除夕

今日係除夕, 但係我都係自閉緊, 夜晚去o左班長個ftp度download o左部Martix o既結局黎睇, 正如其他人講一樣, 係唔好睇o既~~ 之後我又download o左隻underground2黎玩, 嘩~~ 一個字『正』
所以我係玩住黎過年~~ 本來諗住一到十二點就係咁send SMS, 但係點知SMS都會有send唔到, 仲要係咁多個人都係send 唔到, 差唔多去到十二點半先可以全部人都send 哂~~ 唉, 一年o既第一日同做o既第一件事就咁, 今年都唔知會點......
本來我亦都諗住打俾佢, 同佢講聲新年快樂, 但係最後我都係無打到, 因為我知道佢一定係同佢條仔一齊, 而我亦知道而家佢係好開心, 我亦唔會阻住佢, 正如呢度講, 愛唔係佔有, 而係希望佢過得幸福快樂, 希望佢跟真正愛的人在一起~~

今日去ＢＢＱ??

今日一早起身, 去ＢＢＱ喔~~
本來佢都係話唔去, 勁唔開心, 無打到俾佢, 又係叫人幫我打俾佢, 因為如果我打去, 一定會爆粗囉~~ 唔得o架嘛~~ 最後佢都有去, 咁都好o的~~ 但係都係只係得六個人去, 有無攪錯呀, 死牛丸, 甩底, 好仆街囉~~ 買呀, 買呀, 買野呀, 唔係買o左好多野咋, 但係好貴呀, 咁少人去, 緊係o架啦, 都唔知有無攪錯, 頂~~
不過最仆街o既係我地唔記得買一樣最重要o既野 ── 炭 呀, 仆直呀~~
入到去先買, 有o的好正o既炭, 好易起爐, 但係......好很貴~~
去到又出太陽, 咁就有人話租遮啦, 又話俾o的錢呀婆賺啦, 但係之後......就一直都無太陽出, 我頂~~ 之後就燒早餐黎食啦, 好開心呀, 同佢一齊燒野食, 好開心~~
但係佢最後都係早走, ~5:00 到佢就走o左.......
加炭o個時對勞工手套係廢o既, 戴o左都成隻手黑哂, 加上叉雞亦o個時叉親隻手, 踢波又踩波車喎, 唉~~ 今日真係黑到有血光之災呀~~~~
得翻我地幾個麻甩佬嚮度......
咁落沙灘玩下咁啦, 嘩~~ o的沙好凍呀~~ 但係o的水係唔凍o架bor......=.="
之前買o左支sub zero, 咁大個仔第一次飲......哂成支酒, 同班同學把酒(但係唔係談心bor), 好過癮~~ 132

白天好過癮, 黑夜好仆街~~

今日好過癮耶~~ 去o左佢個firend 屋企幫佢裝機, 之後去o左食元綠食壽司, o的軟殼蟹天婦羅唔錯喎~~ 但係佢個friend唔見o左張元綠咭喔~~ 好慘喔~~
不過之後佢同我講話聽日唔去喎, 唔係下~~ 玩咩, 叫你又話無問題, 而家又話唔去, 想點先~~
夜晚幫佢個friend整機, 頂~~ 個firewall頂住o左, 鏟又鏟唔到喎, 唔係下, 我都唔知點, 乜鬼野norton, 真係唔掂~~ 唉~~ 真係仆佢個街呀~~ 125

最後都係開心~~ 但係又有o的煩......

