七月二十

尋晚訓得唔好, 今朝起身病病地... 橫掂都係要返學, 順便去睇獸醫, 我呢隻擒獸當然要睇獸醫啦~~ 之後就去坐Barn, 連續坐七個鐘喎, 朝十一晚六, 中間當然會蛇去食飯啦, 唔係實會餓死o者, 又咁o岩撞到呀信喎, 去o左食呢個Cafe~~ 至於呢七個鐘, 我就剩係嚮度睇奧運, 睇到眼訓...... 真係無陰公...... 夜晚, 個人病病地, 睇黎都係傷風感冒架啦... 唉... 都係早o的訓好了~~

尋日o既感覺終於都知咩事, 今朝成朝都無心機... 連cafe杯檸檬茶都唔知點解特別酸, 究竟係關我事定真係杯檸檬茶o既問題呢. 有時o的野, 整定. 無野講.