開工大吉 十一月廿二至廿三

話咁快就過o左個考試, 而我嚮考完試之後o既翌日, 即係星期五, 咁就去o左返工, 返我人生第二份o既Full Time Job~ (第一份係中五o既時候o個三個月o既暑期工)
由於係要嚮八點半o既時候入到去機場o既關係, 我晨咁早就起o左身, 六點呀... 六點就起o左身啦... 果然係勁唔慣... 個人完全係好似行屍走肉咁食個早餐就返工lu~ 基於o的車真係好衰格o既關係, 好早咁就返到去, 見到o的人全部都係著Tee 加牛仔褲o既?! 明明個HR姐姐同我講話係smart casual架喎?! 聽落先知原來係逢星期五佢地都係便服日, 可以著便服返去... 仲攪到我執得咁正...... 返到去用o左一個都唔短o既時間黎填乜填物, 講下份約呀咁... 之後就上原本係一班人, 而家係單對單o既introduction course... 上到我訓覺咁滯... 但係奈何係單對單, 唔訓得囉...... 到o左食飯時間, 成班人都出o左去東涌度食, 飲茶... 第一日就飲茶, 我份糧呀...... 呼~~ 飄走o左lu... 哭... 下晝就上埋o個半堂之後就去o左行公司一轉, o的地方多到我都唔知邊度打邊度... 好快咁就過o左一日~~ 放工o既時候已經攰到一上車就訓著o左...
星期六, 今日返工, 亦都學到唔小野(被小o個個小)... 今日放工o既時候已經開始無咁攰, 應該係尋晚早訓掛~~