今日呀媽話聽日打邊爐, 下~~唔係下, 我聽日會去briefing 喎, 唉~~ 無計囉, 咁唔去briefing囉, 點知班長話唔去會做都無得做囉, 咁...... 唯有唔去囉, 無計囉~~ 無mood去丫嘛~~ m到呀, 唔俾呀~~
佢一返黎就打俾我啦, 開心, 我之後問班長佢聽日幾點, 諗住話佢知啦, 之後班長話俾我知『o既然係咁, 唔去lu, 改下個禮拜三』嘩~~ 正呀, 即刻有mood去搵錢錢~~
之後佢個friend部機唔掂, 搵我去睇下咁啦, 聽日~~ 都好喎, 正呀~~ 又可以同佢一齊喎~~ 又可以識多個人喎, 有乜所謂o者~~ 但係......聽日都唔知點同阿媽講......
不過都唔知點解, 佢好似同條仔有o的野咁囉, 唔係又嘈下, 個心有o的唔舒服~~ 123

變面......

今日放o左工之後, 去o左表弟屋企, 當係探下o的呀姨咁啦, 但係呀媽佢係咁催我返屋企, 咁我咪又係用一o的官方答案, 返o架啦, 之後佢又打俾我, 問我走味呀, 我當時係走緊, 佢竟然係咁鬧我, 無奈囉~~ 本來同呀姨同姨丈吹到不知幾開心, 但係俾佢一個電話..................唉~~
返到屋企, 竟然可以若無其事咁喎, 有無攪錯呀, 仲可以係笑笑口咁對住我, 我都無野好講囉, 痴孖筋o架~~ 佢係唔係識得變面o架, 屌~~
約實o左班同學去ＢＢＱ啦, 十點筲箕灣等之嘛, 竟然有人話早囉, 喂大佬呀, 去玩早o的都唔得咩, 返學就話o者, 早o的都唔怕死啦, 早咪唔好去囉, 灰囉, 唔攪又有人話唔攪, 攪又話早, 你想點呀, 咁勁你攪丫, 屌~~120

都係成日掛住佢~~

今日屋企玩油油, 係自己油bor, 唔係搵人翻黎油wor, 唉, 做到我好Ｑ累~~
夜晚班長話星期三去briefing, 咁我咪打俾佢啦, 仲同佢吹o左一陣水添, 本來好開心咁, 而且仲諗住聽日會去佢屋"手羅"翻o的notes, 但係佢話俾我知會返大陸, 第一個灰, 之後吹吹下水突然聽到佢條仔把聲, 第二個灰~~ 兩日都唔可以搵到佢, 第三個灰~~
三個灰呀, 好無奈呀~~
唉~~

又係無心情o既一日~~

今日"陷"家去o左會展o個個甚麼冬季嘉年華, 同舊年一樣, 都係無野好睇, o的傻仔以為有正野執, 咁Ｑ多人去, 仲要係俾十蚊入場費添, 好彩我地有免費飛唔駛o者, 唔係我一定唔會去, 不過俾我見到一o的用錢紙紙摺公仔, 幾得意, 想買俾佢, 不過就係無跳跳虎, 唉~~ 個天都唔幫我, 無計~~ 認命把啦~~
夜晚改電話, 但係部電話無電, 改唔到, 唉~~ 又一個無奈~~
諗住約o的表弟去唱K, 但係有一個唔得閒, 佢阿媽唔俾喎, 唯一一樣可以令到我有o的mood o既野都無埋, 唉~~ 另一個無奈~~
今日成日都掛住佢, 但係最後都係無打俾佢, 諗唔到有乜籍口打俾佢, 另一方面又係唔想煩到佢, 唔係又要佢難做啦~~ 都係一個無奈~~
又係有表情, 無心情o既一日~~ 112

平安夜~~

今晚係平安夜, 我真係好平安咁過, 今年依然係一個人過,
我真係好想同佢講一句『JoJo, 聖誕快樂呀, 我希望你有一個平安而且又快樂o既平安夜, 我知道鐘意一個人唔係要得到或者係佔有佢, 而係要希望佢過得幸福快樂, 我希望你能快樂地生活』
但係我嚮過o左12:00之後打俾佢, 最後都只係講o左一句『聖誕快樂』
唉~~
送一張聖誕卡俾各位啦~~

100

返學Vs放學

返學：今日派成兩科o既卷呀, 好彩, DP Logic o岩o岩過到credit, 份java 仲有distinction 添呀~~
放學：今日係今年最後一日返學, 可能出年先見到佢o架啦, 好唔捨得呀~~ 唉~~ 好掛住佢......
開心Vs唔開心??90

都唔知係開心定唔開心......

