兩星期雜記

《的士》
前陣子係咁返晏o既時候, 我就多數搭巴士~~ 嚮搭巴士o既途中, 我見到架TAX1喎~ (周街都係的士架啦, 你玩野呀) 你睇清楚o的, 係TAX1, 唔係TAXI, 個1同I係唔同架！！
估唔到個的士o既車主(我估車主應該唔係司機掛...) 會咁有心去買呢個車牌俾架的士喎~~
唔... 我公司會唔會俾錢買個AAT o既車牌俾公司車用架呢~~
唉, 若果有錢o既話我實會買個叫"麵王" o既車牌~~ (你玩野下, 車牌有中文字架咩......)

《飢餓的同事》
話說有一日, 我有位親愛o既同事(其實佢係我大佬...), 嚮食早餐o既時候佢坐我對面, 可能係因為我坐佢對面o既關係, 攪到佢無胃口, 而佢份早餐o既蛋同腸仔就落入o左我o個隻碟度... 份早餐大份o的都唔係問題, 問題係去到下晝, 好高興咁出o左去機場度食午餐, 叫o左個豬扒飯食~~ 而我o個位親愛o既同事亦都叫o左個豬扒意粉食, 咁一份豬扒應該就係有兩塊o既, 而佢就俾o左一塊我食囉... 點知... o的豬扒係唔好食的... 同事呀同事, 下次我都係唔好坐你對面好了~~ 以免影響你食慾...

《呀進呀彥生日》
五月七日係呀進呀彥佢地o既生日, 估唔到佢地兩個係同一日生日架喎~~ 所以, 我地就嚮星期六幫佢地攪o左個生日聚會, 順手出黎聚一聚~~ 但係佢地o既日子因為太近母親節, 攪到唔係得太多人黎到... 有點兒可惜... 原本我地係諗住去一間飲咖啡o既cafe, 點知佢o個度原來係無得book位, 去到又無位, 最後就求求其其搵o左間cafe, 點知越求其就越ok喎, 一入到去, 竟然見到一班好熟面口o既人, 佢地應該都係UST o既同學仔喎~~ 之後間cafe仲勁好人, 送o左個好大個o既麵包布甸俾我地添~ 雖則我覺得唔係太夠甜, 但係都ok香呀~~ 間野仲有好多牌類遊戲玩~~ 又有Wii喎, 超開心~~ 唱生日歌o個時仲係全間舖頭一齊唱添呀~~ 是日玩到十一點幾先返屋企~~ 一返到屋企就訓著o左......

《母親節》
好難得呢個月有得放星期六日, 咁所以呢, 嚮呢個母親節就可以請媽媽飲茶~~ Yeah~~ 但係由於我勁眼訓o既關係, 訓到臨夠鐘先識彈起身去搵位...... 好彩, 一切順利~~ 媽媽, 係唔係母親節都快樂~~

《Format HD》
早幾日唔知點解的起心肝黎重灌windows (重灌... 好台灣大陸式o既講法....) 咁backup完之後就format個HD黎reinstall啦, 一裝完, 咦... 點解... 其他drive o既野好似唔同o左o既?! 望清楚o的啦, 我頂... Format就真係format o左個HD啦, 但係format錯o左第二個partation呢... 好彩o個個partation係裝o的歌呀, 片呀咁架o者, 唔係就真係大件事... 下次都係小心o的好...