Tamama 變大人?!

Tamama 變大人? （上）
無聊o既我今日見到一幅圖喎, 話係tamama大個o左o既樣, 但係......
我明明好似睇過有一集係講Tamama大過架喎, 最後就Cap o左出黎~~
Tamama 變大人? （上）


Tamama 變大人? （下）

兩日記~~

星期六, 要返工, 返到去, print o左Credit同成績表先, 星期一就要交架啦...... 今日老細有返, 佢同我講, 你今日著紅色衫, 同件綠色背心撞到正喎, 咁我先見到你, 我心諗, 乜原來我咁似Dororo架...... 家姐都聽到佢講乜, o o左嘴囉, 無聊囉, 頂...... 放工, 落鬼咁大兩, 但係要銅鑼灣幫人拎飛囉, 但係...... 好似篤錯o左, 篤前o左一行囉, 呀...... 又唔係我睇, 無事o既~~
星期日, 今日都係要返工, 返到去, print野, (但係最後發現都係有野唔記得print架囉......) 食飯o個時, 個Pantry Full o左, 最後入o左Back office度食~~ 放工, o的人話去睇戲喎, 仲要係軍曹喎, 你唔早嚮...... 算, 照去, 去o左電影中心度睇, 日文版丫嘛, 爽死~~ 仲有就係笑死~~ 哈哈哈哈哈, 軍曹好攪野呀, 變大o左原來有個肚腩架, 仲識fing下fing下架, 笑死~~ 但係就唔係好覺kururu個"哦吱dor"囉~~ 之後去o左食Spaghetti House~~
聽日要返學囉, 唉......

相

後補翻之前影o既幾張相~~
月餅模機~~

迪欣湖個瀑布仔~~

灣岸機後面~~

三日記

星期三, 今日成日都無乜點做過野, 都係Hea 住咁過, 但係第二日就知Hea o既日子唔多lu~
夜晚, 拎埋張Cert俾Billy, 問起原來佢入o左偉倫o個度做, 有得跟project, 都有成8字一個月, 雖然唔係多, 但係都唔算低啦, ok喎~~ 一路以黎都以為Xavier係讀CS/CPEG, 但係原來佢都係EEIC架喎, 之前仲有個orientation talk俾我地, 但係我個死人yahoo就同我放o左落去個spam mail box度囉, 攪到我miss o左, 問翻, 原來31/7就要交o個個credit transfer 張野, 仲有Math堂上, Xav都好人, 即刻scan俾我, 而且我聽日都去註冊, 問下先~~ 至於佢地呢, 派成績表o個日已經成班人入o左去交成績表, 咁快手o既?! 所以都早o左去註冊囉...... 咁咪即係聽日得我, 魚旦同積奇三個......
死人yahoo =.=凸
星期四, 上晝去註冊, 車程唔駛等車o既話太約係五十分鐘到學校(未計去課室時間) 即係早o左去ARO, 但係已經有人嚮度等緊囉~~ 見到隔離班有一個同學仔喎, 佢都係今日先註冊喎~~ 估唔到佢仲早過我...... 註冊o個時就影相, 即刻出到張有相o既學生證架啦喎, 咁快o既...... 部機~ 勁~~ 大學果然係唔同o的...... 之後就攪下個Account o既野, 仲有張學生證o既PIN 呀, e-Cert呀, 咁~~ 最後, 鏟上去EE Department問Credit Transfer同Math堂o的野~~ 果然係31/7要交囉...... o嘴...... 之後就去o左食飯, 不過, 唔平囉, 唉...... 以後都唔知點捱囉...... 唉......
睇翻o的學生褔利呢, 見到原來睇醫生唔駛錢架喎, 咁正o既, 仲有整牙都係好平, 洗牙都只不過係$70, 我棚牙十年未洗過, 今次都唔嚮度洗, 遲o的Book期先~~ 唔知佢整假牙又幾錢架呢? 有機會問下先~~
星期五, 今日好有可能係最後一日俾我Hea o既暑假囉, 因為聽日後日都要返工, 星期一就要返學啦, 唉......
下晝, 呀Ken Sir打黎, 問我收唔收到佢Email俾我地Cisco份工, 佢同我講叫JoJo佢去見喎, 我心諗, 點解會打俾我o既...... 算, 不過...... 我叫, 都要佢肯去至得架, 叫親佢都唔去o既, 不過又係o既, 要唔去o既話就點都實有一個理由係唔想去o既~~ 要去o既話就點都會有時間去囉~~ 聽完個電話之後, 個下晝就打住機咁過~~
夜晚, 照打俾JoJo囉, 吹o左陣水佢原來係嚮集成度做緊文員喎, 無得著牛仔褲返工, 平時見親佢唔係著牛仔褲就係著牛仔褲, 咁佢仲可以著乜返工呢?? 好似最後佢都無搭到我~~ 講翻份野, 佢話唔想做Sales 喎, ok啦咁, 不過諗真o的, 有得嚮Cisco度做Sales係幾好架喎, 起碼個名同o的經驗會好o的先啦, 不過佢唔想都迫唔到佢o既~~

