十月廿七至十一月初五

話咁快就成個幾禮拜未打過日記啦, 自從上篇學車考試之後, 整個人就灰到而家, 而家都keep住係咁灰架, 但係無奈要打下日記, 唔係又會唔記得哂o的野先上黎打翻呢個多禮拜做過o的乜啦...
上星期一, 今日上晝考完車, 之後旁晚就去o左IVE o既畢業典禮, 今年係嚮會展Hall 3度攪喎, 但係... 都係紅館好o的... 大就好似幾大, 但係坐位就... 同埋o的攝影就... 唔太得... 之後影o左陣相就去o左旺角, 第二個function, 晶晶o既生日party~ 旺中Neway~ 本來訂房訂十三人, 但係最尾有十七日出席, 勁過呀Joe呀~ 食buffet, 正呀~ 好多野食喎, 又有壽司又有pizza(雖然o的pizza唔好食...) 又有得打邊爐喎~ 由十三人房轉o左去十七人房, 大幾多呀~~ 壽司, 就緊係要黎玩呢個辣辣壽司架啦~~ 大話骰~~ 唔... o的辣辣壽司都真係幾... 辣... 食o左兩件... 之後就有呢個開香檳切蛋糕o既環節啦~ 香檳, 緊係要黎噴架啦, 但係我係被噴o個個囉... 攪到件衫同條褲都濕o左... 至於蛋糕, 就緊係要黎用塊面黎食架啦~~ 不過今次主角唔係我, 而係呀Joe~~ 晶晶生日快樂~~
星期二, 今日當然要返學啦, 但係由於尋晚玩到咁夜o既關係, 唔少人都返唔到...
星期三, 今日整日都係Barn, Barn到眼訓...
星期四, 今日亦都係要返學, 同埋唔記得做過o的乜了...
星期五, 今日off呢, 成日都嚮屋企度準備IELTS, 事關聽日就考架啦...
星期六, 今日考IELTS, 晨早就起身, 八點報到, 好準時咁八到去到, 但係點知係八點開始報到, 九點先係正式開始考囉, 嚮個試場度呆坐o左大半個鐘... 早知遲o的先入去... 一開始就考listening, IELTS好pro架, 佢係用無線headphone黎考架, 而且我地係連筆都唔駛帶入去架, 佢連筆都俾埋你架, 仲送埋擦膠添~ 但係連續考三個鐘, 你都咪話... 佢最尾收卷o既時候又用o左大半個鐘囉, 數完又數, 數完又數... 最後朝早八點考到差唔多下晝一點, 三個鐘變o左五個鐘... 同埋個speaking係第二日先考添...
星期日, 今日考IELTS o既speaking, 十一點半考, 吹水野o者, 但係... o個個都唔知係咩examiner黎的, 一輪咀咁講... 聽到我O咀... 好快咁就考完, 由出門口至到返屋企都只係一個鐘o既時間就攪掂... 下晝, 去o左幫屋企人搬野... 好難得可以有假放, 幫下手都唔係問題o既~~
星期一, 今日亦都係放假, 嚮屋企度Hea~~
星期二, 今日要返學, 學校有mega sale喎, 但係... 除o左野食係可以吸引到我之外, 其他都... 都唔係平, 同出面一樣之嘛~ 無乜特別~