七月十七

今朝晨早就起身, 同o左屋企人去飲茶, 佢地又話九點三等, 點知九點三先起身, 最後係我同媽媽佢一齊去搵位先... 飲茶o既時候, o的單亂哂, 牛肉黎o左三次, 鮮竹卷黎o左兩次, 盅頭飯都黎錯o左一次... 最後食完之後, 去o左買對新波鞋黎替換對入水舊鞋, 之後就返工~~
今日風平浪靜, 但係呀成哥佢就... 好激動, deepV又好似真係玩得過火o左o的o的o既...
放工, 同o左呀邊個邊個去街, 但係架巴士入到隧道甩o左條呔喎?! 之後架車爬出隧道口落車, 攪到我要嚮條天橋度等車喎, 真係咁大個仔第一次, 嚮條天橋度企嚮度~~ 人地就話跳橋o者, 我先唔會咁睇唔開呀~~ 真係直落下面個墳場咩~~ 之後就行行行行行, 食食, 行行行行行, 過海, 行行行行行, 坐到腳痺, 八月十七號o既八點十七分, 做o左一o的要做o既野, 之後就行行行行行, 玩, 坐, 走人. 如事者, 開心的一晚.