兩日記

星期一, 上晝, 收到HKU Space個呀Sir電話, 話今日佢會去金鐘, 咁就到時去拎o的Cert同Prizes, 睇佢地都應該係Cisco Council開會, 因為見到上次比賽o的呀Sir, 同埋Ken Sir, 拎Cert o既時候, 佢比漏我囉, 差佢地兩個張participation o既Cert囉, 咁就即係整定我要去多次, 唉...... 拎完, 緊係行下先啦, 原來太古廣場間M記無o左囉, 連pizza-hut都無埋囉, @.@"
行行下, 而家先發現原來唔係向入黎行架囉, 只係沿住條馬路黎行架喎, 出口係UA隔離喎, 下, 真係唔覺喎, 唔通係視覺問題?! 之後就行返屋企, 路經一間機舖, 見到佢搬緊部灣岸機喎, 係個頭無o左個後尾枕喎, 都係電視一部咁o既樣o者~~ 之後就路經合和, 上o左去個觀光電梯, 望過去對面海, 一片模糊, 之後就返屋企~~
星期二, 做o既野同尋日差唔多, 都係去拎埋o的張Cert, 之後就行返屋企, 今日呀媽生日, 好簡單咁買o左個壽包, 之後就返屋企~~ 尋日睇完軍曹, 之後就cap圖, 用flash整o左把軍曹風扇出黎, 有o的無聊咁囉~~

灣仔區消防安全大使管理委員會暑期同樂日

星期日, 今日請o左假, 去做義工, 下...... 請假去做義工, 係...... 被迫請假去做義工, 帶人去一個我有份攪o既旅行, 架車一到, o的人就係咁衝上車囉, 本來係話留兩行位, 但係就一開始就俾人坐o左囉, 之後落車去影相, 諗住之後就彈上車叫人坐後o的啦, 點知就俾人個侍老賣老o既老野話我地唔早講, 又話自己裝o左個心臟起搏器, 小, 你唔講我鬼知咩, 正一八婆...... 先去竹篙灣消防局, 一個有米奇老味o既消防局囉, 我地團人走之後就又有一團人喎, 呢個仲唔係變旅遊景點...... 之後就行o左過去迪欣湖, 勁曬囉, 但係最後同另一個委員行o左個圈, 太約行o左四個字度, 原來對岸係有個瀑布架喎~~ 個湖中間除o左有支水柱射下射下之外, 原來仲有個綠洲架喎~~ 得意~~ 行完, 但係就...... 發覺廁所都唔多個囉...... 總共只係得兩個囉, 咁大個公園, 得兩個廁所喎...... 唔怪一開幕就俾人鬧啦...... 之後行翻返去消防局度坐車去流浮山, 去得流浮山就緊係食海鮮架啦~~ 嘩正呀, 又有龍蝦又有鮑魚, 仲有酥炸生蠔, 正~~ 最過癮o既係最尾係有龍眼做生果囉~~ 食到成班人都飽哂~~ 之後就行o左去個叫做流浮山瞭望台o既地方, 但係就...... 一o的都唔似瞭望台囉, 不過就見到大陸個世界之窗o個個巴黎鐵塔喎, 但係o的空氣質素實在太差啦, 望過去都唔清楚囉...... 最後o既行程就係去o左恆香製餅廠, 入去就要人帶口罩, 但係o的人嚮裡面做野就唔係帶架啦, 都無遮到個鼻o既...... 又無帶手套囉...... 食你唔死掛...... 就黎中秋, 佢地唔係掛住整老婆餅, 而係月餅, 本來諗住有得見到係o個個古老有舊野咁樣扑下扑下咁整, 但係原來係用機器架囉, 仲要係中國製o既機...... 不過呢, 之後就有得試食, 一個細細o既新鮮老婆餅, 又有月餅喎, o的老婆餅就唔錯, 但係o的月餅就...... 一般咁囉~~ 不過最好o既係食完有杯茶俾你飲添喎, 真係照顧周到, 呢樣做得唔錯~~ 最後坐車走lu~~

