雜

今日本來係返十點半, 但係就早o左o的o的, 要Print埋open day o的poster
搭車o個時, 同呀輝佢諗下o的箭組用乜野貼落去張poster好, 提起呀姐佢支百達叔叔, 點知一轉個頭, 就見到呀姐佢企o左嚮度, 乜咁邪呀...... 真係日頭唔好講人, 夜晚唔好講鬼呀~~
去Print野啦, 點知...... 去到搵呀大興o個時, 佢竟然話個Printer有一隻色無粉喎, 咩話, 我地早o的返就係想print野o者, 你竟然話無得Print...... 算, 去A204度上網...... 順手Print張A4 Size黑白俾呀Ken睇咁囉~~
今日著o左件NTC藍色風縷, 點知一入到去Lecture, 呀?即刻講o左句『哎呀, Eddie Ng呀』=.=" 唔係下化, 我似Eddie Ng, 好無奈咁囉......
上完堂去o左食車仔飯, 呀恆佢本來叫麵, 點知條友佢都唔知係睇乜o既, 俾o左飯呀恆, 間野已經唔係第一次架啦, 咁都有o既, 有無攪錯！！！
見未夠鐘, 返翻學校, 去睇o左陣呀姐佢射箭, 佢...... 唔係得好多支中個靶, 有支仲係High到個靶邊, 但係就彈o左去後面喎, 乜佢咁屎架......XDDDDD
返工, 都係做o的咁o既野啦, 到而都無驚無險, 呼~~
我發覺做CT真係好難可以融入去間館度, 因為好多時都只係你一個人嚮間房度對住一班唔係你同事o既人, 就算做細館無電腦房都差唔多, 因為你都只會係嚮出面度企, 甚少會嚮Counter度做野囉, 除非有熟人, 或者面表夠超厚(我都只係厚, 未去到超厚), 唔係你都幾難融入去~~