無去到遊行

星期日, 要返工, 帶o左本睇得一半o既哈利波特俾翻個同事, 我都想睇哂, 但係無奈好多test, 無咁多時間睇......
返到去, 見到一個頂假o既舊同事, 佢之前o個日都已經單聲俾我知佢會返, 仲想同我調做counter添, 我同佢一人一半時間有乜所謂丫, 問題係老細唔知點丫嘛, 成鬼日嘈, 另一個老細返就唔同o者, 下次啦, 下次有機會先啦~~
放工, 預著今日遊行, 搭o左另一架車車, 海旁度落, 沿途行翻入去o既途中, 見到好多人, o的車又Gem死哂, 而我本來都好想去行, 但係無奈要返工, 唔去得...... 算, 去打機~~
去玩全走, 一開始就用720HP, 嘩, 勁, 今次快o左o的, 12"48, 但係之後o個局, 用740HP就撞到九彩咁, 差唔多成13分先得, 唔係下化, 都係要操多o的高HP先得~~
夜晚, 得翻我同呀媽兩個, 其他人去o左飲, 專登禁多一舊水出黎請呀媽食飯, 去o左食上海野, 天橋底o個問三六九飯店, 食o左個客飯, 上海粗炒加多碟窩貼, 但係點解要茶錢o既?! 好彩一舊水都有找~~
之後返屋企, 又係打下機, 溫下書咁囉~~