無樣好野

今日又係要返Training, 本來為嚮呢個一點就走得啦, 點知last個interview要成兩點先開始, 頂~~ 成三點先走得, 諗住走得就可以返學校聽埋個o camp o的野就聽日有得抖下咁啦, 點知坐車去到一半呀豪打黎話唔駛返喎, 話Johnny有o的野未攪好, 頂~~ 又要搭翻轉頭, 諗住去返中環攪埋個Badge啦, 但係本身嚮中環係唔可以嚮度出, 唔係又收附加費, 頂, 咁我嚮金鐘度落, 行過去唔係好近o者, 打過電話去佢又話無人得閒做個證俾我, 仆啦, 我都行到你先話唔得閒, 小.
睇呀姐個日記先知佢返o左黎, 但係星期五又走, 聽日我又唔得閒, 都唔知點俾份禮物佢, 唉.....
總之今日就無樣好野啦, 唉......

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 331	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 59	Model: TOYOTA HIACE Rank: C3 New comer of Wanga 加十幾粒星星 HP: 680HP/B 加八又四分三格 　Ｃ級◆◆◆◆◆ 　Ｂ級◆◆□◆□　□ 　Ａ級◆□◆□□　□ 超Ａ級□□□□□　● $$ = 153 + 8 + 6 = 167

好撚唔開心

今日要去CityHall做Training, 發覺嚮呢個CIC房到真係有好多野要做, 做SB都無咁煩, 一有錯就隨時會俾人小, 不過呢o的野一次生兩次熟架o者, 應該都無乜野難度o既~~ 發覺呀Joe Ng都幾好多架bor, 可能佢係做開CT啦, o的諗法同我地都差唔多, 呢個都會係一件好事黎o既~~
放工, 見有翻o的錢就過翻架Hiace, 唉, 都唔知係好定係唔好, 玩o左兩局都輸, 唉...... 出o個張卡係零奈, 唉~~
返到屋企, 本來好開心咁約到唔少人去踩單車, 但係嚮呢個時候同屋企人嘈, 呀輝又話唔去喎, 屌, 馬鞍山去大尾篤咋嘛, 有機遠呀, 落翻大埔都係幾個字, 佢又話遠, 又話會虛脫, 屌, 唔去就唔去啦, 算鳩數.
今日真係好撚唔開心, 打機無一局贏, 返到屋企又同人嘈, 呀輝又話唔撚去, 屌

無野做

尋晚突然好想食粥喎, 所以今朝早起身走o左落街度食粥做早餐, 飽飽耶~~
個下晝就好無聊咁嚮屋企度打機, 本來表弟話黎, 但係最後又話唔黎, 無奈......
夜晚打俾William睇下佢得唔得閒去踩車車, 九月二號佢得喎, 呀恆, 呀輝同Raymond都得, 希望今次攪得成啦, 唉~~
唔知點解呢排好燥, 唉~~

無題

今日, 無錯, 都係要返工, 唔返工又點會有錢呢~~ 返到去, 發覺呢個廁所...... 無o左?! 唔係下化, 真係要去公眾廁所...... 唉~~ 公司好得意耶, 有塊布簾遮住個細細o既房仔, 嚮裡面蛇都無人知耶, 正~~
聽日係佢生日, 已經整o左個SMS俾佢, 唔知佢收唔收到呢, 唉, 我應唔應該送o個份禮物俾佢呢?? anyway, 等佢返黎先算啦~~

好無聊咁出街行經所有機舖

今日下晝, 好無聊咁出街行去銅鑼灣, 過經所有機舖都有入到去, 發覺波子機有陣時都幾抵玩, 十五粒波子中一行四粒就繼續有得玩, 都幾過癮, 有錢一定要玩下~~ 灣岸已經無咁熱, 唔係太多人玩, 但好多間都仲係四蚊局, 只係得GameZone平o左, 三蚊局. 銅鑼灣GameCyber仲有OutRun2SP, 呢隻Game已經無乜機舖有得玩架啦, 希望佢唔好咁快無埋啦, 同埋只係三蚊局, 全走都只係再加三蚊, 絕對抵玩~~
行到去商務, 買o左要買o既野之後就睇下書咁hai下.
之後去o左298度幫人睇下o的Keyboard面o既倉頡貼紙, 要成十蚊張架bor...... 而且298好多都唔同o左, 真係唔去都唔知......
返到灣仔金星, 見到有個灣岸SSS Class玩繄28人斬, SSS Class喎, 緊係要睇下學下野啦, 點知...... 睇到佢嚮好多彎都high到牆, 點解佢睇落好似咁差勁咁o既?! 唔通佢只係問人借卡黎玩, 唔係真係咁勁...... 不過又唔似丫, 之後佢拎架A5 Class出黎玩, 個名都同一樣, 又唔似係問人借卡黎玩咁喎......
但係最後我都係因為無錢而無打到機......

