一月十九至廿五

一月十九, 今朝通頂, 無錯, 係今朝, 十九日凌晨至清晨丫嘛~ (清晨係解成o岩o岩日出呀~~) 返到屋企當然係訓啦... 夜晚再一次通頂~
一月廿日, 今朝竟然唔覺眼訓?! 點解會咁架呢?! 相信係因為原本係要同呀婆佢覆診~~ 但係最後唔駛我o既關係, 當然係訓... 又訓到晚飯先起身~
一月廿一日, 開始我連續四日返晏o既日子, 估唔到連續四日咁夜放工都幾難頂的...
一月廿四日, 結束我連續四日返晏o既日子~ 但係都唔係可以訓好耐... 事關廿五號係年卅晚...
一月廿五日, 今日係年卅晚朝早起身被迫出街... 眼訓... 夜晚食團年飯o既時候, 一開口就俾人鬧囉, 唉... 啤酒... 一支都唔夠我飲. 唉... 點解一個團年飯都攪成咁呢. 都係早o的訓, 聽朝一早返工啦~

一月十八日

估唔到我已經成十日都無打過日記啦, 多野做? 其實都唔算係多o既, 但係個人就好似無乜野值得去打日記咁囉... 所以今日咁o岩返通宵又無乜野做先黎打翻呢個週記咁.
一月九日係放假日, 但係之前o個晚係返通宵, 所以九號成日都係訓覺, 訓覺同訓覺, 訓到食晚飯先起身~~ 之後又再訓過~~
一月十日, 下晝去o左請呀婆飲茶~~ 估唔到佢可以頂到咁耐, 有時間o既話就請多o的佢飲茶啦~~
一月十一日, 正正常咁返工放工.
一月十二三日, 夜晚食飯去o左機場度食, 一食就食o左個幾兩個鐘~~
一月十四五日, 今日又放假呢~~ 十四號下晝去o左無聊, 十五日上晝又係去o左無聊, 之後下晝就學車... 架車唔同o左, o的感覺都唔同o左, 咁就真係死火喇... 都唔知點算好...
一月十六七日, 亦都係好正常咁返工放工
一月十八日, 今日成日都係嚮屋企度訓... 為今晚通宵舖路~~
成十日o既日記都只係打得咁少, 真陰公...

一月八日

今日, 放工o個陣, 終於都俾我嚮見到太陽o既情況之下返到屋企喇~ 但係估唔到係要之前o個晚返通宵, 放工o既時候先見到個太陽囉... 成大半個月嚮返工同放工o既情況之下已經見唔到個太陽啦...... 不過... 一返到屋企就訓... 訓... 訓足八個鐘先起身... 唔... 又係時候食飯準備返工了~ 嘉琳生日快樂.

二零零九

話咁快又到二零零九年了~
零八年o既我係訓住咁過零九, 無辦法, 因為零九年第一日就要返工, 仲要係得我一條友單挑, 點知... 咁就出事了...
一月一日(十二月初六), 今日早上返工, 原本都無乜野, 但係... 返到去, 就有bug... 我係一個新人, 乜都唔識, 呢度打電話, o個度打電話咁求救, 但係上面o的大佬就一個推一個, 唉... 我唯有硬食... 等到返下一更o既大佬返黎先攪得掂件事... 真無耐... 攪到我連廁所又唔敢去, 連早餐都係買返office食...
一月二日(十二月初七), 今日返工, 多o左o的人, 所以亦都多o左好多野做...
一月三日(十二月初八), 今日終於都有假放啦, 原本係可以訓晏o的, 但係... 早上去o左IBM 個筆試, 不過表現太差了... 無溫書, 個腦實哂... 唉... 睇黎都應該無得做IBM架啦~ 之後下晝請屋企人飲茶, 估唔到佢地喪叫, 雖則唔駛你地錢o者, 但係都唔駛咁架, 最後打包o左三盒返屋企囉...... 點解o的人咁狼死架...
一月四日(十二月初九), 今日返晏, 試下搭巴士, 點知快到呢... 攪到我早o左成個鐘返到去... 之後都頗為順利咁過o左呢日~
一月五日(十二月初十), 今日off呢, 可以訓晏o的晏o的晏o的~~ 下晝嚮屋企度睇埋套特務卡啦蘇, 套野係就係比較色一o的, 但係就好好笑~~
一月六日(十二月十一), 返工, 順利放工~ 無乜特別事發生.
一月七日(十二月十二), 今日要返工, 但係返夜晚, 即係通宵, 所以就訓到成十二點先起身, 食完飯之後, 下晝再訓過... 之後呢~ 食埋晚飯先返開工~~ 時間o岩o岩好~