兩日記

星期五, 尋日收到Billy電話, 原來佢地都未有搵HKU Space o個個人問拎翻上次第二屆港澳青少年網路技能比賽o的Cert 同 prizes, 咁我今日打俾佢啦, 一問之下, 原來...... 頂...... o個五百蚊原來只係百老匯o既現金卷囉, 頂...... 點解今年唔單止少o左錢, 仲要係俾現金卷囉, Cheap...... 唉, 仲攪到我請假去囉, 唉......
下晝, 收到UST封信, 但係...... 唉...... 又要交成皮幾野囉, 唉...... 都唔知點樣嘔o的錢出黎囉, 唉...... 之後上翻UST個網, 佢已經有我個Account, 仲Activate 埋, 有個個人homepage架, 但係support php o個度要將佢變做好似cgi program咁run囉, 試整個blog上去, 都唔係好work, 要改code, 遲o的先改, 咁多file, 點改得哂呀......
星期六, 如常返工, 但係就...... 今日熱到呢, 著住件背心個背脊係出汗架囉, 我已經著短褲同一件薄o既Tee架啦喎=.="
放工, 同屋企人去o左食M, 原來而家食開心樂園餐係有冒險樂園o既金幣送喎, 咁都有o既?!

書展

今日去做義工~~
但係就晨早起身, 九點半去到社聯, 等人派證, 之後就九點十一先到, 一去到Lisa就打黎, 開我點樣Print野喎, 原來o的CT俾人調o左過去赤柱喎@.@" 乜咁架......
開頭都無乜人, 但係就越黎越多人, 不過就只係旺丁唔旺財囉...... 問翻原來要成幾皮野先可以租到個咁o既3x3m o既攤位仔囉, 咁咪要成六千蚊以上剩賺先至可以圍皮...... 做主辦o個個真係賺到笑...... 呃錢o既...... 個Lunch就去o左食平野, 十三蚊個燒味雙拼, 仲有湯, 但係就要野餐囉...... 做工作人員就好爽, 可以左穿右插, 你阻我唔到, 爽~~ 收工o既時候, 緊係自己行下先架啦~~
行到咁上下, 見到有一大堆人喎, 原來係側田, 佢...... 一般咁囉...... 但係就因為人太迫, 有個呀叔佢鬧鳩o的係咁迫o既人囉, 有人即刻話"呢個仲唔係會展呀叔" =.="
今年都無乜特別野睇, 同舊年差唔多咁囉~~ 買o左盒500塊軍曹puzzle, $10咋喎, 仲有$20個咕o臣, 但係就只係得tamama, kururu同giroro, 無keroro囉, 最後就無買到......
夜晚, 緊係砌o左合puzzle啦~~ 九點半度開始砌, 砌到成二點先攪掂囉...... 太慢啦...... 成四個半鐘, 唉...... 眼訓, 訓..........zzZZZ

三日簡記

星期一, 下晝去o左聽做書展義o既Briefing, 之後又去消防局度開會, 下星期日去旅行o的野~~
星期二, 成日都無做過野, Hea住咁過, 只係下晝去o左買條褲咁......
星期三, 下晝出街去o左打陣機, 俾我好好彩咁贏到一局, 之後就無再去挑機lu, 之後幫人買o左本書, 返到黎, 有糖水食, 正~~ 夜晚, 睇o左套春田花花同學會, 但係發覺...... 一o的都唔好睇囉, 頂...... 唉...... 好彩無俾錢入戲院度睇o者, 爛片一齣, 即刻Delete o左~~