好心係唔會有好報

唉~~ 下晝, 表弟出o左黎, 又同佢去打機, 玩o左兩次o既Thill Drive, 又俾我整到架氣墊船出黎喎, 哈哈~~ 之後又玩o左BG2, 都唔係易玩......
打o左十幾蚊機之後(又十幾蚊, 唉, 無錢呀......), 之後去o左幫呀姨通渠, 倒o左o的通渠水落去之後, 諗住得啦, 一開水, 仆街呀, 條渠漏呀, 唔撚係下, 屌, 咁都得架, 之後佢又話係唔係我倒得唔正呀, 想小我咁, 唔撚係呀, 又係你叫我幫你通, 家陣倒o左落去唔得又入我數囉, 仆街, 幫人做野都會俾人小囉, 好心真係唔會有好報, 呢樣野更加肯定我o既諗法, 唉~~

呢個世界點會咁o岩架??

家陣聽緊收音機, 發現雷霆881一個點唱節目裡面有個人點唱, 一個叫Ricky o既人同JoJo講, 佢今日見到JoJo同佢新男朋友去街, 雖然已經無乜野, 但係只係想同佢講一句“祝你地幸福”, 點解呢個世界會有o的咁o岩o既野發生o既呢, 一個又係叫Ricky, 另一個又係叫JoJo, 我又係想同佢講一句“祝你幸福快樂”, 同一種感覺, 唔同o既就只係我見唔到佢, 佢應該嚮大陸, 所以就係個情景唔同. 呢個世界點會咁o岩架??

好唔舒服呀~~

今日好唔舒服呀~~ 尋晚成晚都訓得唔好, 五點幾突然醒o左一下, 好記得收音機五點新聞報導...... 之後個頭就痛, 好辛苦咁想再訓翻, 半夢半醒咁, 好辛苦呀~~ 之後好慘咁訓下醒下咁, 去到十一點幾, 要起身, 食飯......
食完飯都依然係好唔舒服, 又嚮張床度訓, 一點度訓到成四點半先至想醒, 落街買o左兜腸粉食, 好似好翻o的咁, 上o左陣網, 沖o左個涼, 又夠鐘食飯.
發現o左樣野, 叫Google Talk, 十足十係Skype咁, 即刻download落黎玩, 其實咪即係Skype, 都無乜特別.
終於都無咁辛苦, 但係都未好翻得哂, 早o的訓, 休息多o的先

今日依然係好煩呀~~

今日要返工, CityHall, 十二點到七點, 本來諗住都有o的時間會可以抖下丫, 點知返到去一睇個時間表, 頂丫, 三個鐘counter 加 一個鐘office 再加 三個鐘counter, 仆真啦, 企足成日, 唔撚係下, 仆......
好努力咁熬o左三個鐘之後, 諗住有得入office坐下, 恰下眼訓咁啦, 點知我原來要做sort CD, 又係要企, 仆...... 偷o左張野黎坐住咁sort, 都有半個鐘坐下, 但係之後又係三個鐘...... 好懶哂咁做野, 唉~~ 大佬呀, ?架, 唉~~
之後就本來有兩個人做野啦, 我以為企另一邊o既人只係等緊, 咁就叫另一個人黎咁啦, 之後發現原來佢唔係等緊, 咁就叫翻原本個人黎, 又叫翻之後o個等等, 但係條仆街就彈o左句黎話『未得就咪叫我過黎啦』, 我仆你個街丫, 咁勁唔撚好嚮度借書丫, 之後另一邊幫佢借完書之後, 佢就好惡咁講o左句英文黎鬧我, 但係我聽唔明喎, 條友都憨鳩鳩架~~
放工, 去o左打翻舖機, 灣仔GameZone灣岸平o左喎, $3局.
夜晚呢, 呀豪話jonny唔俾我同andy去, 話我地兩個kind, 仆啦, 我都叫kind, 唔撚係下, 今日真係好煩呀, 點解會咁架, 唉~~

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 325 + 6 = 331	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 59	Model: TOYOTA HIACE Rank: C3 New comer of Wanga 加十幾粒星星 HP: 660HP/D 加三格 　Ｃ級◆◆◆◆◆ 　Ｂ級◆◆□◆□　□ 　Ａ級◆□◆□□　□ 超Ａ級□□□□□　● $$ = 153