今日個DCN skill test好開心呀, 我同佢都夾到條線呀, 但係呀輝佢就真係好慘, 夾唔到呀, 無理由o架, 佢係得o架, 真係唔抵呀~~
之後DP Maths 派卷呀, 都唔知開心定唔開心好, 差兩分滿分囉~~
但係夜晚班長佢叫我拎翻個cd-rom俾佢...... 無奈中......
唔得, 聽日都係要去長沙灣買個公仔俾佢~~89

今日係由唔開心轉做開心 ^_^

今日都唔知做乜鬼野, 一早返到去, DINO竟然係未到?? 唔係下話, 好彩我地都做哂o者, 當佢地present 完之後佢竟然發哂爛渣咁趕人走, 佢真係癲o架~~
Lunch之後我地去o左夾線, 我頂~~ 夾o左成個鐘都係夾唔到, 唉~~ 之後JoJo發現o左原來個夾原來係虧o架~~ 咁之後就用o左另一個方法去夾啦, 之後一夾就夾到, 真係好開心呀, 真係好多謝佢呀, 多謝哂~~
跟住我地咪搭車車走啦, 到o左葵芳, 咁就起身落車啦, 我頂, 今次真係頂o啦~~ 一起身個頭就頂到個車頂, 仲要係"Boom"一聲, 瘀爆囉, 差唔多成車人都見到囉, 之後就緊係坐翻低啦, 唉~~~~~~ 無奈中..........
入到地鐵, 俾人逗喎, 頂~~ 唔係下, 咪俾張個人八達通佢囉, 過骨, 掂~~ 咁我同佢就一齊無o左我o既第一次啦......
本來諗住同阿輝佢去買禮物俾佢, 佢竟然受唔住我地o既誘惑, 最後都係跟o左我地去~~ 見到好多跳跳虎呀~~ 好得意呀, 雖然佢最後都係叫o左我唔好買, 但係我知道佢個心係鐘意o既~~
夜晚睇翻個電話, 睇翻我send 俾佢o的SMS, 開心~~ 但係我按錯制, resend o左俾佢呀, 點算呀~~ 我真係唔係有心o架~~~~88

又係由開心一變就變成一o的都唔開心......

勁開心呀, 佢今日送o左條有我個名o既電話繩俾我呀~~ 真係好開心呀~~ 多謝, 多謝哂~~ 好耐無試過由個心度開心但係個樣係無變o架啦~~ 真係好開心呀~~
今日, Lunch o個時成班人一齊過o左隔離Welcome買杯麵食, 平~~ 真係好平, 仲平過十蚊飯~~
但係之後個DCN就...... 真係乜都唔識做~~ 唔得, 要溫書啦, 唔係真係仆直o架~~
今朝笠到個cd-rom, 本來以為可以有翻個cd-rom俾部舊機用啦, 但係到o左夜晚, 呀恆同我講『你俾翻個cd-rom呀班長啦』我即刻...... 唔係下~~ 我頂...... 但係我o的game都未裝哂俾我表弟呀, 點俾翻個cd-rom佢呀, 部機真係好慢......
本來由好開心, 但係一轉個頭就成個人即刻沉哂...... 唉, 又唔開心中......84

今日都唔錯丫~~

今日返工幾暢順丫, 同o的同事有講有笑, 都幾好丫~~
終於都有個新Mon~~ 佢亦彩翻我, 呢件係一件好事, 正如我阿媽咁講, 佢o的脾氣認真係幾臭, 係唔係都可以發脾氣, 唉~~ 點解佢係我一個唔可以分開o的一個人呀, 我地仲係欠佢咁多添, 唉~~
夜晚心情由烏雲變翻做只係陰天, 我成功將兩部機駁埋做一個network, 同一齊上網, 唔係同routher 喎, 呢樣都算係我讀T&N學到o既一樣o野, 開心翻o的咁囉~~ 78

點解我會咁o架呢??

