話咁快就已經成個幾月無打blog了, 唉... 原因係無mood... 至於而家打o既原因, 係因為已經無聊到極點了, 所以唯有update下呢個blog好了...
《爆鑊》
某一個晚上, 應該係凌晨, 又或者係半夜至o岩... 我嚮公司開緊工之際, 收到一個電話, IT呀, 咩咩咩咩咩唔得喎, 唔係又黎呀... 夜麻麻先黎壞野... 試試試試試, 試盡哂我識o既方法, 都係唔得... 現在已經係早上四點, 呢個時間, 訓o左o既人係訓得最"林"o既時候... 未訓o既都係最呆滯o既時候, 我唯有硬著頭皮打俾我o的大佬們... 唉... 我唔想架... 你第二日話鬼我都無辦法...
《Router》
有一晚幫屋o個隻router移位, 但係從此以後... 我隻router就唔識著返啦... 到而家都未得閒拎去整... 我懷疑係隻火牛o既問題, 但係... 我到而家都未有時間拎去check呀！！！
《攀石》
上幾個星期, 有一日放工之後, 同同事一齊去做運動~~ 運動攀登~~ 其實不嬲我都鐘意玩架啦~~ 但係香港可以玩呢個運動o既時方真係唔多... 又唔可以自己一條友去玩喎, 搵人教又貴喎, 又唔知邊度有地方可以join喎... 所以呢, 原來我同事, 其實係我上司... 有玩開架喎, 仲要去到助教級添架啦, 勁~~ 所以就放工之後跟o左佢去玩~~ 正呀~~ 但係... 好攰呀... 玩完之後o的手指軟哂... 個人都散哂... 但係真係幾好玩~~ 遲o的一齊去上個course, 考返個一級半級先~~
《過山車》
話說有一日放工搭巴士o既時候... 上到樓上, 我連位都未坐好, 架車就已經開到好快, 就咁坐嚮樓梯隔離o個個位就算數, 而且我又極之眼訓喎, 咁就做好安全措施之後, 即係帶返條安全帶呀~~ 就已經訓鬼o左~~ 呢個時候, 架車都未開到去高速公路, 我就已經feel到架車轉灣o既時候左搖右擺, 好似坐緊過山車咁, 個頭fing黎fing去~~ 但係我... 都係照訓... 真係好眼訓嘛... 到我醒o既時候, 原來已經過o左西隊, 去到中環, 但係架車依然係咁fing下fing下... 到差唔多我落車o既時候, 之前o個個站, 我見到有個女乘客, 佢想落車o既時候, 坐o左落我個位隔離, 仲禁住哂o的扶手喎, 我正諗緊佢係唔係咁企唔穩o既時候, 我竟然見到佢原來有隻手係楂住袋液體狀o既物體... 嘔吐物?! Oh Sit... 真係坐o左嚮度... 人地就坐完過山車之後嘔, 佢就坐緊過山車o既時候嘔... 但係我就訓死o左... 估唔到眼訓o既時候係可以坐住過山車都可以訓得著~~
我諗起Mr. Bean有一幕, Mr. Bean佢真係坐過山車訓著o左...
《又係巴士》
有日放工, 一上巴士, 點解咁多人企o左嚮度o既?? o個陣時都未驚覺有咩事發生, 但係呢, 一上樓上, 點解咁多人架... 搵個位都無喎, 差唔多成架車都係o的賓賓囉... 仲要成個樓上都係咁嘰嘰瓜瓜... Sit... 今次真係想Sit都無得Sit... 個人又眼訓啦喎, 唯有企嚮樓梯度啦... 點知企企下, 個人真係鐘著o左咁滯囉... 嚮樓梯度鐘著, 真係會碌落樓梯架... 如是者, 在鐘o左兩次之後, 我決定... 坐嚮度！ o者係坐嚮樓梯度, 繼續訓~~ 直至去到香港島o的人要落車先企返嚮度~~
《踩單車先黎落雨》
已經唔係第一次踩單車先黎落雨了... 上晝仲好好太陽, 仲要熱到中暑咁滯喎, 點知呢, 又係因為有人仆街, 攪到架車甩鍊, 攪o左好耐, 仲要攪到條鍊爻o左... 最後又未至於推車返去, 係變o左一個人拉住第二個人咁拖架車返去... 本來諗住可以踩到上大尾篤上埋霸添架, 但係除o左驚中暑之外, 就係為o左攪架車... 點知呢, 去大埔食完野之後呢, 個天係睇住佢陰... 之後就拿拿臨咁快o的踩返去~~ 好在都係臨去到尾先黎落雨, 但係... 成班fd都唔等細雨o的先走囉, 最後都變o左落湯雞... Sit... 真係濕到坐o左嚮度...
嚮踩單車o既途中, 去到馬料水秤車站隔離, 見到對頭有人踩踩下撞o左埋去鐵絲網o個度, 之後彈o左開黎... 仲要係彈開黎o既時候撞o左落隔離o個個人度... 即係攬炒... 之後兩條友訓o左嚮度... 見到完全係Ｏ哂咀... 好似拍戲咁個人彈o左開黎喎... 經過o既時候見到個人隻手臂擦傷哂... o.o"