都係 好煩呀！！！

今日返o左學校度收新仔玩o camp, 發覺自己口才唔知點解唔夠好, 加上有好多粉皮都唔想去, 攪到唔係好夠人咁, 仆囉咁就, 頂丫, 攪到我都好似要俾錢去咁, 真係仆直, 挑, 唔去咪唔去, 玩之嘛, 我幹!!! 自己都攪唔掂, 其他人又點幫丫, 唉~~
個Lunch去o左另一間度食麵(我係麵王之王嘛), 但係食完之後, 大碌, 肚痛, 唔係下化...... 屙o左兩次, 好彩, 之後都無乜野, 唉~~
Automated o個度又打黎問我點, 其實我都唔係好想返哂星期六日, Manpower o個度又唔想斷住咁喎, 最後都係同佢咁講, 唔知佢會點呢?? 唉, 好煩呀~~

好煩呀~~ 煩惱中~~

今日去做Training, 要去到沙田石門呀, 都唔知係邊度黎既, 地鐵→東鐵→馬鐵, 要成個鐘先到, 仲差o的遲到, o岩o岩好趕得切...... 入到去, 見到呀邊個邊個喎, 其實係唔知佢叫乜野名, 但係就係識咁囉, 原來成班人八個好多都係ive, 仲要係TY添喎, 唔怪得知熟口熟面咁啦~~ Training講o的野都係一o的我知o既野, 無乜特別, 係多o左o的CT實際要做乜o既野咁囉, 上到好眼訓......
上完, 返到灣仔, 打o左兩局Thill Drive 3, 終於都俾我整到架鴨仔車出黎, 原來係要好快咁踩油先入到去, 慢o的都唔得, 但係其實都唔係咁好用, 都唔係好夠快, 下次試下用氣墊車先~~
之後Automated o個度打黎, 話我只係做星期六唔係好得, 可以o既話就做哂星期六日加公眾假期, 可以去CityHall or 灣仔返, 但係呢今晚check E-Mail, Manpower又已經send o左下個月o既schedule黎, 唉~~ 點好呀, 做邊一面好呀, Manpower有好多Add Order, 但係Automated人工又唔少喎, 不過就要做哂星期六日, 究竟點好呀, 好煩中......
我諗o左好耐, 都係想同Automated講, 我都係只係想返星期日多, 因為呢我而家係FinalYear, 唔係好想做哂兩日, 因為星期六都唔知有乜野做, 總之就唔想返哂兩日, 但係唔知佢會唔會俾面色我睇呢, 煩惱中, 唉~~
JoJo佢又返o左黎, 但係過兩日又要走, 份禮物又未整好, 都唔知點好, 真係等佢返到黎先送俾佢??

新館(細到嘔茄)

今日又要返工啦, 搬o左過去新o個度, 但係就係好很細, 不過就鬼死咁Ｑ多人, 個counter就細到死, 但係就春咁多人借同還書, 唉~~ 做到咁上下, 過o左去舊o個度幫手, 一過到去, 郭生話我係快"o都"手, 做轉status, 不過只係做o左兩車就無哂, 做pack箱, 做到我腰骨都痛, 唉~~
有人print野咁喎, 但係呢就唔知原來佢o個部係print唔到, 咁都得?! 原來做CT都唔一定無野做......
睇黎聽日Training都唔係好過癮......

落雨

今日都唔知係唔係痴線架, 成日都落雨, 尋晚訓之前己經係咁落, 到今朝訓醒都係咁落......
今日upgrade做8Mboardband, 但係呢, 仆佢個街丫, 上網都只係得707KB/s, 但係upload佢就有成84k bor, 不過呢一經過個VoIP電話盒就只係得翻4xxK, 有無攪錯呀, 即刻打電話去HKBN度, 佢話今日會覆我, 但係而家都未覆, HKBN o的CS真係食屎, 聽日一定會打去屌鳩佢.
講翻尋日個Wireless Network, 一閂o左個WindowsXP o既Firewall就即刻得o左上到網啦~~ 但係好似偷人個wireless係犯法o架bor, 咁...... 仲上唔上好呀??
而家依然係落緊雨...... 聽日仲要返工......