今朝一早返去食早飯, 唉~~ 成間屋都係無個人識得笑咁~~
點解我屋企會係咁o架, 唔係呢個就係o個個, 次次都係咁, 好煩呀, 我唔想要一個咁o既屋企呀, 我好慘o架~~ 唔係驚呢就係驚o個個, 想搵個人可以俾我申下, 無~ 想搵個人俾我攬下抱下, 又無~
簡單o的o黎講除o左嚮學校可以俾我癲下發洩下之外, 我真係一個表面好開心但係乜都嚮個心度, 唔知點解我呢排我o的情緒波動真係好大, 好容易就想喊, 係唔知點解我會想喊o架囉, 見到個小朋友唔見o左媽媽搵翻之後喊, 跟住我又想喊, 唉~~ 我呢排o既壓力唔通真係咁大??
唉~~ 72

我點解會咁o既呢??

今日我諗住聽日可以有餐唔係好好食, 但係可以好好玩o既party, 但係今晚公司又打俾我, 話counter 唔夠人, 係咁叫我返, 又話俾多o的人工我, 我唔知點解一知道佢肯俾多o的我之後我個心竟然係想去做, 唔通錢o既吸引力真係咁大?? 我明知聽日講o左話係去個party(雖則o的人係會一個都唔識), 我個心真係會想去返工搵錢o架bor, 點解我會咁o架, 雖則錢係可以做到好多o野, 但係我真係唔想做錢o既奴隸, 我唔可以為o左搵錢而唔理親情, 我發覺我已經同佢(呢個唔係之前o個個佢)有o的疏遠, 佢唔會講出口, 除非真係睇唔過眼, 唔係唔會話我, 我覺得我有o的對佢唔住, 但當我後悔o個時已經太遲, 唉~~ 71

好開心~~

今日好開心呀~~
Lunch 同佢一齊去o左做速遞員外賣pizza, 每人都只係夾o左25蚊, 係食得飽o架, 仲換埋張九折咭添, 正呀, 出年成年都有九折呀~~
個 java test 又唔係好難, 有信心有credit o既~~ 滿分就無可能o架啦~~
之後放學同佢陪埋牛丸返屋企, 又可以加多o的同佢相處o既時間, 最開心o既係搭車o既時候佢好自然咁想拖我手手, 雖然佢都即刻縮手, 但係我開心o既唔係拖到佢隻手, 而係我可以俾到一種感覺俾佢, 我o既開心係由個心度笑出黎, 只要佢開心我就一樣咁開心o架啦~~
今日唯一美中不足o既係我唔記得去打針呀, 又俾阿媽話我無記性...... 69

死白痴, 阻Ｑ住我訓 .\ /.凸

今日有個有線o既人黎響我屋企門鐘, 我o個陣時係訓緊, 話而家有個優惠, 又話送乜送物, 免費乜免費物咁, 我心諗, 我聽都聽過好多次啦, 唔裝就係唔裝, 你係咁promote都係無用o架啦, 咁我咪話『話得事o既人唔o係度』諗住打發佢走咁啦, 之後佢咪又好順口咁問幾時返啦, 我亦都好順口咁答佢話唔知幾時, 佢就竟然大我話『你唔知幾時？』我咪大翻佢話『係唔知幾時』個心其實係小緊佢, 你條契弟肯走未呀, 明知我係想你走o架啦, 我仲係好很眼訓呀~~ .\ /.凸 佢問我『咁你夠十八歲未呀？』我即刻feel到佢係想搵人簽約, 我咪答『夠又點丫』, 佢又問『你係讀緊書定係做緊野呀？』我小你呀, 問咁Ｑ多問題, 阻很住我訓呀 ﹀.﹀凸凸 我咪答佢『讀緊書定係做緊野關你咩事呀(其實係想講o個屁字)』我個心己經小緊佢, 佢就話『唔同o架, 做緊野就有消費能力, 可以裝o架』咁我咪又係話我唔話得事囉 , 佢竟然話『十八歲都唔話得事？』我頂你呀, 肯走未呀你, 我小緊你o架, 攪到我火都黎埋, 我咪頂佢咁話『間屋唔係我o架嘛, 唔話得就唔話得o架啦』之後好順手咁就閂埋o左隻門, 仆你個街丫, 阻Ｑ住我訓, 仲要攪到我精神翻
最後都係訓唔著, 去o左沖涼~~ 67

