十一月廿八至十二月初五

咁就過o左個聖誕喇~~ 遲來的聖誕快樂呀~~
星期五, 今日係聖誕o既拳擊日,Boxing Day~~ 當然又係要返工啦, 返到去, 成朝個電話都無嚮到, 而我就掛住MSN~~ Yeah~~ 但係我大佬就訓到有鼻鼾聲, XDDDDDDD 之後佢都教o左我好多野~~ 唔錯唔錯, 學到唔少野~~
星期六, 今日終於都有假放喇~~ 訓到十二點都未起身, 但係就已經俾李旭熙佢嘈醒o左... 皆因我地約o左下晝去BB蕉, 佢叫我早o的入去喎~~ 咁唯有早少少起身, 食個飯就出發~~ 入屯門BB蕉~~ 無錯, 走到入(對我黎講係)老遠o既屯門度燒~~ 同Jolie同企鵝一齊早少少入去買定海鮮, 錫紙同o的野飲準備偷運入去~~ 之後就上o左去呀熙佢屋企度洗野, 我就去o左接佢地~~ 好快咁就到o左~~ 任食BB蕉~~ 爐都唔駛自己透呀~~ 爽呀~~ 野食都ok, 有丸, 扒, 番薯, 粟米, 魷魚, 仲有唔少~~ total大約有十八樣野度啦~~ 加埋我地o的海鮮, 唔錯唔錯~~ 包一支水同一樣野飲, 都ok丫~~ 仲買o左支啤酒飲下添~~ 呀熙佢好勁, 加炭o既時候用口黎吹著個火, 呀, 勁呀~~ 由於第二日都要返工o既關係, 十一點半就走o左~~ 但係東涌線o既關係, 等o左好耐車... 成點先返到屋企囉...... 無野講... 但係今日就真係幾好, 難得可以同班同學佢吹一吹水, 聚一聚~~
星期日, 今日要返埋圖書館o既最後一日, 交低埋o的野就平平穩穩咁過埋呢一日~~ 咁就完成o左我四年o既圖書館生涯, 估唔到走得咁匆忙, 唔多唔少都有o的感觸o既~~ 放工之後就同小敏同嘉茵去食飯~~ 估唔到o個間野有得買二送一喎, 係咪想吸引o的拍拖o既人帶埋個電燈膽去呢?? 不過而家咁仲好, 我地三個人去, 除多份, 抵幾多呀~~
星期一, 今日又要返工啦... 唔少野做囉, 係咪星期一特別多野做架呢??
星期二, 今日一返到去, 咦, 點解我呀頭佢咁早返o既?! 原來尋晚爆o左個鑊出黎, 呀頭佢尋日成日都無走過喎... 最後到下晝點幾先攪得翻掂...真陰公... 我呢o的做細o既, 可以做o既就係幫佢擋住o的人, 等佢專心救火~~
星期三, 今日係除夕, o的office staff可以早放... 天呀, 點解佢地個個節日都可以早放架...... 要怪只要怪自己讀得書少啦...