話咁快又過咗幾年喇

正所謂光陰似箭, 日月如梳(, 梳? 梳頭o個個梳? )梭. 原來我都有幾年無郁過呢個blog喇喎.
好啦, 咁等我講兩三句廢話啦.
.
.
.
完.
多謝各位

誰家灶頭無煙火 第121集 - 愛火花

睇完呢集, 唔知點解個心有種唔知點o既感覺...
見到田凱同鐘思雅一齊拖住手, 個心情係, 有o的想喊, 又有o的開心. 即係, 有o的感動o既感覺~
我相信我有咁o既感覺o既原因係, 佢地呢種o既感情, 咁樣develop出黎, 係我心入面一直嚮往o既o個種感情.
但係咁又點丫, 到我而家呢個年紀, 已經無乜可能再有咁樣樣o既感情了, 腳踏實地吧啦~~

兄妹之情

誰家灶頭無煙火入面, 詩雅同田凱, 明明兩者都有意思, 點解田凱佢又專登避開詩雅架呢?
係唔係因為佢覺得自己係佢呀哥, 而拒絕同人地一齊呢?
其實... 我覺得, 佢地唔係親兄妹, 只係有兄妹之間的感情, 同一時間, 亦都醞釀到男女之間的愛情出黎, 可算得上係青梅竹馬, 呢種o既愛情, 我會覺得係一種來得幾舒服的愛情.
如果, 我可以有這種情人, 也未嘗不是一種好事.

好鍊好o既同事

而家轉o左新工, 返工o既時候點都有兩個人會一齊, 即係連返夜晚o既時候都會有兩個同事一齊返, 有好有唔好咁啦. 好o既, 咪係有咩事, 都有多人可以商量, 多個照應咁, 唔好o既就多o左個人嚮度昅住你做野咁囉~~
遇著o的同鍊好o既同事, 佢係唔幫你就唔幫你, 真係多謝佢都黎唔切啦.
好似今晚咁, 有部機有事, 叫鍊o左佢去幫手睇下啦, 佢剩係嚮度鳩up話點做點做, 我屌你啦, 試過哂啦, 開到口叫你幫手, 剩係坐嚮度齋up, 唔燒埋佢o個疊佢都唔鍊幫手架喎, 呢o的咁鍊好o既同事, 嚮邊度搵丫~~
挑下次佢有事都唔鍊理佢！

Android Blogger 測試

試下中文得唔得

就黎又過年了~~

估唔到, 話咁快又就黎過年了~~
每一次過年, 望一望個年份, 又望一望個日曆, 就黎又會到自己生日...
計一計, 自己o既年齡都已經唔細, 唉...
我想識返個女仔, 可以開開心心咁拍下拖, 快樂下, 但, 事, 總會與願違, 唔係我想識, 就有得識...
理想, 係可以了解個女仔, 我地互想欣賞, 咁就可以組織一個家庭, 感受下家庭溫暖.
但現實, 一來我識o既女仔唔多, 識o既好多都已經拍緊拖, 唔通我真係拎住支鐵筆咁去搵人地咩~~ (撬人牆腳呀) 我唔想咁, 人地咁幸福, 無理由打攪人, 做o左, 我自己個心都唔安樂啦.
有朋友們都想介紹女仔俾我識, 但奈何佢識的女仔, 都知道係港女們, 佢唔想介紹o的港女俾我識, 所以, 其實我都要多謝佢地, 因為佢地都係想我好, 唔係就咁介紹個人俾我識就算~~
有人同我講, 其實你呢種男仔, o的媽媽們應該好鐘意你~~ 其實, 我都覺, 我識一o的媽媽們的朋友, 佢地其實都幾鐘意我~~ (賣花讚花香XD) 但係媽媽們鐘意我又有咩用丫, 要佢地o的女兒鐘意我先有用架...
時也命也運也, 我都睇化了~~ 哈哈~~

靈異事件

話說我有晚放工, 真係攰到攤o左嚮度, 一上車就已經昏迷o左咁滯~~
直至到我有返少少知覺o既時候, 就見到入隧道~~
怪事就黎啦~~
點解隧道上面寫住去"觀塘"o既?!
心諗, 咁靈異?! 我架車明明係返屋企架, 點解會係去緊觀塘架!!!
之後個人即刻彈起身, 望清楚o的周圍環境, 睇下究竟身在何方!
我頂, 原來我望o左西隧入口"觀瀾湖"個廣告當o左係"觀塘"囉...
最後... 架車入o左西隧之後... 我係繼續訓過... 因為真係太攰了...