電腦展

今日去o左電腦展, 因為今日平o的, 聽日同後日要廿蚊位...... 但係今日同下星期一只係要十蚊, 去到, 發覺係無乜真正o既平野賣, 基本上同出面o的價差唔多...... 但係呢o的lazer printer就真係平喎, 五百蚊度, 不過唔知有乜野送, 都唔買, 問黎做乜丫~~ 去到最尾, 見到個card reader幾平喎$48行USB2.0, 橫掂我都想買, 就咁就要o左個.
而我個親戚, 佢就好有錢, 買o左部notebook, 五千蚊以下, Celeron M 1.2, 其他都費事講, 一o的都唔勁, 只係平......
不過有個wireless lan玩, 返到屋企, 開機, 幫佢裝好埋部野(因為佢係唔包OS), 睇下個network啦, 發覺有access point喎~~ 咁頂癮?! 其中有兩個仲係無加密添o架喎, 正呀, 但係都上唔到網o既......

英語程度測驗

上mini o個時見到, 咪玩下囉, 順便睇下我o的英文有無點退步, 都好彩, 個成績都唔係好差~~

科學館

今日下晝同表弟去o左科學館度玩, 太多人啦, 基本上都係無乜點睇過野, 嚮個Telecommunication Gallery度就有唔少關我地呢科o既野有得睇, 但係好多都學過/就黎會學, 事實上係無乜野學度~~ 去吉野家度食個Tea之後就返o左黎灣仔打機, 玩Thill Drive 3 + 2, 隻三都唔知點出架隱藏車, 試極都唔得, 有攪錯~~ 多謝表弟請打機~~
夜晚幫人寫翻之前個義工個VB, 到而家都係整唔到.....

想開心都唔得

尋晚又睇o左隻鋼鍊, 成兩點幾先訓, 今朝成十二點先起身, 但係都係好似訓唔夠咁......
下晝去o左個表弟屋企, 玩佢部ＰＳＰ, 太鼓呀, Golf呀, Need For Speed呀咁, 之後又玩PS同PS2, 點解佢可以有咁多錢買o架呢?? 呢個問題我想問好多人, 唔係淨係佢一個, 而我就做牛做馬咁都係得雞碎咁多, 想買o的野都驚, 唉~~ 唔通真係同人唔同命??
玩到咁上下就出o左去食野, 佢o個度o的野真係唔夠呢度咁平, 我發覺都無乜地方會比起我屋企附近平, 都唔知點解o架喎, 十蚊碗雲吞米線, 但係得三隻, 仲要係唔係太好食又少米線, 都唔知有無攪錯, 呃錢架~~
食完野返翻去打機, 玩GT4, 佢個?盤都無用o既, 廢, 同十字制無乜分別.
玩到好開心之際呀媽打黎, 用一個怪責我o既口吻黎叫我返屋企, 我無乜幾可去人地度, 佢就係咁吹我返屋企, 我都唔知佢想點, 我次次出街都係咁, 又唔係十二點都唔返, 六點咋, 好夜咩, 晚市都未開啦, 我都唔知佢想點囉, 返到去佢就竟然可以若無其事咁同我講野, 變面技術就勁過國技, 頂.
呀姨返黎之際我就好關心咁問下佢係唔係好多野做, 咁夜先返, 佢就一句彈過黎話唔駛做咩, 好似你地咁成日嚮度玩, 只係識得吃喝玩樂, 我心諗, 我咪一樣有好多野做, 淨係你返工先有野做呀, 呢個世界上人人都係咁架啦, 兩腳一伸o個時咪唔駛做囉, 佢都痴孖筋o既.
返到屋企個個都口黑面黑, 都唔知佢地想點, 好煩呀, 點解會咁o架, 屌~~~~
嚮呢個咁o既環境之下, 咩開心都無哂, 想開心都唔得.

無野講......

今日又係要返工, 唔返工邊度有錢丫, 唉~~
過o左去新o個間野度睇, 嘩~~ 好細...... 到時都唔知點樣容納咁多人......
放工, 又係無錢打機, 車檢都無錢過卡, 算把啦~~
今日又係好平淡咁過o左一日~~

無

今日終於都有得訓晏o的啦, 訓到成十二點先起身~~
下晝閃o左去肥堅屋企, 原來章魚佢今日生日喎~~ 玩最新o個隻Winning 9, 我依然係咁屎波......
夜晚玩“彈水阿給”, 開唔到房喎, restart + reinatll都唔得, 最後要入新手2, 之後再入翻新手1先開到, 都唔知係乜Game, 有Bug耶~~
舊SmartCard真係要用CardService先得?? 唔係下化, 又要學新野, 煩耶~~

