上一個鐘就食三個鐘lunch, 去o左葵芳度打機+食飯, 玩o左兩埸灣岸, 明玩野咁囉, 過癮~~
呀恆佢讓我同墨丸3KM, 但係最後都係追唔到, 班長佢就真係唔知點解咁想贏囉, 唔通星星真係咁重要?!
最後我地就四架新Hiace玩新環右, 120HP, 慢到屎...... 而且又係咁夾加玩野, 推車, 撞開o的貨車, 踩Break, 打橫架車咁, 頂癮, 但係玩o左成五分鐘先玩完條新環右, 想屎......
下晝搵呀Ken Sir, 同佢講翻個Project Plan咁, 應該都ok無乜問題, 但係個Project又真係唔易做......
最後上AP都係超時, 又係唔知佢講乜書咁囉, 唉~~
無校車, 無Van仔, 等巴士, 最後俾我地搵到架88D, 好彩~~

無題

今日晨咁早就要起身同屋企人去街, 唉, 想訓多陣都唔得......
食完個吉野家早餐之後就起程, 原來今日係poly開放日喎, 唔經過都唔知......
去到o個度, 好眼訓, 咁就坐嚮度都俾我訓著...... 我真係好眼訓......
走o個時見到間酒樓有平茶飲喎, 咁就去試下啦, 原來係一間好有舊時風味o既茶樓, 自己等位加推車仔點心, 好耐未試過咁飲茶啦~~ 但係飲飲下, 公司打黎喎, 下?! 兩點半打黎叫我返工, 咁都得?! 我當然返唔到啦, 返兩個鐘?! 唔理lu, 都返唔到, 唔係點呀~
夜晚, 有個舊同學「肥偉」叫我幫佢整條CrossCable喎, 但係收佢幾錢好呢, 算啦, 都係廿蚊加餐飯就算啦~~ 但係佢咁有錢買Notebook o既 @.@"

朝同晚都係打機

今日好少少, 返十點半, 但係早o左一個鐘出門口, 同表弟佢去o左打機~~
玩頭文, 但係就係屎o左o的o的咁囉, 同佢玩o左五局, 只係贏到兩局, 唉~~ 佢玩得真係唔差~~
返到去上堂, 班長坐o左我隔離, 但係呢就係咁煩住我聽書, 頂丫, DT黎架, 要考試架, 咪煩住我聽書啦, 最後就隔o左一個位坐, 之後呀姐返黎, 俾佢坐o左我同班長中間, 班長有時真係好煩......
Lunch o個時好無聊咁講下自己仆街o既經歷, 原來個個都咁仆街, o的仆街野都真係好仆街, 笑到我地丫~~
下晝個Lab基本上都係無乜點聽過書/做過野, 打打下機就過o左兩個鐘......
放學, 等o左好很耐都無校車, 但係當有架的士黎, 本來諗住上車o既時候個司機就話南北橋都塞住, 咁我地就搭249M去青衣城啦, 但係又見到架校車囉, 頂丫, 條橋又唔係多車囉, 都唔知有無攪錯, 痴線架, 本來想去新機地打機, 但係最後就返o左灣仔打, 自己又衰, 打完廿五話之後就打箱根, 點知輸o左, 仲要係輸幾百米俾電腦咁多, 唉~~
唔得, 要快o的Tune好架大淩先得~~
但係無錢......