聽到句正野~~

今日返學, 嚮地鐵站度呀輝佢俾人查八達通bor, 佢之後講o左句好正o既o野『差佬都未逗我, 你逗我』我聽到之後就覺得真係好好笑, 最衰就係條友佢聽唔到, 唔係就真係好過癮~~
份DP(Math)卷都唔係好難之嘛, 仲要係第一個走, 我唔係好串o者下話, 不過佢就佢就真係慘rwlg , 用o左P黎計, 咁就無o左10分啦, 真係無陰公, 戥佢好唔抵囉~~ 60

開心, 之後又係諗到o的野~~

今日終於都攪掂o左個死癲佬o既project work, 不過只係有phase 1: Stop Watch 同 phase 2: Clock, 始終都係攪唔掂個phase 3, 我頂佢, 都係只係俾個B 我地, 我仆佢個街呀, 最慘係我地唔記得加呀豪個名落去呀, 佢係有做野o架, 好對佢唔住呀 >.<''', 仲有, 唔該哂Billy佢地~~
今日lunch 阿輝佢地叫中餐食, 我同呀恆無錢, 叫o左個十蚊飯, 同佢一齊三個人食, 唔係一大班人, 好開心呀~~
之後係最後一堂Gym, 有Gym咭喇, 有時間可以去hei下啦, 又係好開心呀~~

夜晚睇電視, 聽到句
"男人呢, 唔講可以係都唔明, 你一攤開黎講佢可以好開明"
我心諗, 佢條仔係咁佢就唔駛咁慘啦, 你攤開講o左佢都係唔明, 人心不足蛇吞象呀, 做人要知足o的好, 唔係就真係遲早聽仆啦, 不過呢o的野好難講o既, 我相前世今生o架, 唔係都唔會有一o的人成世都咁好彩而有o的人係成世都咁黑仔啦, 有因必有果, 善惡到頭終有報, 若然未報, 時晨未到, 不過如果佢係上世積落, 我就無野好講lu~~

懵懵下~~

今日晨咁早就要返學, 打俾佢又係o岩o岩起身, 唉~~
返到去又係懵下懵下咁做TP 個lap, 之係又係懵懵下咁上DCN......
lunch之後又攪極都攪唔掂個project, =.="凸
最後都係要靠Billy 佢地o個個, 真係唔該哂佢~~
上上下DCN佢條仔send o左個唔知係乜o既SMS 俾佢, 佢即刻沉哂, 我個心又即刻唔開心,點解佢條仔可以咁對佢o架, 相信又係嚮度單打啦, 我嚮屋企都受唔少, 知道係一o的都唔好受, 好彩之後佢都笑翻, 咁我都無咁擔心~~
呢排唔知點解佢提親佢條仔做老公仔o個時我都好似無乜感覺, 我覺得係因為我己經滿足同佢而家o既關係, 心滿意足lu~~

AV ~~

今日開心呀, 有機會去AV呀, 原來AV都唔係好難之嘛~~ 不過就好多野要攪, 又呢部機, 又o個部機咁囉, 又要睇翻o的MMIS機~~ 不過就無乜野做咁囉, 我係話無野做o個時, 一唔係o的細路就係咁o黎, 都好過癮~~ 不過只係做o左一個鐘, 都未過夠癮, 咁就要出翻去~~ 又唉~~
諗翻起呢個week 有2個test, 1個 assignment, 同1個project, 唉~~ 又要溫書啦~~

