兩日記

星期三, 咁就放o左唔夠一個禮拜o既復活節假, 唉......
朝早唔知醒, 又遲o左...... 但係返到去都係無乜人喎...... 上Simon Sir堂, 唉, 下個禮拜又測驗啦, 頂...... 上堂上到最後, Simon Sir佢派Tutorial俾我地即時做, 唔夠紙, 咁我咪行落去拎啦, 點知...... 仆街...... 好彩張椅子勾住o左我隻腳, 唔係一定會仆直, 唉...... 咁多人面前仆街, 真係仆我個街囉...... 食完個Lunch, 又上Eddie Ng堂, 唉, 打機, 訓覺咁過, 要溫書啦, 唔係就又死架啦...... 之後個Lab, 唔難, 但係都係去到成五點九先走......
返到黎, 落機舖, 見到有個呀伯/叔(個年紀應該只係呀叔, 但係個樣就似呀伯), 嚮度玩灣岸, 但係就楂到好似醉酒駕駛咁, 係咁撞, 坐又坐到就黎跌落地咁囉, 睇到我O嘴, 攪到我唔敢跟佢部機...... 夜晚, 整個FYP整埋o的1234制, 又打下機咁囉, 隻Evolution GT出o左啦, 雖然係難楂, 但係都幾好玩喎, 又拎埋雙rollercoaster3同冰河世紀落黎~~
星期四, 今日返下晝(事實上係中午, 十二點半上堂, 你話係唔係中午丫), 但係就要十一點幾食Lunch, 食野之前, 去o左打翻舖機先~~ 發覺已經玩唔慣頭D lu, 呀輝佢玩Mario Kart, 我就一路帶頭, 佢就跟住我, 好無奈咁睇住佢楂住個龍捲風嚮我後面囉, 仲要中o左兩次, 吹漲...... 跟住去o左葵涌廣場度食麵, 十蚊碗, 碟菜五蚊, 但係都ok大碟喎, 抵~~ 呀輝佢話唔飽喎, 唔通係食麵同粉o既分別? 之後上堂, 上堂同上堂, 上第二堂之後, 去廁所, 見到有隻成個一蚊o既咁大隻蚊喎, 嘩, 攪到成班人嚮度睇, 但係點解會有咁Ｑ大隻蚊o既?! 吸脹o左個肚咪會勁大囉?! 放學, 屎火, 我都有o的肚餓添, 同呀姐呀輝佢地去食小籠包, 飽飽~~ 返到黎又打機, 打o左一局廿八人斬, 但係去到廿六就屎o左, 唉...... 夜晚, 個FYP整到6個位做password~~ 玩rollercoaster3, 勁過癮, 個泳池係可以整o的漩渦出黎係咁轉o的人架喎, 過癮喎~~