無題

今日晨咁早去o左interview, 九點鐘o個個無到, 我係九點半, 第一個就係我...... 等o左一陣, 有兩個人黎in 我, 一個係什麼Network方面o既高級人, 另一個就就咁叫做委員?! 只係問o左一條英文同一條普通話, 其他就全部都係中文, 佢又知我係做緊SBLA, 係咁問我夾唔夾到, 至於o的Technical o既問題就真係簡單, 相信佢都會請我掛~~
之後就去o左包機玩灣岸, 唔知點解突然想去打機, 又卅蚊啦~~ Tune埋架Hiace, 點知車檢, 玩得十七局, 仲有時間, 玩o左架R34兩局, 今次有o的蝕, 玩得十九局, 而且架Hiace都係差兩格先有800, 點解會咁的耶, 我真係好差......
下晝, 有個表弟黎我o個度, 同佢又去o左打機, Trill Driver 3, 唔識點樣整隱藏鴨仔車出黎, 灣岸有個N Class開挑, 用架580 HP Corolla黎玩, 借o左架620HP R32俾佢玩, 但係佢贏o左, 無奈...... 之後玩頭D, 乜又係佢贏架, 無癮...... 之後有人同佢個Frd挑佢, 仲好大聲咁叫佢踩Break, 我就擾亂佢, 等佢踩唔到, 之後條友好唔順氣咁話玩開後車下, 我就話新手都蝦, 佢話咁你黎玩丫, 我心諗, 我咁差, 實輸, 無理由明知輸都同你鬥, 之後佢就好似好勁咁讓車, 之後就玩得好勁咁, 但係就“?”一聲咁整到塊鐵板落地, 我個心嚮度笑緊, 白痴仔呀~~ 咁先至追到佢, 但係最後輸幾百米.
今日用o左好多錢呀, 唉~~
有隻新Game叫『彈水阿給』, 又係表弟佢介紹, 根本就係炸彈人, 但係都幾過癮~~
聽日屋企人又話有節目, 又唔實, 我又想去街, 仆街, 好煩呀！！！！

Model: NISSAN SKYLINE GT-R V-specII [BNR34] Rank: B6 Madam HP: 680HP/B 加 卅幾粒星 　Ｃ級▲□□□□ 　Ｂ級□□□□□　□ 　Ａ級□□□□□　◆ 超Ａ級□□□□□　● $$ = 322 + 3 = 325	Model: NISSAN SKYLINE GT-R [BNR32] Rank: C4 New comer of Wangan HP: 620HP/B 加兩粒星 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十多粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 55 + 4 = 59	Model: TOYOTA HIACE Rank: C3 New comer of Wanga 加十幾粒星星 HP: 660HP/D 加三格 　Ｃ級◆◆◆◆◆ 　Ｂ級◆◆□◆□　□ 　Ａ級◆□◆□□　□ 超Ａ級□□□□□　● $$ = 126 + 27 = 153

梅窩~~

今日好早就起o左身, 同屋企人去梅窩玩, 搭船o個時睇完報紙就有o的唔係好妥咁, 應該係隻船太焗啦, 訓o左陣, 落船之後好翻好多, 之後行呀行呀行, 行o左去銀礦灣瀑布, 仲行o左落去o的水度玩, 以我記憶所及, 我真係好似未試過咁玩, 好過癮~~ 之後又見到好多黃皮, 仲整o左粒黎食, 佢地就話係酸, 我就咪攪~~
其實今日實際上唔係玩o左好多野, 但係就好過癮, 如果我係可以同我鐘意o既人一齊咁玩就好lu~~
夜晚Gerrard同我講話佢用Non-Jupas轉o左去HKU度讀, 咁勁?! 原來佢GPA有3.4, 咁就可以由City轉去HKU, 勁~~ 起碼個名都勁好多先啦~~
聽日就要去interview啦, 唔知點解始終都係無信心, 覺得自己會唔得咁, 點解我會有種咁o既感覺o架呢??

無野做到

今日係會考放榜o既日子, 朝早就打o左個電話俾個表弟, 點知佢...... 得十分, 唉~~ 睇黎佢都係IVE 架喇~~
至於我就俾另一個表弟昆o左落街, 又話拎Form, 又話食飯, 一有錢就好勁咁...... 最後我出到去佢就話搵到佢個Friend, 要走, 我頂丫, 我唔理呀, 拉o左佢入機舖, 打翻局炸彈人先走, 之後佢又黎搵我, 唔係下, 又黎, 又走o左入去另一間機舖賭馬, 最後終於都走lu~~
個下晝本來會去街, 唉, 唔好提點解, 唔知好過知, 最後成個下晝嚮度睇鋼鍊......
到六點幾o個時, Automated打黎話星期五去in, 但係呢會係用國語同問一o的partical o的o既野, 我心諗, 唔係下化, 即係點呀??
夜晚問下Hillwood先, 點知佢話佢in o個時問佢部機壞o左咁點算, 我心諗, 壞o左無計o架bor, 咪搵人黎整囉, 其實原來CT係唔可以整機, 要寫faulty report, 我鬼知咁多咩, o的問題真係千奇百怪, 到時都真係唔知點算, 死就死啦, 做到同做唔到都無壞, 只係多o的錢同做得辛苦o的o既分別~~

