朝七晚七

唉, 今日係朝七晚七呀, 都唔知點解要咁慘, 晨咁早上Lecture + Tutorial, 聽佢吹水, 但係之後又要Test, 都唔知有乜俾佢Test, 又一個慘......
兩個鐘Lunch, 想去o個間名古屋, 但係又唔知係邊度喎, 呀恆聽呀康講就話係嚮M記轉右, 咁我地就即管去一次, 去到M記, 轉右?! 咪玩啦, 右邊乜都無架bor, 班長佢之前去過, 原來係轉左, 呀康佢係唔係左撇子黎架, 唔通佢當o左楂筆隻手係右...... 我地由頭到尾都係轉左...... 無轉過右.......
間野都幾ok, 似大排檔, o的野夠大碟同夠鑊氣, 班長佢個扒就幾抵喎, $25+3 兩塊扒加飯, 學生送野飲, 塊扒都唔細架, 而我地其他就食快餐, $19+2, 一o的都唔細碟, 如果我同呀姐加呀輝, 叫一個扒加一個飯就一定夠食, ok 喎~~
返到去, 諗住霸定隻新Router用啦, 點知...... 今次NT2係做Tutorial...... 又抄一大鄰, 搵一大鄰咁囉...... 之後個DT Lab, 好快就做到喎, 但係呀恆佢地...... 又係做唔到, 唉~~ 最後幫佢地, 做到喎, 但係又係成六點先做到, 屎人Eddie佢又要去食飯, 到成六點半先返, 但係只係露過一次面, 最後我地三個都係走先, 個結果係點?? 我都唔知, 聽日問下佢先......
返到去, 七點四...... 玩o左局灣岸先返屋企, 無錢, 想快o的Tune好架大淩, 定係Tune架34去810先好呢??
聽日返新工呀, 巧驚喔, 希望唔好做錯野啦......