記多個一週o既週記

唉, 呢個禮拜成個禮拜都好Ｑ忙, 攪到好多野都唔記得o左, 唉......
星期日, 我明明記得有一o的特別事要記低, 但係最後都唔記得係乜事咁囉...... 不如就成日做過o的乜都講哂啦(仲記得o既話), 一早返工, 返到去, 開機, 之後就有唔少人打話黎book機, 我就一路溫broadband, 之後就咁就過o左兩個鐘, 等到呀峰佢返黎, 佢係勁準時返到黎~~ 之後就都係溫下書咁過, 又整下野咁, 仲有就係打埋之前o個o的日記(但係估唔到原來之後o個個禮拜都無時間打......) 放工, 諗住打機, 但係無錢, 不過見到有個原本係B Class o既人轉o左卡, 點知睇住佢好順腳咁去挑人機喎, 見有位, 仲唔落埸咩~~ 但係最後夾到死死下, 得第二...... 夜晚, 想溫書, 但係就係無mood溫書, 唉...... broadband都唔知會點死...... 我記得翻可以係特別事o既野就可能係asl同manpower搵唔少, asl計佢每個鐘賺廿蚊o既話, 一個月就會有成廿萬, 不過未計Supervisor佢地o既人工~
星期一, 唔返得工, 整牙呀...... 唉~~ 上晝整完牙, 點知o的麻醉藥一過, 個頭勁痛, 想溫書都溫唔到囉, 唉...... 今日都唔知點解勁多人打電話黎喎, 老老師仲要打o左兩次電話黎話聽日記住準時返學喎, 講o左俾班長聽, 佢仲話聽日帶定相機喎...... =.="
星期二, 今日要測broadband, 成兩點半先有飯食, 所以早o的返去食早餐~~ 當然係食中式啦, o的粥勁夠料, 爽呀~~ 不過今次食蘿蔔糕就好似唔係好夠飽咁囉...... 之後上堂, 老老師同Department Head黎俾o的獎學金, 死癲佬就三千俾佢講到變三萬囉=.=" 之後上Simon Sir堂, 溫書, 無教書, 之後個broadband就死囉, 唉...... 明明係溫o左書, 但係都唔記得囉, 唉...... 之後個堂enterprise, 唉...... 派卷囉, 唉...... 藍同白卷o既分別就係高分同低分o既分別, 唉...... 呀姐佢丁到囉, 但係我就...... 只係o岩o岩好Credit, 唉...... 之後放學去打機, 唉...... 今日已經係灰架啦, 仲要打十蚊都S唔到Ci in Level 8, 唉..... 正所人衰行路打倒"tun", 我信架囉...... 唉......
星期三, 今日唔駛返學, 公眾假期, 但係要返工...... 去搭巴士, 一落到樓, 睇住架90走囉...... 等多兩個幾字先有另一架...... 仲要係返工返得三個鐘, 不過就爽, 鴨利洲細館~~ 原本以為放工有得去飲茶, 點知...... 唉~~ 最後都係要嚮屋企度食飯...... 夜晚已經唔記得做過o的乜...... 好似係幫做義工o個度係咁整個網頁, 仲要係做到成點幾兩點先訓......
星期四, 返學, 原本以為呀恆班長佢地會返去做project, 但係搭搭下車, 呀恆打黎, 問我地嚮邊, 一齊去叫雞食, 咦, 乜佢地今日唔駛做project咩? 原來係呀積奇佢無返去, 所以就唔做~~ 之後上癲佬堂, 個Lab佢又係做唔到個HttpGateway, 之後個Eddie個tutorial, 之前o個個有o的都未教, 所以就可以唔駛交住, 但係佢又派多個, 咁咪即係放完假要交兩個?! 過o左呢一堂, Billy佢搵我, 真係叫我去幫佢手, 我係嚮呢個無可耐可之下, 幫佢手囉, 但係就都係無諗過會贏, 亦都驚自己會唔夠時間做野囉, 因為我除o左返兩份工之外, 我仲係要做義工, 呢排o的野勁忙, 唉...... 而且o的skill又生疏哂, 唉...... 之後上完呀kt堂之後, 去o左204度做聽日交o個個Mobile Assignment, 見到呀Ken, 同佢講話Billy搵我玩Cisco, 但係呀Ken佢第一個反應就係『下?! 唔好啦掛, 你上年都......』我都想唔玩, 但係Billy佢又搵唔到人, 唔係就真係唔玩...... 204度無位俾我地做Assignment, 最後就去翻316度做, 好似開班咁, 成班人係咁諗, 但係有答案都諗唔明囉...... 慘...... 放學已經成七點, 無打到機...... 夜晚都係諗極都諗唔到個Assignment, 放棄...... 都係繼續整下個網頁算......