衣紙鋪

今日撘車返工o左時經過一o的衣紙鋪, 嘩~~ 好得意呀, 有好多好特別o既o野呀, 唔單止有o的不嬲都有o個o的車呀, 樓呀o個o的之外, 仲有o的notebook, 電腦咁呀, 棉胎都有喎, 仲有o的high class o既遊艇, 甚至係連雀籠都有呀, 好勁呀~~

開心, 不過之後又係咁

今日又唔知醒啦, 仆, 成八點七先起身, 真係好唔好意思咁囉, 要呀輝等o左成半個鐘, 唉~~ 不過又可以同佢一齊返學, 好開心呀 ^_^
但係Lunch之後同佢地一齊溫書, 睇到佢同佢條仔張相, 仲要係上Top 1, 唉~~ 個心即刻沉......無哂mood 溫書, 唉~~ 我, 我, 只可以希望佢對佢好o的啦, 唔係一瞬即逝咁少~~
之後個test, 我仆, 唉~~ 都係唔好講啦, 如果佢話俾我知佢出錯題目我一定小佢~~
嚮一個無奈之後我地去o左打機, 佢去還部計數機俾人, 之後又係俾o左佢條仔叫返屋企, O.o" 我個hand free 嚮佢度o架...... 之後佢嚮灣仔等我, 佢話俾我知佢同佢條仔o的o野, 仲話原來佢第一眼係咁睇佢條仔, 但係點解佢會揀佢o既呢, 愛呢樣o野真係好難講, 亦都係呢一世人都無辦法去猜透o既o野~~ 唉~~

又係無mood

今朝阿輝佢塞車, 諗住可以同佢一齊返學啦, 點知打俾佢, 佢......佢又話唔返學, 唉~~ 佢呢幾排做乜呀, 做乜唔返學呀, 我好掛住你呀, 又唔可以同佢講bor, 唉~~
返到學校, 又係無mood 上堂, 唉~~ 見到班長帶o左塊底板返去搵呀hklee降翻o的電容落去, 佢都真係識搵人啦~~ 不過佢尋日買o個支辣雞唔夠熱bor, 攪o左成朝都係唔可以清到o的錫, 最後佢地都係要去葵芳買條0.8mm鑽嘴黎開癃, 之後打俾佢仲過癮, 有兩粒太大, 頂住o左個heat sink, 哈, 又係搵黎攪~~

今日我身邊發生o左一o的事

今日上完TP堂, 有兩個鐘lunch, 咁我地咪去球場踢波啦, 本來好地地, 我地都有o的優勢, 點知, 點知, 呀牛丸佢俾個死人坑渠蓋跣, 仲扭親隻腳, 要call白車, 唉~~第一次踢波就咁......
之後上完哂堂, 佢地未做哂DP, 咁我咪俾佢地睇下囉, 點知當呀輝抄緊o個時, 阿恆佢拿黎睇, 點知呀輝佢爆o左句"你抄哂咩", 阿恆即刻眼紅紅, 仲無面見人......點解會咁o架, 阿恆平時都好好地地o架, 點解會咁o架, 唉~~