星期日

星期日, 今日要返工, 家姐佢都仲係病緊, 都仲係咳, 咁幾時先可以去海洋公園呢? 唉...... 上網見到有隻軍曹紙模型, 仲唔即刻print出黎咩, 家姐佢見到, 佢剩係鐘意軍曹, 加上佢第一個鐘入o左黎AV, 咁就掛住整呢隻軍曹啦喎~~ 之後又print o左兩隻彩色o既出黎, 咁佢今日之內就總共整o左三隻出黎~~ kawaii o既呢~~ 平時佢都係同我一齊食一點架嘛, 而且佢今日要食藥食兩點, 咁就應該食一點啦, 點知呢, 呀PL佢約哂成班SSH食飯, 無人調到囉, 家姐話PL佢好"痴"班SSH囉, 有無攪錯呢......
今日又係老胡返囉, 佢又晨咁早無野搵野黎叫我做囉, 成日都係咁囉, 正八婆...... 臨食飯之際, 之前有個人入去用機, 佢又無講話係用兩個鐘喎, 叫佢走又嚮度話用兩個鐘囉, 但係今日呀峰佢又唔知做乜咁燥囉, 條友又勁大聲, 得個惡字, 挑...... 我個Lunch咁就無o左兩個字, 之後又要早四個字去頂家姐佢, 等佢食飯同食藥, 唉...... 食完飯, 好成功咁拎o左巴巴拉佢張身份證去scan, 而我就又print o左張A4 Size o既出黎, 之後就又嚮佢個身份證號碼打格仔同個出身年份打格仔喎~~ 咁樣總共就Print o左3張出黎啦喎~~ 哈哈~~ o的SSH見到都笑~~ 今日收工出奇地順利喎, 未夠鐘就已經攪掂, 又去o左食野, 唉, 又俾人講囉, 唉......

週記~~

星期日, 今日又係要返工, 但係有Summer Helper喎, 咁就爽死~~ 不過家姐佢今日又無返呀, 咁聽日點去海洋公園呀...... 我就趁住張新份證要換, 咁就scan o左舊o個張, 用2400 dpi, scan又scan成個字, 個file勁大, 每面卅幾MB, print又print成個字, 最後就整o左張A4 Size o既出黎, 仲整多張彩色o既, 再過埋膠, 爽~~ 夜晚, 家姐佢話俾我知...... 佢死o左, 聽日去唔到囉, 攪到我地唔知去唔去好囉...... 傾o左好耐, 最後都係去......
星期一, 本來係去海洋公園, 但係就, 唉...... 落狗屎...... 攪到我要由黃竹坑行返去香港仔, 都唔係好遠架o者~~ 最後嚮圖書館度Hai~ Hai到十二點去唱K, 香港仔有K Lunch Buffet架喎~~ $49加一, ok抵喎~~ 之後就去o左時代睇戲, 睇球愛可人兒, 套野都ok好睇架喎~~ 睇完就去o左巴巴拉屋企, 置富, 果然係有錢之人...... 叫KFC上黎食, 十點鐘度走~~
星期二, 無聊咁嚮屋企~~
星期三, 下晝去o左飛髲, 之後就去o左幫呀恆佢copy o左張GC8~~ Gundam佢打黎話終於都有錢收啦，但係要遲o的唔知去邊度囉, 仲要約埋一齊, 唔係因為張Cert, 再加上我o個日係請假o既話就費事去拎囉......
星期四, 晨咁早家姐佢就打黎叫我幫佢返工, 佢都仲係病, 尋日食o左o的藥嘔翻哂出黎, 之後又要食七隻藥, 咁多o既...... 但係佢唔係要食中藥先得架咩, 佢話退唔到燒喎...... 所以要食翻西藥, 慘...... 而我就返十二至七, 但係計起上黎原來都係唔夠二舊水囉...... 吹漲......
夜晚, 出Result, 今次十一點三就睇到, 個分都唔係太難睇, 但係計翻個Average, 74.18, 頂...... 乜差零點八二分架咋...... 唉, 灰......
星期五, 返o左去拎成績表, 之後就去o左scan and print, 同呀恆佢去o左Fun Zone度打機, 再去維苑度食Tea, 埋單o個時本來係四十蚊, 但係呀恆佢放低o左張廿蚊紙o個個人就走o左, 等o左好耐佢都無黎翻, 但係叫極呀恆佢都唔肯走囉, 乜佢咁架, 呢個係人地o既問題丫嘛, 俾足時間佢都唔翻轉頭咁就走得架啦, 唉...... 佢係唔係太老實呢?? 之後就去o左民政處度攪埋o的野, 再去打多兩舖機就返屋企~~ 夜晚睇到個email 話non-jupas 入去o既話要去考個Math Test喎, 唔係就要Take多科囉, 下...... O 嘴囉, 要溫翻o的A Math 同 Pure Math囉, 唉, 睇黎都要Take科架啦...... 唉......
星期六, 返工, 終於都見到家姐啦, 但係佢好似瘦o左咁囉, 唉, 佢真係好病...... 放工, 無錢打機......
夜晚, 搵翻哂o的Maths書出黎, 成座山咁囉, 唉...... 都唔知點先可以睇得哂, 唉......

