星期記~~

星期四, 今日係中一註冊日, 要陪人上山上面o既玫瑰崗度註冊, 搭巴士, 之後仲要行到咩咁先到...... 幫佢填表o個陣, 發覺...... 自己而家唔係太識寫中文字, 連中文地址都唔識寫, 寫得英文太多啦, 你叫我打中文反而仲得囉...... 我相信我打中文一定好過寫...... 之後見個Miss o個時, 佢竟然當o左我係黎讀中一o個個囉, shit...... Miss 我高你咁多都唔似啦, 咪玩啦......
星期五, 都係要返學, 嚮Lunch o個陣同人link play玩應援團2, 勁過癮~~ 放學o個時諗住去做下o的Lab, 點知...... 個Lab俾人Reserve o左, 攪到乜都做唔到.
星期六, 返工, Lisa話幫Rita佢fellwell喎, 去o左元氣度食, 正呀, 飽飽~~ 爽死~~ 多謝Lisa姐同埋Pat姐~~ 仲有就係今日deepV哥哥有返呀, 好開心~~ 呀係呀, 今日本來唔駛返o既芭芭拉返o左黎喎, 原來係因為尋日好多人都去唔到芭芭拉屋企, 攪到取消, 但係deepV哥哥佢帶o左部Wii返工喎, (我相信佢應係帶埋一pack碟返工添), 攪到芭芭拉佢好唔好意思喎, 但係其實點解唔可以DeepV哥哥佢一個去芭芭拉屋企玩架呢? 呢樣我真係唔明...... 就係因為咁, 所以芭芭拉今日就整o左個蛋糕返黎俾DeepV哥哥當係賠罪, 不過已經去元氣食到飽飽o既我, 遲o左少少去食o者, 竟然俾人食哂...... 不過, 無得食, 未必係一件壞事(我乜都唔知架, deepV哥哥就緊係芭芭拉整乜佢都話好食架啦)
星期日, 今日當然係可以返晏o的啦~~ 一返到去, 呀瘋佢...... 亂！！！！！！ 仲要係有o的機book o左無落簿囉, 佢話係因為班ssh做, 所以乜都唔知, 大佬你唔係下, 咁係唔得架喎, 你要睇住班細o既做野先得架, 咁攪法, 遲早有獲金o既俾你試下......
下晝收到email, barn helper請o左我啦, 星期五返去training添, 好野, $45個鐘呀, 好過而家做緊o既$35個鐘丫, 如果keep住有得返o既話, 咁出面就可以做少日, 唔駛咁辛苦~~
星期一, 當然係要返學啦, 放學之後本來諗住做Lab, 點知...... 間Lab俾人包o左...... 唯一一間可以做到WinCE o既Lab都俾人包o左, 唔係下化, 但係睇黎, 呢個禮拜都唔做得, 因為, 係俾Youth IT Camp包o左黎俾小朋友學電腦...... 無計......
星期二, 當然係嚮屋企度hea啦, 至於做過o的咩, 唔記得lu, 剩係記得我無心機溫書, 同係咁玩卡丁車囉~~
星期三, 亦都係返學, 但係夜晚就去o左同班舊去o左食飯, 去o左大角咀街市度食, 勁抵喎, total $3X就食到飽飽, 幾抵呀~ 之後仲有呢個mario kart大戰, 幾好玩呀~~ 但係估唔到o既就係Raymond佢原來係Mario kart高手黎架喎~~ 而呀偉佢之前咪又話唔買, 最後咪又買o左...... 車~~ 而我地呢班同學普遍o既起薪點都有7K以上, 唔錯丫呢個價~~
星期四, 都知道要溫書架啦, 但係最後就嚮屋企度掛住跑跑卡丁車...... 成日都係hea 過~
星期五, 今日要去barn helper training, 攪到走o左堂211, 咁就成個禮拜堂, 唉...... 聽就聽o左好多野, 簡單黎講, 都係入唔到腦架啦, 到時真係落手落腳做o個時就會識架啦~~
下晝, 返tutorial o個時, 問翻nelson教過o的乜, 原來成個Laplace Transfrom咁就教哂, shit...... 咁就聽仆街啦~~
好打到呢度先, 等收工去芭芭屋企玩~~ 呢個日記咁就打o左成個禮拜~~