無題

今日勁唔知醒, 唉, 成九點八先起身...... 搭十一先去到地鐵站, 要呀輝等真係有o的唔好意思...... 最後呀輝佢叫我搵埋呀姐, 估唔到只係等兩架車佢就到...... 佢今日好靚女, 著得好靚, 不過又點丫, 唉~~ 但係佢今日著對新鞋, 成日都刮佢隻腳, 又行咁遠食飯喎, 佢都真係好野, 所以話呢, 女仔貪靚起上黎真係乜都得......
返到去, 遲o左少少, (←半個鐘都話少, 痴線), DT呢當就真係一o的都唔易, 乜都要記, 唉~~
兩個鐘lunch, 又去o左名古屋度食, 同呀恆佢share o左一個飯, 只係十蚊咋喎, 乜咁抵架, 但係就有少少唔係好夠...... 不過偷o左隔離o的扒黎食, 都ok夠咁囉
返到去, 要搵呀Ken攪掂個project plan, 但係佢話我地個Scope唔夠, 要長o的, 最後就吹俾佢, 星期一先俾過佢咁囉......
跟住上AP Lab, 成堂都係訓住覺咁過, 呀...... 乜書都無聽過咁囉......
放學, 呀恆竟然話唔打機, 有無攪錯呀, 好少可喎...... 最後我自己返o左灣仔打, Tune埋部大淩, 本來都無乜野, 打o左五埸都贏, 連兩條山路都贏到, 但係最後竟然輸俾兩架公仔車...... 算把啦, 無錢啦, 有錢先再繼續Tune啦~~