週記

家陣發覺我唔係好想打日記, 次次都係返工o既時候打週記多......
星期日, 咁耐...... 已經唔係好記得發生過o的咩事lu...... 只係記得放工o既時候, 有種好失落o既感覺...... 去o左打機, 又經過太源街, 買o左隻爆炸頭軍曹$38. 當係送俾人咁就買o左, 橫掂都係我幫佢砌架啦~~
星期一同二, 想出街, 但係就最後都係無出到...... 嚮屋企度Hai...... 打機, 睇軍曹......
星期三, 去o左科學館同埋歷史博物館, 發覺都係無乜好睇, 係科學館o個度多o左o的視覺o既畫咁囉~~ 都幾有趣~~
星期四, 下晝, 同表弟去o左打機, 簡單黎講, 都係Hai下咁過......
星期五, 只係出街買o左o的野, 但係其實都係無做過野~~ 下晝, 家姐佢話佢病o左, 打俾佢把聲都轉o左, 勁沙, 咁攪法, 佢星期一仲點去海洋公園呀......快o的好翻啦~~
星期六, 今日好衰咁唔返SB, 去o左返石塘咀CT, 但係原來唔係搵多好多...... 只係多卅蚊...... 不過就無乜野做, 爽~~ 放工, 去o左打OutRun, 同個呀伯挑機, 佢係咁夾我, 咁第一個CP咪俾你過囉, 但係之後我迫佢行右路, 最後佢就炒到呢~~ 笑~~ 之後又有個後生仔想挑機, 今次我唔同佢玩啦, 想玩HA, 玩到咁上下, 唔對路, 都係玩唔掂右路, 最後就只係得千八心...... 太少啦......
夜晚, 訓得唔係太好, 唔知做乜事, 唉......

又一個週記......

星期日, 今日要返工, 多o左o的暑期工黎幫手, 無咁忙~~ 人多好辦事丫嘛~~
放工, 唔知點解突然會有一種空虛感出黎, 唉...... 去打機, 無論係2p定係4p我都包尾囉, 唉......
星期一, 成日都剩係嚮度打機同埋睇軍曹~~ 夜晚就去o左消防局度開會, 遲o的七月廿幾號會去欣澳同流浮山度食海鮮, 但係就係星期日黎架囉, 都唔知點好...... 唉...... 唔通又要請假, 雖然話個旅行唔駛錢o者, 唉......
星期二, 三四同五都無野做, 係咁打機同睇軍曹, 無聊至極, 唉......
但係星期四晚, 突然間有個電話打黎, 呀偉同Raymond喎, 佢地話出o左補考List喎, 米高返o左去睇, 等到十二點半佢返到屋企, up 上forum, 即刻睇, 最勁係ENS囉, 10個fail, broadband都唔係差好遠, 9個, 但係mobile就真係強只係得四個, 癲佬佢真係...... 無野好講......
星期五, raymond佢返學校, 朝頭早呀姚佢話原來係出o左個Credit list, 即刻打俾Raymond佢, 叫佢影埋啦, 呢個等緊o既心情, 係仲慘過尋晚等補考List o既心情, 又無野做, 又係睇住軍曹黎等, 唉...... 個心唔止係十五十六, 而且仲係十八十九二十都黎埋囉, 唉...... 最後, 佢一up個list上去, 一睇, 唉...... 個心情係...... 都唔知係開心定係唔開心囉, 有credit, 入到U, 但係就無Distinction囉, 總共十六個人Credit, 但係就無人Distinction, 唉......
星期六, 同屋企人入大埔, 原來o個度o的茶餐廳係平~~ $25, 凍飲唔駛加錢, 而且仲有甜品, 抵~~
夜晚, 都係掛住睇軍曹, 又睇埋英格蘭對葡萄牙, 點知最後係加時, 十二碼囉, 唉...... 都唔知係英格蘭個龍差丫, 定係葡萄牙個龍勁囉, 不過就一定唔係葡萄牙o的人射得勁囉~~ 點半先訓......