又, 唉~~

今朝返學打俾佢, 嘩, 佢竟然話我做乜唔打俾佢叫起身呀, 我即刻O.o" O哂咀, 我想問下你響邊o者, 唔駛咁惡下......不過我都知佢係玩下o者, 你知醒至得o架, 我都想叫你起身呀, 你又話唔好......
上program 堂之前聽到佢講話會同佢條仔一齊返大陸, 我聽到之後唔知點解, 係唔知點解會感覺到有一陣醋味湧上心頭, 但係我已經知道我同佢係無乜可能, 唉~~
放學問佢聽日駛唔駛叫佢起身, 佢又話唔好打俾佢喎, 女人係唔係真係咁善變o架呢?? 唔通佢真係變變??
放工搭車o個時諗翻起今朝打電話俾佢, 佢話我地做乜唔叫佢起身呀, 我頓時感到一陣心酸, 諗翻起我地三個一齊返學, 有講有笑, 快樂o既日子係唔係真係過得特別快o架呢, 只係一個月就唔可以同佢一齊返學, 唉~~
鐘意一個人, 又唔可以同佢一齊原來真係咁慘, 唉~~ 點解我會咁o架, 唉~~

仆直

今日o既project堂, 唉, 我頂, 做極都做唔到個stop watch, 又唉~~ 最百街o既係Dino失驚無神話要下個禮拜Demo個program同埋個Documentation, 今次真係仆直啦~~

打機~~

呢幾日都唔知鬼野, 勁想打機, 今朝早又低能到晨咁早出門口去機舖打頭文同太鼓, 唉, 頭文尋日過唔到第二個lap o既ckeckpoint, 今日就過唔到個finishing point...... 總算有進步掛...... >.<' 不過太鼓打唔到哈姆太郎o既hard mode, 唔係下, 兩粒星咋喎, 唉......
返到學校問呀恆, 原來呀恆佢都係打唔到哈姆太郎o既hard, 咁都好o的~~
放學又係去o左打機, 先係葵芳機地, 之後係灣仔game zone, 今日咁就用o左八蚊黎打機, 睇黎今個禮拜都係成個禮十蚊飯o架啦~~
返到屋企, 睇下隻手, 咦~~點解, 點解右手有兩個水泡o既, 我知啦, 打太鼓打得太勁, o的肉夾到呀~~ 唉~~ 打機真係唔係一個健康o既活動......

我頂~~

夜晚放o左工去game zone打機, 玩頭文, 我仆, 明明係拒否挑機, 但係我見到隔離係話亂入受付中, 嘩, 好彩無人挑咋, 唔係一定輸到仆~~
之後玩太鼓達人, 我頂, 個鼓係虧o架, 只係得96%, miss o左兩個呀, 唉~~

開心~~

今日係學校open day, 無見佢只不過係兩日之嘛, 就好掛住佢, 不過佢都唔知, 算知都無用啦~~唉~~ 今日終於見到佢啦, 開心 ^.^ 不過今朝打俾佢, 佢條仔又係o係佢度...... 唉~~明知佢唔o岩, 你又要同佢一齊, 唉~~ 愛情就係咁o架啦~~ 今日見到佢好開心, 我又一樣咁開心~~ 今日同佢講電話, 攪到佢又嬲又笑, 好耐未試過咁樣啦~~ 好開心呀~~

今日佢又無翻返學......

唉~~
今日佢又無返學啦, 打極電話都無人聽, 最後佢打翻俾我, 佢又係話唔返, 我個心又沉o左, 下做乜又唔返呀, 無事丫嘛, 我......我幾日無見佢啦, 唉~~掛住佢~~
到o左夜晚到好o的, 佢打俾我問我聽日點, 不過都係得幾句, 仲聽到佢講o左句話都唔知星期一返唔返好, 我又下......唉~~好掛住佢......

今日都唔知點......

今日又係天地堂, 只係上兩個鐘, 不過係晨早一個, 晏到晏晏一個, 頂~~ 中間五個鐘, 去o左唱K, 最抵死o既係最尾o個個鐘學o既o野我係識o既, 唉, 真係唔上好過上
今朝晨咁早佢打俾我, 我未起身, 我呀媽聽, 我一心以為佢係問候下我, 當個心想開心之際打返翻佢o個個, 點知原來係佢話唔返學, 我即刻...... 一個無病o既人搵一個有病o既人話唔返學, 我......
唉, 我知道我已經無機會lu, 可以o既話做到好朋友我就已經好開心o架啦......唉......