玫 瑰 花 語

玫 瑰 花 語

玫瑰數目表心意 - 送不同支數的玫瑰花，有著不同的心意！

花數 代表心意
1 只有您 / 情有獨鍾 / 您是我的唯一
2 這世界只有你和我 / 你濃我濃
3 我愛你
4 至死不渝 / 山盟海誓
5 我欣賞你 / 無怨無悔
6 互敬互愛 / 一切順利
7 我在暗戀你
8 謝謝你對我的愛 / 請原諒我
9 願我倆長欠 / 長相廝守
10 你是十全十美 / 完美的你 / 圓滿
11 我只在乎你 / 一心一意 / 我的最愛
12 每天愛你多一些 /心心相印
13 友誼永固
14 你令我驕傲
15 向你說句對不起
16 你令我有點不安
17 我倆的愛己絕望 / 好聚好散
18 真誠與坦白
19 忍耐與期待
20 我的心在等著你 /兩情相悅
21 真誠的愛 /我的最愛
22 祝你好運 / 雙雙對對
24 思思念念 / 分分秒秒想著你
25 祝你幸福
30 信是有緣 / 無言的愛
33 三生三世 / 我的至愛
36 我心屬於你 / 我們的浪漫
40 至死不渝的愛
44 至死不渝
50 我倆終於遇上 / 無怨的愛 / 無怨無悔
51 求婚 / 求愛
66 真愛永不變 / 順其自然
77 相逢有緣 / 我倆喜相逢
88 用心彌補
99 我倆的愛天長地久 / 長相廝守 / 堅定
100 我百分之百愛你 / 百年好合 / 白頭偕老
101 你是我的唯一 / 直到永遠
108 請你嫁給我吧
168 一路發
365 天天想你 / 愛你365天
999 無盡的愛 / 天長地久 / 花卉人生 / 浪漫一生
1001 忠貞的愛

無

今日一早就起o左身, 打翻電話俾Automated睇下佢收唔收到我Fax俾佢o的野, 但係佢竟然話收唔到先打翻我, 睇落就唔係好覺眼, 我心諗, 唔係下, 小, 今次又一次會係呃我o既多, 頂~~
之後同屋企人去街, 搭火車, 嚮紅磡度搭電梯o既時候見到有架車停嚮度, 佢地唔行, 我以為佢地唔搭, 等下一架咁啦, 點知落到去架車話“列車即將開出, 乘客請勿靠近車門”佢先黎趕入車, 點知呢, 得最煩o個個就入o左車, 其他就入唔到, 都唔知有無攪錯, 佢行頭, 頭先唔行, 而家黎趕車, 正粉皮黎, 小.
Lunch o個時終於都食o左我個免費Pizza啦~~
走o個時, 我就試下搭去尖東站轉車, 原來要行o既路係長過香港站轉中環站, 唔係下化, 俾我下次都會嚮o個度轉車......

無題

今日終於都可以訓得晏o的啦~~ 起身, 打電話睇下係唔係真係執唔到我個badge, 一如所料, 係無......
食完飯, 俾人叫o左去飛髮, 又係剪o左個有一篤野o既頭=.=" 無計, 我都想剪個正頭, 但係...... 算啦, 都係呢個七頭把啦.
下晝, Automated打黎喎, 話我有機會去Second Interview, 佢話佢九月唔夠人喎, 我心諗, 咁荀, 即刻問清楚先, 我只係做到星期六咋喎, 佢都話唔緊要, 咁都得?! 佢真係咁趕咩?? 咁我就拿拿臨去Fax 埋o的野俾佢, 但係佢已經收o左工, 好, 聽日打俾佢睇下佢收唔到先~~
舊SmartCard已經整o左個似係GUI o既野出黎, 但係就係未可以同張Card 溝通到, 究竟點先可以同張卡傾到計呢?!