太多事情發生lu, 唔知咩Title好

今日又係要返八點半, 都唔知有無攪錯, 返咁多日八點半, 很累喔~~
返到去, 做返之前o個個PQM Lab, 但係我就以為會係遲o的先交, 掛住打機, 點知去到最尾, 呀Sir話要黎睇喎, 仲要俾分添, 死啦, 好彩之前JoJo佢有做定o者, 咁都無乜問題, 個分應該都唔會好低...... 其實呢個係一件好事, 即刻知道你有無上堂同有無做野, 即刻俾分係一件好事~~
放學, 得一個鐘時間俾我食飯, 佢地就走哂出去食架啦, 唉, 本來有得射箭, 但係要返工...... 拉埋呀姐, Raymond同呀偉佢地一嚮Canteen度食, 咁都好o的, 有人陪, 食完見仲有時間就睇死佢地嚮新機地度打機架啦, 去到, 仆佢個街丫, 我落咁多次, 佢都無check我證, 我已經有好耐入機舖無俾人Check證啦, 馬會就唔同, 十八歲, 但係機舖呀, 十六歲就入得架啦, 仆你個街丫, 見過o的十六歲高過你未丫, 小
呀恆佢用自己架815 R33, 得廿多粒星咋喎, 佢同佢o的Friend對戰, 玩野喎, 架車打橫停嚮度頂住人不特止, 仲又夾車呀, 又玩貨Van爆開人呀咁, 佢一個叫呀豪o既俾佢地兩個玩死, 笑到我丫~~
夠鐘返工呀, 早o左o的到, 問清楚哂人地o的野之後就正式開工~~ 但係之後就...... 唉~~ 嚮呢個4:00 o既時候有好多人積o左嚮度, 而且又有條友話book o左但係就無佢個名囉, 都唔知佢想點, 俾佢攪到我亂哂, 頂...... 好彩最後都掂. 呼~~
而家係六點, 未放工, 但係就已經打o左呢篇野啦, 你話呢份工係好做定係唔好做呢?!

朝七晚七

唉, 今日係朝七晚七呀, 都唔知點解要咁慘, 晨咁早上Lecture + Tutorial, 聽佢吹水, 但係之後又要Test, 都唔知有乜俾佢Test, 又一個慘......
兩個鐘Lunch, 想去o個間名古屋, 但係又唔知係邊度喎, 呀恆聽呀康講就話係嚮M記轉右, 咁我地就即管去一次, 去到M記, 轉右?! 咪玩啦, 右邊乜都無架bor, 班長佢之前去過, 原來係轉左, 呀康佢係唔係左撇子黎架, 唔通佢當o左楂筆隻手係右...... 我地由頭到尾都係轉左...... 無轉過右.......
間野都幾ok, 似大排檔, o的野夠大碟同夠鑊氣, 班長佢個扒就幾抵喎, $25+3 兩塊扒加飯, 學生送野飲, 塊扒都唔細架, 而我地其他就食快餐, $19+2, 一o的都唔細碟, 如果我同呀姐加呀輝, 叫一個扒加一個飯就一定夠食, ok 喎~~
返到去, 諗住霸定隻新Router用啦, 點知...... 今次NT2係做Tutorial...... 又抄一大鄰, 搵一大鄰咁囉...... 之後個DT Lab, 好快就做到喎, 但係呀恆佢地...... 又係做唔到, 唉~~ 最後幫佢地, 做到喎, 但係又係成六點先做到, 屎人Eddie佢又要去食飯, 到成六點半先返, 但係只係露過一次面, 最後我地三個都係走先, 個結果係點?? 我都唔知, 聽日問下佢先......
返到去, 七點四...... 玩o左局灣岸先返屋企, 無錢, 想快o的Tune好架大淩, 定係Tune架34去810先好呢??
聽日返新工呀, 巧驚喔, 希望唔好做錯野啦......

星期二都要返學......

