週半記

咁就成個幾禮拜無打過日記啦, 考試嘛, 記得幾多打幾多啦~
星期六, 放工之後就去芭芭拉屋企度玩Wii, 同呀樂佢一齊搭車去, 但係嚮等車o既時候, 見到黎緊o個架Van仔同架綿羊仔炒埋一齊喎, 之後呀Isabella黎到, 話:走啦, 去搭巴士啦, 等多你地兩個字都未有車呀, 頭先睇住佢炒埋一碟架. 最後, 去搭巴士, 原來巴士係近o的架喎~~ 去到, 佢地原來已經一早就到o左, 仲玩緊添~~ 發覺, 原來Wii都唔係咁易玩架...... 畢竟我都只係第二次玩......
之後去o左食pizzahut, 兩個大批, 一碟意粉, 一碟闊麵, 加多一客雞翼, 每人都只不過係六十幾蚊, 不過就無野飲咁o者, 都唔算貴丫~~ 但係嚮食野o既同事, 我地derive o左一條equation出黎喎~~ 就係
b+y=d
而
d-y=b
咁就會
b=d
呢幾條式係無科學根據, 但係有字面上o既意義喎, 至於詳細o既解釋, 明o既話自然就會明架啦~~(同DeepV哥哥有關架~~)
deepV哥哥佢食食下野既途中爆o左句, "wytus係我老婆", 你咪講笑, 咁都講得出口, 睇黎都係真架~~~~ 唔止揚, 你好勁呀~~
食完野就去o左買野飲, 買o左支水果酒咁飲下o者, 同之前一樣, 都係一飲酒就會俾人話我面紅囉...... 天生, 無計~~ 有人話咁樣發o左出黎係好事喎~~ 哦, 好事囉~~
之後返翻芭芭拉屋企繼續Wii, 但係唔止揚佢就點都唔肯講佢鐘意芭芭拉喎, 咩男人黎架, (←被迫反白)講句說話都唔敢, 無鬼用, 我扮醉佢都係唔肯講, 算囉, 等我陣間post埋你同呀峰佢講過話會自己講o既history出黎, 唔講丫嗱, 哼~~
星期日, 剩係記得返工o個時見到呀姨一家人, 吹o左兩句咁, 其他野都已經唔記得做過o的咩啦, 都係返工, 放工咁囉~~
星期一, 要返學, 呢個係最尾兩堂, 但係都係好深, 唔知點好囉...... 下晝, 學校有遲o的會展電腦節o既飛派喎, 即刻過o左拎o左兩張, 咁so o既野, 點會唔拎架~~
呀豬佢301出o左成績啦, 佢...... 超勁, 點解o的人可以咁勁架......
星期二, 今日嚮屋企嚮一個知道一定要溫書o既情況之下hea過, 相信星期六個final都屎得......
夜晚, 睇翻, 原來大鼓出o左啦, 即刻拎落黎玩啦緊係~~ 不過我都係臨訓先記得佢今日會出, 所以都係玩o左兩舖就訓~~
星期三, 今日係最後一個Lecture, 亦都早放o左, 食完飯之後就去同人地一齊大鼓link play, 但係原來supercard係唔可以host game架囉, 只可以join人地, 唉...... 等官方補丁吧拉~~
星期四, 今日上晝同人地去o左律師樓度學下野, 下晝先返o個個extra tutorial, 硬係覺得今次呢個tutorial無上次mid-term之前o個個咁有用喎
星期五, 聽日就mid-term啦, 當然嚮屋企度溫書啦, 但係溫極都唔係好入到腦囉, 聽日, 相信都, 唉......
星期六, 今日211 final, 果然, 我覺得好難, 但係o的人好多都識, 唉, 睇黎都..... 應該唔會死掛, C-囉......
難得有個星期六放假, 我又無拖拍喎, 緊係去同屋企人玩下架啦, 去o左嚮九龍公園游水, 但係玩得o個個幾鐘佢地就係咁話走, 費事人多沖涼喎, 攪到游得唔夠喉囉......
星期日, 當然要返工啦, 但係芭芭拉佢一返到黎就話, 我想嘔呀, 但係嘔唔出呀, 咁即係成嘔啦, 咁快有o左?? 原來佢尋晚去o左飲酒, 溝酒飲, 飲o左無數咁多杯, 都只不過係二百蚊(咁平o既?) 佢話佢飲完o個時係無事架喎, 係返到屋企先至咩喎, 食乜嘔乜, 飲乜都係嘔乜, 睇黎佢都真係好病...... 最後佢就早o左走~~ 至於替佢個位o既呀研, 佢原本係放兩點o既, 但係咁就俾人叫返到5點, 佢話都未試過返咁長架喎~~
星期一, 今日開始暑假, 去剪o左個頭(無頭麵王?!) 其實咪又係o固個柒頭, 有分別咩. 夜晚去o左消防局度開會, 十一點先返~~ 夜晚, 想約人去踩單車o者, 都係約極都約唔到架囉...... 唔係唔去就係話少人去, 5個人, 其實都唔算少丫, 唉......
星期二, 呢排真係勁想去踩單車囉, 但係, 唉...... down o左成輯十四才之母黎睇(因為尋晚miss o左), 睇o左一集, 發覺呢套野, 應該放嚮翡翠台度播啦, 勁o岩而家o的後生仔女睇, 放嚮明珠度播, tvb真係無鬼用

---

日記開始打o既時間-07年7月29日下午1:26
日記打完o既時間-07年7月31日下午4:43