俾人引誘挑機

今日都係要返工, 但係去到竟然唔想入機舖喎, 咁就晨咁早返到公司, 呆坐嚮個pantry幾個字~~
返到去, 嚮cloakroom度騷擾人之際, 有個人路人突然向住我講“你唔好以為我唔知你心裡面諗緊o的乜呀”, 我即刻彈翻入counter, 條友傻o架?? 但係我當時又真係想同佢講翻句, “你真係知道我心裡面諗緊o的乜丫??”但係保護反應話俾我知唔好惹佢, 都唔知點解耶?!
放工, 嚮Game&Fun o個度俾人引誘挑機, 又係衰自己, 得第二, 無野好講, 不過又係自己衰錯手, 夾o左人地一下先, 不過人地夾我唔到喎, 仲俾我架hiace遮住o左個視線, 佢撞o左埋架貨車度喎, hiace真係好過癮~~

Model: NISSAN SKYLINE GT-R V-specII [BNR34] Rank: B7 Madam HP: 740HP/D 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 318 + 4 = 322	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 55	Model: TOYOTA HIACE Rank: C4 New comer of Wanga 加十幾粒星星 HP: 660HP/D 加三格 　Ｃ級◆◆◆◆□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 122 + 4 = 126

雜項~~

今日九點幾就去o左交學費, 唉, 無錢耶~~ 之後就返工, 今日返北角, 好近jojo屋企, 又係想搵佢食tea, 本來都係想唔搵佢, 但係始終個心都係掛住佢, 最後都係忍唔住打o左俾佢, 雖然都預o左佢唔會出黎, 而且佢今次同上次一樣俾同一個答覆我, 嚮銅鑼灣食o左野...... 唉~~
之後去o左咀香園買o左o的野俾屋企人食, 但係好貴......
今晚, 出o左去一品香度食上海野, 好耐無食過上海野啦, 好懷念以前三六九o既上海粗炒同獅子頭客飯, 但係而家呢, 無咁好味不特止, 而且又好鬼細碟, 都係以前o既好食o的~~
返到屋企就好眼訓, 晨咁早就訓o左lu~~

有錢就手痕入機舖~~

今日又係要返工, 依然係企足成日, 先企三個鐘, lunch一個鐘, 再企兩個半鐘, 可以坐三個字, 再企多兩個鐘零三個字, 終於有得放工...... 呼~~
口多多問下之後個SB欣欣嚮邊, 點知俾人嚮最後o個個鐘話我鐘意人...... 無野好講......
放工, 見好耐都無玩過OutRun, 而且又有翻o的錢, 成個禮拜都無打機, 就走去玩o左局, Goal C排45, 咁都有名, 哈哈~~
之後返到灣仔, 入GameZone見有人玩灣岸, 手痕唱o左十蚊, 見到一個500HP, 一個450HP, 挑緊, 仲唔落去玩咩, 用o左架得660HP o既Hiace黎玩, 玩新環右, 頂佢兩個丫, 係咁夾我喎, 我都無乜點對佢, 佢竟然係咁夾我, 真路都係咁, 我最記得有一架係r32黎, 唔發火當我傻仔下, 頂你丫, 夾到你兩個一橦都無先得, 但係32就真係32, 最後o個個彎我封o左個彎心佢都可以撞開我, 只係得第二, 我緊係唔份氣啦, 本來諗住玩一局就走人(返屋企食飯耶, 成八點架啦, 肚餓架~~), 即刻入錢, 今次玩新環左, 仲唔俾我夾到佢死死下, 但係嚮臨贏佢o既時候, 頂, 有人挑入黎囉, 仆街丫, 呢個仲要係己經800HP架添, 明明舊肉食到入口都同人再分過, 唔係下化, 當時真係好想爆粗, 算, 但係我o既目標唔係個新挑入黎o個個, 而係頭先o個個, 我一定會係咁夾佢, 預o左自己拎第二, 今次我就好多時都狠狠咁夾落架32度, 你仲唔死!!!! 但係嚮臨尾條真路, 我依然係第二, 但係有機會贏到喎, 我走外線, 佢閘我唔到, 仲要俾我過埋, YES~~ 好幸運之下拎到第一, 有o的開心耶~~ 但係之後俾一個A7 o既人挑, 玩C1 out, 無奈, Class C Vs Class A...... 之後就衰心急, 撞o左埋架貨車度, 從此就輸400M, 尾燈都見唔到, 無野好講......

