好彩?!

今日返工之前去o左吉野家度食個早飯先返工, 費事呀媽佢又要整野俾我食啦, 食完早飯, 見未夠鐘, 去o左金星度打翻舖機先~~ 見到有個N Class 喎, 咪用呀墨丸架RX-8黎玩啦, 點知佢口up up 咁話580對280, 邊有得打呀, 我心諗, 你咪唔好開挑囉, 開得, 我唔用架800黎同你玩咪算你好彩囉, 仲咁多野講, 之後佢仲要con機, 咁就送o左兩粒星俾墨生, 仲幫佢tune o左話箱根添~~
但係之後當我去搭車之際, 嚮街口見到有架車車行過, 仆...... 走o左架車...... 算, 行去後一個站度搭, 但係行到去之後就竟然有架車到喎, 咁好彩o既?!
返工, 都無乜野丫, 但係就知點解熱o左o的, 要較到廿二度, 政府什麼廿五點五度喎, 食蕉啦~~
放工, 又去o左打機, 本來想玩十人斬, 但係腳多踩多o左腳, Story mode...... 唔緊要啦, 都係玩o者, 最後都係玩多局十人斬先走, 但係我開挑竟然無人挑喎, 咁大條魚俾你釣都唔釣, 算啦, 都係玩下之嘛~~