日記

星期三, 今日要返工, 返Barn Helper, 順順利利咁就過o左一個上晝, 至於個下晝, 只係有o的人問過下個 ResNet, print color要幾錢, 同埋就係有個人個仔, o個個人應該係呢度o的staff或者係prof掛, 佢話要print野, 但係佢唔知呢度print野係要account同埋會扣quota, 佢問有無guest account, 有就好啦, 我一定會print爆呢個guest account~~ 最後佢咪要打電話問佢老豆拎password先用到~~~~
之後我就去o左FYP Lab度試隻新借翻黎o既HD, 果然係得翻o的基本配備呀下~ Vs.Net 2005, MS Office 2003咁, 就係得咁多o岩用, 但係上唔到網架喎, 算, 遲o的問下佢地點先~~
之後就去sit ITC Training, 問埋呀楷同學佢聽日去唔去單車~~
跟住我表弟就打黎, 問買電腦喎, 咁我就打俾Denny, 之後3line一齊講, 不過最後都係賣唔出~~ 無現貨丫嘛~
夜晚, 唔記得o左原來今日係呀媽生日喎(乜你咁多個呀媽生日架/乜你呀媽咁多個生日架), 呀媽就得一個, 生日就有兩個, 一個新曆一個農曆丫嘛, 俾埋古埃及曆法你呀媽做生日好唔好. 但係夜晚要去消防局開會喎(做義工, 識多o的野, 吸收多o的經驗丫嘛~~), 但係又夠鐘啦喎, 咁就以一個飛快o既速度去買o左舊孖寶蛋糕俾呀媽, 等佢返黎o個時見到~~ 跟住就受一所託買打半西餅去消防局, 好在趕得切咋, 原來美心西餅係八點閂門架, 呼~~ 跟住就開會, 詳細唔講~~
開完會, 返到去, 同呀媽慶祝埋個生日, 咁就一日~~~~