今日最後都係返o左學, 但係香港仔隧道塞車喎, 呀輝佢都搭o左成個鐘車, 睇RoadShow 睇到Repeat, 咁我就入去機舖度打翻舖機等佢啦, 無錢, 只係打o左一局灣岸...... 點知出翻黎o個時, 見到呀媽嚮對面馬路度行緊喎, 嘩, 唔好俾佢睇到呀, 慢慢咁行, 唔好快過佢, 佢應該唔會行過黎o既, 最後無驚無險咁去到地鐵站, 呼...... 無事, 幾驚佢見到我入機舖呀......
返去要做個Project Plan, 但係佢地都唔知有無做過...... 好似只係寫o左好少野咁......
而我就問o左呀班長同呀Rick佢借o左個夾夾同Fluke錶, 成千蚊o既Fluke錶呀~~ 無計丫, 佢都無能手借俾我, 嘻嘻~~ 返去夾翻好o的線先~~
下晝又要返工, 石圍角?! 邊度黎架?! 好彩少波佢住嚮附近, Sure 個落車地點, 掂~~ 最後去o左葵芳搭32M去, 一陣就到, 快喎, 但係間野就真係好細, 簡單黎講就係屋村舖位兩個, 細到丫...... 只係返兩個半鐘, 唉, 點會有o的咁騎呢o既post架......
返到屋企, 諗住夾線, 但係發覺呀班長佢個夾夾...... 無刀o既?! 唔係下, 咁點剪齊o的線呀?! 最後我唯有用鉸剪...... 但係個效果都幾好喎~~ 我太勁啦~~ (←精神分裂中......)

無題

今日返學, 10:30去爆鎖, 點知原來係同呀John一齊, 頂...... 好在爆佢o個個先, 之後佢都無跟住黎, 都無乜野......
10:30-11:30 break 加 2:30-4:30 break, 都唔知食早餐定係Tea好囉, 個時間表都唔知係邊個整架, 頂丫.
最尾o個堂AP, 唉, 真係慘, 訓足成堂, 個呀Sir又係講到夠鐘都唔肯收, 要俾下一堂o個呀Sir趕先肯走, 佢講書講到咁, 行行code都講, 唔遲假啦
放學去打機, 但係無錢呀...... 玩得一局就算lu, Tune翻架大淩先, 原來大淩應該係易過Hiace, 我一開始就玩箱根都俾我贏到, 但係我發覺呢GameZone灣岸應該係Hard, 唔係Hard都有Normal, 一定唔會係Easy, 因為我都係去到臨尾o個一點五至二公里先至過到架車...... 好彩~~

好彩?!

今日返工之前去o左吉野家度食個早飯先返工, 費事呀媽佢又要整野俾我食啦, 食完早飯, 見未夠鐘, 去o左金星度打翻舖機先~~ 見到有個N Class 喎, 咪用呀墨丸架RX-8黎玩啦, 點知佢口up up 咁話580對280, 邊有得打呀, 我心諗, 你咪唔好開挑囉, 開得, 我唔用架800黎同你玩咪算你好彩囉, 仲咁多野講, 之後佢仲要con機, 咁就送o左兩粒星俾墨生, 仲幫佢tune o左話箱根添~~
但係之後當我去搭車之際, 嚮街口見到有架車車行過, 仆...... 走o左架車...... 算, 行去後一個站度搭, 但係行到去之後就竟然有架車到喎, 咁好彩o既?!
返工, 都無乜野丫, 但係就知點解熱o左o的, 要較到廿二度, 政府什麼廿五點五度喎, 食蕉啦~~
放工, 又去o左打機, 本來想玩十人斬, 但係腳多踩多o左腳, Story mode...... 唔緊要啦, 都係玩o者, 最後都係玩多局十人斬先走, 但係我開挑竟然無人挑喎, 咁大條魚俾你釣都唔釣, 算啦, 都係玩下之嘛~~

國慶

今日係國慶, 不過咁又點丫, 咪又係一樣要返工, 唉~~
今日唔算少人, 但係好彩都唔算多囉, 咁都好o的~~
放工, 去o左睇人打機, 本來想落埸, 不過無謂送星俾人啦, 加上Game&Fun都仲係四蚊咁貴......
夜晚, 香港寬頻o個度終於有人整啦, 咪又係換過個盒俾我, 一早換咪唔駛咁煩囉, 佢都真係丫, 但係發覺原來個師傅個夾夾有問題, 夾唔到其中一條pin架喎, 最後佢就拆o左o個條pin(因為唔駛用), 佢呢個方法好掂呀, 勁~~