Model: NISSAN SKYLINE GT-R V-specII [BNR34] Rank: B7 Madam HP: 740HP/D 加 卅幾粒星 　Ｃ級◆◆◆◆◆ 　Ｂ級◆◆◆◆◆　□ 　Ａ級◆◆◆◆◆　□ 超Ａ級◆◆◆◆□　● $$ = 318 + 4 = 322	Model: NISSAN SKYLINE GT-R [BNR32] Rank: C4 New comer of Wangan HP: 600HP/B 加二分一格 　Ｃ級◆◆□□□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 17
Model: TOYOTA COROLLA Rank: C7 Destroyer 加十粒星星 HP: 500HP/D Handel = 3 　Ｃ級●●●●● 　Ｂ級●●●●□　□ 　Ａ級□□□□□　□ 超Ａ級□□□□□　□ $$ = 55	Model: TOYOTA HIACE Rank: C4 New comer of Wanga 加十幾粒星星 HP: 660HP/D 加三格 　Ｃ級◆◆◆◆□ 　Ｂ級□□□□□　□ 　Ａ級□□□□□　□ 超Ａ級□□□□□　● $$ = 114 + 8 = 122

好煩呀~~

今日要返工呀, 石塘咀, 都幾好丫, 返工有錢搵, 但係...... 企足成日, 慘~~ 先開頭三個鐘, 一個鐘之後就兩個鐘零三個字, 三個字之後就兩個半鐘, 累死耶~~
放工又要趕去上course, 飯都未食, 只係咬得個飽. 之後o的所謂o既茶點又食唔飽人, 最後都係要買麵翻屋企食......
食完野, 發覺我個badge唔見o左, 唔係咁大檸樂下, 十蚊個架喎, 呢次仆街啦...... 聽日要打電話下問下佢地有無人執到, 唉, 好煩呀!!!!
香港寬頻o個度條友又無覆電話俾我, 頂佢丫, 聽日一定要打俾佢, 仆佢個街丫~~ 頂, 又係o的煩野~~

無乜點做過野~~

基本上今日都係無乜點做到野, 成十二點先俾人整起身, 呀恆話癲佬佢玩野, 但係最後都無事, 癲佬佢真係...... 玩o左陣水滸, 下晝就睇o左一隻鋼鍊, 比起上一隻無咁血腥~~ 之後又訓o左, 成六點幾先俾人叫醒, 去o左沖個涼, 食飯~~
收到香港寬頻封信, 話我無俾到個證明佢係轉台, 佢cut我o的優惠喎, 頂佢丫, 即刻打去問, 又係要聽日先可以覆到我......
想同佢講o既野留o左嚮佢個MSN度, 但係佢之後Hang o左, 睇唔翻, 可能係整定啦, 整定俾唔到佢知, 算把啦, 唉~~

高唔係好......

今日又要陪人去瑪麗度覆診, 本來都無乜野, 但係我嚮架巴士度...... 頂~~ 傾住電話行就頂到個頭...... 人高都唔係一件好事, 今次仲好鬼痛, 平時撞親個頭都無咁痛, 但係唔知點解今次特別痛......
呢個日記, 唔知點解好多時都係好想俾一o的人睇到, 但係偏偏好多時就係俾一o的唔expect佢睇o既人睇到, 不過post得出黎就預o左俾人睇到, 睇飽佢啦, 俾你睇又點丫, 我咪又係咁, 唉......

無題~~

尋晚訓覺都訓得幾好, 但係唔知點解又發夢見到佢, 有陣時o的野你越想忘記就越忘記唔到, 咁其實我可以點做呢?? 唉~~
我發覺我真係好想入到大學, 唔係只係想做大學生, 其實我仲有個夢想, 就係可以做到博士, 成為Dr. Han, 不過呢個好可能真係只係一個夢想, 因為, 我可能連大學都未必入到, 入大學真係好難, 要好高分, 下個Sem要讀o既又會好難, 要拎高分跟本唔易, 對自己無信心, 或者我可以搵幾個耤口──屋企人除o左我呀媽之後就無人支持我, 我又搵唔到一個知己, 好多時o的野我就係會放嚮個心度, 表面上我係一個好勁o既人, 好玩得, 好開心咁, 但係其實我只係乜都放嚮個心度, 一返到屋企就成個人都無哂mood做野, 屋企個個唔係面黑黑就係咁單打, 我有時甚至會嚮屋企度眼濕濕, 不過呢o的野又有幾多人知丫, 有陣時我真係覺得好煩, 但係又唔知自己煩乜, 但係就好想一個人靜下, or 搵個人同我傾下, 不過又係o個句啦, 無女朋友同知己, 咁我可以點呢, 咪就係用我自認o既高EQ黎谷翻我o既情緒落去, 但係呢樣野, 遲早谷爆, 到時都唔知點會, 我自己都唔敢諗.
突然間好想搵個人結婚之後同呀媽一齊搬出去住, 唔想再寄人籬下, 好慘, 唉~~