星期五, 返晨咁早, 準時返到去, 但係就無人...... 做個Lab又做得唔係幾順咁囉...... 唉...... 之後KT個Lab, 好少少, 起碼做到野~~ 個Lunch就去o左食車仔飯, 好耐未食過啦~~ 飽飽~~ 之後癲佬個tutorial, 講assignment, 聽都有o的明有o的唔明咁囉...... 放學, 同佢地去o左葵涌廣場度, 佢地抽o個個軍曹發聲野, 點知...... 佢地抽o左四個dororo出黎囉...... 唉...... 原來有機(只係有機)可以問個姐姐換另一隻, 但係一開口就俾呀輝佢一句話我有病...... 最後就緊係無得換啦......
之後去打機, 終於都過到C1 in Lv8啦, 仲要一次就過到呀, 咁就緊係要玩埋另外o個兩個未玩o既Lv一次過升兩個level啦~~ A5, 仲要玩多次廿八人斬添~~ 一次就過到, 但係就只係得B......
夜晚, 都係掛住整個網頁, 但係就唔知有乜野整咁囉......
星期六, 返工, 一返到去就去o左print相, 不過都唔係太清咁囉, 算啦, 又唔駛錢o既~~ 今日老細都唔知做乜, 好似無食藥咁, 係咁嚮度話人, 頂...... 我不嬲都係坐嚮度借還書架啦, 但係佢又嚮我背後話我坐嚮度, 無野做咁囉, 頂...... (之後呀輝佢都話老細佢無食藥) 之後就好無耐無坐嚮度撕膠紙, 唉...... 攪到我都差o的變膠...... 坐o左嚮度就好自然有乜野證都係我做, 發覺好似好耐都未做過證, 仲差o的有o的生疏...... 公司個同事又無帶到隻林海峰俾我, 有無攪錯...... 放工, 去o左打機, 有人挑機喎, 最後落o左場, 不過就輸, 對戰技術都係好差...... 夜晚, 都係掛住做義工咁囉......
星期日, 返工, 朝早返到去, 掛住做自己野, 無發覺到原來出面o的機係未開架...... 仲有兩分鐘就開門, 我用一個我平生最快o既速度去開機, 無俾人識穿, 有驚無險~ 之後又係o個條友黎Scan&print野囉, 小, 正粉腸, 下晝呀華返到黎, 話o的AV機已經整好, 可以試~~ 爽呀~~ 睇真o的, 原來佢全部都係用Samsung o既LCDTV, 係TV, 唔係Mon, 乜圖書館咁有錢o既...... 仲有就係星期五有人留低o左o的餅同一支野飲, 我就好似好好人咁話俾個同事飲, 睇下佢返工o個時見唔見到張紙後面寫話係讀者留低o既先~~ 放工, 去o左打機, 見到有兩個N Class, 又無人挑佢地, 算啦, 唔挑lu, 做人唔可以咁衰架~~ 最後玩o左局廿八人斬, 點解Game&Fun好似咁難咁多o既...... 大撞o左兩次, 只係過得十幾人斬...... 夜晚, 做KT 份野~ 發覺個Windows又有o的問題, 究竟係個Windows有事定係個HardDisk有事呢??
星期一, 咁就寫o左一個多個一週o既一週記~ 今日要返工, 返薄扶林, 返到去, 未開閘? 打翻去問, 佢就話係得一個門口, 下?! 之後道閘就好順咁打開=.=" 芝麻開門咩...... 吹漲...... 個Lunch去o左食大家樂, 貴...... 放工去o左探呀姨表弟~ 買o左半打蛋撻去...... 食埋飯先走~~ 食到飽飽~~ 之後就都係去o左打機~~ 玩箱根同story mode 第七關都過到喎~~ 夜晚, 咪就係終於都打埋呢篇打o左三日同記多個一個禮拜o既週記囉~~